Tommy the Great 湯美那一個很大的

生命

2011-11-16T22:35:00.001+08:00

老生常談，就是用來被人遺忘，被人胡扯，然後某一天，某一刻，命運叫你突然深深的體會到它，然後，也許要你深深的悔不當初。

誰不曾戲說過身後事？嬉鬧過後，誰記得認真地活？

有時會想，這事情發生到我身上的話，該怎麼做？我會堅強嗎？我會冷靜嗎？我會懂得放低嗎？

唔…以我的EQ來說，應該不懂。哈。

所以朋友呀，這一刻的妳，比誰都堅強。

— at 白普理寧養中心.

又翻開舊照片

2011-11-10T03:38:00.001+08:00

看見你們

看見紅酒節

看見狗公園

看見萬聖節

看見所有的

都叫我無法呼吸

一年了

我還在痛

對不起

時間會沖淡一切

2011-10-31T12:26:00.001+08:00

我其實明白

再多的悲傷與自責﹐都要隨時間過去而沖淡

但我要的恰恰不是這樣

我要的﹐是永遠都記憶猶新。我要的﹐是永遠都忘不了。

這樣﹐我才可以痛著地活下去。

Courage, and Comfort Zone

2011-10-07T01:13:00.003+08:00

I am in desperate need of courage to leave my comfort zone.

I want to leave the environment that I am familiar with.

I want to leave the person that loves me most.

I want to leave the Facebook that I am so hooked on.

I want to leave the city that only feeds on human greed and lame entertainment.

I want to leave the comfortable job that I have.

I want to leave the house that my parents so lovely created for me.

I want to leave the life that is so easy for me.

I have dreamed a long time for all these. I have ALWAYS dreamed of having all these. Now I have all of them. I felt empty.

I want to leave. And then, I will miss them again. And then, I will die for a chance to re-live this life again.

WHAT THE HELL IS WRONG WITH ME

中秋節...快樂

2011-09-13T04:27:00.000+08:00

願月亮可以

讓

你忘記撕心裂肺的痛

祝

你活得

比任何人都好

你們的幸福

2011-09-02T00:41:00.000+08:00

歌名：你們的幸福
歌手：謝安琪
作曲： Christopher Chak
填詞：林夕
編曲：陳珀
監製： Alvin Leong

等不到想等愛侶便已擁抱到熟睡
經不起錯對但已找到樂趣
抽不出一刻空虛已經得到你所需
成了好一對忙著去策劃更好的以後
想不起想鬥嘴

人間多少瘡疤見報若太深奧懶得知道
斑點狗太瘦是與他僅有的煩惱
醒於不安的清早你竟然從沒遇到
你沒有心思控訴從未曾怕累怕趕只畏懼枯燥

你失去耐性失落飲飽吃醉是容易極的快樂
牽手看偶像連續劇哭哭笑笑
輕輕鬆鬆將恩怨情慾變娛樂
愛思索便會福薄砂吹進眼內從來未覺便不必發覺
吹熄了那火花煙花會圍住了這恩愛王國

你還會有甚麼感想需要痛哭還欠缺甚麼東西不夠滿足
填密每天的一秒還自覺有幸繁忙是一種祝福真有福
不能停下甚麼都不敢去結束
從不曾沉悶大家已能找到最好歸宿
如果有妄想堅決不懂美滿得不接受心痛

你失去耐性失落飲飽吃醉是容易極的快樂
牽手看偶像連續劇哭哭笑笑
輕輕鬆鬆將恩怨情慾變娛樂
愛思索便會福薄砂吹進眼內從來未覺便不必發覺
吹熄了那火花煙花會圍住了這恩愛硬殼

你還會有甚麼感想需要痛哭還欠缺甚麼東西不夠滿足
填密每天的一秒還自覺有幸繁忙是一種祝福真有福
不能停下甚麼都不敢去結束
從不曾沉悶大家已能找到最好歸宿
如果有妄想堅決不懂美滿得不接受心痛

你還會有甚麼感想需要痛哭還欠缺甚麼東西不夠滿足
填密這一生一秒還自覺有幸繁忙是一種祝福抵抗孤獨
不能停下甚麼都不敢去結束
從不曾沉悶日子變成節目延續節目
漸漸馴服得不記得哭
美滿得不接受心痛
你也許比我易滿足
你也許比我幸福
幸福地麻木

==========================================

吹熄了那火花煙花會圍住了這恩愛王國

如果

我(們)一年前就聽到這句

事件會否改寫？

Empty

2011-09-01T02:51:00.002+08:00

I'm feeling very empty.

I have everything I ever wanted already. What is the problem.

The feeling of emptiness of growing bigger and bigger.

I know what you used to meant now already. I'm sorry I know it so late now. I'm sorry that you are away already.

Now I understand what you felt during that time.

I can foresee the future according to the history now.

Please tell me that it's not going to happen. Please.

天又亮了

2011-07-24T08:10:00.001+08:00

天又亮了。

你睡了嗎？我記得，你很不愛睡，又很愛睡。

酒到心深處，看見你。

其實...你真係要食咁多(肉)咩？(English)

2011-07-13T04:57:00.002+08:00

唔知大家知唔知道，其實食肉係一件好唔環保的事。

但由於本少爺實在係懶到出汁的關係，請各位睇下以下的報導節錄。係我足足禁左 CTRL+C 同 CTRL+V 四粒掣好辛苦咁拿來俾大家睇架(仲唔謝主隆恩?!)

National Geographic Special Report - The End of Plenty

...For as tasty as that sweet-and-sour pork may be, eating meat is an incredibly inefficient way to feed oneself. It takes up to five times more grain to get the equivalent amount of calories from eating pork as from simply eating grain itself—ten times if we're talking about grain-fattened U.S. beef...

...Even China, the second largest corn-growing nation on the planet, can't grow enough grain to feed all its pigs. Most of the shortfall is made up with imported soybeans from the U.S. or Brazil, one of the few countries with the potential to expand its cropland—often by plowing up rain forest. Increasing demand for food, feed, and biofuels has been a major driver of deforestation in the tropics...

(listen, folks, LISTEN! We're talking about clearing the lungs of the Earth to feed us pathetic gluttons! No, it's Tommy's own opinion, not the NG's. They don't think we're pathetic gluttons, I'm pretty sure...or do they?)

下次當你食剩大半碟飯的時候

下次當你食咗超勁多豬牛羊雞鴨鵝的時候

請你想起...唔係想起我啦DLLM

想起呢個世界﹐每五秒就有一個人活活餓死

你食乜野，你有得揀

佢監生餓死，佢無得揀

我最近

2011-06-25T06:34:00.000+08:00

我最近過得很好。只是有點受不了心中的壓力。

總想到如果我不在人世的話﹐所有因我而起的問題﹐所有因我而有的麻煩﹐都會消失。

我好想放下一切離開。

I'm tired

2011-06-24T05:53:00.001+08:00

說真的。我很閒﹐亦很累。

我很想一切都停下來讓我思考。

但事實是不會的。

對不起﹐對不起所有真心為我好﹐真心愛過我的人。

「我信感情要等時間川流磨滅不到　方算精彩」

林一峰 / 時間．川流

2011-05-12T03:25:00.000+08:00

午夜闌珊處

2011-05-12T03:21:00.001+08:00

工作至夜半三點﹐都怪自己日間花了太多時間做不必要的事情

有點累﹐毫不著意的開著 iTunes 任它亂播。播著播著﹐林一的聲音出來了。是仿古收音機／留聲機的音樂。聽著那鋼琴聲﹐思緒不禁隨著而飛。想起了一個人...

打開 iTunes 看看﹐原來是他上次跟黃馨在藝術節的音樂會的大碟﹐叫花訣。唔﹐很好聽的名字。我聽到的那一首﹐叫做「時間‧川流」。我重播又重播﹐重播又重播。然後放下手上的工作﹐靜靜坐著﹐聽著一峰的歌﹐望著 iPhone 的照片﹐想起往事。

看CD的「牌面」應該是五部曲。先來「煙、花雪」，然後「時間‧ 川流」﹐接著是「晚舟‧ 初雪」、「晨霧‧ 朝露」﹐最後是「年‧ 月」。

是的﹐這可以是「多愁善感」﹐亦可以是「傷春悲秋」的。是的﹐這可以是浪漫的一人獨舞﹐亦可以是不事生產的沉溺。

但這夜半三點的一刻﹐我一人一燈一電腦﹐不想聽任何人的說三道四。

《29+1》七次方

2011-04-26T05:53:00.002+08:00

其實我唔係第一次睇舞台劇。我睇舞台劇的次數，比起真正的劇場 fans 少很多，但比起很多身邊的朋友，都要多。

從前有一種感覺，覺得舞台劇「咪又係一咋人係度做場戲，咪即係好似電影咁一咋人做場戲出來」，然後就好似好 logical 咁諗「電影七八十蚊一張飛，又有電腦特效又有讓子彈飛 ; 舞台劇坐底百幾蚊張飛仲要坐山頂見到啲人細細粒，俾到成三百蚊先會有好位坐但三百蚊喎，咪又係做戲！」

但參與過舞台劇有關的工作之後，見識過整個舞台劇從無到有，從一班人圍坐一起還未有概念到終於要「有你無理一定要演好佢」的開演的過程之後，感受變得非常不同。見過好的舞台劇，差的舞台劇之後，對比感受更強烈。

因為工作的關係，翻看過一大堆有關《29+1》的劇評。讀過大家對《29+1》的讚賞之後，對《29+1》很有期待，但同時亦有一點兒畏縮。畏縮甚麼呢？還是一句老掉牙的「我害怕期望越大，失望越大」，有時候我知道自己的脾性，看電影看電視劇看舞台劇看演唱會看甚麼都好，都要「留一手」。但始終嘛，那一道概念「能重演七次，而且還能越做越大，而且還能有那麼多觀眾支持，總有原因的」也是自己想出來的，怎會不高期望呢？同一套劇，能從小小的劇場做到「也算是舞台劇界的『紅館』」APA 歌劇院，有一種肯定已經賦予在內。怎會不期望呢？是很難抑壓的期望。

終於，今天能夠入場看了，雖然只能在 late-comer point 入場。

觀後感：我的門票價值$330，但我願意付$660去看一次。

我很喜歡Kearen飾演林若君的時候所做的 presentation. 那一瓶甚麼甚麼 Moisture Liposome Primordiale Titanium Cream 吧，我要一瓶(嘿嘿)！至於她論述女人踏入三十歲後的自身和社交會變成怎樣怎樣的時候﹐感受不深但心中明白﹐或許是我身邊的女性朋友頗多的關係吧。

我想說說的是，我最傷感的地方，並不是大家都忍不住抽泣的「林若君跟爸爸對話」的那一幕，噢，那一幕，「嗶」一聲長響的時候，雖然我已經知道劇情了，但心中還是緊了一下，呼吸還是停了一...而是 Fiona Apple 唱著 Across the Universe, 林若君一邊抹檯，一邊一臉期待，一臉幸福的跟自己的男朋友，輕輕的訴說著自己的毅然辭職的事兒，然後柔柔的跟他說想他多留一會的時候，還有那些對以後二人生活的憧憬的時候，男友跟她貌合神離的對答。

可能是大家還在陶醉黃天樂的愉快心情吧，男友每一句毫不專注的對答，都換來觀眾的輕輕歡笑，笑他們好像在對話，但其實自說自話。但那一刻，我的心，非常難受。我想起自己的經歷，我想起曾經有一段感情，也是天南地北無所不談，但後來呢？唔...

到後來只剩下林若君一個在舞台上孤獨地對著空氣說「好呀...好呀...」的時候，我已經忍不住了。

到最後一幕，看到後台巨型的佈景的時候，看見漫天飄雪的時候，我呆住了。那只是一個佈景而已，而且我已經聽說過會出現的了，但竟然能夠那麼打動到我的心窩。

比較驚喜的，是最後播放《29+1》大募集。那不再是林若君或黃天樂了，不再是劇中虛構的角色，而是活生生的例子了。又再一次被打中心窩。

唔，很「行貨」也要說一句：好好睇。

Kearen，祝你的《29+1》做到第十七次方都場場99.5%爆滿，場場 good show！

p.s. 由於小弟的工作與前台關係密切，如果是「超級癲喪勁」爆滿的話，前台真係會人都癲架。真架。信我啦，真係架。真架。

今天的天氣真的很好，陽光很燦爛

2011-04-24T08:44:00.001+08:00

今天早上的氣溫二十度，濕度五十，陽光燦爛。這種乾而涼的天氣我最愛。我記得你也喜愛的。從前的我們，也許已經正討論今天應不應該帶小王子行山。從前的我們，也許已經睡到下午，然後抱怨(正確點說是被我抱怨)今天又吃不到 Sunday Brunch Buffet。從前的我們，也許已經打算好今次假期要好好過然而最後卻是甚麼都沒有做到的過。從前的你，也許在聽我說，這一種天氣多麼像美、加，多麼的舒適，好想好想我們以後在一起，在那一邊生活。在那一邊的草，應該會更綠吧？從前的我和你，也許會幻想在那一邊很恩愛的繼續下去，我終於可以公然牽著你的手，吻著你額頭，在海邊的懸崖上看日落，不厭其煩地告訴你，我很愛你，我很愛你，我很愛你吧...或許你不知道，那是因為我心裡面的愛多得要滿瀉出來，不說出來給你聽的話，真的不行了吧...？

還是，那一個人只是我？只是我一個人在幻想中戀愛下去？

說到底，你心中的戀愛，從來都不是這樣...？

今天的天氣真的很好，陽光很燦爛，我很想獨個兒再走走我們昔日常走的那一條路。我好想再懷緬我們還在一起的時光。我好想感覺到你就在我身邊。但我知道，結果我只會令整座山都下著傾盆大雨，不可收拾。

無力感

2010-10-28T00:39:00.002+08:00

小時候﹐相信命運主宰一切。

長大了少許後﹐相信知識改變命運。

長大了少許後﹐相信心態改變命運。

長大了少許後﹐相信性格改變命運。

再長大了一點的時候﹐相信環境決定一切...

命運...只是一種事後孔明的助語詞

尊嚴, 原則, 堅持。

2010-09-06T18:55:00.001+08:00

有個香港朋友係外國生活左一排番番來﹐席間提到佢都挨得好辛苦但只係想活得有尊嚴。我呆一呆﹐話係香港地已經好耐無聽過有人講「尊嚴」呢樣野。為生活﹐尊嚴值幾多錢？堅持值幾多錢？唔值錢。

佢話﹐你唔係第一個﹐前幾日我同我另一班朋友講起﹐佢地直頭呆完之後 high 爆要大叫「飲杯！」添呀。

我想話﹐我之前雖然只係做書店﹐做一樣人人都以為好 hea 好舒服的工﹐但都真係試過有高層「開解」我的時候講：「做人有原則值幾多錢？堅持值幾多錢？唔值錢。」

我用左好大的氣力﹐都說服唔到自己「唔好信佢」。

我信﹐我信﹐係香港﹐原則﹐尊嚴﹐無謂的堅持﹐都係唔值錢的﹐都係無謂的。

我已經信。

改變想法﹐自然會改變態度

2010-03-18T02:42:00.002+08:00

眾多人生哲理之中﹐至今仍覺得最難做到的﹐是改變想法。

在書店工作近兩年﹐見過的人和事不算多但總不少於以前。有一句說領會多了﹐但還未能透徹的懂。

改變想法﹐自然會改變態度
改變態度﹐自然會改變習慣
改變習慣﹐自然會改變生活
改變生活﹐自然會改變命運

你﹐懂嗎？最重要的是﹐你做到嗎？

Michael Bublé - Haven't Met You Yet [OFFICIAL VIDEO]

2010-03-05T23:18:00.001+08:00

Ladies and Gentlemen, THE Michael Buble~!

時間可以

2010-03-03T05:10:00.004+08:00

媽媽跟婆婆的關係很好。一直以來我未能跟媽媽好好學會的﹐就是對自己母親的感情。

可想而知﹐大約十年前外婆去世的時候﹐媽是何等的悲傷。本來已經是一個比傷春悲秋更多愁善感的她﹐更加傷痛。

然後﹐傷痛依然﹐但生活依然。年月過去﹐每一天的生活有更多的瑣事接踵而來。

==============

前幾天談起親戚﹐談到有很多在外國的姨媽﹐上前見面時已經是為外婆奔喪的時候。

剛好那一刻﹐大家都靜了下來沒有話說。靜默的兩秒間﹐媽媽閃過一絲回憶的眼神。

輕呼一口氣﹐媽說：「時間﹐是會沖淡一切。」

我見到媽的眼神中仍有一點點沉重﹐但已沒有傷痛。

也許連她自己的料不到﹐這些年來﹐生活迫人得連回憶自己亡母的時間都沒有。忙得多了﹐就忘記了。曾經哭得肝腸寸斷﹐曾經為一段感情 / 親情的斷裂而心如刀割﹐在時間的洪流下﹐沖刷得幾乎不著痕跡。

往事如煙。

我料不到的是﹐我媽會說出這一句。我猜她回憶的一刻﹐也總有點愕然吧。

給自己的情書

2010-01-04T01:46:00.003+08:00

如題

我覺得你好煩呀﹐真係好煩呀

你到底為乜野唔開心呀

唔開心又唔講

一味黑住塊面唔出聲

一日淨係識得哭哭啼啼﹐吵吵鬧鬧﹐你煩唔煩d 呀

你以為你自己真係大帝呀

你以為全世界都得閒理你呀

醒下啦！你玩完架喇！我真係未見過人好似你咁失敗架！

去死啦﹐麻撚煩！

煙霞

2009-12-14T00:35:00.001+08:00

Craig David feat. Bonnie Pink - All The Way

2009-12-06T15:19:00.001+08:00

城門水塘

2009-11-30T00:55:00.001+08:00

Leona Lewis - Yesterday

2009-11-27T01:14:00.001+08:00

PolyU 晚晚都有 Danso 跳舞

咁多隻歌聽到聽到厭

唯獨係呢隻 (好明顯係 warm-up / stretching 的歌)

真係好好聽

仲好聽過咩 Bleeding Love

TimeLapse Typhoon "Nangka" over Hong Kong

2009-10-02T02:49:00.001+08:00

It really reminds you 1. how powerful Mother Nature is

2. how beautiful the HK night scene is

3. how rich this guy is...to live in a place with this view.

Career Check

2009-08-26T02:33:00.003+08:00

What career will suit your personality?

This description is a generalisation. If it rings true, you've found your career type. If it doesn't, return to the quiz, decide whether you answered truthfully, and not by what you think you should answer. Redo your answers and read your new results.

You would be very happy in a career that utilised your people skills. You want a career that allows you to stimulate your senses and your mind. Some careers that would be perfect for you are:

Actor
Recruitment Consultant
Politician

Discover what career suits your personality
Chat on the Life in the Workplace message board
Test your emotional intelligence
Marketing
Psychologist
Religious Minister
Teacher
Social Worker
Human Resources Manager
Sales
Lawyer
Advertising

You are a great leader. You genuinely enjoy being around other people. Your relationships with others are very important to you. You love talking and meeting new people. You are very enthusiastic about work and about all that you do and have in your life. You love being the focus of attention. You enjoy a fast pace. You are very socially oriented. Therefore, you are much happier being with others than you are alone. You crave interaction with others.

You are very spontaneous and often act before you think. You are always quick to answer when you are asked a question, even if you aren't sure of the answer. It is easier for you to improvise as you go along. You enjoy thinking out loud, and are most creative when brainstorming with friends or colleagues. You enjoy being involved in many activities.

You are very easy to read, and often wear your heart on your sleeve. You are never afraid to tell people what you think. You are very empathetic and genuine. You can sometimes be seen as over-emotional or too involved by others. But that is only because you tend to get so involved in the things you do that they become personal.

You want to be adored, loved and appreciated. You like to please others and to make sure people are happy.

You trust what is certain. You only like new ideas if they can be practically applied to the situation. You value what is real. You use your common sense. You like to utilise the skills you have instead of learning new ones. You are very specific and detailed when writing or talking to others. You follow directions well. You like things to be laid out for you to do instead of working them out for yourself. You like decisions to be made. You don't like leaving things in limbo. You like to know what you are getting into before you commit to something.

You like to focus on the here and now. You enjoy completing projects. It is important for you to achieve and succeed. Therefore, you believe in working hard and playing later. You like to set goals and work towards them.

==================================

1. The results are crap
2. the results are even crap-ier. It's just like...

"Do you like A. hamburger or B. salad."
"Do you like A. soda pop or B. tea"

and the description reads "You prefer salad. You like drink tea instead of soda if you have the choice. For most of the time, you think salad goes well with tea"

Dah!

Can you get dumb-er results than this?~!

Gosh...

Split into two halves

2009-08-19T23:33:00.002+08:00

I'm so so so so split into two extremes

I wanna do all the things in my job and never stop

and yet at the same time, once I stopped, I don't ever want to touch or not even think about anything related to work.

What's that word, "schzophrenia"?

I'm split.

