要屈蛇﹐先要學識咩叫做「醒醒定定」

男 女 共 宿 中 大 生 罰 停 學 一 年 27/12/2007

【 記 者 梁 美 寶 報 道 】 為 嚴 打 學 生 在宿 舍 內 亂 搞 男 女 關 係 ， 中 文 大 學 校 方 近 月 決 定 嚴 打 男 女 居 住 在 同 一 宿 舍 單 位 的 「 鴛 鴦 蛇 」 ，一 名 中 大 工 程 系 二 年 級 男 生 因 在 女 友 宿 舍 居 住 ， 被 校 方 重 罰 停 學 一 年 。 有 中 大 逸 夫 書 院 宿 生投 訴 稱 ， 校 方 近 日 瘋 狂 「 打 蛇 」 ， 有 職 員 未 經 學 生 同 意 擅 入 宿 生 房 間 ， 侵 犯 學 生 私 隱 ， 但 中大 發 言 人 否 認 指 控 。

中 大 學 生 紀 律 委 員 會 在 5 月 份 的 會 議 中 ， 指 有 一 名 就 讀 工 程 系 二 年 級 的 男 生 因 屢 次 違 反 宿 舍規 則 ， 多 次 在 女 生 宿 舍 「 屈 蛇 」 ， 又 被 投 訴 滋 擾 其 他 同 學 ， 屢 勸 不 改 ， 終 被 委 員 會 判 罰 由 今年 9 月 起 停 學 一 年 。 據 悉 ， 該 男 生 不 滿 校 方 的 決 定 曾 作 上 訴 ， 惟 校 方 最 終 仍 維 持 原 判 。 據 悉 ， 該 男 生 長 居 於 其 女 友 位 於 聯 合 書 院 湯 宿 二 樓 一 單 位 ， 女 友 的 同 房 對 他 長 期 居 於 房 間 感極 度 不 滿 ， 雖 曾 多 次 投 訴 ， 惟 情 況 仍 無 改 善 ， 該 男 生 也 曾 三 度 被 校 方 「 捉 到 」 於 女 生 宿 舍 出現 ， 校 方 最 終 作 出 停 學 決 定 。 一 名 中 大 授 說 ， 各 書 院 均 嚴 打 「 鴛鴦 蛇 」 ， 若 被 發 現 男 女 同 住 一 宿 位 ， 會 立 即 被 勒 令 停 宿 ， 且 日 後 不 再 接 納 其 入 宿 申 請 。 中 大學 生 會 會 長 黃 永 志 認 為 ， 同 學 「 屈 蛇 」 令 其 他 同 學 受 騷 擾 並 不 應 該 ， 現 時 宿 舍 已 規 定 晚 上 12 時 後 ， 學 生 不 可 往 異 性 宿 舍 。

宿 生 指 職 員 擅 闖 房 間

不 過 ， 他 指 月 前 收 到 有 居 住 逸 夫 書院 二 宿 突 擊 「 打 蛇 」 ， 宿 舍 職 員 在 同 學 睡 覺 時 衝 門 而 入 ， 有 同 學 向 學 生 會 投 訴 指 感 到 被 侵 犯私 隱 ， 但 當 時 職 員 聲 稱 旨 在 檢 查 房 內 傢 俬 有 否 移 位 ， 若 學 生 被 發 現 曾 搬 動 傢 俬 ， 宿 舍 方 面 會向 有 關 學 生 發 出 警 告 信 ， 若 有 損 毀 更 需 賠 款 。 黃 永 志 指 ， 有 些 學 生 只 因 家 具 擺 位 不 方 便 而 作 移 動 ， 無 傷 大 雅 ， 他 批 評 校 方 不 應 因 而 懲 罰 學生 ， 更 不 應 在 同 學 沒 有 準 備 下 進 入 其 房 間 。

