30 Jul 2005

開心
今日一早就起左身 (11am , 真係好早)
就係為左同大同唱 K。呢班大同就唔話得囉, 計埋我一共四個人, 大家都係屬於 FYP 周貴虎口倖存劫後餘生大難不死組的我, 阿 Wing, Vincent, 同埋一d 倖存成份都無的阿基。

我地一班可憐的醜小鴨, 終日俾果隻又肥又醜, 明明係海象係度扮鴨(男人老狗扮鴨)的周貴娘(讀第一聲陰平聲, 中大語精教的, 呵~), 口頭上工作上態度上眼神上E-mail 上電話上不停地咁折磨, 將我地四隻醜小鴨的自尊同人性都踩都谷底的井底個底咁低。我地幾個可憐的醜小鴨, 日間被周魔鞭打過後, 夜裡只能夠偷偷地躲在一角, 連講佢的壞話都唔敢, 就好似 Harry Potter 裡面的 Voldemort 或者係 Lord of the Rnigs 裡面的 Dark Lord Sauron 一樣 - "You Know Who".

幾許風雨, 呢幾隻醜小鴨終於歷盡多時的辛酸, 苦劫, 磨難, 終於能夠逃出周貴娘(都話陰平聲咯)的魔掌, 變成三隻又白又漂亮又自信又有智慧又有美貌又有才華又高貴又有性格又有抱負又有未來的天鵝喇~~~

而剩番個隻, 因為夏天的太陽好吸引, 而佢本身太懶唔做運動的關係, 變左一隻好~~肥美的燒鵝。

你話死唔死。

Anyway, 大家都係共過患難的朋友, 係危急的時候大家都幫過大家手, 你幫我我幫你都數唔清, 所以今次甩難之後大家都好 friend 咁一齊去唱番次 K 開心下。

是日去左尖東的 Neway CEO, 好~~~大間房, 痴線架, 四個人間房大到好似十人大房咁, 十個 Vincent 手拖手先圍得晒呀。

之後夜晚同 Carmen Rose Zia Claudia Asa 一行六人去左太古城食野。全程都有旁述員詩雅提醒各位太古城對佢呢位住係大埔的千金來講係有幾咁山卡啦咁遠, 佢搭車來用左幾多光陰同幾多銀兩...謹此致謝。

到最後, 因為 peak hour 的關係, 所有係人食的餐廳都已經爆滿晒人, 我地唯有挨下貴, 去冰場左近的 EAT 食美國餐。幾好食喎。不過貴左些少。

是日陳溥溥很開心。