年初四之豬年開工大吉

時光飛逝﹐日月如梭﹐好快﹐又到左番工的日子喇。大家係咪好開心呢？ (無聲……..)

因為一早已經有左心理準備﹐唔好俾自己覺得呢個係普天同慶的農曆新年﹐要當佢只係其中一個好普通的假期﹐如果唔係到左初四要番工個陣就好痛苦架喇。

呢個「心理準備」﹐我成個農曆年一路都係度 remind 自己。驚死自己會投入左去個新年氣氛入面﹐驚死自己會沉醉於放假的庸懶之中。

OK, 我成功左囉。到今日我番工﹐我無話好特別地 holiday lag (我自己作的 term)﹐唔會話一路番工一路仲心散都震。但同樣地﹐我亦都無特別地覺得自己放左幾日假咁多。其實我唔使囉﹐我份工都無乜野做﹐使乜咁難為自己。

最覺得「蝕左」的係﹐公司根本就無「要開工喇」的氣氛。成個office都無乜人係度。一個二個都遲到﹐一個二個都無野做﹐於是一個二個都早走。大家都係度「為坐係度而坐係度」。痛苦。

And it’s only Wednesday now. My God.