中 大 發 言 人 否 認 物 業 管 理 處 早 前 曾檢 查 宿 生 有 否 改 動 家 具 擺 位 。 但 宿 生 則 指 校 方 「 講 大 話 」 ， 更 向 本 報 提 供 了 宿 舍 嚴 厲 警 告 學生 不 可 搬 動 家 具 等 通 告 及 有 關 照 片 。
======================
多謝好友 Wilson 爆料

即係咁…下

屈蛇呢家野﹐其實係中大真係好普遍。好似我呢條粉腸咁都係 Year 1 的時候屈蛇係 Wilson 度屈足兩個月。無錯﹐就係呢個爆料的 Wilson。相信佢 forward 呢封 E-mail 俾我的時候都應該係「語帶雙關」。

但係普遍還普遍。男女交叉式互屈的情況﹐其實大家都仲係幾避忌的…。但係觀乎呢篇報導﹐似乎呢位「賤二」學生﹐面皮極厚之餘仲要膽大包天。

OK! 我就俾你鴛鴦蛇。但係都唔該你係女人走去男人個宿度屈, instead of 男人老狗走入去人地女宿度呀…。你一個麻甩﹐係人地個女仔場度行來行去﹐咁點得架。一個女仔係男宿行來行去同一個男仔係女宿度行來行去﹐聽起上來好似一樣﹐但係對唔住﹐係今時今日呢個唔平等的香港來講呢﹐係完全唔一樣的的。點樣唔一樣法﹐如果你係香港人的話相信應該會明白。

可能…我住的三年裡面﹐見過好多次有女仔係我個層行來行去…well

OK! 咁我就當你男人老狗屈女宿﹐都唔好屈咁耐呀。一次半次﹐完事就走喇。仲要係度賴屎咁賴﹐真係人頭豬腦。

OK! 就當你面皮再厚﹐喂﹐湯宿係三人房來架喎。你要人地另外兩個女仔點呢？睇住你地兩個係度依依泣泣﹐仲要唔係一次半次喎。

OK! 就當呢樣都忍得。「又 被 投 訴 滋 擾 其 他 同 學」 咁樣聽落九成九係「聲浪太大」啦。好心你就寧俾人知莫俾人(聽)見啦死蠢。

仲要捉左三次都唔識死﹐我真係懷疑條友心口一係有個「勇」字﹐一係有個「七」字。

Judge Tommy’s Verdict: 維持原判﹐因為被告太笨七

好慶幸自己唔係教會學校長大

【 本 報 訊 】 正 當 學 界 苦 惱 如 何 及 早 向 學 生 灌 輸 正 確 性 觀 念 時 ， 有 天 主 教 學 校 依 然 視 性 為 洪 水 猛 獸 。 位 於 馬 鞍 山 的 直 資 學 校 德 信 中 學 ， 一 直 將 中 一 科 學 教 科 書 內 有 關 性 知 識 和 避 孕 方 法 的 內 頁 撕 掉 ， 才 派 發 給 學 生 。 校 方 否 認 避 而 不 教 ， 強 調 是 要 待 時 機 成 熟 。 不 過 ， 有 社 工 認 為 學 校 推 行 性 教 育 宜 早 不 宜 遲 。 　 記 者 ： 林 浚 川

發 生 撕 書 事 件 是 具 天 主 教 背 景 的 德 信 中 學 ， 該 校 採 用 的 是 朗 文 出 版 的 《 Interactive SCIENCE 》 中 一 科 學 教 科 書 ， 共 分 A 、 B 兩 冊 。 該 校 專 責 行 政 及 家 長 教 育 的 李 主 任 表 示 ： 「 我 哋 一 早 同 出 版 商 傾 好 ， 啲 書 會 撕 走 嗰 幾 頁 至 送 嚟 畀 學 生 。 」