因為專注‧所以專業

2009-08-15T00:58:00.004+08:00

「因為專注﹐所以專業」是一個廣告的 tagline. 最初聽見的時候覺得比較奇怪﹐似乎撰稿員只是想用「專甚麼」來做一個前呼後應的 tagline。

後來在這個書店的小位子做得久了﹐竟然就明白到這一個的道理所在。

同樣的十件工作﹐同樣的十個步驟。A 和 B 兩個工作單位﹐都是要求所有員工都懂得做 10 x 10 = 100 個步驟。在一個開門做生意的小店子來說﹐這也是無可厚非的。但要懂﹐不等於要天天都做。

A 的工作單位﹐五位員工﹐都被要求「輪流做所有工序」。於是﹐每天一定時間﹐就會有「內部換更」的事情發生。早上十時﹐各人做一件工作﹐每人都要做開首的五個步驟。到早上十一時﹐到了換更時間﹐另一個人就會接上﹐做餘下的五個步驟。原先的同事﹐就去做其他工作﹐或者接手另一位同事﹐做的另一件事﹐的第六個步驟。早上十二時﹐又再換﹐未做完的﹐交下一位做。

這一個工作程序﹐還有幾個極度非常十分之 UNREALISTIC 的前設：
1. 這店子是沒有顧客﹐沒有電話﹐沒有 E-mail, 總之不會有其他人和事打斷那十個步驟的。
2. 每個人都剛好做到第五個步驟就換更
3. 而且人人都速度效率一致
4. 換更的時候不須要花時間交代做到甚麼地步
5. 下一手可以立即上手
6. 下一手的人不會問你問題﹐而
7. 你亦不須要問上一手你剛剛 send 出了的 email 在那一個 folder?
8. 只有十個工作﹐每個工作只有十個步驟。而且﹐每個步驟所須時間相若
9. 不會亂插工作序進度

A 單位的好處是：它實現了「人人都懂得所有步驟」﹐所以﹐最令管理層頭痛的「所有事都只得某君知道﹐某君請假或更甚突然消失了﹐就沒有一個人可以接得上」。

管理層覺得用了 A 的方法﹐實在妙極。現在人人都知道和做過 100 步驟﹐而同每天都做﹐管理層不會再聽到有客人投訴「乜你地d 野淨係得阿邊個一個人識架咋咩！？」這一個挑起每條神經線的問題。

非常好。這一個問題不會再出現。因為根本不會有一個人知道任何事情的全面真相。

人人都係「識d 唔識d」﹐就不會有人「識晒」而又有人「唔識」。太好了﹐所有經理都安枕無憂。不是很完美的結局嗎？

-----

B 的工作單位﹐一樣的五位員工﹐一樣的 10 x 10 步驟﹐一樣的情況。

不同的是﹐每一個人只負責兩件工作﹐二十個步驟。他們受訓的時候﹐都聽過或做過其他人要做的八十個步驟。但學過了就不會再每天都「插手」。你懂了﹐但不必再每天都做﹐須要你的時候﹐你不會是白紙一張﹐可能會很生疏﹐但起碼懂得過。

好處是：其餘時間﹐每人專注於自己的二十個工序上面。有突發事故﹐都還可以有空間「吸納」更多步驟。不單效率大增﹐而且越做越專業。更會令員工容易有歸屬感﹐最基本﹐是回到店子裡面﹐你起碼知道有一個地方﹐是你的辦公地方。你起碼可以放一個杯子﹐放幾件文具﹐也不會被人說成「這是公眾地方﹐你放了自己的東西別人放哪？」這等令人毫不會有歸屬感的說話。

壞處是：管理層最怕得要死的惡夢：「乜你d 野得阿邊個知架咋咩？！」一旦有任何人提出這一問題﹐managers 都幾乎會用最高警戒級別去應對......

==========================================================

所以我的工作單位行的是「B 制」。我很喜歡﹐起碼我不會迷失﹐不會混亂﹐不會浪費時間 pick up 其他人剛做過的事﹐不會「所有都插手做反而所有都不懂」。

===========================================================

二百三十幾年前﹐有一位蘇格蘭人﹐到了一所做「大頭針」的廠房參觀。當時的「專業」技藝﹐主導的仍是每位工人「由頭到腳」包辦一切。這樣的工作效率下﹐蘇格蘭人發現這十數個工人每日的總和可以做最多數十個大頭針。

但若實行分工制﹐每位工人只專注幾個工序﹐得出來的結果﹐是同樣的工人﹐同樣多的工序﹐廠房能夠生產出來的大頭針﹐每日四千八百個。

We're talking about 四千八百個和數十個之別！

蘇格蘭人大開眼界﹐決定要把這件事和他的其他見解結集成書。洋洋數十萬字論文﹐作為開首的第一章﹐我相信他有更多深奧的理念可以放入第一章。但他沒有。書成﹐第一章第一節第一部份﹐寫的﹐就是「論分工」。

我不是他﹐不知他的腦在想甚麼。但這一個 prime chapter, 放的﹐應該是最擲地有聲的硬道理﹐最簡單﹐最有力的鐵一般事實。

這一本書﹐直至二百幾年後的今天﹐仍被視為經典中的經典﹐不朽中的不朽。所有略懂最基本經濟原理的人﹐無一不識無一不懂。

==========================================================

但事實呢？

Coldplay - Life In Technicolor ii (HD)

2009-08-09T12:59:00.001+08:00

從前有個文盲去書展...

2009-07-30T23:45:00.003+08:00

1. A Journey to the Centre of the Earth (Signet Classic Series) by Jules Verne
經典文學。
唔係心水﹐但見三十幾蚊﹐價錢好 ok, 買左先。

2. Born on a Blue day by Daniel Tammet
好似話講一個天才得來又有自閉症﹐而又知道自己係自閉症的人...唔知講乜﹐見平﹐掃左先

3. The Curious Incident of the Dog in the Night-time by Mark Haddon
好出名。被例入唔知邊個話「五十本死前必讀的書」之一。決定買的時候都未知佢講乜野﹐佢係自傳定小說定心靈都未知﹐睇一睇個 spine 寫住 "A Novel" 先知道原來 This is a novel... 哦....原來你係一本小說...明白晒

4. The Undercover Economist by Tim Harford
我諗應該係講 Econ .......... 卦。應該唔係講 cover operations 果種 undercover 卦....

5. 看懂食物標籤 by 鄺易行
好好好好好好看的一本書

6. My Sister's Keep by Jodi Picoult
拿拿拿我平時真係完全唔睇愛情 / 溫情小說架。但我大概知佢個內容講乜野先至買架咋...拿...

7. 1984 by George Orwell
終於﹐終於﹐終於！...都遇到一個我愛的 binding, 我接受的封面﹐我覺得 OK 的紙質﹐我睇落唔覺得想訓覺的字體﹐同埋睇落 line spacing 唔太疏 / 太密的 edition.

呢個 Signet Classics Series 係唔錯。

老實講好似 1984 呢d 咁經典(咁大路) 的野﹐大 L 把 editions 可以揀。難得遇到一個「順眼」的﹐價錢唔再係問題。

and by the way, 書展﹐貴得去邊。

8. Saving Israel: How the Jewish People Can Win a War that May Never End by Daniel Gordis
我諗係講以色列....卦 (謎之聲：湯美陳你真係為「廢話」作了一個具啟示性的新定義...)

9. Easter Fun w/ Peter Rabbit, illustrations by Beatrix Potter (小孩子活動學習書籍)

爆哩？！估唔到我咁的書都會買呢！十雞咋！抵到呀！買來送禮自用居家旅行殺人滅口的必備良藥都不為過呀﹐哼！

曹sir 國語堅過古天樂嘅"撚太撚"N倍

2009-07-14T23:34:00.001+08:00

超勁....超勁！

What if........Savage Garden

2009-07-04T00:53:00.002+08:00

如果...那是一個如果

如果...當初 Savage Garden 沒有拆夥...他們今日一定一定會紅透大半邊天

I knew I love them~

========================

I Knew I Loved You (Savage Garden)

Maybe it's intuition
But some things you just don't question
Like in your eyes I see my future in an instant
And there it goes I think I've found my best friend

I know that it might sound more than a little crazy
But I believe
I knew I loved you before I met you
I think I dreamed you into life
I knew I loved you before I met you
I have been waiting all my life

There's just no rhyme or reason
Only this sense of completion
And in your eyes I see the missing pieces
I'm searching forI think I've found my way home

I know that it might sound more than a little crazy
But I believe

I knew I loved you before I met you
I think I dreamed you into life
I knew I loved you before I met you
I have been waiting all my life

A thousand angels dance around you
I am complete now that I've found you
I knew I loved you before I met you
I think I dreamed you into life
I knew I loved you before I met you
I have been waiting all my life...

龔心風暴

2009-06-10T23:54:00.003+08:00

喂呢場爭產案真係超好睇

晚晚番到屋企睇新聞就好似睇緊連續劇一樣

日日都有新進展

次次上庭都有勁料爆

加埋對罵場面同掌摑場面的話﹐就同家好月圓無分別....

YEAH~

我也是一個迷惘的人....

2009-06-01T02:03:00.002+08:00

見到有朋友係 Facebook post 左呢一段文章出來。講得實在係太中﹐太應﹐太一針見血﹐所以忍唔住要將載過來....請各位年輕人﹐成熟人﹐老闆﹐經理﹐學生﹐都睇一睇....

轉載自《明報》2009年5月30日副刊
(http://ol.mingpao.com/cfm/style5.cfm?File=20090531/sta13/vzj1h.txt)

金融海嘯前，常聽見對青年打工仔充滿矛盾又苦口婆心的訓導﹕要腳踏實地，不要好高騖遠，

也要靈活多變、追求速富；要認真做事，同時要懂「走精面」。

金融海嘯發生後，仍然是同樣矛盾又苦口婆心的訓導，不過內容措辭稍為不同﹕

要求大學畢業生、青年接受4千元月薪或12元時薪，

又同時批評他們對工作不投入、對公司不盡忠；想他們身體健康、精神飽滿，卻又迫使他們每日加班、一身數職。

這些未有被金融海嘯捲走的對青年打工仔的工作倫理的要求，儘管矛盾，但在當代香港的具體脈絡下，

產生的實際效果，正如曾仲堅指出，往往是側重於靈活多變的淺薄潛能和能準時交差的生存之道，

而非追求質量、工藝的專注和認真；而儘管如此，我們的社會仍然存在不少像曾文所描述的想認真地做點事的青年。

追求什麼

在這樣的社會環境之下，如果我們仍然想青少年保留點腳踏實地、做事專注、緊守崗位等工作倫理，恐怕需要首先回答以下的問題﹕是什麼的社會制度和工作條件令我們的青少年難以腳踏實地、離棄認真做事、不再緊守崗位？目前的薪金安排是否有點那個？勞動過程是否過於急功近利？在金融海嘯、經濟衰退的環境下，是否應繼續過去強調個體、高揚競爭、勝者全取、兩極分化的英美模式？還是應追求合作、建立平等、共享工作、資源均分的北歐經驗？而如果還有點空餘的時間，不妨想想這些終極的問題﹕工作是為了什麼？什麼才是我們所追求的工作？

想認真工作卻剩低一肚氣

我的一位朋友，那年26歲，很長氣，有很多牢騷。

那是2006年，SARS好像已經遠去。提起海嘯，大家還只會聯想到南亞的災情。常看到街上有人群在銀行的股票報價電視前聚集，心底為股市喝彩。再加上來自內地的各項經濟援助。香港的形勢，一片大好。

我在茶餐廳，手上一面拿飲筒在亂攪凍檸賓，一面心不在焉地聽他訴苦，說自己想更加認真工作，把工作做得更好，卻一再失望。在自尋煩惱吧——他在一間中小型的物流公司工作，是老闆的左右手；剛剛加了人工，有14000元左右；只短短工作一年多的時間，已突然從物流主任，一躍而成物流部副總經理。在那間中小企公司中，他已是一人之下五十人之上。

那一刻我只是滿面堆歡地安慰﹕看開一點，世界原是如此，不要那麼執著。然後，神遊物外，卻開始胡亂的問東問西，以示自己還在聽覑。

靈活與認真的衝突

中小企主要以員工人數來界定。如果是製造業的話，企業在本地聘請少於100人，非製造業則少於50人。2004年，香港約有29萬間中小企，招請的員工達130萬，佔公務員以外的勞動人口約六成左右。

一些工商管理的研究常常指中小企的長處是靈活有彈性。聽覑聽覑，發現他身處的中小企的確很靈活。他的老闆，一個五十來歲的中年男人，手握公司大權，操縱辦公室的一切事宜。可以叫下屬忽然加薪升職，又或馬上創造職位、設立部門、更改方針、取消計劃。仔細想想，又確實很難找到比獨攬大權更靈活的管理方法。

自 70年代以來，靈活一向被喻為是香港的殺覑。好像是近十年開始，有利管理層調動資源，削減人手的靈活人事手段（如外判服務和短期合約），更大大提升香港這方面的優勢。有效率，適應力強，擅長執生。事實上，在資源上難以與大機構競爭的情下，中小企也的確往往只能以靈活快速地完成工作為優勢來繼續生存。

但靈活也許還有另一層意思。對打工仔來說，靈活指的是大家要快快搞掂工作，不會有時間鑽研和收拾細節，也要人盡快忘記過去，因為新的工作陸續有來。不過，沒有餘裕回顧，亦忘記了過去，就難以進步。

我的魂魄忽然歸位。歸根究柢，他的不快也許都源於認真地看待工作，把工作視為自我提升、不斷進步的過程。不過，對不應該認真的人或事認真，往往是悲劇的開始。他說，相信無論做任何行業，他都想做到最好。但認真，就會執著。執著，在當代的香港，就會麻煩。

技藝精神失落於新資本主義下

這好像與社會學家Richard Sennett說的故事很相似。Sennett分析技藝精神（craftsmanship）如何在重視靈活（flexibility）的新資本主義世界中失落。他說的是美國的故事。

自 80年代開始，資本主義進入新階段。舊式的資本主義強調大規模生產，每人在大型的公司架構中找到自己的位置，整個人生都花於在階梯上往上爬。雖然這樣的官僚架構可能既浪費資源又沒有效率，不過作為職員或工人，把自己的人生投放在工作上，可以安心地得到穩定的回報﹕有人工加，有退休金，也有晉升機會。可以養妻活兒，也看到下一代的生活確實有所改善。一切有規有矩，大家都能預測自己的將來大概會是怎樣。

新資本主義的特點在於要廢除舊有官僚架構的笨重，將政府和公司都向靈活的方向轉。人人身兼多職，靈活走位，簽短期合約，架構不時重組，裁員隨時發生。 Sennett說，其中一個影響打工仔的後果是，技藝精神難以在靈活的工作世界中發展。技藝精神的重點很簡單，在於認真﹕工作力求完美，每一個細節都仔細做好。他說，技藝精神重要，是因為在觀察到自己的技術在慢慢進步時，人會自豪於工作和手藝，也肯定個人的存在是有價值的。

但在靈活的工作環境，真的想認真做事？哪有時間？Sennett說，在矽谷，有一群電腦程式員聯合起來要求軟件公司讓他們有多一點時間作測試和改進，不要每次都把未完成的程式先推出市場，才再因應顧客的要求更新。當然，公司的立場是要搶先一步賺第一桶金。但如此卻傷害了程式員的自尊，也令他們力求完美的欲望長期得不到滿足。

這故事在香港好像一點也不新奇，因為我們好像從未如美國般經歷過舊式大規模生產的資本主義。不過值得借鏡的地方是，在不斷歌頌靈活彈性的同時，也許Sennett的角度可以讓我們看到靈活與認真有時會發生的衝突，和靈活如何令認真工作在中小企業的結構中成為難以被滿足的饑渴。

剛進公司時，朋友被委派協助一個為內地鎮政府進行基礎建設的可行性研究。最後，說是協助，卻原來只有他獨自負責。看到毫無物流知識的朋友戰戰惶惶，老闆說﹕ 「不用怕，有人會協助你的。」後來才知道，協助的人就是老闆自己。朋友每問老闆十次，老闆就會簡略地說幾句，然後冒出口頭禪﹕「好易架鎹，你搞得掂架啦。」最後，他把老闆的指示誇大增長，交出四萬多字。

他說，他以為人從每件事中都可以學習和進步。譬如寫可行性報告，老闆應該指出什麼地方是重點，也應該多給一點意見，說說如何將它改得更有說服力，又或以科學的方法來研究。但一切卻只有馬虎。回報率是老闆自己拿覑計算機，根據經驗按出一個數字，再聲稱計劃的回報會高於市場上的平均水平，所以大家應該合作。他很快已學懂了老闆的這些招數。

朋友向我描述工作範圍時，常常說得不清不楚，因為他總是在處理老闆突然交來，洶湧而至的不同任務。老闆每每到最後一刻才會將工作交給他。初時還有一、兩天時間，但後來往往只有半日。

我認真起來﹕想學到的又是什麼

他說，初時想在公司多花些時間學習，但漸漸發現每天都只是在做做做。每件事都很即興，每件事都趕覑做，而這些都是交給內地鎮政府的可行性報告或合作伙伴的計劃書。而且，完成後，它們都不會再被提起，如石沉大海。譬如當剛完成那個可行性研究時，他很自豪，因為過程艱難，又沒有什麼支援，所以很有成功感，加上那是總值20多萬的生意。但老闆卻沒有表示，像刻意視若無睹一般。自此之後，他發現老闆原來不會對他的工作有任何回應。未完成時就會鼓勵，當處理完畢後就隻字不提。

他慢慢適應過來。他對我說，有時會不想把工作做完，因為知道會像粉筆字一樣被抹去，好像從來未發生。而舊的剛做好，新的任務又會排覑隊來催逼。所以每次完事，他反而面臨一次低潮。

沒有回顧沒有檢討，因為只要趕得上死線，馬馬虎虎也收貨，亦已很足夠生存。但他不知道如何可以再做好一點。作為員工，想要爭取多一點時間來反思和改進，在老闆的角度看來，可能就很奢侈。

片面知識

我再問一次﹕你真正想學到的是什麼？

他說，是每件微小的事。如果有培訓，那當然最好。就算邊做邊學，至少也是一步一步，而不是叫人忽然去處理一些新手根本應付不了的任務。他工作了一段時間後，對公司和行業的認識多了一點，但那基礎並不完整穩固。對物流、一些複雜政策，以至內地海關，也所知甚少。當中朋友投訴得最多的，是對公司欠缺完整的了解。

老闆不會讓他有機會接觸公司的不同部分，也不會指派人來指導。所有事都要獨力摸索，可是剛剛進公司的新職員也沒有權力去問長問短。而且他後來發現，原來公司中所有人都和他一樣，人人只埋首自己的工作，並不知道身旁的同事在做什麼。

朋友對公司的過往幾乎一無所知，也對公司原有的業務毫不了解。通常老闆只會帶他去見新顧客，叫他負責公司的新業務。不過，當工作時，客人問起一些公司運作上的細節，他卻不太清楚，很尷尬。他說，自己最大的問題在於不知道公司原來的部分到底是怎樣。

難以長遠計劃的工作環境

朋友又說，在工作中，既沒有滿足感，也沒有安全感。所有事都忽然發生，根本沒有可能預測下一步的發展。有時早上剛一回到公司，就被派上大陸。不過他也習慣過來，明白工作來得突然之餘，原訂的計劃也會忽然三百六十度轉向。員工要追覑適應，和打定主意不為將來作計劃。

有次老闆向他說了一番鴻圖大計，說打算委派朋友完全負責內地事務，做在大陸的全權代理人。還認真的望覑他問﹕「你掂唔掂？」朋友半信半疑﹕「掂，不過慢慢來啦。」

朋友的職稱改變，從主任變成了副總經理，開始往返內地，與內地的同事打好關係。一個月後，漸漸躊躇滿志，他想，或許終於可以大展拳腳。那天老闆忽然又對他說，交通費太貴，不如少上一點內地吧。

老闆的說話打沉了他﹕所有計劃都注定白費氣力。加上那天要趕覑在放工時間前做起才剛剛交到他手上的計劃書。朋友心想，那麼急，神仙也做不來吧。老闆留意到他的黑口黑面，召見他。朋友說想聊聊將來的發展，希望知道得清楚一點，因為正值人生剛發展事業的時候，想多學多了解。老闆默默的聽後說﹕「我加你人工吧？」

翌日，加了2000元。朋友滿心歡喜一段短時間，但漸漸又開始脾氣暴躁。也許不應該再留在一個無法令自己進步的環境了。他覺得青春被廉價地買去，每天總是停滯不前。沒有自己在往前走，在進步的感覺，好像什麼地方也到不了。最後他辭職。

工作不只是為了生活和賺錢

我想，他的老闆也許難以理解，為什麼升職加薪都解決不了朋友的情緒問題。我完全無意指責香港所有中小企也是如此運作，亦不是說所有人都像我的朋友一樣那麼執著。但靈活可能有膚淺苟且的一面，青年也有熱心求進步、發展事業的一類。

常常看見有報道指，現在的老闆都哀嘆難以找到熱心認真的好青年，常常工作了一段短時間後就辭工。每次聽到我都會感到反諷的喜悅。社會上一方面要求年輕人認真工作，同時又要求他們靈活變通。但大家有時也許忽略了，「認真」需要花時間來推敲鑽研，「靈活」要求人在短時間內完成多項任務，兩者並不一定能夠同時進行。當青年在一個工作環境中只學到馬虎的方法和片面的知識，無法把經驗積累，也難以有長遠計劃時，趁覑還有青春，決心不再浪費時間也許亦是正常反應。

許寶強的〈金融海嘯沒有捲走的又是什麼？〉說，孕育右翼文化和政治的土壤，在當前經濟危機下未被動搖。在海嘯中，未被捲走的也有香港的靈活工作文化，而員工對追求進步的欲望或許仍然無法被滿足。當然，大家會說，能保住飯碗已是萬幸；老闆會說，我請你回來是為了賺錢，而不是學習。但對不少年輕人來說，工作不只是為了生活和賺錢，也是展望和計劃將來的途徑。在人工少，工時長，工作又不穩定的同時，再加上好像自己從未進步，只在原地踏步的迷惘，年輕人的困擾只會愈來愈益深重。

參考閱讀

1.Sennett,R. (1998). The Corrosion of Character: The Personal Consequences of Work in the New Capitalism. New York: Norton.

2.Sennett, R. (2006). The Culture of the New Capitalism. The Castle Lectures in Ethics, Politics, and Economics. New Haven: Yale University Press.

