瑪麗皇后 vs. 馬克王子

<--Versus-->

France vs. Germany

似唔似？

嬰兒接觸狗貓 - 有助抵抗過敏

拿......唔好再俾你外父外母「大」到你呀﹐亦唔好再俾藉口自己大左肚有BB就遺棄寵物呀.......

嬰兒接觸狗貓, 有助抵抗過敏

很多現代人都有過敏的經驗，過敏發生的時候，不管是狂打鼻涕、全身搔癢難耐或是呼吸困難、氣喘等等，每有一個症狀會是令人好受的，過敏的發生，一定有過敏原誘發後才會發生，在日常生活的環境當中，幾乎每一樣東西都有可能是過敏原，不管是惡名鼎鼎的塵蹣、植物花粉，或是您吃的食物、噴的香水以及房間裡的醺香燈，都有可能是造成過敏的原因。

當然，家中飼養的狗貓們，也有可能是造成過敏的原因，只是不知道從什麼時候開始，這些可愛的狗貓們，常常成為過敏症患者的眾矢之的，把所有過敏的原因通通歸咎於這些可愛的狗貓們，當然這是不對的，過敏發生的原因，患者一定要抽血接受過敏原檢查才可以診斷的出來，如果檢驗出來的結果不是狗毛或是貓毛，那就不要把過敏的原因歸咎於可愛的狗貓們。(呢點好重要！唔該唔好好似文革d 人咁樣盲目降罪)

在美國最近的研究報告指出，如果家中有一歲以下的新生兒，而且能夠與兩隻或是更多的狗貓們生活在一起的話，長大之後罹患氣喘、異位性皮膚炎或其他過敏的機會將會大大的減低，接受檢測的近五百位小朋友中，在他們六、七歲的時候進行過敏原皮膚穿刺試驗，結果指出，若家中沒有飼養狗貓或是只養一隻狗或貓的小朋友，約有百分之三十四會對一種以上的過敏原產生過敏的現象，而家中若飼養兩隻以上狗貓的小朋友們，則大約百分之十五會對只有一種的過敏原產生過敏的反應。專家推測，可能是兒童在嬰兒期接受到過敏原、病菌或它們的分泌物刺激時，身體會產生適當具有保護效果的抗體。

在以前，很多人甚至於醫學界都認為家中的狗貓是誘發家中新生兒往後產生過敏的原因，這個報告剛好使這些可憐的狗貓們沈冤得雪，所以如果您家中的孕婦不會對狗貓過敏，那麼在懷孕及嬰兒初生時，您不需勞心勞力的幫狗狗搬家、送給別人或是遺棄牠，當然如果您家中沒有飼養狗貓，您更不必大費周章的飼養一堆狗貓來避免新生兒往後產生過敏的機會，因為照顧每一隻狗貓是需要花費很多的精神與心力的，除非您可以給牠們十足的照顧與愛心，否則不必矯枉過正。 (沒人犯傻吧.....)

轉貼自香港討論區 - 寵物版 - 寵物百科全篇 - 狗狗飼養篇 - 飼養心得系列

Nintendo A Capella

Well...

如果你跟我屬同一個年代

又跟我一樣從小熟悉遊戲機

那麼...這必然是你想看的一首清唱組合！

p.s. 真係好攪笑呀！尤其係扮 Tetris 下降果 part!

Madonna - Confession Tour DVD+CD

其實一路對 Madonna 唔多認識。細個的時候﹐只係睇到佢有好多負面新聞。又話佢暴露﹐又話佢賣弄性感﹐又話佢唔知講錯乜野﹐又話佢著乜野騎呢衣物。

果陣時﹐對我來講所有歌手只要奇怪或出位就能成功﹐香港如是外國如是。現在回看﹐叫做「百變」﹐叫做「敢言」。梅艷芳如是﹐羅文如是﹐張國榮如是﹐Madonna 如是﹐Bjork 如是﹐David Bowie 如是。

所以當時對 Madonna 的印象﹐是 “just another strange yet very popular idol”.

後來好幾年前看過一次 “Ray of Light” 的 MV, 歌曲影像皆喜歡。但沒有再留意她其他的歌﹐同碟的 “Frozen” 大熱播大熱賣﹐但我不覺有甚麼特別。

American Life, 覺得是她另一張唱片, that’s all. 沒有留意是沒有留意。

今次 Confession on a dance floor……..不知道是因為心境已經變了﹐還是真的年紀大了﹐覺得很入耳﹐很好聽。忽然好像發現了一件從沒有留意的寶物﹐原來在自己的床下底一樣似的。尤其以 Abba 音樂作基礎的 “Hung Up”﹐非常喜歡。”Jump” 早已愛上﹐經我另一心愛 “The Devil Wears Prada” 熱推之後﹐更加喜愛。”I Love New York” 係跑步必聽﹐但不知為何﹐可能夠晒「喃嚒」。

於是﹐順理成章地﹐她今次的 Confession Tour 就成為了我的目標之一。而且價錢極便宜﹐不買不可。

看罷﹐漸漸意會到﹐為何她總是被封為「潮流皇后」﹐為何其他自命大明星的明星﹐都要去「朝聖」參考。

以 Show 論 Show, 好睇。好好睇。無乜悶場 (係無乜﹐並非完全無)。

最好看的﹐反而不是她自己﹐是她的 dancers team。簡直是數一數二﹐不論優美感﹐還是體能﹐還是可觀性﹐皆是一等一之流。非取經不可。

推介的是 “Music Inferno” 的一節。以八十年代的 disco 做背景﹐但音樂絕對地現代﹐卻又聽得出 “Music” 的現代 disco 和 八十年代 disco 音樂的交織﹐是多麼的相融。

我第一次聽的時候是在 RTHK2 lunch time 的節目 “Made in Hong Kong”。很久沒有這種感覺了 – 第一次聽的時候就已經覺得好聽得不得了﹐連跟著音樂起舞的意欲都沒有﹐只有呆站當場﹐意隨樂走﹐神樂合一。多聽幾次之後﹐今次回聽都總不免蠢蠢欲「跳」。尤其我的手機就是 Sony Ericsson W810i, 聽著 Music Inferno 現場版強勁的節拍﹐一個個 beat 都直打進腦袋中﹐禁不住會欲「跳」又止。簡直就正正像 W810i 的廣告一樣﹐塞起雙耳就想又唱又跳……..還好我的面皮(有時)很薄﹐不敢胡來。

“It’s a party…I want to free myself, it’s a party…I want to lose control, control, control, control…”

Monster Hunter Portable 2nd

照計就應該今日出的。但係當然係日文正版啦。

而我呢d 不法之徒﹐通常都會等「另類」版本出場先「買」的。

hehehe

年初四之豬年開工大吉

時光飛逝﹐日月如梭﹐好快﹐又到左番工的日子喇。大家係咪好開心呢？ (無聲……..)

因為一早已經有左心理準備﹐唔好俾自己覺得呢個係普天同慶的農曆新年﹐要當佢只係其中一個好普通的假期﹐如果唔係到左初四要番工個陣就好痛苦架喇。

呢個「心理準備」﹐我成個農曆年一路都係度 remind 自己。驚死自己會投入左去個新年氣氛入面﹐驚死自己會沉醉於放假的庸懶之中。

OK, 我成功左囉。到今日我番工﹐我無話好特別地 holiday lag (我自己作的 term)﹐唔會話一路番工一路仲心散都震。但同樣地﹐我亦都無特別地覺得自己放左幾日假咁多。其實我唔使囉﹐我份工都無乜野做﹐使乜咁難為自己。

最覺得「蝕左」的係﹐公司根本就無「要開工喇」的氣氛。成個office都無乜人係度。一個二個都遲到﹐一個二個都無野做﹐於是一個二個都早走。大家都係度「為坐係度而坐係度」。痛苦。

And it’s only Wednesday now. My God.