稱 家 長 支 持 做 法

記 者 翻 揭 該 書 A 冊 ， 發 現 第 三 章 提 及 人 體 生 育 過 程 及 正 確 避 孕 方 法 ， 並 刊 有 多 幅 男 女 生 殖 器 官 手 繪 圖 像 ， 以 及 避 孕 套 和 子 宮 帽 圖 片 ， 表 達 手 法 平 實 ， 並 不 淫 穢 。 李 主 任 卻 形 容 ： 「 後 生 仔 睇 咗 圖 可 能 有 衝 動 。 」 又 批 評 該 書 內 容 誤 導 ： 「 唔 係 有 圖 就 叫 性 教 育 。 」 至 於 為 何 該 書 「 誤 導 」 卻 仍 獲 採 用 ， 李 主 任 解 釋 ： 「 書 本 其 他 內 容 冇 問 題 ， 只 係 科 學 科 老 師 唔 適 合 教 性 知 識 。 」 李 主 任 強 調 ， 校 方 並 非 恐 懼 或 逃 避 性 教 育 ： 「 我 哋 喺 中 二 開 始 就 會 由 倫 理 科 教 師 向 學 生 講 解 性 知 識 ， 要 佢 哋 明 白 性 係 創 造 生 命 ， 唔 係 為 咗 享 樂 。 」 他 又 稱 校 方 做 法 一 直 獲 家 長 支 持 。

不 過 ， 香 港 青 年 協 會 督 導 主 任 徐 小 曼 認 為 ， 青 少 年 性 觀 念 日 趨 開 放 ， 學 校 推 行 性 教 育 越 早 越 好 ， 「 以 免 學 生 聽 埋 啲 歪 理 都 唔 知 。 」

德 信 中 學 由 東 亞 教 育 促 進 會 主 辦 ， 該 會 則 由 天 主 教 屬 會 主 業 會 （ Opus Dei ） 創 立 。 近 年 因 被 暢 銷 小 說 《 達 文 西 密 碼 》 描 述 成 反 派 教 團 而 名 噪 一 時 。

特 稿
性 知 識 不 等 於 鼓 勵 開 放

對 於 有 學 校 撕 書 避 免 學 生 看 到 性 知 識 內 容 ， 教 育 評 議 會 副 主 席 何 漢 權 認 為 學 校 不 必 這 樣 做 ， 「  家 初 中 大 部 份 課 程 都 有 講 性 知 識 ， 甚 至 好 多 小 學 都 會 向 高 年 級 嘅 學 生 講 性 知 識 。 」 他 指 學 校 可 以 邀 請 志 願 團 體 到 校 舉 辦 講 座 或 設 計 教 材 ， 如 他 所 任 教 的 風 采 中 學 ， 每 年 都 會 邀 請 護 苗 基 金 及 母 親 的 抉 擇 負 責 人 到 校 ， 向 中 一 新 生 講 解 性 知 識 。 灌 輸 性 知 識 及 避 孕 手 法 ， 不 等 於 鼓 勵 性 開 放 ， 「 何 不 及 早 預 防 ， 總 好 過 出 咗 事 至 輔 導 。 」

===========================================================

Tommy 問: 你今日 O 咀左未呀？

Merry Christmas Home Party

趁父母去左旅行﹐放間屋出來做 Party venue. 反而係 25 號出街都係好貴﹐如果去 book 一間 cafe 的話我地又唔夠多人﹐唔能夠壟斷晒佢成間舖頭﹐仲要俾好多錢買埋d 化學飲品﹐仲要係通常都勁難飲。

咁不如我趁自己有地方﹐就自己話晒事﹐攪一個我地自己的 Party. 估唔到的係大家都有興趣。如果係楂飛同阿典可以出現的話﹐就更人齊。

Elvie 提議攪 Party 最好有 Cake, 佢一話想買拿破侖﹐我就估到係 Mimosa. 無他﹐因為我都食過﹐覺得好食。果然大家係呢個話題上都係心意相通。

