Thursday, February 13, 2003

13 Feb 2003

今朝一早, 其實就應該要去洗堂, 但係因為返左屋企喇, 所以到最後都係無洗到。有少少唔好意思。今朝去左睇 Clinic, 等左好~~~~鬼耐。都怪自己唔肯起身, 遲晒大到。個陣仲見到 Sara...當然係同埋龜令。

去到上 Research Methods, 已經係 break time. 個陣第一次洗堂...可能因為真係病病地的關係, 所以講野勁頹, 把聲又唔好聽...講野又廢...好慘。唉。我好想做好一件事, 但劇情發展往往都唔係容許我咁樣。我好怕地資盃會攪唔好。好怕好怕。但係我可以點樣? 係叫唔郁的人點叫都叫唔郁。可以點樣。點做先係?...天呀
之後, 由CC 番上宿, 再由宿落到CC, 趕到死狗咁。有時, 中大咁大都唔係一件好事。一個地方去另外一個....真係唔係講笑, 要跑山。仲要有番咁上下氣力同埋時間...仲有毅力。當你明知自己趕唔切, 但係等下一架巴士個陣會更趕唔切的時候, 你會怎樣? 我房東會索性唔到, 或者等巴士。我會唔到, 或者怒奔走。你呢? 中大的同學會點呢?

然後就係開地資盃的會...其實都係幾個人係度閒談。但係估唔到的是, 我好緊張, 唔係因為對住佢地緊張, 係因為我諗地資盃的事諗得好辛苦。我諗極都仲係有好多唔妥的地方未做得好, 總係諗到有地方會有問題。我覺得, 開幕個日其實我都唔知會做乜野好。我淨係知我好驚, 但係我都一定要做得成。舊年個地資盃攪 wor 左, 完全唔掂, 我今年一路都俾人睇死, 估我今年同舊年都係一模一樣......我就係唔想俾佢地睇死, 我要做到多少少, 就算唔係驚為天人的突破, 都唔想好似上年咁樣咁頹。所以對地資定向我的壓力自問真係算大。至少我覺得...可能其他人唔會咁覺得。我可以點樣? 應該點樣做先係?...

功課, tutorial, paper, abstract, 溫書....我應該做的野都未做過。為左一個活動 (其實係一連串活動, 我連自己最 care 的成綪都完全地拋下了...証明我的AQ 根本就是很低。

好灰...完全兼顧不了溫書。完全忘了做功課...GPA 在不斷地下降中

好想再讓自己沉沉的醉一次。

No comments: