Monday, May 28, 2007

台北之旅完結

佛誕於週四﹐好多香港的打工仔只要請多一日假﹐就可以四五六日咁玩四日。於是﹐外遊又成為左眾多見識少又貪得意的香港人的活動。

包括我地幾個。

之前都見到好多人係問廿四號的台北團﹐都預左應該會有幾多香港人都會去台北。而且之後訂機票的時候又見到旅行社 agent 的電話前貼住的指示係咁:

「你好﹐傻仔旅行社﹐佛誕台北特惠圑 1799﹐我叫阿湯美﹐有咩可以幫到你」

咁多個地方﹐日子﹐價錢﹐選擇﹐都唔講﹐一開波連自己個叫都未講就話「佛誕台北」幾多錢﹐你可想而知有幾多人問﹐有幾多人想去。

點知﹐去到台北﹐真係 everywhere 都聽到有廣東話。

貴至台北 101, cheap 至夜市後巷﹐旺至台北市中心﹐僻至十分大瀑布....都聽到有香港人高談闊論的聲音。

一係就香港人講野特別大聲﹐if not, 呢幾日的台北真係真係俾香港人踩到陸沉。

去到九份仲驚﹐成條好似赤柱咁的街﹐個個阿嬋都對住我地講廣東話「好靚呀試下食啦」﹐「好平咋喎埋來試下啦」。

忽然間﹐既 shame to be a HKer, 又 proud to be a HKer. 好矛盾的心情。

詳情有機會再係另一邊的 blog 度打出來。刻下﹐小弟忙著為自己咁大個仔第一次自己出門而準備中。

湯美那一個獨闖 (衣家似乎係「hea 闖」多d...) 西班牙的~!

3 comments:

Esaltato said...

佢地應該PROUD TO BE TAIWANESE多D, 個個HONGER都去台灣喎...哈哈哈
呢排聽得恐怖熱線多,話台灣好多架, 你有冇撞過呀? 哈哈哈。你有冇去食0個間刨冰呀? 黃色0個間呢,真係好鬼正好鬼貴。

Tommy said...

下...我好怕呢家野架喎...唔好攪我呀...

黃色刨冰?無喎...

有色情成份架?可以一試喎咁?

喵妃 said...
This comment has been removed by the author.