Elvie 仲大家引入左一隻叫做 Settlers of Catan 的棋﹐好好玩﹐攪到我上左癮。我就提供電視同新版 Monopoly (The here and now edition)﹐教主就提供 Wii, Dick 就提供另外兩 set 手掣。唔好意思﹐小弟家徒四壁﹐開個 party 都要籌旗咁籌﹐拉雜成軍。

是晚玩到三點﹐大家先盡興而回。

可以再攪。

兩個人的做節

今日下午爸媽就啟程前往機場﹐準備乘飛機到成都旅行。旅行社的安排「絕妙」之極﹐去程竟選搭晚上七時多才起飛的飛機﹐到達後一輪擾攘﹐已經是該回到酒店睡覺的時間了。就此將整整一天的行程活生生的騙走了﹐好狠的搶錢計。

就這樣﹐冬至的晚餐﹐因為沒有父母的情況之下﹐未能做節 (不是不能…)﹐於是我和弟弟兩個人﹐好好醜醜都總得要吃一餐﹐我未至於相信「冬大過年」﹐可能是因為被近年的商業廣告策略洗腦的後果﹐我覺得過年更大件事﹐但我仍然有一種比較傳統的感覺﹐冬至做節﹐是一定要和家人吃的﹐而且越多越好。

走到半路﹐我忽然想起今晚只有我們倆﹐可以不必「被逼」只吃附近的餐廳。一顆心立時飄到銅鑼灣﹐弟弟一貫的沒有意見﹐我就提議「挑戰難度」﹐於冬至的晚上﹐walk-in 去吃金滿庭。

弟弟的面上﹐有很多紫色直線。連他的背景也一樣。

一場歡喜的結果﹐通常都是換來一場空。到了門口的時候﹐見到輪候的人竟然比平日還要少﹐已經感到甚錯愕。再走多兩步﹐竟然見到裡面有甚多空檯﹐更錯愕﹐心感此事甚不妥。再走多兩步﹐見到 LED 走字板連號碼都沒有叫﹐更奇怪。再走多兩步﹐門口負責派籌的侍應去了哪兒？再走多兩步﹐見到玻璃窗上貼著紙﹐大意是今天只接受訂位﹐而且已經訂滿了。

侍應從接待處的底部忽然鑽出來 (literally!)﹐我提出我已經打定輸數的疑問﹐她給我一個證實死亡的肯定。從蒸籠裡面拿出熱騰騰的「流金歲月」然後飛快地咬破它的皮讓它滾燙的奶皇流滿嘴唇的快感﹐忽然間變成只能在腦中憑空地幻想。

Oh my god.

垂頭喪氣﹐漫無目的地走上扶手電梯。小南國有不少人在等位﹐但今晚的心已經託了給金滿庭﹐此刻忽然找個替代品﹐無疑是一手把自己連人帶心丟到溝渠去。事實非如此我當然理論上懂得﹐但溫家寶的一句「感情上過不去」套用於此刻就真的恰到好處。

經過一輪猶豫之後﹐走進了 California Pizza Kitchen. 上海小籠包變美利堅比薩﹐意料之外﹐是圍骰﹐通殺也。既然是特別情況的做節﹐吃一些平時做冬不會選的餐類﹐反而是理所當然的。至少我是這樣想。

目標徹底地改變﹐轉變又急又突然﹐變得完全不同﹐那就不再是為選擇兩個相似的心愛女人而猶豫﹐而是忽然從愛女人變成愛男人。口味轉變依然有跡可尋的話﹐會給人一種「變心」或「負心」的感覺﹐相反口味轉變太激烈的時候﹐反而難說成是「變心」﹐會「感情上過得去」﹐吊詭之最也莫過於此。