文曾仲堅

策劃許寶強

編輯蔡曉彤

Testing Subject

2009-05-25T10:50:00.001+08:00

Testing Content

The answer is D. It is written

2009-03-14T13:32:00.001+08:00

I didn't pay attention to the title until I've heard that it won numerous Oscar awards. Then I started reading the book and simply couldn't put it down. The last time that happened was when I was flipping through "The Kite Runner".

But the movie turned out to be so different from the novel itself. At the very least I couldn't imagine the name of the protagonist isn't the same anymore. Without the feature from his name "Ram Mohammad Thomas", there could be at least 2 to 3 chapters from the book either being rewritten or totally stripped away because it links so closely to his name. Jamal is good, though, but less lively.

I mean, both of them are excellent in their field. Now I guess I know why Danny Boyle was given the award.

No, the answer to that is not D.

禮儀師之奏鳴曲

2009-02-26T01:35:00.001+08:00

我。要。睇。

入戲院果隻啦當然.

Craig David - Greatest Hits

2009-02-12T00:40:00.003+08:00

Craig David 舊年年底出左隻 Greatest Hits

睇番 Wikipedia, 竟然係 selling poorly

唔係呀嘩

好聽到爆喎呢隻碟

我依家聽足一個月都仲日日聽緊

尤其係 All the way 同埋 Insomnia

一隻番工聽一隻放工聽

正！

點可能會 sells poorly 架真係...佢都唔係冷門歌手又唔係第一日出道﹐唱的又係好大路的 pop songs

R 爆頭都唔明

Jason Mraz - I'm Yours

2009-01-18T01:20:00.003+08:00

Jason Mraz

I'm Yours

Well you done done me and you bet I felt it
I tried to be chill but you're so hot that I melted
I fell right through the cracks
and now I'm trying to get back
Before the cool done run out
I'll be giving it my bestest
Nothing's going to stop me but divine intervention
I reckon it's again my turn to win some or learn some

I won't hesitate no more, no more
It cannot wait, I'm yours

Well open up your mind and see like me
Open up your plans and damn you're free
Look into your heart and you'll find love love love love
Listen to the music of the moment people dance and sing
We're just one big family
And It's our God-forsaken right to be loved love loved love loved

So I won't hesitate no more, no more
It cannot wait I'm sure
There's no need to complicate
Our time is short
This is our fate, I'm yours

Scooch closer dear
and i will nibble your ear

I've been spending way too long checking my tongue in the mirror
And bending over backwards just to try to see it clearer
My breath fogged up the glass
And so I drew a new face and laughed
I guess what i be saying is there ain't no better reason
To rid yourself of vanity and just go with the seasons
It's what we aim to do
Our name is our virtue

I won't hesitate no more, no more
It cannot wait I'm sure
There's no need to complicate
Our time is short
this is our fate, I'm yours

Well no no, well open up your mind and see like me
Open up your plans and damn you're free
Look into your heart and you'll find the sky is yours
Listen to the music of the moment come and dance with me
A lá one big family (2nd time: A lá happy family; 3rd time: A lá
eaceful melody)
It's your God-forsaken right to be loved love love love

I won't hesitate no more, no more
It cannot wait, I'm sure
There's no need to complicate
Our time is short
This is our fate, I'm yours

No please, don't complicate
Our time is short
This is our fate, I'm yours

No please, don't hesitate
no more, no more
It cannot wait
The sky is your's!

很久沒有來了

2008-12-10T00:48:00.002+08:00

書店閒了

有人來了

有人走了

這半年﹐過得很特別

學懂了一些事﹐發現有更多的事未懂得......

好厲害的挑戰

2008-08-26T23:08:00.003+08:00

以專賣英文書籍數十多年而引以自豪的書店

新店開張, 光鮮的落地大玻璃前﹐最大的「挑戰」莫過於此

「丟架」二字﹐從此有了一個新定義

Life @ 20/F

2008-08-06T00:04:00.003+08:00

係二十樓番工的最大好處﹐除左係地點夠中心之外﹐就係多餅食。可能近排夏天﹐有靚女造餅也好﹐有老世買餅也好﹐幾乎日日都有餅食的。唔係西餅﹐就係蛋糕﹐或者冬甩﹐或者 quiche, 或者 pie, 或者 brownies, 或者 rolls....

但點食都補唔番個工作量 and therefore 緊張程度

By the way, 我覺得 20 Floor 果隻字真係超有型。黑白分明﹐好靚

腳痺於我如浮雲

2008-07-29T23:43:00.001+08:00

公司贊助每日飯盒一個.....日日都係一樣
更期所限﹐要七點鐘食飯﹐但七月的香港的晚上七點﹐太陽依然燦爛......
不足中的美﹐係可以對住個大海景 (仲有填海景) 食飯
懶理其他人係身邊點睇
我腳痛﹐我要坐。我掛住職員証﹐我去邊度食飯都係大晒的

尾二果個﹐星期一晚。唔使番工﹐於是入會場掃貨。掃左半個鐘就夠鐘。完場的時候﹐全個會展的人都走﹐呢條好似洪水一樣的人流﹐非常壯觀﹐非常波瀾壯闊。通常有咁多人一齊行﹐速度通常都會非常之蟻欄﹐但今次人人趕搭車﹐人人趕食飯﹐咁多人一齊行的人流﹐流速竟然快到咁...企耐d 都會俾人流「沖走」

最後一日﹐最後一個下午。下午三時最後衝刺﹐人人都癲晒。入親來的唔係問 PS I love you 就係 Pride and Prejudice. Harry Potter 完全係過晒氣。Taschen 出的 Modern Architect, 成個 boxset 重過我個肚腩﹐不停俾人掃﹐我暗啞底拍爛晒手掌﹐心諗最好你地幫我買 Q 晒d 最 L 重的書﹐唔使我搬。

四時開始準備﹐五時吹雞趕客﹐六時仲有客人懶屎唔走盡最後一分鐘力掃平貨 - 好心啦﹐會平俾你的﹐一兩個鐘前就已經平左啦。

一路入箱﹐搬箱﹐入書﹐數書﹐搬書﹐堆書﹐Doot 機。用柏楊老先生的一句「亂﹐髒﹐吵！」

但好玩。

===============================

年年去書展都係做小市民﹐今年搖身一變﹐變成一個「參展商」。Well, 我張職員証係咁寫的﹐但放心﹐間公司唔係我開的。係我開的話我會做好多改革囉。

原來拿住張參展商職員証﹐真係可以行快少少架。但係只係少少咋喎﹐我以為會有條乜鬼野職員秘道﹐原來唔係囉。只係准你揀少人d 的通道 (通常都係離開會場果條路﹐即係反方向行﹐逆流而上) 行囉。係﹐你唔使排隊唔使逼﹐但完全無縮短過距離同時間。點解時間都無短左？我入場番工的時間都唔多人﹐行邊一邊都係暢通無阻。

我地書店﹐走「高檔」路線的﹐而且仲要係賣洋鬼子寫的書﹐一定唔會放係最大的 Hall 1 啦。唔放係 Hall 1, 又唔係師奶多過兒童的「兒童館」﹐咁就多人極都有限。

而且我地的 staff ratio 真係奇高。四個格仔 (四個舖位面積) 的小檔﹐竟然每分鐘都有八九十十一個人企係度﹐都咪話唔勁。尾場的「走難日」﹐更有將近廿位同事出動﹐而且男丁盡出﹐簡直係打杖一樣。人地檔口﹐四個舖位的通常都係八九人 only, 我地竟然成廿個人密密麻麻﹐都咪話唔壯觀。

今次書展最大的得著：原來我可以企到十個鐘都唔死！

當然當然﹐箇中的腳痛，腰痛，背痛﹐抽筋﹐全身肌肉酸痛﹐昂貴的飛的士錢﹐都盡在不言中啦。

但你知嘛﹐那一刻﹐我真係好想著一件 T-shirt, 上面寫住

I survived standing 10 hours in Book Fair!

It's time

2008-07-24T00:58:00.002+08:00

聽日就輪到我去書展當值

亦都係去到半夜十二點幾一點的一更

仲要係一企就企十個鐘

真係好想知道自己點可能挨到落去

仲要之後三晚都係咁

星期六晚去到十二點的一場應該就係戲玉所在

希望死不掉...

我換左部 C702

無想像中咁好用...

眼鏡 88 的專業服務

2008-06-29T01:38:00.001+08:00

拿﹐咁話說啦 bor

我個眼鏡戴左成年﹐個鼻托 sir 晒落來﹐幅眼鏡好易變成阿伯戴眼鏡咁跌晒落來﹐而且都黃 gum gum , 所以﹐就諗住去整整佢。

呢個星期日行街到半路﹐見到眼鏡 88, 就一於入去﹐反正我幅鏡都係係眼鏡 88 度做的﹐而且佢地不嬲 service 都好好﹐信得過。

問佢調較 and 換鼻托使唔使錢﹐佢話唔使的。我話哦﹐好。佢收左我幅鏡﹐我就呆坐。

我無留意佢做咩﹐淨係擔天望地。跟住佢拿住我幅鏡番來﹐佢話﹐個鼻托斷左。

我望望幅鏡﹐個鼻托果條電線咁幼的鐵﹐斷左。我唔知咁即係點﹐我話「哦」﹐so?

佢話﹐我幫你睇睇可以點。

當時我完全唔知個問題有幾嚴重。

攪左一大輪﹐我等到有d 悶﹐問佢其實依家做咩事 (真係囉命我依家先去攪清楚到底乜野事)。佢話個鼻托斷左。

俾著你﹐你會問咩？

我好自然咁問﹐點解會斷的？

佢無出聲。

係咪你幫我整的時候整斷的？我再問

佢先至話係

我當堂係 --> !!!!!!!!!!

唔係呀化, 換個鼻托仔咁大把咋喎....

我已經唔想理﹐叫佢：咁你整番好佢啦

佢話﹐呢d 整唔到架﹐無得整。

我開始覺得有唔妥。「咁即係點？」我問得明確d。

我幫你睇下可以點。

又等左好耐好耐

佢番到來﹐都係無實質答案俾到我。

我又問﹐咁依家點呀

佢就勁囉﹐佢話

依家我都係唔收你錢幫你做呢樣野架者。即係...我都係免費幫你做架咋...我係唔收你錢架...整爛左你幅鏡我都唔想架...我都唔想見到呢d 事發生架﹐咁但係唔發生都發生左啦咁點者...

嘩﹐老實講﹐佢講到大意上係「呢個 service 係免費」的果句﹐我已經火都來埋。之後的句子有幾「火上加油」﹐我諗你見到佢個 L 樣會更加明白我當時的感受。

事情就係﹐我拿個眼鏡去俾你整。你整一整就整爛左我幅眼鏡。你無道歉之餘﹐亦渾然唔當係一回事。你唔重視整爛我幅鏡係大件事﹐亦唔覺得整爛我個眼鏡係你自己的問題﹐仲來一句「我都係免費架者~」來推卸責任。你唔負責任已經夠衰﹐都要絲絲叔叔唔肯俾我知。你越掩飾呢件事就越令我唔滿意﹐仲要我三番四次追問你先講。我追問完﹐你都仲未肯俾 solution 我。我開到聲叫你俾個解決方法我﹐你竟然答我「免費」呢個 concept﹐唔負責任之後竟然係將成件事推番落來我身上!

難道係因為我無俾過錢﹐所以就整爛幅鏡！

ok 咁樣講的確係有點兒強詞奪理﹐應該話﹐你咁講係乜野意思

難道因為呢個 service 係免費﹐所以你就可以大安旨意地做得馬虎？
難道因為呢個 service 係免費﹐所以你做錯左事都可以唔使認？
難道因為呢個 service 係免費﹐你就可以整爛我幅眼鏡之後仲愛理不理咁？
難道因為呢個 service 係免費﹐我就唔 entitled to 任何賠償？

喂﹐唔係咁架下嘛！

基本上我已經好火﹐但我覺得自己讀過下書﹐唔可以咁樣發晒癲咁發火。應該話﹐我可以﹐但我唔想﹐因為咁樣只係令我形象破產 (諗諗下我又好似無形象 value 架喎其實....)﹐同埋最緊要係﹐對住呢d 咁樣 H 口 H 面的人﹐我再發爛炸﹐對成件事都唔會有幫助﹐尤其係對住呢d 咁蠢的人。我一生人最怕的唔係又蠢又善良的人﹐而係又蠢又惡又死性不改但又係度阻左 (我)個地球轉的人！

咁我既然唔想發爛炸﹐又唔想浪費時間同埋心血係呢個咁難頂的人度﹐我就索性將自己個 mind tune 到「理性解決問題 irresponsive to the person」模式。

我捉一個小姐來問﹐你地呢度究竟邊個先至係 manager? 唔該幫我搵個識得 customer service or at the very very least PROBLEM SOLVING 的人來同我講野啦, PLEASEEEEEEEEEEEE!

佢的眼神望望那位人兄。原來我一直都已經 dealing with 成間舖最大的那個。阿 manager 呀話﹐真係幸你個會。

我主動問佢﹐咁你有無得痴番上去呀...？

無。

咁你有無第二幅一模一樣的﹐換過塊鏡片就攪掂呀....？

我 check check....(半個小時蚊都訓之後)....係鑽石山﹐但唔知係唔係真係有﹐定係 display﹐定係倉﹐定係....

咁你會唔會幫佢依家 transfer 過來呀？

唔..................得

咁有無同款或類似的款的第二隻色........總之係呢塊鏡片可以 fit 到的呀？

我 check check......(又係超勁耐的半個鐘之後)....有的

係邊度？

東涌

咁附近呢？

最近係....等我再 check check

唉你唔使 check 啦﹐你幫我係度揀啦﹐依家呢間舖頭有無現貨 fit 我對鏡的？

你呢隻我地一早賣晒啦

(妖你老....)

我再幫你問問 (又一段好很長的時間)

我問過上頭啦﹐佢話可以俾你退番呢幅鏡的全費﹐用來依家買一幅新的鏡。

咁要幾耐？

兩日。

(咁至係答案架嘛大佬呀)

之後攪左一大輪﹐終於我要去到另一間分店度做。果面的 manager, 好得多。

唉

打完呢篇野﹐我都覺得好累。咁樣就俾個蠢過豬又寸爆到無輪的 manager 浪費左我好好的一個星期日﹐真係諗起都激心。

緊你個張

2008-06-22T03:31:00.003+08:00

總店﹐比較舊。

每天都要喝咖啡

再喝

要打醒十九幾分精神﹐要全神貫注

甚麼都要學﹐甚麼都要知

很緊張

再喝一杯

還是記不了那麼多資料﹐不過幸好頭腦轉速極快

寫寫寫寫寫

抄抄抄抄抄

聽聽聽聽聽

下班了﹐又忘記做門市不同做 office, 出出入入都要打咭的

「打咭最型打唔停﹐打少一世會雙目失明」~

站在店外﹐呆了。我要做甚麼？

夜了﹐要睡。

咖啡因的效力未退﹐睡不著

要吃藥才能睡得安

為了睡八小時﹐晚上甚麼活動都犧牲

一覺醒來﹐又重覆

不夠醒神嗎？喝咖啡吧

手震了﹐控制不了

心跳得好急

再喝一杯

星期六也 5pm

好累好累

再吃一粒藥﹐該睡了。

For you, a thousand times over

2008-05-24T00:19:00.002+08:00

好好睇的一本書﹐估唔到我會咁上癮﹐睇到唔捨得放手。

書中的一句 " For you, a thousand times over" 每一次出現的時候都拿掐得極好

因為每一次佢出呢句的時候﹐都估佢唔到咁感動。真係差d喊。

The Kite Runner, by Khaled Hosseini.

(又係)馬拉蟲式大富翁

2008-05-11T07:20:00.002+08:00

上次同一班小學同學重聚﹐估唔到會玩大富翁﹐仲要係玩通宵。但由於係漫畫 cafe 玩的關係﹐加上估唔到玩極都玩唔完﹐於是埋單的時候﹐費用﹐係天價。

今次大家到 Eddy 的家中玩﹐場地免費﹐可以放心玩。我為大家介紹正確的玩法﹐但後果...

... 都係玩左勁耐...

玩到一半其實我已經想唔玩。尤其係當我特登仆倒去買副 Settlers of Catan 為左今晚可以玩的時候。十二點幾一點鐘開場﹐玩到天光﹐老實講﹐下次再係咁﹐我真係要慎重考慮。考慮唔係攪通宵﹐而係又係因為大富翁 (或酒店大亨, which I consider very similar) 而攪到咁樣死唔斷氣的話﹐好辛苦....

所以我決定下次叫大家陪我玩 Settlers. 如果大家的反應好的話﹐我會考慮買埋種豆﹐咁就可以一個四人 game, 一個八人 game, 可多人玩可少人玩。咁樣喇。

而且仲可以慳埋去 What is 的價錢添。

都幾好呀

Eddy 咁樣俾我地攪到間屋污糟臘蹋都好麻煩啦

Metroid Prime 3: Corruption on Wii

2008-05-06T12:23:00.002+08:00

我真係估唔到﹐一直係影音功能上俾人睇唔起的 Wii, 竟然可以出到一個咁高質素畫面的遊戲。當大家都係度批評 Wii 的畫面「好極都係好過 PS2少少」的時候﹐Metroid Prime 3: Corruption, 作為任天堂旗下 studio 出產的遊戲﹐第一個以行動來証明其實 Wii 的畫面質素不止於此。雖然﹐要佢同 PS3 比係無可能架喇﹐但至少﹐我覺得今次比得上 Xbox360.

至於遊戲本身﹐就真係好玩到不得了。我本來都唔鐘意玩 first person shooter games 的 (自從 N 年前係 Doom 的手上輸到一棟都無﹐第一關都玩左好多次先過到)﹐但我都上左癮﹐依家次次開 Wii, 終於都唔係大亂鬥﹐超銀馬﹐馬車﹐電車Go, 超執刀﹐而係呢隻 “MP3”.

連遠呂智再臨都要讓開一邊。

在晴朗的一天趕客

2008-05-05T11:59:00.001+08:00

今朝早起身﹐試下用手提電話的鬧鐘收音機功能。鬧鐘功能呢家野其實就朝朝早都有用﹐但開收音機就未試過﹐原來只要插住個免提就用得。

九點正﹐收音機響起。我明明係眼訓到趴街﹐但都聽得一清二楚。雙眼完全唔想打開﹐但收音機播乜野都聽得一清二楚﹐神智清醒得不成比例。

正在播放的係 903. 從來未聽過「在晴朗的一天出發」﹐諗住聽下個內容係點﹐點知…

由九點正播完新聞之後一路都係廣告﹐再唔係就係廣告﹐之後跟住的都係廣告﹐終於聽到鄒凱光出來報天氣﹐然後又係廣告﹐之後都係廣告…

由九點正到九點十八分﹐都無節目內容聽過﹐我忍唔住﹐叫左一句「又係廣告！」﹐起身(一早就應該起身)﹐一怒之下熄Q左個電話﹐刷牙洗面。

我知道朝早真係電台的 Prime Time, 我想聽下你地個節目有咩內容者….使唔使咁呀。唔怪得我阿媽通常都係聽「晨光第一線」算數。

心有雜念

2008-04-18T11:35:00.001+08:00

---做人不能太 CNN---

CNN Cafferty 事件﹐其實係對中國人的一個考驗。我個人覺得﹐好多中國人睇見自己傳聖火的時候俾人咁樣「蝦」法﹐個心一早有條杉頂住唔開心。通常咁樣就會堆積左「火藥」於心中。今次 Cafferty 係呢個時候講d 咁侮辱性的說話﹐實在係不智﹐明顯地錯在佢。但中國(人)就好似等左呢個機會等左好耐咁﹐終可以有個 topic 可以借題發揮﹐調兵遺將高調反擊﹐似乎已經到左一個過火的地步。

又難怪﹐佢地從來都係「一呼百應」的。觀乎文化大革命是甚麼一回事﹐就可以想像中國人是一群如何不冷靜思考又容易煽動的一個民族。

我咁講唔代表我覺得 Cafferty 係對的。佢咁講野﹐老實講我都係中國人﹐我都無做到佢口中所講的中國人咁衰。但佢一竹篙打沉一船人的說法﹐太民族仇視之餘﹐亦太唔符合佢新聞工作者的身份。若然佢係一個市井之徒係度亂叫﹐相信大部份香港人應該都唔會理佢﹐又得佢繼續自己痴線 (但大陸人應該會激動一百倍)。

但佢講錯野﹐佢衰﹐我地又係唔係要陪埋佢一齊癲呢？佢喪家犬式的亂吠﹐我地覺得佢侮辱左我地喇﹐我地又係唔係要激情澎湃地煽動十幾億人民來一齊大叫﹐來所謂「抗衡」佢呢？

如果件事去到一個人對一個人的層面上﹐即係﹐有人出言侮辱﹐又講粗口又阿爸阿媽﹐你又會唔會咁做？你會唔會選擇同佢一樣亂吠？你覺唔覺得咁樣同佢一般見識係「做 cheap 左自己」？

若然你每次俾人話﹐都花盡吃奶的力去反擊﹐去維護自己。呢個世界咁多人﹐咁多張嘴﹐你可以反駁得幾多？嘴巴長在別人身上﹐佢地要講乜你可以控制得幾多？佢地要侮辱你的﹐你又可以嬲得幾多個？日日都攪行動去「抗爭」﹐不如冷靜想想﹐如何善用資源﹐善用時間﹐改變自己﹐叫人無從批評﹐以行動來攻破一切指証。講得白 D, 有咁多人動員能力去聯合人民﹐激起佢地的愛國之心﹐抵制法國美國﹐倒不如咀嚼一下別人的指責﹐將如此龐大的力量﹐用於工業改革﹐品質檢定﹐人權改善﹐文化質素提升之上﹐豈不是更積極﹐更有用的方法？浪費時間於漫無目的的謾罵﹐倒不如捲起衣袖﹐做好份內事。

俾人鬧兩句﹐就要全國一齊呢樣行動﹐個樣號召﹐呢樣怒罵﹐個樣抵制…

…成熟d 啦唔該。2008 年啦﹐學人攪奧運喇﹐全世界都睇住啦﹐要大個仔要生性架啦﹐要有冷靜的頭腦﹐要有定力架喇﹐唔好再咁唔成熟啦好嘛？

---世貿機舖搬屋啦！---

不嬲佢都係五樓﹐但新聞話佢會引入「戰場之絆」﹐所以會搬﹐不過我記得佢係搬上十一樓﹐但網上的人就話係六樓。一陣放 lunch 等我去睇下邊度至係真。

V 太案…咁都唔算強姦？唔係呀化

另外﹐願墮樓的建築師和他的好友都能安息。

手機記載生活系列 (2)

2008-04-17T18:22:00.010+08:00

05/09/07 索子已經六個月了﹐進入少年期。還真的像個小妮子一樣﹐活活潑潑的﹐不過就是太過怕陌生人。

近年能在旺角找到能吃入口的東西(註：未必代表好味)比以前多了。起碼越開越多的香港仔魚蛋就是其中一門。

MegaBox 開幕﹐大鑼大鼓。山長水遠專程去走一趟﹐發覺除了很新很光鮮之外﹐沒有甚麼吸引之處。到 Food Court 找食的﹐只能到看起來比較「不化算」的 Te 吃意粉。我的估計正確：的確不化算﹐亦不飽。

日本吉列專門店﹐初見乃價錢「天比高」。但其炸物的確美味非常。但既為炸物﹐價錢又為天價﹐只能「多多益善」﹐望門輕嘆。

蘭桂坊始終都不是我的地方。

我寧可躲進山腳的 Starfucks﹐居高臨下地望著那些沒有錢去「蒲」卻想參與「在蘭桂坊飲酒作樂」的人﹐密密麻麻地擠滿了那一間「七仔」。

Alfredo @ SOHO Elgin Street. Reasonable and acceptable enough for their food quality and price in a luxury place like that.

