9 Dec 2004

今朝其實去同 mentor 食飯, 但係點知我完全起唔到身, 所以攪到好狼狽...唉....當我以為我自己已經可以起身的時候, 原來又訓番, 到阿美打番俾我的時候, 睇一睇個鐘十二點, 先知道出事喇今次~~!!!!

好彩今日係畢業典禮, 有好多加班車係本部送人落火車站, 直通個隻。所以我先咁夠膽跑到本部就等車...到最後好彩唔係遲好多...

之後又係浪費溫書時間, 做咩唔講。

夜晚同 Zenia 慶祝生日, 好開心耶。大家係 Tony Roma's 食飯食得好開心, 好耐無試過咁樣。都係佢地先夠低低 B B. 不過後尾越講越眼訓, 所以就無乜心機笑。然後趕尾班火車番入來。番屋企讀唔到書嘛。

開始覺得自己無乜心機打日記。越打越瑣碎, 越打越無乜野講, 無乜內涵, 芝麻綠豆的事都打上來, 有深度的說話買少見少。

唔.....語文素質下降了......