坐下來﹐呷一口凍檸茶﹐跟弟弟談談他自己。或許我倆的齡差七年是真的差太遠了﹐向來我倆哥兒都不多話。但慶幸媽一直都有跟他談談話﹐所以他不致於像我一樣﹐甚麼都不愛說給家人聽。自己總覺得﹐他們不是我的傾訴對象﹐我們是在完全不同的 bandwidth 之內的。大家的波幅波長﹐都很不同。只有很偶然的時候﹐我們的振動才會終於有一刻靠得很近﹐那一刻的共嗚﹐有一種很親切的感覺﹐我們是終於都同一渠道之中。然後﹐像波浪一樣﹐又各自各回到自己既定的頻譜之中。於上上落落之中﹐期待意外。

這一晚的做節﹐我覺得很愜意。但願二少亦是如此認為。

終於濃縮

玩左 Facebook 都有一段日子。有玩過的朋友應該都知道﹐佢特別之處就係每日都有推陳出新的小 program﹐俾你玩完再 share 出去。

之但係好似我咁玩左一段日子的朋友亦應該已經醒覺到﹐果d 無日無之的的 Requests, 又真係幾煩的。尤其係當佢地已經由十幾個累積到變成一大條國殤之柱咁長的 requests 的時候﹐你就會頭痛。但全部都 accept﹐你亦都會頭痛﹐係好痛個隻。但如果你 accept 某朋友又唔 accept 某朋友﹐accept A 君的 grow-a-gift 而唔 accept B 君的 grow-a-bitch, 佢地又會唔開心﹐你仲頭痛。

我諗我知點解 Facebook 咁成功﹐因為佢地將一樣野發揚光大﹐呢樣「既野」﹐係中國人先鐘意玩﹐鐘意在乎﹐外國人應該比較少。

呢樣野﹐叫做「人情」。我英文無阿陶傑咁勁﹐姑且用自己的薄弱的 vocabulary 譯佢做 “favour”

能夠將「人情」呢家中國自家製的無聊極品融入一個新世代的交友網﹐創作者真係抵讚。

所以你話﹐Facebook 幾好玩。

終於到呢個地步﹐Facebook 終於將我的 requests group 埋一堆。Mama Mia, Hallelujah.

失禮到爆炸的離職信

我係之前間公司做到今年的四月廿二。臨走之時﹐公司俾左一封離職信我。秘書對過﹐我對過﹐無問題﹐簽收。

西班牙番來之後我拿住封信﹐不停咁 send 信出去 apply 工。一路都唔覺得有乜野唔妥。

今日見工﹐俾份正本個 HR 小姐睇。佢睇左一陣﹐覺得唔對路。

「你話你做到今年的四月廿二？」

「係呀。」

「但係你封 reference letter...」佢指著那一句﹐說明我由幾時開始番工﹐番到幾時的那一句 「佢呢句話你係 until 22 April 2006 喎...」

下？

2006?

我眼花？我睇錯？我未訓醒？我拿錯信？我睇錯字？佢睇錯字？佢掉左包？秘書打錯字？我記錯....？其實我只係做左半年野？

喂咩事呀﹐睇真d ﹐真係打住 2006 架喎！

天呀！原來我封 reference letter 上面個日期一路都係打錯的﹐點解一路我都發現唔到？其他 HR 都發現唔到？ (以會俾機會我 interview 的計) 點解甚至係之前的機場地勤﹐直頭俾埋 offer 我﹐都發現唔到的？

突然間﹐我面紅耳熱。四月離職﹐十二月先發現推薦信有如此重大又重要的錯字﹐真失禮死人。

唉﹐都唔知點解會咁....咁切身的事我都竟然可以睇漏。

Indian Nipple Song

傷仲永

金谿民方仲永，世隸耕。仲永生五年，未嘗識書具，忽啼求之。父母異，借旁近與之。即書詩四句，并自為其名。其詩以養父母、收族為意，傳一秀材觀之。自是指物作詩立就，其文理皆有可觀者。邑人奇之，稍稍賓客其父，或以錢幣乞之。父利其然也，日扳仲永環謁於邑人，不使學。