好奇心驅使我壯起膽子來走進全港最富豪級的 Landmark. 竟然驚見 Giordano. 到底是對 Landmark 的幻想太過多﹐還是我對 Giordano 的成見太過深？

呆滯間走到 ThreeSixty 買了一個加菲貓最愛的 Lasagna. 標榜用料有機的肉醬千層麵﹐六十多元一塊﹐每一口都是有機的材料。最「有機」的應該是痴肥和膽固醇過高。

Kubrick Café 的三文魚沙律。油麻地真是越來越得我歡心。

攔路狗可能很兇﹐但攔路貓多數都是很懶。像這一隻維園的攔路貓﹐經常都喜歡在同一個位置在﹐在熙來攘往的人群之中﹐懶洋洋的趴在地上﹐眼睛左望右望﹐不停向途人施放「電功」﹐期望有傻人 – 例如我 – 會被牠的電功留住﹐蹲下來替牠搔搔耳背﹐刷刷毛。可能是因為牠已經做了絕育手術的關係吧﹐所以比較不怕陌生人。當其他在維園流浪的野貓都很怕陌生人的時候﹐這一隻貓卻像流鶯一樣﹐很「濫交」。

多謝深水埗地膽嘉威哥的介紹﹐讓我認識譚仔麻辣米線。除了他們的麻辣米線﹐他們的蒜泥白肉亦是一絕。當其他餐廳都用「廣東式」的少油少蒜式的「微蒜白肉」的時候﹐他們卻用傳統上海式的「激多蒜蓉紅油浸滿白肉都沉晒底」式的蒜泥白肉。

咁唔健康的食物﹐當然就係「賣飛佛」。

依然是 Kubrick. 今次試一試蛋糕﹐沒有期望﹐沒有驚喜﹐沒有印象。

麻布茶房的名字聽聞己久﹐但從來未曾真的嘗過。今日一試﹐發覺它很像心目中的日本餐室：

穿 Lolita 裝的女侍
乾淨的餐室
精緻得很的食物
賣相非常漂亮
味道非常普通
份量非常小

用餐完畢﹐感覺像造了一場夢﹐一點都不覺得飽肚之餘﹐還有點「欲求不滿」的感覺。帳單來的時候﹐才發現我還在現實世界中。

手機記載生活系列 (1)

2008-04-17T18:04:00.007+08:00

旺角。這個位置﹐之前開過了很多間小食店﹐一直都做不下去。這個位置其實距離人流最旺的女人街不遠﹐而且對面就是好景。做小食店這種要求「旺丁不旺財」的業務﹐明明應該會很「好景」的。但不知為何從來都開了一些不受歡迎的小食店。

肥媽開店後﹐生意極好。我不太好鹵水內臟﹐但鹵水紅腸又未得其神韻﹐雖然只吃紅腸﹐但亦覺甚為美味。鹵水味道清香﹐不過鹹。

幾星期後﹐電視台有人推介此店﹐遂廣為人熟悉﹐就開始出現長長的人龍。看見了﹐不禁輕嘆。

因為要見工的關係﹐到尖沙咀的歷史博物館走一趟。相比起其他國家的博物館﹐香港的歷史博物館其實毫不遜色﹐甚至有過之而無不及。假日想不到好去處的﹐又或者不想再龜縮在家只懂打機的 (這情景好像見過…)﹐尖沙咀的歷史博物館是一個不錯的選擇。

西灣河太安樓東端﹐近二記餐廳﹐有一間生果店。店外有一隻懷了小貓的貓媽媽﹐快要分娩﹐胖得動也動不了﹐很可愛。

Delifrance 做推廣﹐一道煎魚一道炸蝦為主打。吃過之後﹐覺得不外如是。未夠飽﹐再跟友人叫一道「雪糕 + 心太軟」。竟然其味極佳﹐令人讚歎不已﹐至今仍回味無窮。

到超市「入貨」﹐貪便宜買了本地雞蛋﹐才發覺原來比家中原有的美國大雞蛋體形小很多。我還一時貪便宜﹐見它價錢便宜但雞蛋數目多了﹐不為意原來是小雞蛋。雪櫃的蛋格怎樣也安放不了那麼多雞蛋﹐還能怎樣？

雖然很麻煩﹐但還是燒紅了鑊﹐下了油﹐打了蛋漿﹐炒起蛋來。那邊廂取出小焗爐﹐放進家中僅有的牛油排包﹐慢慢的烘烤起來。

炒到一半﹐下一點牛油﹐頓時將一隻隻平凡的雞蛋變成炒蛋多士。雖然﹐跟天下無雙的「澳洲牛奶公司炒蛋多士」﹐仍相距極遠﹐但已吃得我滋味無窮。

油麻地廟街的美都餐室﹐裝潢非常懷舊﹐而且是真正年代久遠﹐而不是簇新扮懷舊。一直對裡面的飲食極感好奇﹐因為如此老字號的一間餐室﹐能屹立不倒﹐又能不換上時髦的裝潢﹐必定有其獨一無二的賣點。

照片中是美都的招牌菜焗排骨飯。的確甚特別﹐但除此之外﹐食物質素不見特色。

百思不解。

公司從來都不喜歡安排吃晚飯﹐因此從來都沒有 Annual Dinner, 只有 Annual Lunch。而剛巧兩位丹麥老闆都很喜歡日本菜﹐於是公司的傳統就是每一年的農曆年假後﹐找一天來全公司一起 Annual Lunch, 而基本上都一定會是日本菜。

我愛死這個傳統了。

今年我又有幸出現﹐能吃到這一餐盛宴。選址東角中心的「和三味」。大家每人都選擇了八百多元一位的和牛套餐﹐或接近二千元的二人套餐一起分享。另外還有鐵板燒(表演)﹐無限量的啤酒﹐和無限量的日本清酒 Sake。當中﹐以 Sake 最好喝﹐連我這個不太好酒的人﹐也覺得真的很好喝。原來真正的好酒﹐可以是如此易入喉﹐如此芳香﹐如此教人甘心為它醉。今日一嚐﹐令我對「清酒」這兩個字﹐有了全新的評估。

在渣甸坊的「拖肥」

上海三六九的酸辣湯﹐醉雞。不覺得有何驚為天人之處。

一直見到網上有人讚賞 Puerto Rico 是近年少見好玩的策略性版圖遊戲﹐但鑑於缺乏耐性和理解能力低的問題﹐一直都看不懂它的說明書。在一知半解下與朋友嘗試玩一次﹐後果是不歡而散。後來到了 Jollythinkers 得到註場 tutor 指導﹐於一個小時之內速成了。

原來﹐San Juan 比較好玩。

相中是 What is Café 的「後備場」。原來於週末顧客人數眾多的時候﹐店主們會向旁邊的私人補習社租用他們的大課室﹐作為後援。檯上的一條條用電線膠紙貼出來的線﹐應該是用來分隔小朋友的 “User Area” 吧…真有趣

非常極度狐疑誰發明 / 發現這種東西的。

為甚麼是汽水不是茶？
為甚麼是可樂不是七喜？
為甚麼是薑不是蒜頭？
為甚麼是檸檬不是雪梨？
為甚麼是熱的不是冷的暖的？
怎麼可能想到煮汽水？
怎麼可能聯想到醫治傷風感冒？

一杯檸樂煲薑﹐跟餐加$9。老闆很體貼﹐一見到我這幅病貓樣子叫檸樂煲薑﹐就懂得問我﹕「要多薑的吧？」

果然﹐還未下班﹐感冒已經痊癒了八九成。強得沒話說。

比起其他香港地道飲食文化﹐除了很有代表性的蛋撻﹐街邊魚旦之外﹐怎能遺留了這一杯「檸樂煲薑」？蛋撻能治感冒嗎你說。

跟家人遠赴粉嶺雲泉仙館拜山﹐路遠迢迢得像行路上廣州一樣。午後共膳於齋堂﹐齋堂外有一隻外表醒目的白鸚鵡﹐原來在吃橙。鸚鵡會用一足支地一足吃橙尚不為奇﹐奇就奇在﹐你細看牠在吃一個部份？

猜對了﹐相中的牠尚未開始吃﹐牠在挑橙核。輕輕咬下去﹐用巨大的喙準確的咬著細小的橙籽﹐然後再吐出﹐面上再帶個不屑的表情﹐像是說「今天又是吃橙﹐天天都只是吃橙」。整個情景尤像「阿伯食橙」一樣﹐好不惹笑。

馬克王子不幸惹上窮兇極惡的牛蜱﹐一粒比米粒還小的牛蜱就一口吸掉三千元﹐好昂貴。

我還在讀小學的時候﹐鰂漁涌的幾條街還只是很寧靜的舊樓區﹐只有幾間車房﹐很地道的食品店﹐幾間廢紙回收﹐一兩間地產公司﹐僅此而已。

太古坊開幕以後﹐成功吸引很多大型跨國公司進駐﹐周邊的飲食﹐都慢慢地轉變起來。露天餐廳﹐高級餐廳﹐酒吧﹐漢堡包﹐咖啡店﹐拉麵﹐甚麼都有。從前只有碟頭飯的一條街﹐變了幾條街的小蘇豪。不只這一邊﹐近太古城的那一邊亦是。

經 Openrice 介紹﹐認識了這一間函館元祖拉麵。這一碗鹽味牛油拉麵﹐叫我上癮﹐吃完再吃。唯價錢要七十元一碗﹐亦似乎太貴。

Open Office

2008-04-17T17:34:00.000+08:00

其實我覺得 Open Office 真係好好。

當 Director 同你都係一齊坐的時候﹐其實係會無形中令大家的士氣都好得多。以前我唔識得欣賞﹐成日都覺得老世就咁坐係我隔離的時候好大壓迫感﹐要蛇王的話又好唔方便(HAHA)。但依家諗番﹐其實如果佢獨霸一間大房然後窮凶極惡﹐我寧願佢坐出來窮凶極惡。

不過算啦﹐老世係好人的話﹐坐邊度都係好人﹐係衰人的話﹐你都唔想同佢有「大家坐埋同一條船」的感覺。

真‧頂上決戰之 San Juan

2008-04-11T23:54:00.002+08:00

好友 Masa 生日﹐提議去 Board Game Café 食意粉兼玩 Board Game.

老實講﹐我實在有點兒怕。自從上次復活假期一連去三日之後﹐簡直有點兒反胃的感覺。就如牙擦蘇所講﹐「兩個月內絕不再去 Board Game Café！」, 皆因頻率太高﹐去到見 Board 生厭的地步。

Masa 知道我學會了 Puerto Rico, 而我上次亦教了他玩。兩人都得出一個結論：San Juan 比較好玩。

先講講最重要的一點：San Juan 這個字﹐是讀成(大約)「散玩」﹐因為此字是西班牙文﹐並非英文﹐所以用英文拼音讀成「散朱晏」﹐是錯的。J 這個字﹐在英文讀成「Jay」﹐在西班牙文則是「Jota」(HOT-ta)﹐而發音則是近似 H 的喉嚨音﹐有點兒似吐痰的聲音﹐雖然﹐我極奇討厭這種比喻(亦很討厭這個發音)。

離題了。

San Juan 其實是繼 Puerto Rico 之後﹐跟據 Puerto Rico 的玩法﹐將之簡化﹐並將其細節濃縮於一張張卡牌上﹐令每張卡牌都能同時成為代表貨物﹐金錢﹐建築物和分數。

而整個 San Juan 的玩法﹐亦比 Puerto Rico 多了一層很重的隨機感。而這一種隨機性﹐可以說是兩種遊戲之間最大的分野。Puerto Rico 非常著重規劃﹐而且大部份的資料都是公開﹐可見。因此﹐如何走一下步﹐基本上頗為清楚。亦因此﹐要是你開始落後﹐要回追的話就會比較難。但亦因為比較少的隨機性﹐比較多的技術要求﹐對高級玩家來說比較吸引。

但對於我這種人﹐不必那麼「高級」的了。

始終﹐我覺得一個遊戲﹐一定要有 Randomness 才會好玩的。畢竟﹐現實生活就是如此的 Random。做好本份的未必會飛黃騰達﹐貌似落後的可能突然走運﹐胸有成竹的可能一時大意﹐無心插柳的也會大樹成蔭。

這才是現實嘛。

另外﹐如有朋友懂得玩的應該記得﹐當第十二座建築物建成之時﹐就是遊戲結束﹐開始點算分數之時。但照片中 Masa 足足建了十八座﹐是我倆提議嘗試的改例。最後我輸了九條街。十二座原來有其原因﹐限制遊戲回合﹐不致於有人建了十八座﹐有人卻連十二座都建不了(我)。遊戲一完結的時候﹐無論如何計分﹐都追不回的了。

總括來說﹐我還是比較喜歡 San Juan。只可惜此遊戲最多只能四個人玩﹐真的是個問題。

另外﹐相中的煙肉芝士炸薯條﹐味道普通﹐但香味滿屋。純粹乃因我自己對此食品的情志結﹐平凡的味道吃起來都變極品。相比起人數多的時候必叫的「熱氣拼盤」﹐我會比較鍾情此品。

跳海

2008-04-11T14:18:00.003+08:00

側聞本公司的 Management Trainee Programme 又開始招聘

唔明白的是﹐點解 MT Programme 要跳海？

仲要係去丹麥跳波羅的海

莫非成功跳海的﹐就可以成為獨當一面的經紀？

如果肯挨凍跳海游番個靚水﹐就會「掂」

咁我咪做股東都綽綽有餘？

重整遊記

2008-04-10T18:11:00.003+08:00

距離西班牙之旅差不多一年了﹐遊記真的沒有進步。一天就是一天。

後來發現﹐沿途的筆記極凌亂。記憶又開始模糊了﹐有些大事會記得﹐其餘的﹐看了照片也回憶不起。

但重整遊記的同時﹐讓我記起了很多其他的點點滴滴。每一頁紙都記載著我做過的資料搜集。每一頁紙都穿插著我用紙和筆跟旅途上遇見﹐來自世界各地的旅客們和我圖文並茂的溝通。每一頁紙都記載著當我言語不通的時候﹐一手從背包拿出筆記本子讓對方把字寫出來的瑣事。

這一切﹐讓我回想起西班牙之餘﹐也讓我很想再去多一次。

但今非昔比了。

改名

2008-04-09T03:58:00.000+08:00

改名

其實係唔靚的﹐我明。其實係抹煞其他人的創意﹐我都明。但我真係覺得好亂。

講緊係 MSN 個名。

早係以前的 ICQ, 大家已經非常沉迷於網路世界裡面建設自己的另一個身份。所有個人資料的空位都填上一個令人完全想像唔到同你有關的資料。咁好正常我都知。但有人會好似我咁用左十年個 ICQ Nickname 都係一樣﹐有人就當個 Nickname 係日記咁日日將自己的心情寫上去﹐有人就當個 Nickname 係創作坊咁推陳出新。

到左 MSN 的年代﹐呢個情況仲嚴重左。中文日文英文火星文又有﹐符號Icon Emoticon 自製形狀又有﹐新聞時事天氣愛情親情人生道理前人思想最潮資訊都有﹐乜野都可以變成你的 nickname.

係﹐的確係五花八門百家齊嗚。但係﹐喂﹐NICKNAME 來架喎。唔係咁用架嘛？好眼花呀﹐大佬。我年紀大﹐頭腦無咁靈活﹐頂唔順你(地)日日都唔同 nickname.

咩「¤©Ω∂□◊~~~其實我少少咁諗真係唔係好似你講咁樣架咋~~~¤©Ω∂□◊」…咁都係一個 nickname?! 唔係呀化….

尤其係唔熟的朋友﹐或者係比較少係 MSN 見到的﹐突然間見到佢「登登」的時候﹐真係呆左。「呢個邊 Q 個？我個 List 有個咁的人架咩？」

睇埋幅相﹐十之八九都無幫助。既然個名都咁「有型」﹐幅相就一定萬花筒咁變。睇下個 e-mail 可能認得呢﹐佢個 e-mail address 前半部, 仲複雜過我個 e-mail password, 完全 no clues.

認輸﹐send 個 msg 過去問個究竟。「咪我囉！阿 XYZ 呀﹐頂你﹐又問﹐今個禮拜問左我第 N 次喇！」

唉﹐一了百了的方法﹐將此等人一律拖出午門﹐斬「名」。

謬誤與諷刺

2008-03-27T18:32:00.000+08:00

謬誤與諷刺

- 謬誤 -

番工最鐘意豎高隻耳仔聽人地講野﹐唔知點解阿媽生得我咁鬼八卦的 (媽之聲：衰仔！自己八卦又懶阿媽！生舊叉燒好過生你！)﹐係公司人地講親乜野我都想聽完之後插咀。

今日聽到兩位同事的對答﹐大意係某秘書生左個女﹐今年兩歲﹐但已經講明要佢讀女校。大意係﹐費時佢男女校初中就拍拖俾人攪大個肚。

類似的說話﹐相信每一位都總會聽過身邊唔止一個人講過唔止一次。男仔要讀男校費事攪大人地個肚﹐女仔要讀女校費事俾人攪大個肚 / 亂攪男女關係。好多家長的無知型恐懼﹐以為讀親男女校就十之八九都會攪男女關係﹐咁d 家長就無形中令到自己有好多多餘的「性幻想」。諗到 / 講到 / 形容到好似一讀男女校﹐就會變成一個雜體性交場咁﹐D 學生番學就淨係識做愛同拍拖。

喂﹐人地當初創立男女校的原意﹐我相信絕對唔係咁囉。 And by the way, 我讀左十三年中學+小學都係男女校﹐我的經驗可以話俾你(地)聽﹐唔-係-咁-囉----。

老實講﹐我覺得如果你係一個單性學校的環境底下長大的時候﹐可能會更加唔開心。原因太多﹐亦可能係我自己想像出來的。但始終﹐呢個世界係有男有女的﹐而學校既然應該係社會的縮影﹐咁何必要有男校女校呢。

讀男女校唔一定要拍拖﹐拍拖唔一定要攪野﹐攪野唔一定會大肚﹐大肚唔一定要生出來﹐架嘛。

差d 講句﹐你寧願佢十五歲攪大左 / 俾人攪大左個肚﹐而慌失失唔知點算好﹐定想佢三十五歲攪大左 / 俾人攪大左個肚﹐先至來第一次慌失失唔知點算好？

老實講﹐如果幾十歲人先至來第一次拍拖﹐第一次面對女仔﹐第一次發現原來自己鐘意攪大人地個肚 (!!!), 都幾悲哀。

- 諷刺 -

酒樓東主係同一個位不停開酒樓﹐拖久幾十萬薪金之後﹐就停業﹐宣佈清盤﹐仲勁過財務公司的「欠薪一筆清」。之後係同一個地方﹐改名換姓﹐再開酒樓﹐又使一招﹐又欠薪幾十萬﹐連累多個家庭之後﹐又無事甩身。多年來﹐最高刑罰都係罰錢了事﹐無人坐監。

那邊廂﹐補習老師雖為人師表但 EQ 仲低過我 (i.e. 咁真係好低)﹐忍受唔到蠢的學生而 mit 佢塊面﹐打佢個頭。唔使打幾多次﹐一次﹐就係打過一次咁多者﹐就被判入獄三個月。

我好細個小學果陣補習﹐係南豐新村一個住宅單位﹐家庭式運作﹐好多小朋友都去。個阿媽就係補習老師﹐有咩唔鐘意就打。我果陣時都覺得有乜理由呢個阿叔都可以打我？但既然佢係阿爸的朋友﹐阿爸仲要特登請佢食飯﹐我就唯有死忍。如果以打一下個頭就要坐監坐三個月﹐我諗淨係計佢打過我的﹐都夠佢坐到依家都未放番出來！莫講話所有其他的學生。

我所講的諷刺 mainly 唔係呢個﹐而係﹐我覺得欠薪同打學生﹐兩個都唔岩。但若果要二揀一去坐監的話﹐一定係欠薪果個﹐而唔係打學生果個。點可能呢個 practice 做左咁多次﹐害左咁多無辜白做無錢的基層﹐仲可以罰款了事？佢最多的就係錢﹐你罰佢錢﹐不如罰我通宵打機把啦。多舊魚！

Bowling and Board Games

2008-03-26T17:19:00.000+08:00

最近玩兩樣我以前好少玩的野

一樣係保齡 (唔係川久個隻~)

一樣係 board game

原來我真係無力到連玩兩局都無力﹐隻手已經累到完全拿唔起….