波叔出城 Borat

聞說好笑﹐聞說好看。既然一直都是旁敲側「聽」﹐不如自己親眼目賭。

的確係非常惹笑。全片基本上都係充滿笑位﹐無悶場。

創作人 Sacha Baron Cohen 用一個角色笑盡極發達的美國和極落後的哈薩克。大意是說一個從哈薩克來的記者﹐到美國「了解及學習」他們﹐並拍成記錄片帶回國「分享」。思想落後保守的人到了事事發達但又畸型的美國﹐是矛盾式喜劇很傳統的元素﹐但橋唔怕舊﹐最夠要受。

我總是覺得Mockumentary 是很吊詭的一件事﹐每一次的笑位都是懸浮於認真的悲哀或憤怒﹐和突如其來的爆笑位之間﹐只是一絲之隔。看得投入時﹐心情就好像坐過山車一樣﹐準備笑的時候﹐又變得認真; 剛要擔心起來了﹐笑位又揮拳直擊過來﹐還沒有笑完﹐又見緊張的情節。看罷一套完整的 mockumentary, 果真身心都筋竭力疲。

有兩個好笑位我係好記得的。第一個係佢訪問完一班正在 “hea” 的青年﹐問他們 how do I dress like you do? 青年們教佢條褲要著底d﹐唔好「丘」條褲高到上心口咁。於是西裝骨骨的他就將條西裝褲褪下到露出半個屁股…….最重要係﹐佢係著緊白色魚網紋底褲。

第二個笑位﹐係佢去完廁所之後﹐唔知道馬桶係咁用的…..欲知後事如何﹐買飛入場啦。

我俾 7 分

唔係話好高份因為有陣時有d 笑位真係唔多想笑。可能我唔係對所有 sex and shit 都感到好笑。

p.s. 我成日以為 Borat 就係全名﹐點知原來全名係 "Borat! Cultural Learnings of America for Make Benefit Glorious Nation of Kazakhstan"

呢個名真係有夠長的

Triple O's

Fig. 1 - BC Burger Cross Section Diagram

Fig. 2 Bird's eye view of the whole Burger set

一到假期就訓到無日無天﹐起身個陣已經係點幾兩點。一陣仲要六點幾睇戲﹐都係拿拿聲搵野食先。左思右想﹐不如就試下聞名已久的 Triple O’s Burger 啦。

由於一早已經有心理準備﹐所以比較能夠接受到 「$80 一個漢堡包」的天價。但在場觀察到﹐仍然有很多不知就裡的人﹐打算走過來八卦八卦﹐望望餐牌價錢之後就不禁目瞪口呆的。

始終﹐當麥記的「孖芝」是 $8 ﹐MOS Burger 都只係十幾廿蚊頂龍三十蚊的時候﹐Triple O’s 賣 $80 一個……會招人白眼也屬正常。

你話佢唔係快餐咩﹐佢又真係﹐運作型式係﹐食物係﹐環境係﹐餐具係。你話佢係快餐咩﹐佢又唔係﹐咁的價錢﹐咁的出餐速度﹐咁的食物質素。

先講佢個餐有乜﹐如圖所示﹐一份餐就有一杯仔 (超小) 的汽水﹐一個大漢堡包﹐一杯炸傻條。就係咁多。另一份餐外炸傻條做 Caesar Salad, 要另加 $35, Caesar Salad A la Carte 係要 $48……好貴定平左﹐見仁見智。

先講主角﹐其中一個包係招牌 BC Burger, 由於太肚餓的關係﹐覺得好好食。講完。

另一個包係唔知招唔招牌的 Cheese + Mushroom + Chicken 的包。Mushroom 味好香﹐Cheese 都係﹐ Chicken 係一條條的﹐食完之後會 sip 晒係牙縫中。呢個的汁﹐好多﹐好香﹐好好味﹐因為汁係流質﹐一個好味的汁就會係你咬落個包﹐施加壓力的一刻﹐流滿整個包﹐所以一個好食的汁係好重要的。麥記的包﹐就係輸左小家﹐小家在個汁唔好食﹐小家在個汁份量好少。Then again, it’s only $8, what the hell do you expect.

所以呢個 mushroom 包一咬落去﹐粉紅色的汁醬就流遍全個包﹐從你的兩邊貪婪咀角﹐悄悄地「發洩」出來。而呢個特製醬﹐亦都係 Triple O’s 作為招徠之一的殺手鐧。

我真係好耐無食過個咁多汁﹐但係又好食又唔太濕的 hamburger 。

友人說比起 Burger King 仲差少少﹐都係 Burger King 的磨菇味比較濃。係咩？OK 架喇喎。

炸傻條﹐唔得。繼 Burger King 後又一失望。

汽水﹐妖﹐咁 L 小點夠飲呀。飲奶昔又要加成 $20….

For the Caesar Salad: IF (Price of Caesar Salad < = “$35”, “幾好食”, “唔抵食”)

---===---===---===---

Triple O’s Hong Kong

地：TST 海港城 City Super Food Court 3/F
另有中環及金鐘店。中環：交易廣場 The Forum 1/F。金鐘：太古廣場二期 LG1 地庫 009 號舖 (我諗即係 GrEat 入面…)

電：TST 2387 7000 (我諗你總不致於打去訂位咁攪笑卦……)

價：around $60-80@ 推介： Cheese + Mushroom + Chicken (唔記得全名係乜)

開年飯食 Wii

傳統上﹐年初二係一家人食開年飯的時間。我地屋企亦都係一樣﹐年初二都係會上祖母屋企食開年飯。然後繼續港九新界馬拉松式拜年。

今年好唔同。若干年前﹐拜年的 schedule 密到初三赤口都仲要繼續出動﹐今年就初一一個下午已經攪掂。以前要去十幾家的﹐平均每家都要留起碼半個鐘至一個鐘﹐咁當然就係去到初三都先夠得掂。

今年﹐上一代的人﹐學老豆話齋﹐騎鶴的騎鶴﹐搬家的搬家。這都是事實﹐但其實係大家都懶了。

食完開年飯﹐無事可做﹐跟朋友入 Yo-Park 玩 Wii.

Yo Park 的運作型式係入場性計時收費。每小時幾多錢就唔記得﹐但入到去大部份的野都唔使錢…例如打機﹐唱 K, 睇漫畫﹐上網。食野同埋玩某d 野就要錢的。咁我今次去的重點當然就係試玩 Wii.

玩左好多 game 下都叫做。玩後感係：d games 唔多襟玩。

Wii 主要都係一大班人咁玩 mini games. 咁 mini games 呢家野就好講技巧的﹐個 Wiimote 的 sensing ability 就變得好重要。唔係話佢唔好﹐大部份時間都 ok , 但一轉番做 Infrared 的時候就…….

而且最好玩的 Wii Sports 佢地竟然無。Wii Sports 係最能夠帶出隻 game 有幾好玩﹐又最能 fully utilize 部機的能力的度身訂造的 game。 唯有下次。

金豬初一 喜氣洋洋

年初一﹐恭喜發財。今年係金豬年﹐祝大家發似豬頭﹐祝自己豬運亨通﹐祝各位肥似豬嘜。

點解今年叫做「金」豬年的呢？唔明…但人人都係咁講﹐我又跟住講。

每一年的年初一﹐節目大致上都係咁…….又係 lunch 去祖母家拜年兼吃飯。之後馬拉松式拜年﹐touring around HK KLN NT。

以前過年﹐阿爸阿媽好著重。好多野﹐都執得好緊。我以為﹐人人的農曆新年都好似我咁。

之前﹐就一定要好好執乾淨屋企。

一定要有全盒﹐裡面放好多種新年的食品。例如極難食的糖蓮藕。

一定要有「樣樣有」的一紮菜﹐雖然我過左咁耐都攪唔清楚﹐到底一紮「樣樣有」﹐係「有乜野」係裡面﹐各自代表的兆頭又係乜野。

一定有新的佈置。床頭一定有阿媽準備好的一封利是﹐兩個桔﹐一件年糕仔﹐用來迮年。

年三十晚一定會有盞燈係開通宵﹐阿媽話係「長明燈」﹐類似的寓意係將來一年﹐呢頭家的人將會年年燈火長明。燈火呢家野﹐係中國人的傳統文化中通常都扮演人丁和年歲的角色。例如添男丁就會係祠堂多點一燈﹐年歲將盡就叫「油盡燈枯」等等。

年初一唔准洗頭﹐唔准掃地。打爛玻璃都要用手逐粒逐粒執番起。

唔准講個死字。四字都唔准。咁點叫「四姑媽」？「試」姑媽 (汗)

唔准垂頭喪氣。就算之前行年宵行到朝早六點﹐執平貨買平花﹐今朝八點先訓十點就起身食 lunch, 都要精神奕奕。

一定要著新衫﹐仲一定要勁 formal 咁裇衫西褲打 tie 黑皮鞋 gel 行晒個蛋撻頭 (但記住年初一係唔准洗頭架喎, even though 你成頭都係 gel)