　　予聞之也久。明道中，從先人還家，於舅家見之，十二三矣。令作詩，不能稱前時之聞。又七年，還自揚州，復到舅家，問焉。曰：「泯然眾人矣。」

　　王子曰：「仲永之通悟受之天也。其受之天也，賢於人材遠矣；卒之為眾人，則其受於人者不至也。彼其受之天也，如此其賢也，不受之人，且為眾人。今夫不受之天，固眾人；又不受之人，得為眾人而已邪？」

矯枉過正@我愛香港所以愛之深責之切

餐廳禁煙果面﹐講左好耐﹐終於都有結果。而且 so far 我所見到的係﹐成效都唔差。可能我去親的餐廳都幾守法。

跟住就來一個停車熄匙。呢個都係一件好事﹐但係﹐立法？Well….

曾幾何時聽過﹐其實停車熄匙﹐唔會比起唔熄匙﹐好得幾多。不過﹐因為車的廢氣的排出口真係好近行人﹐簡直就係自己腳底一樣﹐所以問題就會好似「近左好多」咁。

停車熄匙﹐我唔係反對立法﹐但點樣執法﹐真係好大疑問。立法後﹐會唔會情況好左？定係人人都選擇唔停車﹐慢慢咁向前行呢﹐或者死兜爛兜﹐總之就係唔肯停車呢？

呢個未發生的事﹐唔可以算佢「矯枉過正」。以下呢件﹐就珍珠都無咁真。

GOD 俾人充公晒 d 衫個單。

我真係諗爆頭都唔明﹐點解會 target 佢地。係﹐咁佢地大熾熾咁寫晒個名係度﹐的確有少少唔好。但咁樣踩界的衫﹐成個香港都係啦。你拉得幾多？

今次的 “IDEA”, 唔知係淫審處班古老石山諗出來的﹐定係警察自己食飽飯諗出來的﹐定係海關呢 (關海關咩事呢其實？我又諗唔出喎)？ OK 你想拉晒所有你地睇唔過眼的野﹐咁同專制獨裁﹐又有乜野分別呢？呢度係香港﹐唔係北韓喎﹐我地唔想有人民的思想控制。

跟住﹐就係到底決定話要告佢地的人﹐佢地明唔明咩叫做創作？

成日話香港係文化沙漠﹐無人肯創作。依家有啦﹐你睇下攪成點。如果你話小朋友唔肯去試新野﹐但攪左個大頭佛出來又一味係罰﹐到頭來又灌輸「要乖﹐唔準曳曳」的意識俾佢。過多一段日子就發覺小朋友點解一d 創意都無﹐成舊飯咁慒盛盛….

….咁應該怪邊個呢？好明顯啦下嘛﹐唔使畫魔鬼畫出腸….

跟住﹐就係到底決定話要告佢地的人﹐佢地到底知唔知 G.O.D. 平時做開乜野生意的呢？佢地的風格又係如何的呢？

老實講﹐雖然我個人應為GOD 的野真係好 X 貴﹐我完全買唔起﹐但我好欣賞佢地的氣質﹐佢地創作。正當我地一點一滴咁失去緊我地自己好寶貴的本土文化之時﹐佢地用左好多唔同的方法﹐將我地的本土文化一一咁用商品或者用品呈現番出來。而且佢地唔係做一次半次的 theme, 或者係一年半年的 promotion period﹐而係一路咁做落去。

我唔覺得佢地係第一個人 / 第一班人會用香港本土文化來做 theme 的 designers, 但堅持左咁耐到最後可以挨出個名堂的﹐相信都極少。香港人的眼光向來都好奇怪﹐一時好醒﹐一時懶 G 醒其實豬頭炳。所以佢地可以做到咁耐﹐我覺得應該支持。而且我間唔中都有去 visit 下佢地的總店﹐真係唔錯架喎 d design.