至於 board game, 原來呢個世界係有好多好玩過大富翁多多聲的遊戲

Tom Kha Gai

2008-03-26T16:58:00.001+08:00

怱然間﹐好想食好想食 Tom Kha Gai.

第一次接觸呢樣野﹐係一年前去泰國。飲過呢味湯之後﹐我發現原來泰國的湯水﹐唔係淨係得一味「無陰功湯」。

Tom Kha Gai 的中文譯名﹐好似 so far 都無人就咁叫佢做「冬蔭雞湯」。有人叫「椰汁辣雞湯」 (慶過辣雞?!)。有人叫「椰汁雞湯」

我最想飲到的﹐係一碗極重香料味的湯﹐尤其係香茅。大大條香茅放係入面﹐一煲出來的時候﹐酸酸的甜甜的味道﹐叫人回味不已。

唔知香港邊度先有好食的泰菜呢….?

某天醒來

2008-03-12T15:28:00.001+08:00

忽然間﹐很早醒來。霍然張開眼睛﹐一秒間從沉睡變成清醒﹐很突然。

原來只是八時多。

對於我來說﹐時間還早。

一覺醒來﹐忽然醒覺。原來我在公司是狐假虎威的。大家的 E-mail 來往之中﹐已見不滿的態度在彌漫﹐大家之所以會照我的說話行事﹐完全是因為背後的直屬上司﹐就是猶如威震八方的大將軍 - 大隻咪。

我已經在同一個崗位工作了一段日子﹐但依然要狐假虎威才能順利成事。

而﹐不少人都願意聽我的說話做事﹐做一些連我自己都覺得無聊 (但有用) 的修改。

是否如果沒有了「大隻咪」﹐我就會變成廢人一個？

為甚麼我做了兩年多的工作﹐還不能建立自己的「品牌」﹐建立自己的「威信」﹐建立其他人對我的「信任」﹐還有﹐我的「自信」呢？

是不是我一直都沒有長進呢？是不是我一直都太依賴「大隻咪」的庇蔭呢？

為甚麼大家會怕大隻咪而不怕我呢？我要如何做才能成為像他一樣呢？

唔…………

……點解我今日咁早起身架呢？仲可以訓多半個錯喎….

…..繼續訓…..

大失預算

2008-02-28T17:06:00.001+08:00

咩叫衰多口？

例如你話自己份工好得閒﹐白「逗」人工係度齋坐。一心以為自己加左人工之後回巢都係一樣齋坐唔使做。好喇﹐衰多口﹐依家終於做到趴係度。

我都未試過d e-mail 係覆極都仲有的。又未試過d 人做鑊的速度竟然係快得過我補的速度。

依家﹐死人 Oracle 的防盜器仲壞緊﹐叫到成層樓都聽到叫左成兩個幾鐘﹐就來人都癲。馬克王子係度睇緊醫生﹐未有 results 出。大隻咪俾落的野﹐死線就來到。

都話架喇﹐所有騎呢野都係有個習性﹐就係一係唔來﹐一來﹐就闔家一齊來！

Eyes Flowers

2008-02-25T18:09:00.000+08:00

我呢份工的好笑之處﹐就係一係無野做﹐一係就有好大堆的悶野做。無野做的時候﹐悶到癲﹐於是成日都想有少少野做下。

好喇﹐到有野做個陣﹐好似依家咁﹐對住幾千個城市名﹐逐個逐個查。

原來頭昏眼花﹐唔一定要年紀老先得。

係呢一刻﹐我好想向各大地產商提議﹐係興建寫字樓的時候﹐請將一間休息室納入圖則。呢個休息室係可以俾一d 坐到腳痺的人拉筋﹐同時可以俾谷到想死的人大叫而唔會嘈到其他人的。

講完﹐繼續做野。下一個城市係…Frederiksvaerk…

下？

做住下一個先…Fredrikstad….

下……?

咁下一個囉…Fueringhavnq…

…邊 Q 度來架!!!!

我不是 Blogger

2008-02-21T17:38:00.001+08:00

要先懺悔 (高舉右手掌心向前) ：其實﹐我唔係真心鐘意 Blogging.

我的確係鐘意寫野﹐但如果一部電腦同埋一部 Wii 擺埋一齊的話﹐我相信我會打 Wii 的機會大好鬼多。

好耐之前﹐未有網上日記的時候﹐大家都係要用手寫本寫日記。媽媽覺得寫日記既可以舒發情感﹐又可以練習寫作﹐十分健康﹐所以勸我寫日記。我覺得此舉無聊之極。一個小學生日常發生的事﹐我當時都覺得無聊﹐用口講番出來都覺得芝麻綠豆﹐仲要寫？平淡如水的生活都要寫日記﹐呢個人一係太無聊一係太孤單。Even now 我都覺得寫敍事式的日記係好無聊。你生活平平無奇的﹐寫來都無謂; 你生活精彩的﹐多數都無時間一一記載。好似點講﹐都唔使寫咁。

可能係因為懶寫字卦。

中三中四兩年﹐唔知係咪青春期荷爾蒙發作﹐個人好唔開心。好睇唔過眼呢個世界﹐覺得好多野都唔係大家所相信的事實咁樣﹐就唔想講野。其實我懷疑係自己痴鬼左線。

不久之後﹐就開始 ICQ 的熱潮﹐然後就係 showhappy 的年代﹐咁我就開始 join 左呢個行列。然後就發覺原來可以一邊抒發自己的感覺﹐一邊得到其化人的回響﹐原來真係幾正。

後來 xanga 的年代來到﹐我無轉﹐始終﹐我已經 settled in showhappy already. Don’t want to copy all the things.

到後來﹐Blog 的年代開始﹐我終於都轉左去 Blogger @ Google. 但我得閒轉﹐有心做﹐都係因為一個原因：番工。

番到公司﹐無野做﹐唔可以打機﹐唔可以離開個位咁耐﹐上到網但又唔睇到其他野。被縛住係一部電腦面前﹐原來係好慘好慘的。於是﹐out of all possibilities, 我發現原來打 blog 都唔錯。唔錯的意思﹐係一來可以消磨時間﹐二來可以抒發己見。

原來﹐blogging 對於我來講只係一種係極度無助兼無聊的情況之下﹐先會有興趣投入的活動。曾幾何時﹐我真係好鐘意追各位的articles. 好似係度慢慢咁認識一個新朋友咁﹐聽佢講野。但同面對面咁識一個朋友唔同﹐你會一開始就聽到好多內心的說話﹐因為好多人都係隱姓埋名咁係 blogging 的世界裡面出現﹐將好多平時講唔出口的說話 (或者講出來都無人有心機聽的說話) 統統都化為電子文字。於是呢種似遠亦近的微妙關係﹐就咁樣開始左。

但到我辭左職之後﹐就幾乎完全無掂過個 blog。原來﹐我唔係咁熱中架咋。我都係到左果一刻﹐我先醒覺。就係因為被困係度七八個鐘﹐先會有心機打咁鬼多字。如果唔係？睇怕我都去左「猝死式打機」咁樣墮落法 lu…仲慢慢打字咩﹐都無野好講。

對唔住喇各位 bloggers. 我的確係好鐘意睇你地的 articles, 但係我唔會夠膽講我係你地的 die hard fans, 不過我依然會支持你地。

By the way…CM 好似呢…做左老豆之後呢…長氣到呢…佢篇篇都長到呢…我真係有心無力去睇晒佢所有的 articles….Sorry ar CM...

The Next Episode or just Sequel?

2008-02-18T12:18:00.000+08:00

有道是：「好馬不吃回頭草」。其實我都唔知邊個講的。

但事實係﹐我番左舊公司做﹐仲要係做番同一個位。好神奇呀可？呢個香港居然仲會有人咁樣做。

Anyway, 今次番來係短期工性質﹐應該唔會做得長的。講明左簽約做三個月 only, 我希望我真係可以做到三個月之內搵到新工跳槽。

但係我終於都醒覺﹐我真係要搵一條路 (A profession to specialize in) 行先可以。到左我呢個年紀﹐應該已經係有三年工作經驗﹐三年工作經驗﹐大學畢業﹐其實應該係做到 Manager 級。但係我衣家連 Asst Man 的可能性都勁低﹐睇住身邊的朋友尋日仲講緊「好慘呀又低級又打雜」﹐今日就已經唔聲唔聲「我升左做 Mgr 啦無話你聽咩」。

都咪話唔驚。

我一路係JobsDB 搵工﹐一路心驚。如果我三五年後仲係咁樣的話﹐明明有成五六年經驗﹐但係就焗住搵一d 一年經驗就可以做到的 Junior 位來做的話﹐interview 果陣仲要同個乳臭未乾但活力爆棚的後生仔坐埋一齊爭工做﹐我諗我都應該會幾唔開心。

到底大家用左幾耐﹐先知自己的方向？你有無入錯行？

呼…

Heath Ledger

2008-01-23T22:02:00.000+08:00

看見有線新聞台下的「走字板」時﹐先呆一呆﹐再嚇一跳。跑到電腦前上網查證﹐他真的死了。

噢﹐很可惜。真的是天妒英才。

本來對於他將會上畫的 Batman Begins 2 已很期待﹐現在依然期待﹐但心情完全不一樣。

我不是他的影迷﹐但喜歡看他做戲。(那又不是影迷？奇也)

聽見他逝世的消息﹐沒有悲痛﹐只有黯然。

世上又少了一個 (本來已經買少見少的) 好演員

Settlers of Catan with family

2008-01-22T17:02:00.000+08:00

約好家人一齊於晚飯後玩﹐唯獨二少要補習﹐很晚才回家﹐於是該局幾乎十點才開始。

今次我有整整一個小時可以慢慢準備棋局﹐可以慢慢研究出一個比較平衝的設定。須知道﹐玩 Settlers of Catan 其中一個重要的因素﹐就是一開始的擺位。而島上的資源和碼頭本身的分佈﹐亦甚重要。

我向爸媽解釋玩法﹐他們越聽越覺得無比複雜﹐差點兒想「縮沙」。

到最後﹐表面上糊里糊塗連玩法都弄不清的媽子﹐勝出了。到我們三父子發現他已經九分的時候﹐為時已晚﹐無力回天。

Home Party (飛典版)

2008-01-19T16:13:00.000+08:00

楂飛話﹐佢三秒都唔使就估到呢個係乜野﹐好勁﹐要影相留念。(但都係決定唔post 佢個樣好少少)

如果我無記錯﹐幅圖好似係 Elvie 畫的﹐畫到勁卡通咁﹐我仲估係唔係乜野船﹐或者係咩揚帆出海的時候。個答案竟然係

「鐵達尼號」

真係撞你個鬼。佢連舊冰都未畫就估到﹐借問聲幅畫有邊忽似係鐵達呢號…

然後就係切 Cake 的時候。一次過恭喜晒 Zenia + 朱 + 楂飛 + 典﹐一個 cake 一個場合一次過攪掂晒﹐真係又方便又有誠意。

個 Cake 係聞名已久的 Teresa Festival 的招牌貨 (頭牌?!) Marble Cheese Cake. 當然﹐又係係 Openrice 度聽番來。我自己都未試過就膽粗粗咁買一大個番來俾大家食﹐仲要食 $300 一個 7” 大的 Cheese cake 番來。

好彩﹐到最後都好好食﹐有超濃的 cheese 味﹐仲有兩層﹐外圍的唔係布條﹐係朱古力 (which makes cutting the cake much more difficult)。我呢個貪吃的死肥仔就話好好食﹐但其他朋友一致認佢「都好食﹐但超級極度(漏)﹐好似食左十斤芝士咁」。
Well, 可能因為佢真係用左十斤 cheese 來整卦…I don't know.

切 cake 中途﹐有兩名傻仔拿裝飾的絲帶玩...如果各位係街上見到佢地﹐請聯絡警訊~~~~YEAH

之後﹐我同朱同二少又玩 Settlers of Catan。真係要多謝聲 Elvie 姐拔「棋」相助﹐然後又要多謝Dick 少見完家長都捧住成部 Wii 番來陪我地玩。

就咁樣﹐我地四個男子組就打Wii 打到三點三 Tea time, 大家先拖住疲累的身軀回家 (我係回房)

攪 Home Party 真係唔錯…如果對大家唔係遲到早走的話

p.s. Pictionary 真係一個絕佳的 Party Game. 尤其係人多到玩 UNO 都可能唔夠牌玩的時候。

飛典婚禮的感動 (又名 Jardian 婚禮)

2008-01-12T01:35:00.000+08:00

在得知要成為伴郎的時候﹐其實心中十五桶水﹐七上八落。到底伴郎要做甚麼？婚宴去得多了﹐但幕後如何﹐到底要做甚麼？

第一次做「兄弟團」﹐人人都不太清楚到底做兄弟姊妹是如何做的。一群人「柴娃娃」的走在一起﹐為自己的知心好友攪好一次人生的盛事﹐儘管連同新郎哥在內﹐其實人人都是「認真地實驗性質」﹐但大家都用心﹐盡力。

幸好一對新人早已註冊﹐當日的行程輕鬆得多。兄弟姊妹統統都是老朋友﹐該玩甚麼可以玩甚麼﹐十幾年來都玩過了﹐反而在玩新郎的一日﹐大家很有默契地不會再玩很激的遊戲﹐以免意外生。可能大家聽過太多大陸新聞是玩新郎的時候玩得太過激﹐於是弄到紅事變白事的地步。

大吉利是。百無禁忌。

開席後﹐諸事不順。擰炮很多都不會爆開﹐咪高峰時有聲時無聲﹐場地淺窄﹐音樂燈光都不容易控制﹐最差的﹐是人。帶頭的部長﹐一副辦喪事的咀臉﹐處處控制我們的進度﹐完全不給機會我們讓我們的節目順利進行﹐到最後﹐連深情剖白的環節﹐也被逼變成了 Happy Ending. 真的讓人頭痛。幸好一路在旁的攝影師和化妝師﹐總在危急關頭的時候為我們提供主意。但其實他們在這一天之前﹐基本上隱形過隱形眼鏡﹐所有的計劃都是靠我們幾個人的。

到最後﹐張記的同學們有默契地在其餘賓客都走了的時候都留下﹐我們幾十人圍在一起﹐連同老師﹐竟然唱起校歌來！在婚宴散席後的酒樓中間﹐幾十個舊同學竟然圍在一起唱校歌來…簡直有點匪夷所思。

離校多年後的今天﹐大家都不再穿校服﹐不再只是少不更事的學生﹐大家在社會上的際遇都大有不同﹐有喜有悲。但慶幸的是﹐幾番轉折之後﹐我們還有一次機會﹐一次由新郎新娘帶動的機會﹐聚首一堂﹐唱一首屬於我們的歌﹐也是一首只有我們才會真正懂得用心回味的一首

校歌。

歌聲悠揚﹐我拍著手唱﹐有幾句歌詞幾乎忘了。我望著四周每位同學﹐有的從來不多交談﹐有的略有交情﹐有的曾經共患難﹐有的曾經「如膠似漆」﹐有的不再多話﹐有的像酒一樣﹐時間越久友誼越醇。我感動了。

要多少緣份﹐再能做朋友？又要多少緣份﹐才能相隔多年﹐又能聚首一堂﹐做一次如此肉麻煽情的舉動？這一份感覺﹐就算不足以回憶一輩子﹐也足以讓你半生難忘。

以前﹐我覺得「久旱逢甘露」很容易想像到﹐於是很容易理解到。但「他鄉遇故知」何德何能可以與之並列﹐則一直都不解。人長大了﹐就漸漸明白到﹐原來﹐是我還不夠成熟世故。今日﹐也許我又向前邁著了一步。

要屈蛇﹐先要學識咩叫做「醒醒定定」

2007-12-28T03:43:00.000+08:00

男女共宿中大生罰停學一年 27/12/2007

【記者梁美寶報道】為嚴打學生在宿舍內亂搞男女關係，中文大學校方近月決定嚴打男女居住在同一宿舍單位的「鴛鴦蛇」，一名中大工程系二年級男生因在女友宿舍居住，被校方重罰停學一年。有中大逸夫書院宿生投訴稱，校方近日瘋狂「打蛇」，有職員未經學生同意擅入宿生房間，侵犯學生私隱，但中大發言人否認指控。

中大學生紀律委員會在 5 月份的會議中，指有一名就讀工程系二年級的男生因屢次違反宿舍規則，多次在女生宿舍「屈蛇」，又被投訴滋擾其他同學，屢勸不改，終被委員會判罰由今年 9 月起停學一年。據悉，該男生不滿校方的決定曾作上訴，惟校方最終仍維持原判。據悉，該男生長居於其女友位於聯合書院湯宿二樓一單位，女友的同房對他長期居於房間感極度不滿，雖曾多次投訴，惟情況仍無改善，該男生也曾三度被校方「捉到」於女生宿舍出現，校方最終作出停學決定。一名中大授說，各書院均嚴打「鴛鴦蛇」，若被發現男女同住一宿位，會立即被勒令停宿，且日後不再接納其入宿申請。中大學生會會長黃永志認為，同學「屈蛇」令其他同學受騷擾並不應該，現時宿舍已規定晚上 12 時後，學生不可往異性宿舍。

宿生指職員擅闖房間

不過，他指月前收到有居住逸夫書院二宿突擊「打蛇」，宿舍職員在同學睡覺時衝門而入，有同學向學生會投訴指感到被侵犯私隱，但當時職員聲稱旨在檢查房內傢俬有否移位，若學生被發現曾搬動傢俬，宿舍方面會向有關學生發出警告信，若有損毀更需賠款。黃永志指，有些學生只因家具擺位不方便而作移動，無傷大雅，他批評校方不應因而懲罰學生，更不應在同學沒有準備下進入其房間。

中大發言人否認物業管理處早前曾檢查宿生有否改動家具擺位。但宿生則指校方「講大話」，更向本報提供了宿舍嚴厲警告學生不可搬動家具等通告及有關照片。
======================
多謝好友 Wilson 爆料

即係咁…下

屈蛇呢家野﹐其實係中大真係好普遍。好似我呢條粉腸咁都係 Year 1 的時候屈蛇係 Wilson 度屈足兩個月。無錯﹐就係呢個爆料的 Wilson。相信佢 forward 呢封 E-mail 俾我的時候都應該係「語帶雙關」。

但係普遍還普遍。男女交叉式互屈的情況﹐其實大家都仲係幾避忌的…。但係觀乎呢篇報導﹐似乎呢位「賤二」學生﹐面皮極厚之餘仲要膽大包天。

OK! 我就俾你鴛鴦蛇。但係都唔該你係女人走去男人個宿度屈, instead of 男人老狗走入去人地女宿度呀…。你一個麻甩﹐係人地個女仔場度行來行去﹐咁點得架。一個女仔係男宿行來行去同一個男仔係女宿度行來行去﹐聽起上來好似一樣﹐但係對唔住﹐係今時今日呢個唔平等的香港來講呢﹐係完全唔一樣的的。點樣唔一樣法﹐如果你係香港人的話相信應該會明白。

可能…我住的三年裡面﹐見過好多次有女仔係我個層行來行去…well

OK! 咁我就當你男人老狗屈女宿﹐都唔好屈咁耐呀。一次半次﹐完事就走喇。仲要係度賴屎咁賴﹐真係人頭豬腦。

OK! 就當你面皮再厚﹐喂﹐湯宿係三人房來架喎。你要人地另外兩個女仔點呢？睇住你地兩個係度依依泣泣﹐仲要唔係一次半次喎。

OK! 就當呢樣都忍得。「又被投訴滋擾其他同學」咁樣聽落九成九係「聲浪太大」啦。好心你就寧俾人知莫俾人(聽)見啦死蠢。

仲要捉左三次都唔識死﹐我真係懷疑條友心口一係有個「勇」字﹐一係有個「七」字。

Judge Tommy’s Verdict: 維持原判﹐因為被告太笨七

好慶幸自己唔係教會學校長大

2007-12-27T05:42:00.000+08:00

【本報訊】正當學界苦惱如何及早向學生灌輸正確性觀念時，有天主教學校依然視性為洪水猛獸。位於馬鞍山的直資學校德信中學，一直將中一科學教科書內有關性知識和避孕方法的內頁撕掉，才派發給學生。校方否認避而不教，強調是要待時機成熟。不過，有社工認為學校推行性教育宜早不宜遲。　記者：林浚川

發生撕書事件是具天主教背景的德信中學，該校採用的是朗文出版的《 Interactive SCIENCE 》中一科學教科書，共分 A 、 B 兩冊。該校專責行政及家長教育的李主任表示：「我哋一早同出版商傾好，啲書會撕走嗰幾頁至送嚟畀學生。」

稱家長支持做法

記者翻揭該書 A 冊，發現第三章提及人體生育過程及正確避孕方法，並刊有多幅男女生殖器官手繪圖像，以及避孕套和子宮帽圖片，表達手法平實，並不淫穢。李主任卻形容：「後生仔睇咗圖可能有衝動。」又批評該書內容誤導：「唔係有圖就叫性教育。」至於為何該書「誤導」卻仍獲採用，李主任解釋：「書本其他內容冇問題，只係科學科老師唔適合教性知識。」李主任強調，校方並非恐懼或逃避性教育：「我哋喺中二開始就會由倫理科教師向學生講解性知識，要佢哋明白性係創造生命，唔係為咗享樂。」他又稱校方做法一直獲家長支持。