到我讀高中的時候﹐先可以開始自己 keep 番自己的利是錢﹐更年幼的時候是全數「上繳中央」的。所以我細個的時候﹐除左會得到對我來說是天文數字的利是錢之外﹐我一d 都唔期待農曆新年。

但係…….唔知係咪因為阿爸阿媽年紀大左﹐睇開左﹐或者唔夠我大聲 (嘿嘿)﹐所以對我已經無咁堅持以前的種種習慣。

我覺得今年最大的突破﹐係我無著裇衫西褲﹐重要係著Quiksilver白裇衫 (very casual 有晒花有晒字果種) 加一條牛仔褲 (農曆年大忌) 的時候﹐阿爸竟然無黑口黑面。神蹟。

至於洗頭呢樣野……我一早就唔理。掃地都係。

但係呢…..我 feel 到我反而係 keep 住會叫佢地唔好講個死字果個囉。好似今日咁呢﹐我都叫過阿爸阿媽唔好講個死字呀﹐新正頭呀。出門口之前又同我阿媽講「個領飛晒出來咁點見得人架」。

果一下的感覺﹐好奇怪。十年前的今日﹐呢份「任務」係我父母對我呢隻奀皮仔做的﹐十年後的今日﹐竟然係角色對調﹐由我來 uphold 呢d 咁「娘」的 traditions. 同佢地講 「年初一呀﹐唔好提人地阿邊個邊個的邊個﹐同埋人地的咩咩咩呀」咁…媽說：「得喇﹐好長氣呀你」

Hehe…

歲月無聲消逝。

潮吹花市

已經係年三十晚﹐但係我都係未行花市。係好少有的事﹐因為我本身係好鐘意行花市的……以前啦講緊。

因為今年好似無乜時間去行花市﹐農曆年前又無假期﹐於是得番今晚。仲有就係要買衫。受父母傳統思想影響﹐總覺得要買番件新衫過年先似樣的。於是變左下午趕買衫﹐夜晚趕團年﹐深夜趕花市﹐清晨趕番屋企訓覺。

最開心係買左件 Quiksilver 的減價貨。三件再八折﹐最不同的地方係只限減價貨三件先有得八折﹐正價貨反而係無論點玩都無得折﹐少見﹐清貨之決心路人皆知。套用 N 年前容少的語句：「型狠爽快死」地買足三件﹐不過五舊幾。全部原價？我諗過千都似。

趕團年﹐盆菜。老實講﹐無乜野食。唔飽。

趕花市﹐十二點正的時候入去﹐逼到想死。如果拉登撞架機落維園﹐相信死亡人數可媲美 911…….唔﹐咁講好似衰左少少。

咁換個講法﹐如果呢個時候維園裡面一人痾一篤屎﹐垂直疊起應該可以堆到回歸紀念塔咁高 (或者咁似)。

我都算一米七幾。但係入到去都完全呼吸唔到。整番首謝檸檬的「非走不可」俾自己先得。

搭下電車﹐食下海皇粥店﹐唔夠皮﹐再食下麥記的板燒衰女包餐﹐終於都飽。望望錶﹐三點三 (Oh, Tea time~!!!)﹐係時候試下再衝鋒。

入到去﹐都係呼吸唔到﹐但比較鬆動了。

今晚吹氣物件的風氣大盛﹐係因為舊年的吹氣「鐵頭功」同「摺凳」都居然大受歡迎。有道是「食髓知味」﹐今年人人都攪吹氣公仔﹐乜 Q 野實物都變成吹氣公仔。係每位消費者都希望用最少的錢買最「大」件的收成品的思想底下﹐基本上乜野吹氣公仔都好賣得。其中﹐我覺得「奪命鉸剪腳」係最似咸濕吹氣公仔的……

又一年。我的金豬終於都來到喇！

Nokia 6300

星期五﹐年廿九

近放工的時候老豆打電話來話要食銅記沙爹王。我好奇怪﹐聽日就係星期六兼年三十晚仲要係紅日﹐今晚條街當然係逼到痴肺﹐銅記更加係「奧賣桔」地逼﹐點解向來怕等位的老豆話要出來食呢？原來係因為細佬要買電話。

因為阿媽慣性遲到的關係﹐所以呢餐飯食左足足個半鐘﹐食到左右兩邊的檯都走左幾轉了。之後細佬買電話堅持﹐拿﹐係堅持呀下﹐要買Nokia 3250 的手機。原因係因為佢的朋友用開﹐而佢又玩慣左有感情咁話喎。In case 你唔知邊部係 3250, 就係有得扭腰果部….個底可以扭到180 度果部。

好唔容易搵到衛訊係銅記的店﹐入到去買。佢地話「無晒貨架喇」

我心諗「咁大部機都賣斷市？無理由卦…佢個樣好 clumsy 架喎…」問道：「仲會唔會翻貨？」

Sales: 「都唔知…應該都唔會架喇…因為隻機的銷情好差﹐都無乜人買的。Nokia 都因此早已停產 3250…」

下？原來係咁！我仲以為…原來係相反

但我細佬堅持要呢部。

後來問起原來佢要一部影到相的手機。但係唔會要來聽歌。又唔會常講電話喎。

咁直接買部 DC 咪一了百了囉。佢嫌麻煩喎。

俾錢的阿媽例牌的回應係「由得佢啦」。

細佬知道有邊度仲有得賣。我地去到﹐佢地話最新出左隻 Nokia 6300 喎。無論係顏色﹐聽歌﹐仲外型﹐統統都 so much better than 3250…連果度的老闆都差d 想話我細佬戇居…只係差在未講出口﹐取而代之的係「好奇怪」﹐「R 爆頭都諗唔明」等等的用詞。

果個老世講的野﹐我明﹐我好明白添。但俾錢的唔係我﹐用機的都唔係我﹐我盡力講過﹐佢地兩個唔聽我講都無法。

老世拿住部機出來 dem 左五分鐘俾我細佬睇﹐佢拿係手上面把玩一陣﹐臉上一幅「原來天外有天」的樣子﹐然後我問部機推出市場幾耐﹐老世話不到十天。

咁部機真係好薄﹐好靚﹐個 mon 的色真係靚爆﹐成個樣都好唔錯….最緊要﹐佢係比 3250 仲平仲新囉。撞鬼。

眼見二少爺已經蠢蠢欲動﹐阿太后又一幅想拿拿聲俾錢走人的樣子﹐本王當然要立刻叫大家都冷靜下先。我同二少講﹐決定係你做的﹐但係錢係太后俾的﹐你都要盡番個責任﹐做個格價﹐睇下其他地方會唔會有平d 的 offer, 會唔會行多兩步到過隔離鋪﹐原來就已經平左幾舊水﹐或者送多張 1GB memory card 咁。始終依家講緊買幾千蚊一部手機﹐仲要係部十分鐘前先「初次邂逅」的手機﹐仲要第一次係呢間鋪頭買。

要行多兩間格下價﹐係咪好正常先？唔好話手機﹐好多比較貴的耐用品﹐都應該要格下價﹐right?

Sorry, 阿二少唔係咁諗。佢話﹐唔使煩喇﹐唔諗喇﹐唔格價喇﹐就要佢啦。

我都仲係覺得咁貴的手機真係應該要睇多幾間先得所以正想開口講d 乜野的時候說時遲那時快太后就已經俾左錢前後不過十五分鐘盛惠二千六呀唔該格清一聲收銀機已經傳來收好錢的聲音

果真技驚四座。本王當場呆左。

…………..唔知係因為部手機實在太吸引﹐所以唔即刻買唔得; 定係因為d 錢唔係佢的﹐所以根本唔使諸多顧慮; 定係因為佢俾個老世 sale 得好行﹐把持不住; 定係因為佢真係覺得格價好煩﹐所以費事煩; 定係因為呢個阿哥實在太煩﹐係度阿之阿左嘈生晒﹐所以不如快刀斬亂麻求其要左佢算。

-----=======--------------========-------

有朋友講得好。

呢個唔係錢唔錢的問題﹐唔係手機定洗衣機的問題﹐而係教育的問題。

作為父母﹐應當身教﹐但自己都唔去做﹐點能夠教到下一代識得「知慳識儉」呢回事呢。

所謂「小富由儉﹐大富由天」﹐本王雖然都係國庫空虛﹐但起碼都有幾擔金元寶﹐未至於赤字﹐亦從不須要借國債。節約﹐不論是節約能源﹐節約物慾﹐還是節約金錢﹐都是從生活細微處入手﹐方成大業。

清湯牛肉

尤記得友人來電的時候說：「喂我搵到間野食﹐好似叫做清湯牛腩咁﹐不如去食囉。」

「OK 呀」我說﹐我想起天后的華姐清湯腩。

「不過呢, 」友人說「佢話今晚會有最低消費喎」

清湯腩咋喎…咁都學人整最低消費？遲d 容乜易食車仔麵都有最低消費…？「有幾低？」(係反諷的問法啦好明顯﹐所謂最低消費其實即係逼大家俾一個高過本來可以消費得更低的為高….)

