11 Jun 2003

今日焦點: 組聚

嘩真係笑到癲左, 幾個白痴隻埋一齊, 痴痴呆呆坐埋一台, 超正, 低能過小學的笑話 and 笑料源源不絕, 保証有氣無定抖。呢度比較好的地方, 其實係講野比較放好多。以前我遇過的某一種朋友, 講野要就住就住, 真係幾唔暢快下。呢度, 講起笑上黎真係無面俾, 都幾得人驚下~~
就係咁, 詳細情型都無乜好講, 總之笑死。
至於食野呢, 就係食 Neway 的 K Buffet。野食少得黎又唔好食就預左架喇, 算喇, 我份人要求好低, 你做得出咁上下都 ok la. 唔通我去到邊個 Buffet 都要求到好似 Spice Market 咁正咩...又唔係果種價錢, 傻咩。
不過, 食 K Buffet 有一個好大的問題, 就係, 你會不停咁食食食, 因為好多時我都唔想唱歌, 所以就會坐左係度, 又因為佢不時都會換下野食, 所以我都會不時咁出去睇下仲有乜野新野食咁樣。Just like this, 不經不覺就食左將近係兩餐的份量, 我自己都飽到想死咁滯, 雖然唔係太好食。
that's all.

仲有, 今日收到新的成績表。呢一份 Revised 的成績單竟然係將我個 Grade 不升反跌, 好令人沮喪 and 不忿。係 Geography of China. 我估唔到佢仲會再 downgrade 我。我真係唔知佢想點樣。我有幾唔開心, 我諗你都估到。