不過，香港青年協會督導主任徐小曼認為，青少年性觀念日趨開放，學校推行性教育越早越好，「以免學生聽埋啲歪理都唔知。」

德信中學由東亞教育促進會主辦，該會則由天主教屬會主業會（ Opus Dei ）創立。近年因被暢銷小說《達文西密碼》描述成反派教團而名噪一時。

特稿
性知識不等於鼓勵開放

對於有學校撕書避免學生看到性知識內容，教育評議會副主席何漢權認為學校不必這樣做，「  家初中大部份課程都有講性知識，甚至好多小學都會向高年級嘅學生講性知識。」他指學校可以邀請志願團體到校舉辦講座或設計教材，如他所任教的風采中學，每年都會邀請護苗基金及母親的抉擇負責人到校，向中一新生講解性知識。灌輸性知識及避孕手法，不等於鼓勵性開放，「何不及早預防，總好過出咗事至輔導。」

===========================================================

Tommy 問: 你今日 O 咀左未呀？

Merry Christmas Home Party

2007-12-25T16:52:00.000+08:00

趁父母去左旅行﹐放間屋出來做 Party venue. 反而係 25 號出街都係好貴﹐如果去 book 一間 cafe 的話我地又唔夠多人﹐唔能夠壟斷晒佢成間舖頭﹐仲要俾好多錢買埋d 化學飲品﹐仲要係通常都勁難飲。

咁不如我趁自己有地方﹐就自己話晒事﹐攪一個我地自己的 Party. 估唔到的係大家都有興趣。如果係楂飛同阿典可以出現的話﹐就更人齊。

Elvie 提議攪 Party 最好有 Cake, 佢一話想買拿破侖﹐我就估到係 Mimosa. 無他﹐因為我都食過﹐覺得好食。果然大家係呢個話題上都係心意相通。

Elvie 仲大家引入左一隻叫做 Settlers of Catan 的棋﹐好好玩﹐攪到我上左癮。我就提供電視同新版 Monopoly (The here and now edition)﹐教主就提供 Wii, Dick 就提供另外兩 set 手掣。唔好意思﹐小弟家徒四壁﹐開個 party 都要籌旗咁籌﹐拉雜成軍。

是晚玩到三點﹐大家先盡興而回。

可以再攪。

兩個人的做節

2007-12-22T23:27:00.000+08:00

今日下午爸媽就啟程前往機場﹐準備乘飛機到成都旅行。旅行社的安排「絕妙」之極﹐去程竟選搭晚上七時多才起飛的飛機﹐到達後一輪擾攘﹐已經是該回到酒店睡覺的時間了。就此將整整一天的行程活生生的騙走了﹐好狠的搶錢計。

就這樣﹐冬至的晚餐﹐因為沒有父母的情況之下﹐未能做節 (不是不能…)﹐於是我和弟弟兩個人﹐好好醜醜都總得要吃一餐﹐我未至於相信「冬大過年」﹐可能是因為被近年的商業廣告策略洗腦的後果﹐我覺得過年更大件事﹐但我仍然有一種比較傳統的感覺﹐冬至做節﹐是一定要和家人吃的﹐而且越多越好。

走到半路﹐我忽然想起今晚只有我們倆﹐可以不必「被逼」只吃附近的餐廳。一顆心立時飄到銅鑼灣﹐弟弟一貫的沒有意見﹐我就提議「挑戰難度」﹐於冬至的晚上﹐walk-in 去吃金滿庭。

弟弟的面上﹐有很多紫色直線。連他的背景也一樣。

一場歡喜的結果﹐通常都是換來一場空。到了門口的時候﹐見到輪候的人竟然比平日還要少﹐已經感到甚錯愕。再走多兩步﹐竟然見到裡面有甚多空檯﹐更錯愕﹐心感此事甚不妥。再走多兩步﹐見到 LED 走字板連號碼都沒有叫﹐更奇怪。再走多兩步﹐門口負責派籌的侍應去了哪兒？再走多兩步﹐見到玻璃窗上貼著紙﹐大意是今天只接受訂位﹐而且已經訂滿了。

侍應從接待處的底部忽然鑽出來 (literally!)﹐我提出我已經打定輸數的疑問﹐她給我一個證實死亡的肯定。從蒸籠裡面拿出熱騰騰的「流金歲月」然後飛快地咬破它的皮讓它滾燙的奶皇流滿嘴唇的快感﹐忽然間變成只能在腦中憑空地幻想。

Oh my god.

垂頭喪氣﹐漫無目的地走上扶手電梯。小南國有不少人在等位﹐但今晚的心已經託了給金滿庭﹐此刻忽然找個替代品﹐無疑是一手把自己連人帶心丟到溝渠去。事實非如此我當然理論上懂得﹐但溫家寶的一句「感情上過不去」套用於此刻就真的恰到好處。

經過一輪猶豫之後﹐走進了 California Pizza Kitchen. 上海小籠包變美利堅比薩﹐意料之外﹐是圍骰﹐通殺也。既然是特別情況的做節﹐吃一些平時做冬不會選的餐類﹐反而是理所當然的。至少我是這樣想。

目標徹底地改變﹐轉變又急又突然﹐變得完全不同﹐那就不再是為選擇兩個相似的心愛女人而猶豫﹐而是忽然從愛女人變成愛男人。口味轉變依然有跡可尋的話﹐會給人一種「變心」或「負心」的感覺﹐相反口味轉變太激烈的時候﹐反而難說成是「變心」﹐會「感情上過得去」﹐吊詭之最也莫過於此。

坐下來﹐呷一口凍檸茶﹐跟弟弟談談他自己。或許我倆的齡差七年是真的差太遠了﹐向來我倆哥兒都不多話。但慶幸媽一直都有跟他談談話﹐所以他不致於像我一樣﹐甚麼都不愛說給家人聽。自己總覺得﹐他們不是我的傾訴對象﹐我們是在完全不同的 bandwidth 之內的。大家的波幅波長﹐都很不同。只有很偶然的時候﹐我們的振動才會終於有一刻靠得很近﹐那一刻的共嗚﹐有一種很親切的感覺﹐我們是終於都同一渠道之中。然後﹐像波浪一樣﹐又各自各回到自己既定的頻譜之中。於上上落落之中﹐期待意外。

這一晚的做節﹐我覺得很愜意。但願二少亦是如此認為。

終於濃縮

2007-12-19T19:07:00.000+08:00

玩左 Facebook 都有一段日子。有玩過的朋友應該都知道﹐佢特別之處就係每日都有推陳出新的小 program﹐俾你玩完再 share 出去。

之但係好似我咁玩左一段日子的朋友亦應該已經醒覺到﹐果d 無日無之的的 Requests, 又真係幾煩的。尤其係當佢地已經由十幾個累積到變成一大條國殤之柱咁長的 requests 的時候﹐你就會頭痛。但全部都 accept﹐你亦都會頭痛﹐係好痛個隻。但如果你 accept 某朋友又唔 accept 某朋友﹐accept A 君的 grow-a-gift 而唔 accept B 君的 grow-a-bitch, 佢地又會唔開心﹐你仲頭痛。

我諗我知點解 Facebook 咁成功﹐因為佢地將一樣野發揚光大﹐呢樣「既野」﹐係中國人先鐘意玩﹐鐘意在乎﹐外國人應該比較少。

呢樣野﹐叫做「人情」。我英文無阿陶傑咁勁﹐姑且用自己的薄弱的 vocabulary 譯佢做 “favour”

能夠將「人情」呢家中國自家製的無聊極品融入一個新世代的交友網﹐創作者真係抵讚。

所以你話﹐Facebook 幾好玩。

終於到呢個地步﹐Facebook 終於將我的 requests group 埋一堆。Mama Mia, Hallelujah.

失禮到爆炸的離職信

2007-12-07T23:40:00.000+08:00

我係之前間公司做到今年的四月廿二。臨走之時﹐公司俾左一封離職信我。秘書對過﹐我對過﹐無問題﹐簽收。

西班牙番來之後我拿住封信﹐不停咁 send 信出去 apply 工。一路都唔覺得有乜野唔妥。

今日見工﹐俾份正本個 HR 小姐睇。佢睇左一陣﹐覺得唔對路。

「你話你做到今年的四月廿二？」

「係呀。」

「但係你封 reference letter...」佢指著那一句﹐說明我由幾時開始番工﹐番到幾時的那一句「佢呢句話你係 until 22 April 2006 喎...」

下？

2006?

我眼花？我睇錯？我未訓醒？我拿錯信？我睇錯字？佢睇錯字？佢掉左包？秘書打錯字？我記錯....？其實我只係做左半年野？

喂咩事呀﹐睇真d ﹐真係打住 2006 架喎！

天呀！原來我封 reference letter 上面個日期一路都係打錯的﹐點解一路我都發現唔到？其他 HR 都發現唔到？ (以會俾機會我 interview 的計) 點解甚至係之前的機場地勤﹐直頭俾埋 offer 我﹐都發現唔到的？

突然間﹐我面紅耳熱。四月離職﹐十二月先發現推薦信有如此重大又重要的錯字﹐真失禮死人。

唉﹐都唔知點解會咁....咁切身的事我都竟然可以睇漏。

Indian Nipple Song

2007-11-21T04:33:00.001+08:00

傷仲永

2007-11-07T01:38:00.000+08:00

金谿民方仲永，世隸耕。仲永生五年，未嘗識書具，忽啼求之。父母異，借旁近與之。即書詩四句，并自為其名。其詩以養父母、收族為意，傳一秀材觀之。自是指物作詩立就，其文理皆有可觀者。邑人奇之，稍稍賓客其父，或以錢幣乞之。父利其然也，日扳仲永環謁於邑人，不使學。

　　予聞之也久。明道中，從先人還家，於舅家見之，十二三矣。令作詩，不能稱前時之聞。又七年，還自揚州，復到舅家，問焉。曰：「泯然眾人矣。」

　　王子曰：「仲永之通悟受之天也。其受之天也，賢於人材遠矣；卒之為眾人，則其受於人者不至也。彼其受之天也，如此其賢也，不受之人，且為眾人。今夫不受之天，固眾人；又不受之人，得為眾人而已邪？」

矯枉過正@我愛香港所以愛之深責之切

2007-11-04T16:03:00.000+08:00

餐廳禁煙果面﹐講左好耐﹐終於都有結果。而且 so far 我所見到的係﹐成效都唔差。可能我去親的餐廳都幾守法。

跟住就來一個停車熄匙。呢個都係一件好事﹐但係﹐立法？Well….

曾幾何時聽過﹐其實停車熄匙﹐唔會比起唔熄匙﹐好得幾多。不過﹐因為車的廢氣的排出口真係好近行人﹐簡直就係自己腳底一樣﹐所以問題就會好似「近左好多」咁。

停車熄匙﹐我唔係反對立法﹐但點樣執法﹐真係好大疑問。立法後﹐會唔會情況好左？定係人人都選擇唔停車﹐慢慢咁向前行呢﹐或者死兜爛兜﹐總之就係唔肯停車呢？

呢個未發生的事﹐唔可以算佢「矯枉過正」。以下呢件﹐就珍珠都無咁真。

GOD 俾人充公晒 d 衫個單。

我真係諗爆頭都唔明﹐點解會 target 佢地。係﹐咁佢地大熾熾咁寫晒個名係度﹐的確有少少唔好。但咁樣踩界的衫﹐成個香港都係啦。你拉得幾多？

今次的 “IDEA”, 唔知係淫審處班古老石山諗出來的﹐定係警察自己食飽飯諗出來的﹐定係海關呢 (關海關咩事呢其實？我又諗唔出喎)？ OK 你想拉晒所有你地睇唔過眼的野﹐咁同專制獨裁﹐又有乜野分別呢？呢度係香港﹐唔係北韓喎﹐我地唔想有人民的思想控制。

跟住﹐就係到底決定話要告佢地的人﹐佢地明唔明咩叫做創作？

成日話香港係文化沙漠﹐無人肯創作。依家有啦﹐你睇下攪成點。如果你話小朋友唔肯去試新野﹐但攪左個大頭佛出來又一味係罰﹐到頭來又灌輸「要乖﹐唔準曳曳」的意識俾佢。過多一段日子就發覺小朋友點解一d 創意都無﹐成舊飯咁慒盛盛….

….咁應該怪邊個呢？好明顯啦下嘛﹐唔使畫魔鬼畫出腸….

跟住﹐就係到底決定話要告佢地的人﹐佢地到底知唔知 G.O.D. 平時做開乜野生意的呢？佢地的風格又係如何的呢？

老實講﹐雖然我個人應為GOD 的野真係好 X 貴﹐我完全買唔起﹐但我好欣賞佢地的氣質﹐佢地創作。正當我地一點一滴咁失去緊我地自己好寶貴的本土文化之時﹐佢地用左好多唔同的方法﹐將我地的本土文化一一咁用商品或者用品呈現番出來。而且佢地唔係做一次半次的 theme, 或者係一年半年的 promotion period﹐而係一路咁做落去。

我唔覺得佢地係第一個人 / 第一班人會用香港本土文化來做 theme 的 designers, 但堅持左咁耐到最後可以挨出個名堂的﹐相信都極少。香港人的眼光向來都好奇怪﹐一時好醒﹐一時懶 G 醒其實豬頭炳。所以佢地可以做到咁耐﹐我覺得應該支持。而且我間唔中都有去 visit 下佢地的總店﹐真係唔錯架喎 d design.

我真係好想問廣大的市民﹐唔通你地真係覺得咁樣係岩？雖然係大纜都扯唔埋﹐但我都想問埋﹐當年國際知名的大衛像﹐因為塑像係全裸的﹐所以就係「不雅物品」？你地班香港人唔係想其他人笑死我地下嘛？

喂我唔係反中亂港﹐但我真係唔想俾人睇到我同共產黨d 保守派係同一樣眼光呀。我地呢一代﹐衰衰地都叫做讀「番書」大的﹐我好相信我地唔應該有咁樣的「世界觀」同埋「文化觀」。咁樣真係太可悲﹐太可恥啦…..

唔怪得我去到西班牙﹐其他人問我以家香港回歸祖國﹐係唔係夜晚有 curfew? 有無黨領袖崇拜？有無禁制我地的言論同埋封鎖消息？

唔係一個人問﹐係將近十個人﹐係唔同的城市遇到的。

你睇下我地香港依家俾左個乜野的 image 人地睇﹐我真係唔敢相信﹐我地呢個最愛的香港﹐我呢個最感自豪的自由之城﹐我呢個最感自豪的City of Educated…..

原來﹐唔單止人地睇我地的外表都唔覺﹐原來自己身處其中睇番﹐都唔覺。喂你地睇下啦唔該﹐醒下啦唔該。

WHAT THE FUCK?!

2007-10-31T16:43:00.000+08:00

http://www6.discuss.com.hk/viewthread.php?tid=5655554&extra=page%3D3&page=1#

賤人藝術家 , 請大家一齊投票杯葛佢 (轉貼)

無論你有無養狗 , 都請你用少少時間睇睇 , 請幫忙投票 . 看完後心情久久不能平復 , 唔止個衰藝術家 , 主辦單位點解會容許呢個賤人係度做展覽, 仲有去參觀嘅人點解全無感覺 , 無人會去拯救呢隻可憐的狗狗 , 我對呢個國家嘅人徹底失望 .

以下轉貼自: 來自哥斯達黎加, 名字叫Guillermo Habacuc Vargas的"藝術家"。他將一隻飢餓的流浪狗，作為他的藝術作品。他不許任何人給狗兒食物或水，最後可憐的牠終於給‘餓死了’。他代表自己的國家被參選—『Bienal Centroamericana Hondura 2008』。

請大家一齊到這裡簽名 http://www.petitiononline.com/13031953/petition.html 來杯葛他！仲可以衰到將狗糧貼係牆上去引誘隻狗狗... 可憐既小狗....成為藝術下既犧牲品........

==============

我只能用人神共憤來形容的我心情﹐同埋感覺。

Costa Rica 原來係d 咁的地方....

兩個大學站

2007-10-27T04:25:00.000+08:00

西港島線拍版落實﹐大家都開心。政府消息話﹐有一個最近港大的站﹐會叫做「大學站」。

無問題呀。

唔係喎……..諗深一層﹐兩鐵會合拼架喇喎﹐咁「一鐵豈能藏二大學站」呢？

我係好愛中大的中大人﹐你話叫我放棄「大學站」呢個名咩﹐又唔捨得。話晒佢都係好多人﹐尤其係舊生﹐的集體回憶。

你叫港大人放棄「大學站」呢個名咩。政府都放左風﹐依家先話唔得的話﹐港大班人同你地死過都似。港大人對「名」呢件事幾著緊﹐你睇下佢地依家個醫學院叫咩名就知….

叫「中文大學站」同「香港大學站」啦﹐咁 City 同 BU 咪好慘？會唔會扭計要九龍塘變做「城浸站」或者「浸城站」？兩個名都好唔老利喎。嶺大都可能要求「兆康站」改埋一份….跟住紅磡又變埋「Poly 站」….最慘就係 UST, 無得玩。

咁一係一個叫「南大學站」一個「北大學站」。但係….好 L 娘喎咁叫法﹐十足十大陸d 火車站咁…聽見都覺得 UN 耳。

網上原來對呢件事討論甚切。人人都加幾句意見﹐但我覺得有一個好似幾岩。

就係鬥「搶」。

邊個搶到先﹐咪邊個的囉。香港從來就係一個咁樣鬥搶的地方。

即如百幾年前港島果間大學搶到「香港」呢兩個字﹐咪可以叫自己做「香港大學」囉。其他後來居上的﹐唔怨得人唔可以用「香港」的「大學」來做名稱。咁咪變成「中文」囉。再後來的﹐各有各原因。

咁中大搶先得到鐵路連接﹐然後叫做「大學站」。咁…..老實講﹐港大的同學們﹐你地唔怨得我地架喎…….

手快有手慢無嘛……

我的精神病

2007-10-26T03:01:00.000+08:00

今期好鐘意玩 Facebook. 可能係因為以前無乜玩過 Friendster

所以突然間玩就覺得原來都幾好玩

今日新加左一個 application, 叫做 "My Personality" 顧名思義就係估我的人格係點

睇起上來好似好 pro 咁﹐尤其係果五個 term 我都好似係大學讀 Introduction to Psychology 的時候讀過。而且d 問題都好似熟口熟面咁。

得出的結果﹐大概就話我係一個又痴痴地線﹐又鐘意發白日夢﹐份人又無口齒﹐做野又無擔戴﹐又有社交恐懼症﹐又成日以為其他人做每件事都有動機....的人。

Well, 都幾準。

之後佢有一個 Personality Disorder 的判定﹐根據你的人格判定你最可能有無野 Personality Disorder. 唔使驚﹐其實我覺得人人都會有精神病﹐人人都會有 Peronality Disorder 的。就好似 Physical Health 一樣﹐Mental Health 我相信其實都會有少少不健康的狀態的。

我的 Personality Disorder 叫做 Borderline Personality Disorder. 咁即係乜野呢？我都無讀過心理學﹐完全唔知。翻查我偉大的老師 Wikipedia, 得到以下段落：

Borderline Personality Disorder (DSM-IV Personality Disorders 301.83[1]) (BPD) is defined as a personality disorder primarily characterized by emotional dysregulation, extreme "black and white" thinking, or "splitting", and chaotic relationships (Really???). The general profile of the disorder also typically includes a pervasive instability in mood, interpersonal relationships, self-image, identity, and behavior, as well as a disturbance in the individual's sense of self. In extreme cases, this disturbance in the sense of self can lead to periods of dissociation.[2] (諗諗下又好似真係有喎....死喇﹐我到底係邊個？....)

睇到呢度﹐都有少少「唔 L 係呀...」的感覺

The disturbances suffered by those with borderline personality disorder have a wide-ranging and pervasive negative impact on many or all of the psychosocial facets of life, including ability to hold down a job and relationships in work, home, and social settings. Comorbidity (呢個咩字？) is common; borderline personality disorder frequently occurring with substance use disorders and mood disorders. Attempted suicide and completed suicide are possible outcomes without proper care and effective therapy.

嘩！唔係卦？

Click 多幾 click, 原來有中文版喎﹐等我睇下自己的英文理解有無錯先....

根據最新版的《DSM-IV-TR》的定義，BPD可分為Axis I和Axis II。邊緣性人格障礙的主要徵狀如下[1]：
1. 瘋狂努力以避免真實或想像中的被放棄。
2. 不穩定且緊張的人際關係模式，特徵為變換在過度理想化及否定其價值兩極端之間。
3. 認同障礙：自體形象（self image )或自體感受（sense of self）持續明顯不穩定。
4. 至少兩方面可能導致自我傷害的衝動行為。
5. 一再自殺的行為、姿態、威脅，或自傷行為。
6. 由於心情過度易於反應，情感表現不穩定。
7. 長期感到空虛。
8. 不合宜且強烈的憤怒，或對憤怒難以控制。

任何病人若有以上九點的其中五點，就可以確診。

唔 - 係 - 卦~~~~!!!!!!

都係無聊

2007-10-25T04:09:00.001+08:00

東寶小館

2007-10-09T17:01:00.000+08:00

唔知點解﹐同阿 K 行行下﹐突然間話﹐不如今晚食東寶小館。

前往東寶的途上﹐遇到新光戲院門前的「十三座牛雜」。K 話好多人喎﹐我話你咪食囉﹐我怕食牛雜。佢排隊﹐買﹐食﹐然後笑。佢話好多年無食牛雜﹐因為呢幾年的牛雜越來越唔好食。今日終於食到好好食的牛雜。佢一路食的時候我一路係度睇店子貼閘框的剪報﹐當然全部都係介紹佢地的牛雜﹐重話自己係用新鮮牛雜﹐其他人因為鐘意用急凍牛雜﹐雖然方便好多但無咁好食。Anyway, 我食牛肉咁多年﹐唔知點解就係提唔起興趣食牛雜﹐總覺得過唔到自己心理果一關。

係佢仲想來多一串的時候﹐我就拉住佢走去東寶。

基本上成個渣華道熟食中心都係由東寶攪旺個場。平日夜晚七時許八時﹐東寶小館依然滿座。有去過東寶的朋友都應該知道﹐東寶的場有幾咁大。坐滿晒的時候﹐真係好有以前係中大年年都有得食的「千人宴」的感覺。當然﹐呢度的食物好過千人宴幾千幾萬倍。

好彩兩個人﹐易搵位。東寶生意多到唔憂做﹐要等位的話﹐唔係過半數就 OK,係要齊人！兩三個人要等齊人都唔難﹐八九個人要等齊人的話﹐真係等到蚊到訓。其他先到的人﹐等位等到打 PSP, NDS, 睇 Games Weekly, 忽周﹐東周﹐睇報紙﹐搽指甲油﹐補粉﹐畫 eye shadow, 煲電話粥﹐玩 PDA, 睇人玩 PDA, 玩電話﹐睇隔離位玩電話﹐睇公司的文件﹐睇隔離位的公司文件 (?!), 玩手指﹐睇隔離位玩手指﹐望天打卦﹐望地打卦….

我睇見佢地都辛苦。

食左一陣﹐我見到有個人的樣都幾搶鏡﹐睇真d….吳彥祖？！WOW! 吳彥祖都來呢d地方食野喎！

但咁都唔夠驚﹐你估下仲有邊個？係 Amanda S.! 不過佢真人都唔係幾得呀下….之間仲有好多個唔知乜野人一齊﹐應該都係陳志雲果種你唔識佢但其實佢隻手遮天的癲佬。

一路食﹐一路都見到一d 你會覺得佢似有名的人﹐但你又講唔出名的人﹐尤其係果d 闊太﹐你成日都係報紙見到佢地出入 Ball 場﹐但從來唔會留意佢地d 新聞的人。

之後﹐見到有個勁肥的背影行過﹐K 正想同我講﹐我話你唔使講﹐我睇見佢個背影咁肥﹐行路行得咁核突﹐就知一定係杜汶澤﹐right?
食多陣﹐見到張國強係前面行過來…唔高﹐好老。但個樣仲好英。

食多陣﹐見到王合喜從後面閃出來。好黑好 sporty﹐但完全唔明星。聽聞王合喜改左名想轉運。

食多陣﹐見到陳子聰。當時我諗﹐有吳彥祖有陳子聰﹐會唔會有埋連凱同尹子維呢？

今晚東寶小館做咩事….？開記者招待會嗎？

大批狗兒到泳池游水？

2007-09-27T03:54:00.000+08:00

如果香港的泳池可以咁樣做的話﹐相信好多人會多多錢都願意俾囉。

http://www.intheory.tv/?p=72

出售寵物來源合法化

2007-09-22T03:18:00.000+08:00

支持出售寵物來源合法化簽名運動

漁護署計劃修改「動物售賣商牌照附加條件」，確保所有持牌狗隻售賣商所售狗隻皆有合法來源，打擊內地走私犬、防止瘋狗症傳播。

我們非常贊成漁護署的建議，認為此計劃有助打擊本港日益嚴重的內地走私犬、無牌繁殖場等問題，對於維護香港的動物權益起非常正面的作用。如果你也認同漁護署建議,請加入我們的簽名行動

http://www.petitiononline.com/legalpet/petition.html

----------------------

其實如果大家唔係好了解香港的寵物環境係點的呢﹐我可以一概都講講。

點解香港的寵物會係千幾二千﹐甚至有時候幾百蚊就可以買到一隻狗一隻貓的呢？其實好多時都係因為佢地係大陸的走私狗。當然唔會係真的純種狗﹐仲有的就係﹐環境極差﹐根本唔係一個正常的地方﹐你唔會係香港想像到大陸人為賺錢﹐將d 動物點樣對待。聽過太多 case, 佢地當狗媽媽係生育機器不停要佢生﹐生到自己營養不良﹐唔係瘦晒就算數果種營養不良﹐係骨都無骨質﹐眼都白內障﹐肌肉都痿縮﹐果一種。

然後﹐好多香港人百百痴痴咁 (對唔住﹐真係要用呢個字) 就話要買寵物﹐然後好快﹐就有一千幾百個 lame 到不能再 lame 的 excuse 來遺棄佢地﹐或者虐待佢地。

如果可以做到十萬蚊先買到一隻純種狗﹐我相信香港會少好多動物的問題。將心比心﹐你願意能夠做到的事﹐但唔做﹐任由個d 無來 sense 無來智慧的人 (例如十六歲扮發現棄嬰的) 來養寵物嗎？

我做唔到哩...真係。

兩隻可憐的狗

2007-09-17T05:25:00.000+08:00

今日特意千山萬水的走到天水圍﹐接馬克王子出來打防疫針。千里迢迢的為打一支針﹐這種「想見佳人一面」的籍口未免有點那個。

於獸醫等待處﹐見到一隻極可憐的狗狗。最「注目」的應該是牠背上的血焦吧。那一大塊剃光了毛髮的皮膚之上﹐佈滿了又黑又紅的血焦﹐極是嚇人。看牠的樣子應該是金毛尋回犬﹐但此刻牠的模樣真的叫我完全想像不到牠如何「曾經」是一隻金毛。細心看她﹐肚子脹了﹐我以為是有身孕﹐但原來主人都不知道。

看她的樣子﹐毛囊炎的情況很嚴重﹐壞死的皮膚面積極大﹐差不多大半個背部都焦了。我相信如果早發現的話﹐應該不會擴散至如斯嚴重的地步﹐心裡打定輸數中間或多或少有「延醫」的成份在內﹐只是不知責在何方。

再看一下四腳的關節位﹐是金毛尋回犬此等大狗﹐因為趴下和站起的關係會經常磨蝕的位置﹐四肢的關節位都尚有毛髮未剃﹐但看得出來色澤又深又霉﹐必是長期受潮﹐沒有得到悉心打理而致。何能是有關節問題主人沒有理會﹐更差者可能是四肢關節長期浸於潮浸有菌的環境中。任何一個理由都似乎是疏忽照顧的強力証據﹐但我沒有作聲。

主人炫耀到這一隻狗狗已經生過五、六胎狗兒了﹐他談到每一胎如何如何的時候眉飛色舞﹐更讓我懷疑此人有存心以狗隻作生育機器﹐為謀一己私利之用。金毛犬雙眼極可憐的望著我們﹐一眾輪候看獸醫的主人都心酸了。

但最讓我懷疑那主人以狗兒作生育機器的理由是﹐旁人問完金毛犬曾生過幾多胎狗兒之後﹐都勸他夠了﹐不要再讓狗兒再懷孕生子的時候﹐那主人靜默了一會﹐然後才氣若懸絲的答道：「睇下點。」

就是被追問之後﹐他短短一刻的默然﹐就是他那一刻的猶豫﹐那一條根本不用再猶豫的問題。我幾乎就肯定﹐金毛犬那一雙可憐的眼情﹐曾看過甚麼樣恐怖的生活。旁人還在可憐金毛犬的時候﹐我已經忍不住用極憎惡的眼光望住那一個主人。

就在此時﹐有個女人帶著一隻史納莎走進獸醫診所看病。

史納莎全身都綑滿了繃帶﹐四肢和頭卻沒有﹐看起上來有點兒滑稽。後來才知原來故事很慘。

那一隻史納莎﹐性情極溫馴﹐兼且成為了狗醫生﹐更是平易近人的「信心保証」。但有一個毛病﹐就是不大願意多喝水﹐久而久之﹐就生了尿石。

女主人帶史納莎到大埔一所獸醫做尿石移除手術。麻醉過後﹐放史納莎於暖氈之上﹐保持體暖﹐然後開始手術。但不知道誰的錯﹐竟然將電暖氈的溫度調得過高﹐但當場竟然沒有人發覺。極度過熱的暖氈﹐就這樣慢慢的就將狗兒的毛皮﹐緩緩的﹐活生生的煎熟！狗兒又全身都麻醉了﹐不懂得叫痛﹐就這樣﹐背部的毛髮當然都燒焦了﹐皮膚也嚴重的燒傷。到診所發現的時候﹐似乎已經是太遲了。

手術後女主人來到診所﹐欲接走狗兒﹐但診所推說狗兒對麻醉藥敏感﹐所以未能接走。女主人見到狗兒背上包滿紗布﹐大惑不解﹐但診所一直推說是對麻醉藥敏感﹐不能接走要多觀察幾天。兩三天之後女主人越想越不妥﹐執意要接走狗兒﹐診所見快將事敗﹐對女主人抓破了臉﹐罵她不相信獸醫 (虧他們還說得出口)﹐罵她執意要接走狗兒是沒有禮貌之舉﹐女主人當然不理。

回到家﹐女主人為狗兒掀開紗布﹐發現整個背部都是焦毛爛肉﹐紅的流血﹐白的流膿﹐黑的焦肉﹐棕的焦毛﹐想當然極是恐怖的了。就急急的帶狗兒到我們這一間診所求診﹐獸醫一看﹐就知絕不是甚麼「麻醉藥敏感」云云﹐是燒傷了。燒傷的範圍很廣﹐廣得醫生想再狗狗身上找其他部位完好的皮膚作植皮手術﹐也不能﹐因為燒傷的範圍太廣了﹐狗兒全身的「完好皮膚」都不足以蓋過所有的傷處。

女主人並沒有對我說她當時的反應﹐但我可以想像得到。

她似乎是一個讀過不少書的人﹐說起話上來清清楚楚﹐雖說得細聲﹐但整個診所的人都靜下來﹐聽她將整件事娓娓道來。她聲細氣弱﹐將整件事輕描淡寫的說出來﹐但聽的人無一不感到毛骨悚然﹐有好幾人都像我一樣﹐空張著咀巴﹐卻說不出話來。一陣恐怖感﹐又換來一陣憐憫的眼神﹐後來卻又滿腔忿怒﹐紛紛出言大罵大埔那一位庸醫的不是。

我當然是其中的一個人。聽到了史納莎的故事﹐我久久都不能言語﹐心裡面猶像忽然多了一塊千斤巨石一樣﹐壓得我一顆心沉甸甸的。

過了好一回﹐我望望坐在我大腿上的馬克王子﹐牠又正巧發現我望著牠﹐向我回望﹐四目交投。那一刻﹐我感到很欣慰。馬克王子發現我眼神有異﹐定晴望著我多一兩秒﹐就轉頭望診所內其他的狗兒了。我雙手從牠兩脅底下抄過﹐輕輕的將牠抱緊﹐貼近我的懷中﹐嗅嗅牠身上那一陣「狗味」﹐溫柔的撫摸牠渾身黑白交雜的毛髮﹐深深的慶幸牠身體健健康康﹐沒有甚麼大病大痛。

這一刻﹐我感受著牠身軀的溫暖﹐覺得「身體健康」和「一切正常」都是一樣﹐是種福氣。

我﹐很幸福。

生日應該快樂

2007-09-14T23:00:00.000+08:00

又一年了。又大一歲了。

同屋企人到 Cafe Marco 吃 Dinner Buffet, 又遲到。

用優惠券﹐所以要分開兩張檯﹐是在 Spice Market 慣用的技倆﹐但料不到檯子分得那麼開。

三百多元一位的自助餐﹐半價後才覺得價錢正常。

謝謝爸媽。

失業半年﹐反而一點兒也不緊張。

活了多年﹐反而覺得天大地大。

覺得天大地大﹐反而想掘個洞鑽進去。

我好迷糊。賦閒在家的這段日子﹐明明每天都有事做。但又似沒事做。

到底有事做﹐還是沒事忙? 我開始抓狂。

有時候一個人就很容易抓狂。

這些賦閒在家的日子﹐其實每天都會出門﹐不是真的「隱蔽青年」。但性事越來越躁狂。

有時候﹐連覺得熱所以掙扎要不要開冷氣﹐都會變得讓自己抓狂。要不要去那兒﹐要不要吃比較貴的食物﹐要不要花這個錢﹐也會讓自己抓狂。有時事情其實不涉金錢﹐但都抓狂。

對不起﹐我讓身邊人都快瘋了。

生日應該快樂

七大結界石？！

2007-09-13T20:56:00.000+08:00

好多好多年之前﹐屋企部電腦裝左一個來歷不明的 program﹐係一個 Geographical Database 的 program. 裡面有晒所有國家的名稱﹐位置﹐地圖顯示﹐首都名稱﹐甚至可以播埋國歌出來聽添。應該係用來學地理的。當時我連最基本的 Sound Blaster 的 Sound Card 都無﹐於是佢只能用 Hardisk 來發聲播世界各國的國歌。你話幾詭異。

Anyway, 個重點係﹐當時我 search 香港﹐佢竟然話香港係有首都的﹐位置係中環﹐但名稱呢﹐就叫做 "Victoria"。我大惑不解。我當時已經識睇地圖﹐好肯定呢個 "Victoria" 肯定唔係 "Victoria Park"。於是我諗﹐應該係呢個 program 好舊﹐可能香港 N 年前真係有個地方叫做 Victoria 係中環附近一 D 都唔奇。之後就再無理佢。

到近日上網 search 野發覺﹐原來香港曾經真係叫做「維多利亞城」"City of Victoria"。

詳見以下生果日報的報導。

http://www1.appledaily.atnext.com//template/apple/art_main.cfm?iss_id=20070819&sec_id=4104&subsec_id=11867&art_id=10044267

-----------------------------------------

百年古物　網上掀拯救行動
專題報道：第七界石　神秘消失

一塊消失的界石，掀起拯救「維多利亞城界石」行動。被網民認定是港英政府為維多利亞城（ the City of Victoria ）豎立的第七塊界石（ city boundary marker ），兩個月前在港島馬己仙峽道被人神秘移走，至今下落不明，引起外界關注其餘六塊界石的下落。本報追尋發現，該六塊界石均沒有得到政府的適當保護，市民對它們的珍貴歷史也感陌生。
記者：黃偉駿　謝明明　蔡元貴

港英政府在開埠初期，將現今的中西區與灣仔區一帶發展為維多利亞城，並於 1903 年刊憲及豎立了六塊界石確立範圍。該六塊界石至今已有逾百年歷史，至於被大部份網民認定的第七塊界石，據悉於 1920 年代中期豎立，位於馬己仙峽道一幅護土牆下，但古物古蹟辦事處卻一直不肯確認該塊界石的身份。

斜坡施工時　疑被搬走

直至今年 6 月中，有熱心的網民突然發現該塊界石不翼而飛，懷疑是維修斜坡的工人施工時將界石搬走，不少網民先後向地政總署及古物古蹟辦事處查詢，但各部門均未能解答界石的下落。

第七塊界石可能遭遇「不測」，令網民非常關心其餘六塊界石的下落。獲官方確認身份的六塊界石，分別位於堅尼地城、薄扶林道、克頓道、寶雲道、舊山頂道及黃泥涌道，以近乎一條直線貫穿中西區與灣仔區。界石呈方形柱體，高 1.2 米，頂部是一個「金字塔」，以花崗岩建造，石身刻上「 CITY BOUNDARY 1903 」字樣。

現時政府沒有將維城界石列為受保護的法定古蹟。本報昨日追查各界石的下落及最新情況，發現它們所在位置毫不起眼，埋沒於公園、護土牆之中，除了未有得到適當保護，也缺乏應有的宣傳。位於西寧街堅尼地城臨時遊樂場的界石，處於花槽與公園鐵絲網之間，記者在公園內花了接近 20 分鐘才「僥倖」尋獲其所在。每日均在公園「打躉」的梁伯伯，在區內住了超過 30 年，坦言從不知道有一塊界石存在。

欠宣傳介紹　長滿青苔

另一塊豎立於舊山頂道的界石，有近三分一石身已被埋藏護土牆內，石身頂部更佈有一層薄薄的青苔，顯然長時間沒有人清潔。位於黃泥涌道、聖保祿天主小學對面的界石，雖然身處馬路旁邊，但大部份車輛駛過並沒有刻意減慢速度欣賞界石。惟有豎立於克頓道的界石，旁邊設了一個中、英、日三種言語的宣傳牌，介紹它的來歷。記者昨日一心尋找界石下落，但也多次跟它們擦身而過沒有發覺，一般途人或遊客若果對界石毫無認知，相信更難會發現它們的存在。

蘋果資訊
中環灣仔劃界變維城

本港開埠初期，一切商業、軍事活動均集中在港島以西，港英政府最先在中環與上環進行開發，隨後將發展伸延至西環、半山及山頂一帶。當時雅賓利道以東主要用作軍事用途，倉庫、海關及軍營均設在中環海旁，民居多數聚居於上環及西營盤。

紀念維多利亞女皇

1843 年，港英政府為了紀念 1837 年登基的維多利亞女皇，於是將中環及灣仔一帶改名為「維多利亞城」，隨後城內範圍不斷擴展，由 1844 年僅約 100 幢建築物，到 1874 年激增至逾 1,800 幢建築物。

港英政府於 1903 年正式刊登憲報，頒令界定維多利亞城的範圍，並在西環至現時跑馬地一帶，合共豎立了六塊界石，以標明維多利亞城的邊界範圍。不過，香港隨後發展迅速，人口在第二次世界大戰後不斷增多，中環多年來更進行多次大規模填海工程，維多利亞城隨歲月流逝，變得名存實亡。

古物古蹟辦事處表示，現時本港法例訂明城市範圍，故此該六塊界石只是一種象徵標記，不具任何法律意義，現時僅作為標誌過去城市邊界的歷史遺。

港英政府於 1903 年豎立的六塊界石

1) 西寧街堅尼地城臨時遊樂場內 ◆ 隱沒於花槽與飲水機之間，附近的老街坊均不知道其來歷
2) 薄扶林道遊樂場附近的行人隧道入口 ◆ 位處行人隧道入口，平日甚少人行經
3) 克頓道近寶珊道（往龍虎山方向） ◆ 唯一有官方介紹牌的界石
4) 舊山頂道近地利根德里 ◆ 部份埋在斜坡內，滋生了薄薄的青苔
5) 聖保祿天主小學對面的露天停車位 ◆ 不甚起眼，表面有少許污
6) 寶雲道步行徑（御峰附近） ◆ 位於步行徑路旁，很多時與垃圾車為伍
7) 馬己仙峽道 15 號民間認為消失了的第七塊界石

----------------

失落的城市﹐七塊界石定立城市邊界﹐最後一塊神秘失蹤﹐再加少少天馬行空﹐少少神秘力量﹐少少 crossover﹐少少史實與虛構的完美配合 (e.g. 鹿鼎記)﹐簡直就係日本最暢銷漫畫系列的劇情。

例如..............聖鬥士星矢之維多利亞城篇﹐要打贏晒城界石的守衛﹐先可以打城界石﹐打斷晒七條城界石﹐先可以解封維城﹐先可以打大佬﹐到最後封印於獅子山的神獸金毛獅子就會釋放出來﹐眾人大戰金獅子﹐然後先可以救出觀音娘娘 (香港版的雅典娜)........................咁依家第一塊擁有神秘力量的界石失守﹐相應代表著北斗七星中的「天璣」星已經殞落 (咁岩有七塊石﹐唔再用十二星座﹐用北斗七星)﹐魔界裂口更大開﹐嘩...........

欲知後事如何﹐請即到附近書報攤搶購「聖鬥士星矢」之「維城觀音篇」~~~~

Hairspray!

2007-09-11T23:22:00.000+08:00

係倫敦旅行的時候﹐無論行街﹐定搭地鐵﹐定睇電視﹐都要經常見到 Musical 的宣傳。倫敦的 Musical 的確係好熱﹐排隊的人多到無倫。我好想睇架﹐但係我到最後都係選擇 meeting friends instead of 去睇音樂劇。

當時有套戲係英國做緊宣傳﹐叫做 Hairspray. 我見到個宣傳﹐勁想睇﹐好似好 70's 咁 (事實原來係 60s)。佢地做的 Banner 好有型﹐黑色一大條﹐上得 HAIRSPRAY 幾隻字﹐但隻隻字都唔同的彩色﹐而且有晒徐小鳯式的「波波」圖案﹐好正。可惜時間短促﹐要番香港。當時仲係度諗﹐呢d 戲應該香港都唔會上架喇﹐會上的話頂龍都係 Broadway 電影中心先會上。

點知全港都上﹐於是走去睇睇張 poster. 嘩﹐頂﹐邊個揀架？又老土又唔好睇。Retro 呢家野係好興﹐但都要識得攪好佢先得。拿掐得唔好的話﹐就會 Retro 變「老土」。我望住張 poster, 感覺簡直係王晶的爛片系列﹐或者係肥姐的富貴逼人系列一樣﹐放係一個 2007 年的地鐵燈箱廣告﹐只得一個後果 - 完全無看此片的意慾。反宣傳成果 100% 收效。

可能香港呢張 poster 的 version 實在太差﹐所以我係 Google 搵極都搵唔到﹐唯有搵到呢張係英國都見到的 version 俾大家睇住先。

但係﹐我好相信自己雪亮的眼光 (謎之聲：又有人自吹自擂)﹐於是我決定搵人陪我睇。友人將信將疑：「呢套野成套王晶片咁的死樣....得唔得架大佬？」「你信我喇」其實都唔知佢係咪真係「得」。

睇完﹐兩個字：「好得！」「勁得！」

一開場的 Good Morning Baltimore 已經勁好聽﹐個肥妹仔又好可愛﹐d 歌又動聽﹐跳舞嘛, 始終係 60s 為背景, 創新時代﹐乜野都有﹐幾好睇。睇完套戲﹐勁有想買佢隻 Soundtrack 的衝動。

頭半場簡直係 10 out of 10 滿分。到中段有後勁不繼之感﹐但仍然屬高水準。直到最後的結尾曲﹐將所有元素混在一起﹐幾十人一齊載歌載舞﹐光影之間醉迷觀眾﹐忍不住跳出坐位一起跳舞﹐將整套戲都帶到最高峰結束﹐是高質素的開心的 Musical (Musical Comedy?) 不可或缺的一環。

誠意推介此片給各位朋友﹐開心快活的朋友自然要睇﹐死氣沉沉的朋友更加要睇！

我俾 10 out of 10! 後半段無咁好都算數啦

搜食‧海港城

2007-09-10T23:20:00.000+08:00

最近經常出入海港城。有些好味的餐廳或食品推介給大家。

上面呢個叫做 Strawberry Cookie Cream Puff. 比起以賣 Cream Puff 而著名的 Bear Papa﹐呢一個 Cream Puff 做得更實在。佢裡面的 Cream, 比起 Beard Papa 打得更實﹐而且有好重的牛油香味﹐個人口味來講覺得呢個仲好味。而且仲有咁多 Strawberry 片﹐都只係賣 $12, 簡直係 fight 低晒所有 Beard Papa! 不過衰在我買的呢一件個皮已經淋晒﹐唔似得 Beard Papa 咁即叫即「泵」cream 入個 puff 入面。

係邊間舖頭咁巴之閉可以出到個 Puff 仲抵食過 Beard Papa? Panash 是也

海港城 Panash: 海運大廈近天星碼頭地面﹐從天星出來﹐往 Habitu 走進內﹐在和花亭對面﹐位於 KidX 的那一層。

上面呢兩隻係生蠔﹐部手機的相機 resolution 再低﹐都睇得出。呢度係太子酒店的自助餐, Spice Market @ Marco Polo Prince Hotel。由於阿媽係樓上番工﹐所以對呢度的「行情」瞭如指掌。亦因此﹐佢成日都係度食下午茶﹐食得多﹐就 join 埋佢地的 membership。於是我好耐之前就已經來食過。屋企講親話要食 buffet 都係來 Spice Market 因為有得平 (好多)。到最後﹐佢亦都幫我申請埋一張附屬卡﹐我就用呢張附屬卡來同一個 fd 食 buffet。兩個人一張檯的 discount 有幾多？ 50% off!