「每人 150 蚊喎。」

雖然位處人海之中﹐手提電話接收情況良好不用大叫﹐但我還是忍不住大叫了出來：「百五蚊一碗清湯腩~~~~?!?!?!佢無野呀….. (下省五十字)」四周人群報以奇視和歧視的眼光。

「咁又好似係貴少少的…你考慮下」

「下？仲考慮？唔使諗啦百五蚊碗麵………..咪住」

「咩呀」
「間野叫咩名」
「清湯牛腩」
「係邊」
「佐敦」
「…有可疑喎…你帶我去睇睇先﹐點可能百五蚊碗清湯腩」

左兜右兜﹐到了。友人說：「就係呢度喇…咦﹐乜原來係叫清湯牛肉」

灰色仿石牆﹐仲有日式便當店掛在門前的吊布 (真係唔知果幾塊布正名叫乜)﹐店子小小﹐只有一張 bar 檯﹐每人都坐在高高的 bar 檯上﹐每人面前都有一道蒸氣騰騰向上。是鍋子﹐是滾著湯的鍋子。每人都有一兩碟生肉片﹐擺放得整齊﹐又各有一碟蔬菜菇菌﹐都是生的。

食客們﹐當然﹐全部都「烚下烚下」咁…

咁擺明﹐呢個就係「一人一邊爐」。邊樹有清湯腩。日式的﹐Shabu Shabu 是也。

「喂﹐老世」我無好氣地說「呢間野叫做清湯牛……..肉﹐係食 Shabu Shabu﹐high class 野來的….你講俾我聽的﹐是清湯牛……..腩﹐係食魚蛋粉之類的﹐差好久遠喎。嚇得我以為邊間咁惡﹐連食個麵都要百五蚊。」

嘗試轉移話題意圖分散大家對漫天「囉」味的而不禁竊笑的友人續說：「我係 Openrice 睇過呢間野﹐佢標榜開業十多年來從不用味精。所有食品都堅持新鮮﹐少鹽﹐少油﹐少添加劑。以清淡健康為主。」

聽畢﹐我不禁打個寒噤。「無鹽、無油、無味精﹐咁我食咩？！」眾大笑

「食少d 呢d 野啦你…你就係食得太多鹽太多油﹐先攪到個身體咁差咋…又水腫又無精神」

「又關事？算﹐忍你」其實是明知他一針見血。

-------=========------------=========--------

打開 Menu, 不難明白為何會有最底消費….因為基本上每個人都會叫一個套餐﹐而每個套餐都起碼 $160, 再加 $20 湯底和醬料費﹐再加一服務費﹐基本上沒有可能不過 $150.

店子﹐老實說﹐不能說是「很有風味」。反而有種殘殘舊舊的感覺。你可以解讀作有歷史﹐有經驗﹐有故事﹐有人情味。但可以改善的空間亦不少。

我點了New Zealand 牛肉拼駝鳥肉﹐湯底則點了麵鼓味湯底。友人點了木魚清湯底…..真係超級激喪清。除了很香的木魚味﹐你會以為它是清水。

可能老闆本身是打算用清水的﹐以能最大效率地帶出食物的鮮味﹐但有幾多個顧客願意付這個價錢吃「白灼菜肉」？唯有加點木魚味。

咁當你見到佢標榜自己少鹽少油清湯打底﹐你會 expect d 乜野呢？無錯﹐就係新鮮的配料同埋食材本身最原始的味道。即係肉好有肉味﹐菜好有菜香。

呀對唔住﹐係無囉。

個牛肉﹐係我最大期望。我期望可以係無味精少鹽的情況之下﹐食得出最鮮的牛肉味係點…係失敗的。基本上我食唔出佢的牛肉有咩味。可能點貴價的安格斯牛肉會好好多。但咁樣我俾成二百蚊來食﹐為乜野呢？係咪好有被騙的感覺呢？

駝鳥肉﹐比較好﹐有一點兒靭﹐比較有多一點點香味。

菜…Ok la

飯…佢話係日本米﹐唔知係我唔識食定點﹐唔多覺。

其餘的都唔太特別。可能我未食到蔡瀾的level, 唔明點解佢話咁好食。

彈完﹐要讚。海鮮﹐友人點的海鮮﹐好味到爆。隻蝦﹐用佢的木魚水滾熟﹐乜都唔使點就咁食﹐香到呢….真係無得頂。

醬料…佢有自家製的芝麻醬同醋。都係唔咸的…少咸。但好香﹐點肉都唔錯。

服務一流﹐唔算爽手﹐但好好禮貌。

老闆話開左好多年 lu。係香港呢個被味精淹沒的城市﹐可以堅持少鹽少油少味精咁多年……(都仲未執)………真係好難得。雖然我唔 buy 佢的食物﹐但其誠可敬﹐其志可嘉。我好欣賞呢份執著﹐呢份堅持。咁佢挨到今日終於都圍起左一班支持者﹐都係佢應得的。Tommy 仔肅然起敬。

但如果話試多次就…要審慎樂觀咁考慮下先啦。

-=-=-=-=-=-=-=-=-=-=-
清湯牛肉 Shabu Shabu
地：油麻地長樂街 28 號 (點去呢？拿﹐聽住﹐搭 MTR 到佐敦 B2 出口﹐直出﹐第一個街口轉左…只能轉左因為右邊是佐敦道大馬路…行兩個街口就到﹐係正你面前。行路的﹐沿彌敦道北行過「劉愷威」後兩個街口。)
電：2780-2125
大約 $180-200 @ ; 晚上 12:00 關門
心理準備：一字記之曰：淡~~~~~~~~

Steve Jobs - Find what you love

謝過 On-Dog 兄。小弟不問自取閣下此篇演詞。

唔係話要你睇完之後就有把火燒著﹐要走在街上燃燒自己 (自焚？)﹐但起碼﹐睇完之後會感動到你的﹐會令你有種想沖番個涼然後出到來係一個脫胎換骨整埋容的「新我」。

好似我睇完的感覺咁樣。

------------------=================-----------------


Stanford Report, June 14, 2005
'You've got to find what you love,' Jobs says

This is the text of the Commencement address by Steve Jobs, CEO of Apple Computer and of Pixar Animation Studios, delivered on June 12, 2005.

I am honored to be with you today at your commencement from one of the finest universities in the world. I never graduated from college. Truth be told, this is the closest I've ever gotten to a college graduation. Today I want to tell you three stories from my life. That's it. No big deal. Just three stories.

The first story is about connecting the dots.

I dropped out of Reed College after the first 6 months, but then stayed around as a drop-in for another 18 months or so before I really quit. So why did I drop out?

It started before I was born. My biological mother was a young, unwed college graduate student, and she decided to put me up for adoption. She felt very strongly that I should be adopted by college graduates, so everything was all set for me to be adopted at birth by a lawyer and his wife. Except that when I popped out they decided at the last minute that they really wanted a girl. So my parents, who were on a waiting list, got a call in the middle of the night asking: "We have an unexpected baby boy; do you want him?" They said: "Of course." My biological mother later found out that my mother had never graduated from college and that my father had never graduated from high school. She refused to sign the final adoption papers. She only relented a few months later when my parents promised that I would someday go to college.

And 17 years later I did go to college. But I naively chose a college that was almost as expensive as Stanford, and all of my working-class parents' savings were being spent on my college tuition. After six months, I couldn't see the value in it. I had no idea what I wanted to do with my life and no idea how college was going to help me figure it out. And here I was spending all of the money my parents had saved their entire life. So I decided to drop out and trust that it would all work out OK. It was pretty scary at the time, but looking back it was one of the best decisions I ever made. The minute I dropped out I could stop taking the required classes that didn't interest me, and begin dropping in on the ones that looked interesting.

It wasn't all romantic. I didn't have a dorm room, so I slept on the floor in friends' rooms, I returned coke bottles for the 5¢ deposits to buy food with, and I would walk the 7 miles across town every Sunday night to get one good meal a week at the Hare Krishna temple. I loved it. And much of what I stumbled into by following my curiosity and intuition turned out to be priceless later on. Let me give you one example:

Reed College at that time offered perhaps the best calligraphy instruction in the country. Throughout the campus every poster, every label on every drawer, was beautifully hand calligraphed. Because I had dropped out and didn't have to take the normal classes, I decided to take a calligraphy class to learn how to do this. I learned about serif and san serif typefaces, about varying the amount of space between different letter combinations, about what makes great typography great. It was beautiful, historical, artistically subtle in a way that science can't capture, and I found it fascinating.

None of this had even a hope of any practical application in my life. But ten years later, when we were designing the first Macintosh computer, it all came back to me. And we designed it all into the Mac. It was the first computer with beautiful typography. If I had never dropped in on that single course in college, the Mac would have never had multiple typefaces or proportionally spaced fonts. And since Windows just copied the Mac, it’s likely that no personal computer would have them. If I had never dropped out, I would have never dropped in on this calligraphy class, and personal computers might not have the wonderful typography that they do. Of course it was impossible to connect the dots looking forward when I was in college. But it was very, very clear looking backwards ten years later.

Again, you can't connect the dots looking forward; you can only connect them looking backwards. So you have to trust that the dots will somehow connect in your future. You have to trust in something — your gut, destiny, life, karma, whatever. This approach has never let me down, and it has made all the difference in my life.

My second story is about love and loss.

I was lucky — I found what I loved to do early in life. Woz and I started Apple in my parents’ garage when I was 20. We worked hard, and in 10 years Apple had grown from just the two of us in a garage into a $2 billion company with over 4000 employees. We had just released our finest creation — the Macintosh — a year earlier, and I had just turned 30. And then I got fired. How can you get fired from a company you started? Well, as Apple grew we hired someone who I thought was very talented to run the company with me, and for the first year or so things went well. But then our visions of the future began to diverge and eventually we had a falling out. When we did, our Board of Directors sided with him. So at 30 I was out. And very publicly out. What had been the focus of my entire adult life was gone, and it was devastating.

I really didn't know what to do for a few months. I felt that I had let the previous generation of entrepreneurs down - that I had dropped the baton as it was being passed to me. I met with David Packard and Bob Noyce and tried to apologize for screwing up so badly. I was a very public failure, and I even thought about running away from the valley. But something slowly began to dawn on me — I still loved what I did. The turn of events at Apple had not changed that one bit. I had been rejected, but I was still in love. And so I decided to start over.

I didn't see it then, but it turned out that getting fired from Apple was the best thing that could have ever happened to me. The heaviness of being successful was replaced by the lightness of being a beginner again, less sure about everything. It freed me to enter one of the most creative periods of my life.

During the next five years, I started a company named NeXT, another company named Pixar, and fell in love with an amazing woman who would become my wife. Pixar went on to create the worlds first computer animated feature film, Toy Story, and is now the most successful animation studio in the world. In a remarkable turn of events, Apple bought NeXT, I returned to Apple, and the technology we developed at NeXT is at the heart of Apple's current renaissance. And Laurene and I have a wonderful family together.

I'm pretty sure none of this would have happened if I hadn't been fired from Apple. It was awful tasting medicine, but I guess the patient needed it. Sometimes life hits you in the head with a brick. Don't lose faith. I'm convinced that the only thing that kept me going was that I loved what I did. You've got to find what you love. And that is as true for your work as it is for your lovers. Your work is going to fill a large part of your life, and the only way to be truly satisfied is to do what you believe is great work. And the only way to do great work is to love what you do. If you haven't found it yet, keep looking. Don't settle. As with all matters of the heart, you'll know when you find it. And, like any great relationship, it just gets better and better as the years roll on. So keep looking until you find it. Don't settle.

My third story is about death.

When I was 17, I read a quote that went something like: "If you live each day as if it was your last, someday you'll most certainly be right." It made an impression on me, and since then, for the past 33 years, I have looked in the mirror every morning and asked myself: "If today were the last day of my life, would I want to do what I am about to do today?" And whenever the answer has been "No" for too many days in a row, I know I need to change something.

Remembering that I'll be dead soon is the most important tool I've ever encountered to help me make the big choices in life. Because almost everything — all external expectations, all pride, all fear of embarrassment or failure - these things just fall away in the face of death, leaving only what is truly important. Remembering that you are going to die is the best way I know to avoid the trap of thinking you have something to lose. You are already naked. There is no reason not to follow your heart.

About a year ago I was diagnosed with cancer. I had a scan at 7:30 in the morning, and it clearly showed a tumor on my pancreas. I didn't even know what a pancreas was. The doctors told me this was almost certainly a type of cancer that is incurable, and that I should expect to live no longer than three to six months. My doctor advised me to go home and get my affairs in order, which is doctor's code for prepare to die. It means to try to tell your kids everything you thought you'd have the next 10 years to tell them in just a few months. It means to make sure everything is buttoned up so that it will be as easy as possible for your family. It means to say your goodbyes.

I lived with that diagnosis all day. Later that evening I had a biopsy, where they stuck an endoscope down my throat, through my stomach and into my intestines, put a needle into my pancreas and got a few cells from the tumor. I was sedated, but my wife, who was there, told me that when they viewed the cells under a microscope the doctors started crying because it turned out to be a very rare form of pancreatic cancer that is curable with surgery. I had the surgery and I'm fine now.

This was the closest I've been to facing death, and I hope its the closest I get for a few more decades. Having lived through it, I can now say this to you with a bit more certainty than when death was a useful but purely intellectual concept:

No one wants to die. Even people who want to go to heaven don't want to die to get there. And yet death is the destination we all share. No one has ever escaped it. And that is as it should be, because Death is very likely the single best invention of Life. It is Life's change agent. It clears out the old to make way for the new. Right now the new is you, but someday not too long from now, you will gradually become the old and be cleared away. Sorry to be so dramatic, but it is quite true.

Your time is limited, so don't waste it living someone else's life. Don't be trapped by dogma — which is living with the results of other people's thinking. Don't let the noise of others' opinions drown out your own inner voice. And most important, have the courage to follow your heart and intuition. They somehow already know what you truly want to become. Everything else is secondary.

When I was young, there was an amazing publication called The Whole Earth Catalog, which was one of the bibles of my generation. It was created by a fellow named Stewart Brand not far from here in Menlo Park, and he brought it to life with his poetic touch. This was in the late 1960's, before personal computers and desktop publishing, so it was all made with typewriters, scissors, and Polaroid cameras. It was sort of like Google in paperback form, 35 years before Google came along: it was idealistic, and overflowing with neat tools and great notions.

Stewart and his team put out several issues of The Whole Earth Catalog, and then when it had run its course, they put out a final issue. It was the mid-1970s, and I was your age. On the back cover of their final issue was a photograph of an early morning country road, the kind you might find yourself hitchhiking on if you were so adventurous. Beneath it were the words: "Stay Hungry. Stay Foolish." It was their farewell message as they signed off. Stay Hungry. Stay Foolish. And I have always wished that for myself. And now, as you graduate to begin anew, I wish that for you.

Stay Hungry. Stay Foolish.

Thank you all very much.

從灣仔的沙巴到新加坡的海南到旺角的漢陽苑

無錢去沙巴﹐就唯有去住係灣仔的莎巴馬來西亞餐廳食番餐。

好衰唔衰﹐舊年先去過新加坡﹐得到新加坡之星 Dan Dan & Friends (many many friends) 的熱情款待﹐短短幾日食左廿幾三十餐﹐一生人從來未試過廿四小時 round the clock 都係飽緊﹐但係又未試過樣樣野都咁好食﹐所以飽到上心口都仲係要食。

不過﹐可能因為新加坡本身野食好﹐用料夠新鮮﹐而且民族融和性比較好…拿點解我要拿呢個 point 出來講呢﹐其實同食野係有好大的關連的。簡單來講就係融和好d ﹐了解就會多d﹐接受亦會相對地多d﹐因此反抗同改變都會少d。

咁點套用落去飲食之上呢？又係呢個最 typical 的香港例子 – 漢陽苑。基本上我相信好多人都識得呢間野。名為韓國燒烤﹐實為普通燒烤。我諗除左個鐵板係有少少似韓燒之外﹐其他的環境﹐食物﹐飲品﹐配菜….統統都係香港化的產物。所謂浪得虛名…不過於此。

OK, 咁關乜野事呢？就係因為大家對自己本身廣東飲食文化的態度過於熱愛﹐有點兒近乎偏執的地步﹐而且對其他地方食品的「正宗型態」了解不夠﹐係了解不夠的情況之下﹐就自不然會有抗拒的情況出現﹐畢竟大家對每日飲食文化的定型都實在係太過 fix 死晒。既然咁多人都係覺得廣東菜以外的食法都係「唔得」的話﹐咁其實自自然然地﹐就會令營業額為先的餐廳作改變…廣東化 / 廣州化 / 香港化 everything。

有時﹐香港化 / 本地化或有他因﹐例如 CK 所講麥當勞在香港有必要為其形象本地化﹐但其餘的﹐多數是因為顧客自身的要求…

講咁大節廢話之後﹐又要講番新加坡食之初體驗。咁佢地整出來的野食本來就已經唔錯﹐做法好正宗但又好好味﹐加上周圍都係 food centre 任食唔嬲, 類似我地的熟食中心但係無咁熱咁 dirty (雖然都算係 dirty)﹐再加上有熟人指路﹐免行冤枉路﹐精挑細選出來的全部都係新加坡最好食的餐廳 / 熟食檔 / 小吃﹐所以「笑臉率」係高達 95%!!! 每一次諗番起每一個食過的位置都有值得回味的地方﹐真係「既誇張又現實」。

問題就在此處。當你吃過極美味的星馬菜的時候﹐回到香港吃其他的﹐就會覺得….總比不上

最好食的﹐應該都係呢度的油鬆餅。非常鬆軟﹐唔會太油﹐用來撈咖哩真係一流….如果個咖哩好食d 的話仲一流

最 surprise 的﹐係個肉骨茶。平時我唔係咁鐘意飲肉骨茶因為覺得佢用得香料太多…好攻鼻。呢度的可能因為改良(港式化？)過的關係﹐變得似老火湯一樣咁香濃﹐好飲。

因為都唔係第一次食呢間﹐又知道佢的食物都有番咁上下水準﹐為左證明一下呢間餐廳得唔得﹐為左要給他一個決定性的試練﹐所以就抱住一個極期待的態度﹐勇敢地點上餐牌上面一道﹐我認為係對一間星馬菜館有著決定性的重要菜式 – 海 . 南 . 雞 . 飯 ！(回響擴大﹐後面有大浪拍上前﹐字幕彈出海南雞飯四字)

四樣野 – 飯湯雞醬。

個飯呢…夠油就夠油﹐但係唔夠乾﹐正宗的雞飯應該係油得來乾身﹐未致於印度的紅米飯一樣乾到好似食沙咁﹐但起碼都要粒粒分明睇得清楚。呢度的雞飯都算乾身﹐起碼比起其他二三流雞飯痴埋一齊似一塊糕多過一碗飯來得好﹐但仲有改善的空間…香味略有﹐但唔特別。

湯係雞什湯﹐Good。夠晒多雞油﹐fit 晒我呢d 咁鐘意食雞油的死肥佬﹐正！

雞…老實講﹐我唔係食家﹐雪唔雪藏﹐新唔新鮮﹐除非係極 extreme 的 case﹐我其實食唔出個分別。今次的雞﹐夠滑﹐去骨﹐連雞肶個柄都去埋骨﹐食起上來唔錯…如果﹐有番d 雞味的話﹐應該會更好。

醬係最有交代。老抽夠晒 thick, 有d 川貝枇杷膏咁的感覺。雞醬唔太辣﹐好味。薑蓉無葱﹐應該﹐又唔係廣州白切雞。

服務非常 nice, 不過可能臨收工﹐反應慢左些少﹐不過 ok 啦。

我地叫得太多野食﹐蝕左﹐應該可以 110-130 @

-=-=-=-=-=-=-=-=-=-=-
地：灣仔謝奜道 98-102 號仁文大廈地下﹐近盧押道 (原來果條先係盧押道)﹐Subway Sandwich 對面。係軒尼詩道過來的話呢﹐到左「涼茶第一家」之後轉向海皮行出去就會差唔多到

電：2143-6626

必食：油鬆餅﹐肉骨茶﹐海鮮喇沙 (上次去食的)

11:30pm Last Order

金銀 ‧ 天與地の怒

無錯...就係繼四本之角同老山龍之後﹐村長的壓軸表演。

話說我第一次打就打贏到四本之角﹐開心到震﹐以為自己勁到飛起。就拿住把生果刀咁細的「絕一門」走去打長闊高都超越波音 747 咁的老山龍。

又拿唔夠大爆 G, 又以為係咁打肚就得﹐用擊龍槍的時機又拿掐得唔準確﹐當然就係守唔住個城﹐被俾撞左十次喇。後來發現佢怕火﹐就走去整把火大刀...貪大刀斬起上夠高﹐雖然我真係好耐都無用過大刀...

後來 十個大爆 G + 火大刀洗面 + 擊龍槍 + 投石炮 + 無限砥石 = 攪掂

之後竟然就係到村長任之極 - 金銀天與地之怒

我連單一隻金火龍 or 銀火龍都未打過﹐都唔知道佢地的攻擊模式係點樣﹐咁點打佢兩隻一齊呢？仲要係一個咁細的地方裡面打﹐又無得走﹐又無得屈﹐我抱住「見到佢個樣都死得眼閉」的心態﹐衝入大技鬥場﹐就係我見到銀火龍望住我的一下﹐我地四目交投﹐然後金火龍來一招動力火車........玩完。

尋晚再試﹐試過長槍企上高台死擋﹐傳說之雙刃狂屈 (被屈)﹐因陀羅單片手係 so far 可以支持得最耐的。基本上只要銀火龍再飛多d 天落少d 凡間﹐咁我就可以專心攪掂金火龍先。攪得掂金火龍﹐單銀一隻就唔再係威脅。

都唔得的話﹐唯有試下用盡十五粒閃光彈。同埋一套比紅速龍 G 強的裝。

I work for (Anywhere)

番到公司第一件事就係開公司的 system.

第二件事就係開自己個 blog。

第三件事就係開個 statistics 出來睇下個 blog 有無人來睇。

真係痴線。

跟住經過 KPMG 的 post, 忽然間有一個 idea唔知從邊度飛來﹐問我「莫非真係有人衝著 KPMG 來？即刻開番個漫畫出來睇睇。

唔使太細心﹐都能夠睇得出﹐呢條 strip 係俾人做過手腳來的。果然如此...我都估到係有問題架喇...點會有人咁夠薑話間 Big 4 得架....(謎之聲：好似係我提你你先諗到架喎！唔好係度懶醒喎唔該！)

無論係 "show the ID Badge" 定係 "which means I work for KPMG"﹐都係俾人改過。但俾人改過唔係咩大件事。

因為呢條 strip 本身就夠晒好笑。所以﹐大家喜歡的話﹐其實可以係漫畫中三處被人修改的地方﹐加入自己所喜愛的內容...咁就會有好多個唔同 version 的 "I work for XYZ...which means I have no money and no life!"

That's good...可以攪一個 technical gag.

有狗為樂

"擁抱"

"樂翻"

"累透了"

好鐘意呢幾張相

因為夠真

影到我真係鐘意佢﹐影到佢真係好可愛﹐影到我真係要去剪頭髮 =__=""

最鐘意第一張﹐因為佢望住鏡頭﹐而且唔係點影到我個樣...

ZGMF-X42S Destiny Gundam

本來我唔覺得呢部機有乜可能會值 590 的 cost...

我覺得佢除左機身夠堅有成 800 咁長的命之外﹐基本上佢的武器裝備都強的...只係點解 Bandai 會係個 game 裡面 set 到佢的勁武器﹐唔能夠好好咁出 combo 呢？

即係﹐例如點解 R2 (格+射) 係要 CIWS 彈呢d 咁 cheap 的野...而唔係綠色重炮呢？咁樣我相信會好過長按射掣儲炮囉...雖然咁樣唔使計彈數無限任射

其實佢的 armament 都幾勁。但係可能係個 game 的 settings 方面仲有進步的空間﹐所以唔明點解會有 590 咁高。佢似係 560 之流囉...甚至係 450 之流....

後來因為要玩 P.L.U.S.。玩得多﹐焗住要用 Destiny 用得多﹐開始對佢有情意結﹐覺得佢「其實都唔係咁差者」。

諗諗下其實都幾勁架﹐一把最堅的劍﹐一把最重的炮﹐一對回力劍﹐一隻劍光掌﹐算係咁。可能只係佢「生不逢時」卦。

上網搵佢的靚仔樣來 post, 反而搵到模型發燒友的網站仲多過其他網站。當中選左呢一幅個人認為頗為「型」的相。

唔識睇日文﹐但估計呢個網站係一個人做的。佢砌的模型﹐我唔識評論﹐淨係覺佢砌得好靚﹐上色上得好靚....that's enough, right?

Destiny Gundam 的模型相片集

主頁：POGIPOGI

孫燕姿 - 同類

看罷「盛夏光年」﹐深受感動﹐心中總感到一陣陣酸澀。但有如其他觀眾﹐完場時滿腹疑團﹐沿路上苦思不果。

鬱結在心﹐不服氣﹐上網看看其他人怎說﹐漸漸地把 research 越做越大﹐昨天用上了上班時 hea 的時間的 80% 做 research on this! 及後稍有頭緒﹐但仍須印證﹐今日將會於 lunch time 之時到訪書店﹐事成事敗就在於書店還有沒有我要的東西。 (後註：搵唔到呀, D!)

電影中插入了一兩首五月天的歌﹐都甚配合。以下這首「同類」與電影 (或電影劇本﹐或電影概念小說) 都無關。只是編曲上給予我的感覺﹐說不出的近似。那一種孤獨﹐與電影中的不盡相同﹐但就是「感覺」很像。

第一次聽此曲是孫燕姿香港演唱會﹐因為之前聽過她的歌不多﹐所以未聽過此曲。第一次聽的時候﹐看著歌詞﹐聽著編曲﹐感受著曲詞之間與及孫燕姿演繹的微妙關係...

最愛的﹐無非最後四(六?)句...無他﹐「傷春悲秋」的東西﹐總有個比較高的概率能觸動我的心。


同類 - 孫燕姿

曲︰李偲菘
詞︰易家揚
編︰TERENCE TEO

雨後的城市　寂寞又狼狽
路邊的座位　它空著在等誰

＊我拉住時間　它卻不理會
有沒有別人　跟我一樣很想被安慰

＃風　停了又吹　我忽然想起誰
天　亮了又黑　我〔又〕過了好幾歲
心　暖了又灰　世界　有時候孤單的很
需要另一個同類
愛　收了又給　我們都不太完美
夢　作了又碎　我們有幾次機會　去追

重唱　＊,＃

不曉得為甚麼愛　又稀少又昂貴

雲在半空中　被微風剪碎
回憶也許美　可是正在飛走對不對

「唔好話俾人知呀...」

你有無試過講呢句說話？通常係講完一d 野之後﹐你可能

怕對方會洩漏秘密; 你可能怕對方唔明白內容有幾重要;

你可能想好好控制「知情者的範圍」;

你可能講完之後後悔剛才一時之快想婉轉地向對方說 Ctrl+Z (即係 Undo) 但已無可挽回;

可能其實佢係你好好的朋友﹐你好想分享俾佢聽但又驚佢一時口快「令你衰晒」;

你可能覺得佢會好似你一樣周圍同人講完之後加句己經回頭太難的 disclaimer : 唔好同人講呀;

你可能有極強的控制慾想俾佢知但唔俾佢講咁樣的形式來恐嚇佢「你試下講出去呀拿」;

你可能只係想試下佢對你有幾服從﹐或好心d﹐同你有幾老友; 之餘此類

但實情係﹐我個人認為﹐如果我係唔想話俾人聽的話﹐我就一定唔會講﹐我會講的﹐我遲早都會講。我唔係話我唔會用呢個 condition, 但係我會比較少用。因為我知道呢個世界上﹐講真﹐口密的人﹐少之又少。

所以我好多時都係一係就講﹐一係就唔講。好似我想走呢件事﹐我完全無同過身邊的同事提過。雖然我呢個 blog 係人人都知我係邊個 Tommy 的日記﹐唔似得其他 blogger 咁樣要刻意 go anonymous, the risk is 同事亦有可能從一d 我估唔到的途徑找到我呢個 blog….

但基本上我每一次我同佢地講野都會克制住自己唔提任何有關想 quit 的事。即便是剛過去的 Annual Dinner, 都講到好似好期待明年再去咁。

好假呀可？

To be or not to be honest 呢家野﹐我係好細個的時候已經反覆思疑過好多次﹐亦經歷過好多次改變。因為我好細個的時候係 very honest 的﹐仲 very 戇居添﹐人地套我講乜野都會原原本本咁講晒出來。

多次改變﹐由 very honest 變到 very dishonest, 再變反 honest and open。大大少少都 shift 過幾次﹐比得上地球史上數次的南北磁極大逆轉一樣咁 dramatic。但其實來來去去都係因為兩個 condition...

"Open vs. Defensive"

針無兩頭利﹐你做哪一邊的人﹐都係有賺有賠﹐賺左唔係必然﹐賠左唔怨得人﹐只怪自己「技不如人」﹐好彩的﹐平手離場﹐and at the same time 應知進退。

忍唔住講秘密俾人聽﹐或忍唔住講大話﹐或忍唔住爆另一個人的是非﹐遲早都要本利歸還。

Open 得太多﹐我會覺得好無安全感﹐好無「自我」﹐太依賴其他人來 confirm 自己的 identity 同 idea。Defensive 得太多﹐好乞人憎﹐我照鏡見到自己個樣都想爆粗鬧 9 自己個種。

中國人一早就話「中庸」呢個 term 其實係做人之道。但如果大家玩過平衡木都知﹐平衡緊的狀態﹐其實先係最唔穩定。果一個 moment 其實先係拉得最「衡」﹐最舉步為艱的。反而你放棄式地側去一邊﹐你會感受到萬有引力拉動著你﹐無比的快感。不再顧慮﹐不再猶豫﹐還管甚麼「這邊過一點﹐那邊移一點」那麼煩人。

高速飛墮﹐萬物唯我。

然後﹐散落於肢離破碎之間。一切都會來得非常突然﹐沒有時間防備﹐沒有時間修補。

沒有時間後悔。

---------------------------------------------------------

Choose your path

---------------------------------------------------------

…唔係﹐我無野呀。不過唔知點解突然間諗起呢樣野﹐好想將我的諗法講出來﹐咁樣之嘛。Blog 就係咁用架喇。唔通你無拿拿企上 Times Square 個鐘樓度講呢番話﹐再行番落來扮無野咩﹐痴線。

講開又講喎﹐麥記依家換緊d Sanrio 公仔呢﹐隻馬騮仔真係幾鬼可愛喎。

I work for KPMG

Well 當然我唔係 working for KPMG 啦

呢幅野真係唔 post 唔舒服

by courtesy of a bored-to-death tax consultant working for one of the Big Four in Central...

一個人失敗總係有原因的...