當晚由於係 Happy Friday 的 Friday night, 所以已經當係星期六日晚上咁的時段計﹐不過我地為左食宵夜時段﹐挨餓挨到 10pm 先食。但係正價都係 $148, 50%, 10% Service charge 只樣以 $148 為主來計算﹐即係除番開每個人都只係八十零九十蚊。咁就可以食到酒店自助餐﹐仲要係勁好食的自助餐。

最 surprise 的係﹐當晚係生蠔任食！平時酒店的自助餐都會有生蠔﹐但就唔係間間都有﹐而且通常都係供應有限。於是當晚生蠔一出的時候﹐各位香港人都一窩蜂咁走去搶。跟住經理又抬出一大盤生蠔﹐眾人又抓破臉皮的搶。然後經理又抬出一大盤生蠔﹐又搶光﹐又一盤﹐搶左一半﹐又一盤﹐搶左幾隻﹐又一盤....無人再搶。

我真係好 surprise﹐見到一個大酒店級的自助餐的生蠔﹐竟然多到無人要。係咪難食呢？絕對唔係。我不嬲都唔食生蠔的﹐但都吸引到我試一隻﹐竟然一d 腥味都無﹐仲有少少海水味﹐連我呢個唔鐘意食生蠔的都連食多三四隻﹐朋友直頭讚不絕口添。係咪太細隻呢？有圖為証﹐我一d 都唔覺得細囉。

其實我係見到每一檯都有人搶﹐到最後每一檯都有人食到一堆蠔殼﹐簡直係「蠔」氣干雲的一派景象！真係估唔到﹐九十蚊的自助餐 (對我來講) 都竟然可以有無限供應的上等生蠔﹐真係「對蠔當歌﹐人生幾何」！

除左生蠔之外﹐魚生﹐壽司﹐Chocolate Fountain, 沙律麵包﹐湯等等 standard 的野﹐統統都好好味。而且因為名字叫做 Spice Market, 所以有很多東南亞的食品。當中尤以泰式烤沙爹串和泰式冬蔭公湯特別好味。另外﹐就係有上圖的野。咩來呢？之咪就係生的蝦﹐生的魚片﹐生的假魚翅﹐生的蟹腳 (not in the photo)﹐等等囉。要來點食？就係夾好之後﹐交給專人為你整你自己選料的生~滾~粥~!

睇到上圖呢舊人唔似人﹐鬼唔似鬼的垃圾﹐一睇就知係 Waffle 啦﹐係咪？睇唔出？噢...你眼力差姐。其實佢係一舊 Waffle 來架。係我親手倒奶漿入去個烤 Waffle 機入面整出來架。之後再走到雪糕 stand 拿我最喜愛的 Haagan Dazs 雪糕於上面 (Vanilla 最 top, 下面是 Chocolate, 右下角那一 pat 是 Strawberry, 亦是 Haagan Dazs 的三大最正 flavour 之一) ﹐再灑一 D 朱古力碎入去﹐就變成上面 show 出來咁可愛的垃圾..... I mean, 甜品.......

Spice Market 香味屋: 海港城太子酒店三樓

Tel: 21136046

轉個口味﹐我地食中菜﹐一齊去「翡翠拉麵小籠包」。呢碗係紅油牛肉拉麵﹐今日下午同親愛的媽媽食的。起初見到佢個紅油紅到好似機油咁﹐以為會辣到飛起﹐點知原來係聲大大無貨賣﹐辣係辣﹐但絕對無麻辣米線咁辣 (都唔諗下兩樣野係完全唔同的﹐麵不同﹐風味不同﹐產地不同﹐用料不同﹐點可能拿佢來比較的呢)。麵身比起我心愛的金滿庭做出來的麵好得多。老實講﹐雖然我係金滿庭的 fans, 但係佢的麵﹐我真係食足咁多次都覺得要俾個 "mediocre" 呢個字佢。反觀呢間遠從獅城來的外援﹐做出來的拉麵真係好食多多聲。雖然有個無謂的 complaint, 就係麵身實在係太長﹐剪左都係嫌太長﹐我嫌麻煩。

至於小籠包﹐唔夠金滿庭好食。論價錢論份量論味道﹐都唔夠金滿庭好。「打遍天下無敵手」的不是「金面佛苗人鳳」﹐而係「金滿庭」。

最後呢位佳麗﹐係海港城 (甚至係香港) 的資歷係最短的。佢叫 "Freshness Burger"。你無睇錯﹐唔係 "Fresh Burger", 而係 "Freshness Burger"。聽聞佢係日本來的 Burger 店﹐係日本同已經進駐香港好一段日子的另一間來自東洋的 Burger 店 "MOS Burger" 都鬥得幾火紅火綠。 Freshness Burger 有幾食﹐我已經無心機再慢慢描述你聽﹐你自己試。但圖中的食物都會推介你一試。自左下 clockwise: 唔記得乜名 Burger A, 唔記得乜名 Burger B, 粟米湯﹐抺茶牛奶﹐炸薯格。當中以「唔記得乜名 Burger B」尤其好食。

同 Triple O's 來比嘛....當然無得比。但 Triple O's 的價錢亦都是「天下第一」的。同 MOS 來比呢﹐其實都算叮噹馬頭。

Freshness Burger: 海運大廈二樓 OT 242 舖。

Layman's term: Gigasports 知唔知係邊？Gigasports 後面有個籃球場﹐後面就係 Freshness Burger, 再後面就係「射精油輪」的登船 counters。如無記錯應該係 LCX 樓下。

西班牙遊記

2007-09-09T01:47:00.000+08:00

已經唔再理英國果面的遊記﹐但係都打得勁慢

So far 已經打左九千字﹐但都係停留係第一天。

如果我開始 post 相的話﹐我相信我會打少好多好多字.....

但好多野係相講唔到的

同埋, Blogspot 以家有 post 相的限制。攪到我唔係好敢炸相

Anyway, 以經 upload 左一小段架喇﹐有興趣的請睇睇

到我的 profile 就可以選另一個 blog 來睇

http://tommythetraveller.blogspot.com

MegaBox + Te + IMAX + Order of the Phoenix

2007-09-01T16:19:00.000+08:00

MegaBox 開幕之前﹐我正在為旅行的各項大小事務作準備。MegaBox 開幕的時候﹐相信當時我應該人在英國。

後來我約了 Gladys 和阿瑪﹐但一來自己遲到了 (又遲到)﹐二來都沒有正式約她們到 MegaBox.

今晚終於有機會到 MegaBox﹐是因為很早之前訂了到 IMAX 看 Harry Potter and the Order of Phoenix 的戲票。

在德福轉接駁巴士到 MegaBox, 未進場之前看見五光十色的內部燈飾閃爍不停﹐火紅的外牆樓高數層﹐感覺有點兒像抵達某大頒獎禮的現場一樣﹐很夠氣派。

內部的設計有點兒像旺角的朗豪坊﹐可能因為大家都是垂直發展式的商場吧。因為有十數層的關係﹐很自然的就會有橫跨幾層的 express escalator﹐於是感覺更像朗豪坊。但與朗豪坊不同的是﹐MegaBox 的 express escalator 真的是 express, 速度甚高﹐能與那一條著名的「又一城接九龍塘地鐵站」相比。對比之下﹐朗豪坊那兩對「天梯」實在是慢如蝸牛。

至於食的方面﹐由於 MegaBox 實在是太多太多人﹐所有的食肆都滿座了。唯有選擇比較少人的 Te. 早見 Te 於海港城的 Citysuper food court. 當時見到 Te 所售的意粉﹐五十多六十元一碟﹐但材料奇少無比﹐狐疑著此等「不抵食」的餐廳可以能夠生存。

今次我選吃的﹐是試驗意粉的基本 - Spaghetti Carbonara (亦是我超喜歡的意粉)。但基本還基本﹐我總以 Kubrick Cafe 的 Spaghetti Carbonara 來做比較﹐結果嘛﹐無論價錢和味道﹐一路以來都沒有對手。可喜﹐但又可惜。Te 的醬汁做得非常的香﹐意粉比較彈牙﹐我個人不太喜好﹐但平心而論口感是不錯的。可惜是整碟意粉只有三樣材料：意粉﹐醬汁﹐煙肉。Nothing else. 一絲香草都沒有﹐連略施香草作點綴的意識沒有﹐也沒有放入其他裝飾﹐賣相完全不吸引。若不是我親手付錢﹐然後親眼看見的話﹐還以為是二十元的港式茶餐廳所謂意粉的貨色。

還是 Kubrick 好。I love you.

至於 IMAX, 坐位很舒適﹐觀眾席斜度極大﹐有如置身海洋公園的海洋劇場﹐或是紅館﹐前面人高如姚明都不能全擋你的視線﹐是很久很久以前大劇院式的斜度﹐好得無話說。銀幕極闊﹐影畫質素亦很好。

至於 IMAX 的賣點 3D 電影方面...呃...可以不提。簡直有被騙的感覺。IMAX 的網頁上註明﹐只會在最後二十分鐘的魔法部大戰的時候才會有 3D 效果。但我想不到他們的 3D 幾乎等於沒有一樣﹐唯一一刻覺得有點兒 3D 的感覺﹐就是幾個小孩子騎著骷髏飛馬﹐飛越倫敦的場景。其餘的時候﹐幾乎不覺得有甚麼 3D。而且﹐所謂的「二十分鐘」﹐很快便過去了。極失望﹐完全不明白多付的四十多元的價值在何處。

至於 Harry Potter 方面...可能真的因為故事的結局已經在小說揭開了﹐很多人都因為知道了結局而對電影版不再有興趣吧﹐聽聞票房收入大大不如前幾集。不過平心而論﹐此集的確是做得比較不好﹐尤其是相對於上一集的「三巫鬥法大賽」。其實這一集的題材亦可以很好做﹐首先是 Dumbledore's Army﹐這一個學生當自強的組織其實可以做得更好﹐多給予更多的戲份﹐讓觀眾們真的感受到他們已經脫胎換骨﹐不再是流著鼻涕的小孩子了。但導演似乎未能達標。

另外﹐Dumbledore 終於出手跟魔王大戰的一段﹐其實亦可以做得更加好﹐因為我相信很多人跟我一様﹐對於這位校長總有份景仰﹐總希望能見到他「露兩手」一次﹐而此等高手當然要不嗚則已﹐一嗚驚人。但電影中﹐他們的對決之前﹐沒有甚麼大情節﹐沒有風暴前的平靜﹐沒有那一種關係已經拉到很緊的感覺﹐沒有前奏﹐沒有好好鋪排讓觀眾越來越期待。提起觀眾的期待﹐然後終於「交貨」﹐加一點出奇不意﹐加一點 "wow factor"﹐就能完全扭轉整個風格。而且對決的時候﹐電影中卻交代不出那一份當世兩大最高手對決的那一種「氣吞天下」的感覺﹐觀眾有幸一睹可一不可再的感覺。一閃而過﹐沒有氣氛的對決﹐跟 Harry 和幾個朋友柴娃娃地練習沒太大分別。

刻意安排恐怖片的感覺﹐但感覺極為土氣﹐簡直有看「攪乜鬼奪命習作」的感覺。哭笑不得。

場景方面﹐甚為不足﹐感覺上劇情不像是自然的推進著﹐似是被人逼著「跳格」似的。

電影音樂﹐最差。連我這個對電影和音樂都沒有認識的人﹐都認為電影音樂的部份做得 / 安排得極差﹐就真的很差的了。

希望只是電影版的問題﹐若然發現遲些的 DVD 足本版都是差不多的話﹐就真失望了。

期望第六部電影能換換導演。

鹿嗚春 Gathering

2007-08-31T23:02:00.000+08:00

真的很久沒有跟大學同學一起 gathering 了。

今次的 gathering 選了鹿嗚春﹐我支持選擇鹿嗚春的其中一個原因是因為從來沒有試過﹐而且似乎鹿嗚春是頗為著名的食府。

食物的確不錯﹐但價錢實在是….明星級的價錢。

怎樣的價錢才叫做「明星級的價錢」？Well, 如果我告訴你我們見到周潤發和發嫂﹐跟其他朋友在鹿嗚春的大房中走出來﹐那夠不夠「明星級」？

發哥！你真人真係好型呀！仲高我半個頭呀！(可惜影唔到你)

我們聽到﹐發哥走到門口的時候﹐有十數個女子興奮尖叫的聲音﹐情況與幾十個無知少女見到一無是處的「年青派偶像」可比。果然是萬民景仰的影帝。

我終於都搵到喇！！

2007-08-29T02:18:00.001+08:00

話說係西班牙一個月的時候﹐我成日都會聽收音機。Either 係宿舍 hea 的時候會聽住宿舍的收音機﹐或者係搭車的時候會收自己的手提電話 (仲未俾人偷左的時候) 的收音機﹐或者係 Disco / Bar / 餐廳的時候聽到依家西班牙最 hit 的流行歌。

咁聽過咁多隻之後﹐有一隻係久久都不能忘懷的。是一隻非常之 hit 的 Spanish Pop Song。當晚我係 Madrid 的 Kapital, 一個八層樓高的 Disco 的其中一層﹐專播當時得令的 Spanish Chart 的時候﹐就聽見呢隻歌。

當時我都已經唔係第一次聽﹐所以個 melody 都識得哼出來。但估唔到的係全場人都大聲唱。幾百人一齊大聲唱同一隻 pop song 再一齊彈下彈下咁跳舞﹐原來個感染力係可以咁大。綠色的激光效果﹐黑暗的環境﹐強勁的音樂﹐好凍的乾冰噴霧效果﹐再加上成百人一齊唱歌跳舞﹐呢一幕﹐好難忘。

番到香港﹐用左好多方法來搵﹐都搵唔到。試過 Key in 唯一一句記得的歌詞﹐聽落似係 "tengo para mi" 又似係 " tenga para ti" 又似係 "tenar par archi".....又唔知歌手名﹐又唔知歌名﹐連歌詞的其中一兩句都打錯。於是搵左成個月都搵唔到。

就係我失望之際﹐我見到 youtube 的 preview list 裡面﹐其中一幅畫面有激光 disco 的場景。呢個畫面我好似見過當時的 CD 店有大碟賣﹐係其中一隻有大宣傳做的大碟封面來的。姑且一試﹐click 入去睇睇。

真係呢隻！

半夜兩點半﹐一個癲佬在香港﹐開著強勁的 youtube (無錯﹐係「強勁的」 youtube)﹐又哼歌又 fing 頭咁﹐懷愐兩個月前的西班牙的半夜兩點半。

終於都俾我搵到你啦...原來你叫 Marta Sanchez, 你隻歌叫 Superstar...

要俾d 心機打快d 先得喇

2007-08-24T04:49:00.000+08:00

雖然我記得我剛剛去完西班牙的朋友不多﹐但都有好幾位有心人問我在途上﹐可有寫遊記？

有是有的﹐而且都有不少的感想。畢竟一個人去﹐有很多感受都沒有人可以即時與我分享﹐於是就記了下來；說話的對象不多﹐於是思考的時間多了；要顧及的事情其實也不多﹐所以有很多思想的時間；行程亦不太緊張 (當然也有緊張的時候﹐例如臨到 Madrid 的前一日)﹐所以有時間可在記事簿上多寫幾隻字﹐回到香港的時候也能多回憶一些片段。

但我實在是太麻煩了﹐我覺得日上三竿的時候﹐我根本就沒有寫作的感覺。

到夜闌人靜﹐一切都靜下來的時候﹐才開始有想上網的感覺。然後上完網﹐就已經早上四時許﹐很有睡意。

那﹐幾時打遊記？

我去了二十八天西班牙。一日打完一篇遊記﹐都已經是另一個月後的事。更何況﹐我已經用了半個月的時候來打。你猜我用半個月的時間打的遊記﹐進度如何？

半天！

Yes, you are not hearing me wrong! 打了半個月﹐還是第一天的下午 ONLY....

OMG................................................

求你寬恕我們的罪過﹐如同我懶到不肯打遊記一樣﹐不要讓我們陷於誘惑﹐但救我們免於放 pea....

阿門~

GRM 大裝修

2007-08-23T03:20:00.000+08:00

早幾日﹐趁自己有時間﹐同埋 Vincent 同基基仲係中大﹐就特意番左中大一趟。

一到中大﹐發覺原來係火車站落樓梯﹐已分岔成兩邊樓梯﹐新的一邊直接走到巴士站的方向﹐不必走到樓梯底的時候﹐來個 180 度轉身走去巴士站的方向。

另外﹐巴士站的工程已經完成。的確比之前實用得多。但依然不知道那一條通往火車軌但又不連接火車站的「斷橋」﹐到底想點。依然係無人知道果條野﹐起來係 Do What Spring 的。

一路走上 Dept., 見到沿路都有裝上鐵鏈﹐作為欄杆。但感覺好 separate。

番到 Dept, 發現所有地方都唔同晒﹐原來做大裝修。走廊係邊得幾靚﹐但係呢個落地大玻璃的樣﹐實在係太過「寒冷」。可能比較「透明」﹐但「透明」唔代表「開放」....Well, 我講緊乜野呢?

兩個 Master

走廊

General Office

生死一線之Die Hard 4.1

2007-08-21T01:24:00.000+08:00

(http://news.bbc.co.uk/chinese/trad/hi/newsid_6950000/newsid_6956300/6956366.stm)

華航…點解你總係咁失禮的呢。

五月中﹐跟另外三位朋友一齊去台灣。其中小Jess擔心得不得了﹐因為知道我們將會乘華航。他說﹐華航的意外率非常的高﹐頻頻出事﹐次次嚴重。我們三個「麻甩」當然笑他太過杞人憂天。

而且﹐因為我的遲到﹐令到本來有機位的四人變成無機位﹐再變成早到的三人「被逼」upgrade 到 Business Class﹐獨我一個被他們恥笑遲到是「損己利人」﹐再變成臨上機一刻知道「陳先生你都可以跟你其餘三位朋友一齊 upgrade做 Business Class 喎」﹐嘩﹐四個very typically HK-ish的貪小便宜的大男人就立刻對華航另眼相看。

走到機上﹐Business Class 的坐位闊落得很就不用說的了﹐大家都好像「大鄉里出城」一樣事事新奇。可以獨立調較坐位上的每一樣 feature 亦是意料中事。回程的時候「回到平凡」的 Economy Class 的時候竟然都可以每人有一個獨立遙控 + Game Controller 就真的比較意外。回想一下其實三年前跟 GRM 的畢業同學組一起去台灣 Field Trip 的時候﹐就是坐華航的了﹐當時亦已經有這種超出 Economy Class的feature。不知道是華航仿傚別人﹐還是其他Airlines仿傚他們。

回到香港﹐小Jess 說他對華航的印象大為進步﹐列入「可以考慮」之類。

勢估唔到佢就整件咁L恐怖的事出來。劇情簡直係 Die Hard 4.1。從來未試睇新聞睇得咁有「電影感」。

卡樂 B 激辛味薯片

2007-08-20T03:06:00.000+08:00

見到佢個包裝靚成咁﹐就一於買來食下。因為好似「熱浪」之後﹐都無一隻辣的薯片係好食的。

好鐘意食辣的薯片﹐直頭覺得造物主創造薯片出來應該就係十個「熱浪」咁辣個種就係正宗﹐果隻。

但係要辣得來香﹐香得來好食﹐好食得來唔係一味死辣的﹐真係唔容易搵。見到佢個包裝咁靚﹐又咁夠膽叫自己做「激辛」﹐就等我領教一下。

....原來都係「熱浪」...一樣要食到就來食完晒﹐先覺得有少少辣。失望。

睇來都係要試下暴君薯片啦咁

買：吉之島超級市場 (康怡店啦當然)

HKD $8.9