有陣時真係好佩服渣老闆呀﹐CK 呀﹐CM 呀﹐AK 呀﹐Gideon 呀佢地。

點可能打到咁多字架？

我以前係 showhappy 的年代﹐都可以每日打到好長的日記﹐但係果陣係學生哥的年代﹐日日的生活都百無聊賴﹐而且生活實在無其他人可以做傾訴對象﹐於是打日記變成左我舒發感情的好地方。

但做埋老闆都咁多時間打咁多字…我呢個日日係公司度 hea 的 office boy 都未做到喎

唔認輸的講法係﹐我要做都做到的﹐反正我番工個陣係公司有咁多時間無野做﹐而且番到屋企之後只要唔打機咪得囉。

弊左番到屋企之後唔打機係好難的一件事來架嘛。點可能係公司已經咁無聊﹐無屋企都仲唔打下機開心番下呢？你話如果我係公司做到死就會想上來睇下 blog﹐ 留下言﹐放鬆一下者。但我日日係公司白抖人工無聊到死﹐番屋企仲睇 blog？

花多廿分鐘劏多兩條蒼櫻﹐我好似覺得仲實在仲開心。

基本上﹐我覺得我除左仲行得仲走得之外﹐其他所有野都變得好唔正常。我指我的生活。

我想睇報紙﹐我餓新聞﹐餓資訊﹐但朝朝番工都遲到飛起﹐最好派的 AM 730 天未光就派晒﹐頭條日報都派晒。俾錢買咩﹐我又無時間睇﹐無時間唔係我忙﹐而係空閒的時間我通常都會「機癮」到於是無睇。咁「機癮」呢個問題就攪到我想睇報紙都無睇到。

到第二朝起身番工﹐個感覺就好似好脫節咁﹐完全跟唔上香港個 pace. 咁我份工已經係好自閉架喇﹐再係咁就真係成個 Otaku 的諗樣。

跟住呢樣就真係重要：我要做去歐洲同埋 Salamanca 的 research. 這個 research 是很重要的﹐而且時間一定會很長。我要做的 research 係關乎去到果邊之後起碼兩個月的生活﹐豈容有失呢？我接受唔到自己「頭岳岳」地去到先知自己做 research 做得唔夠。

但我接受到自己用呢段時間打Monster Hunter 喎。Dill………

Well, 我接受唔到架 actually, 但係我照做囉。

好明顯呢d 咁的賤骨頭就係「不能自拔的沉淪」喇。

真係架喎﹐我覺得自己有d 去到強逼的地步。好多時我都心諗﹐又開部機呀？又係打呢隻 game 呀？儲極都唔夠料唔夠錢整新裝架喇…打來做乜鬼呀咁。

但係總會不自覺地就開左﹐然後一路玩到半夜。

熄機之後會諗：「又一晚喇﹐唉﹐waste 晒 d 時間來打機做乜呀…無出息。隻 game 都玩左咁耐乜野都玩晒啦﹐好停手喇。」…晚晚都係差唔多的 cycle.

咁仲唔係上癮﹐唔係強逼症﹐係乜野？

Gladys 同我係 Year 3 的時候已經講過好多次：「醒下啦！你要醒下架啦！你搣甩佢啦！佢會摧毀你前途架﹐你唔可以咁架喇醒下啦 Tommy！」

多謝你﹐ Gladys。你對朋友真係好。我真係令你失望。一年多後的今日﹐我仲係咁無出息。

類似的說話其實阿媽廿年前都同我講過…..

我要醒下喇...我的生活已經係一團糟架喇…

「弊可弊﹐非常弊」呀

The Sims 2 for PSP

聽聞 PC 版好玩到飛起﹐有人為此而沉迷得很﹐掛住好好管理虛擬世界裡面「自己」的生活﹐反而就完全唔理現實世界中的自己有幾糟糕。諷刺得很﹐為此﹐我決定試下玩下睇下係唔係咁誇張。

玩過一小時之後﹐同所有玩家的評論大致相同：就係 load game 的問題。

每一個小 step 都要 load 一 load﹐咁樣無論玩邊個種類的遊戲﹐都係會令人非常之沮喪的。因為咁樣「窒下窒下」﹐會令玩家對個 game 的 enjoyment 不停咁打斷…咁再好玩再沉迷的遊戲﹐都會每分鐘提醒你「我要 load 機」…咁實唔容易沉迷啦﹐因為根本就唔想玩。哦…原來呢個係佢地的策略來的…

Anyway, 因為我張 memory stick 得 1 GB 咁鬼小, 放左 The Sims 2 就放唔到我心愛的 Monster Hunter. 所以…我諗佢好快就要讓番個位出來架啦, HAHA…

講起 MHP, MHP 2nd 將會係 2月22日係日本發售。真係萬眾期待呀！(我期待佢的漢化版 ISO 多d…)

Annual Dinner

尋晚又係一年一度的 Annual Dinner 啦。今年又係係會展。最好的事情係唔使錢食飯。

一如以往﹐都係有一班人跳舞﹐行下 catwalk 咁。但係今年少左好多無謂的進度﹐即係無大粒佬係度訓話﹐無業績報告﹐無演講﹐無廢話。基本上個 programme 係去得好快的。同埋今年因為d 野食好食過上年好多﹐咁樣: 少廢話 + 慳時間 + 多時間食野 + 好味道 = HAPPY.

尤其係…我地不嬲都係同 Group 裡面的其他人無聯絡﹐自成一角咁好似自閉仔的一間公司﹐當人地來 annual dinner 係手執一杯紅酒滿場飛有講有笑周圍撩人飲酒的時候﹐我地係坐埋一邊係度不停咁食﹐由乳豬食到豆苗食到芝麻雞食到擔擔麵﹐唔係 programme 要我地無得食的話基本上都無停過。

其實咁樣好似去左人地公司的 Annual Dinner 咁的感覺都幾唔好受。因為一路都覺得咁樣好似好無聊咁。明明係同一個 group, 但係就攪到好似無來關係咁。…well, 係我地姐﹐其他人都唔係咁的。

跟住呢樣先最唔開心：抽獎抽極都抽唔中我 .\_/.

激死人喇

算！吃不到的葡萄是酸的。

最後一次架喇。

被發現了？！

好日都無 check 過呢個 blog 的流量﹐於是走去 check check﹐發現原來都有人睇我個 blog 架喎！好開心！個 chart 的讀數第一次唔再係貼住地下 (x-axis)﹐而係起飛lu。 不過飛時飛﹐最多都係得二十個人睇過……………好似…………

唔…

仲有就係﹐似乎都係無聊的上班一族先會睇。星期六日的 page view 真係低到貼近零。同另外五日的數字真係差好遠 (percentage-wise).

Anyway, 等我睇下個 Geomap Overlay 先。有過半數的 blog view 係來自 Central District…呢個位﹐呢個可能性﹐”Central District” 唔係講緊香港的中環唔通講緊深圳的中區咩。乜原來中環咁多無聊白領架。跟住有世界其他地方的人…我相信佢地都係 click 左 Blogger 上面的 “Next Blog” 先會被 random 抽中來呢度架姐﹐無咁岩的。我相信當中應該有d 人連中文都唔識睇。

跟住呢點就係最令我毛管棟…..係 Kobenhavn 竟然有 11 page view?!

…側聞過﹐所有公司的電腦其實都係 link to 總壇的 servers, 就算係 local servers 上網 (好似我依家咁)﹐其實都係會行大半個地球番到總壇﹐再行番大半個地球番來香港。

咁我聽過就算架喇﹐邊有放係心上面。仲係度諗﹐你無咁得閒請個 staff 日日坐係度睇下世界各地的職員係度點樣「吞泡」﹐去乜野 websites 度睇野唔做野架。呢個數應該都係個 system 要 scan 我地去乜野網頁的時候做出來的數來的。機器來架姐﹐機器來架姐﹐無人睇的。

跟住諗真係d ﹐唔係喎﹐我咁無聊的職位﹐公司都可以請我係度坐食山崩咁耐﹐請多個人來 mon 住其他人有無吞泡….有乜咁奇？

….死火！咁莫非……

咁點算好呢…so far 都未試道有識得中文的 staff 坐係入面的﹐但係 forward 一個網址又有幾難呢真係…

但係！「無人可以教我放棄﹐我係唔會放棄的！」

嗚啦啦~嗚~啦啦~阿拿姑啦~~~~

幾件有趣的事

摘自不同的 Blog, 有幾件有趣的事想跟大家分享分享....

Tired of Laughter,Beijing Gets Rid Of Bad Translations

Many Expats Regret Loss Of Wacky English in Signs;'Slippery Are Very Crafty'
By MEI FONGFebruary 5, 2007; Page A1

BEIJING -- For years, foreigners in China have delighted in the loopy English translations that appear on the nation's signs. They range from the offensive ("Deformed Man," outside toilets for the handicapped) to the sublime (on park lawns, "Show Mercy to the Slender Grass")....

See Full Article in HERE.

老實講﹐我都緊張你個 toilet 乾唔乾淨 rather than 你d 英文譯得好唔好喎。反正我都叫做「湯美那一個很大的」....

玩開有條路﹐睇埋 The Chinglish Files, 直頭笑死！同 Tommy the Great 簡直有異曲同工之妙！小弟甘拜下風！

From 鶴立雞群's blog.....

"Some people are like Slinkies
Not really good for anything
But they still bring a smile to your face…
when you push them down a flight of stairs"

- 陰毒呀哩?