我真係好想問廣大的市民﹐唔通你地真係覺得咁樣係岩？雖然係大纜都扯唔埋﹐但我都想問埋﹐當年國際知名的大衛像﹐因為塑像係全裸的﹐所以就係「不雅物品」？你地班香港人唔係想其他人笑死我地下嘛？

喂我唔係反中亂港﹐但我真係唔想俾人睇到我同共產黨d 保守派係同一樣眼光呀。我地呢一代﹐衰衰地都叫做讀「番書」大的﹐我好相信我地唔應該有咁樣的「世界觀」同埋「文化觀」。咁樣真係太可悲﹐太可恥啦…..

唔怪得我去到西班牙﹐其他人問我以家香港回歸祖國﹐係唔係夜晚有 curfew? 有無黨領袖崇拜？有無禁制我地的言論同埋封鎖消息？

唔係一個人問﹐係將近十個人﹐係唔同的城市遇到的。

你睇下我地香港依家俾左個乜野的 image 人地睇﹐我真係唔敢相信﹐我地呢個最愛的香港﹐我呢個最感自豪的自由之城﹐我呢個最感自豪的City of Educated…..

原來﹐唔單止人地睇我地的外表都唔覺﹐原來自己身處其中睇番﹐都唔覺。喂你地睇下啦唔該﹐醒下啦唔該。

WHAT THE FUCK?!

http://www6.discuss.com.hk/viewthread.php?tid=5655554&extra=page%3D3&page=1#

賤人藝術家 , 請大家一齊投票杯葛佢 (轉貼)

無論你有無養狗 , 都請你用少少時間睇睇 , 請幫忙投票 . 看完後心情久久不能平復 , 唔止個衰藝術家 , 主辦單位點解會容許呢個賤人係度做展覽, 仲有去參觀嘅人點解全無感覺 , 無人會去拯救呢隻可憐的狗狗 , 我對呢個國家嘅人徹底失望 .

以下轉貼自: 來自哥斯達黎加, 名字叫Guillermo Habacuc Vargas的"藝術家"。他將一隻飢餓的流浪狗，作為他的藝術作品。他不許任何人給狗兒食物或水，最後可憐的牠終於給‘餓死了’。 他代表自己的國家被參選—『Bienal Centroamericana Hondura 2008』。

請大家一齊到這裡簽名 http://www.petitiononline.com/13031953/petition.html 來杯葛他！ 仲可以衰到將狗糧貼係牆上去引誘隻狗狗... 可憐既小狗....成為藝術下既犧牲品........

==============

我只能用人神共憤來形容的我心情﹐同埋感覺。

Costa Rica 原來係d 咁的地方....

兩個大學站

西港島線拍版落實﹐大家都開心。政府消息話﹐有一個最近港大的站﹐會叫做「大學站」。

無問題呀。

唔係喎……..諗深一層﹐兩鐵會合拼架喇喎﹐咁「一鐵豈能藏二大學站」呢？

我係好愛中大的中大人﹐你話叫我放棄「大學站」呢個名咩﹐又唔捨得。話晒佢都係好多人﹐尤其係舊生﹐的集體回憶。

你叫港大人放棄「大學站」呢個名咩。政府都放左風﹐依家先話唔得的話﹐港大班人同你地死過都似。港大人對「名」呢件事幾著緊﹐你睇下佢地依家個醫學院叫咩名就知….

叫「中文大學站」同「香港大學站」啦﹐咁 City 同 BU 咪好慘？會唔會扭計要九龍塘變做「城浸站」或者「浸城站」？兩個名都好唔老利喎。嶺大都可能要求「兆康站」改埋一份….跟住紅磡又變埋「Poly 站」….最慘就係 UST, 無得玩。

咁一係一個叫「南大學站」一個「北大學站」。但係….好 L 娘喎咁叫法﹐十足十大陸d 火車站咁…聽見都覺得 UN 耳。

網上原來對呢件事討論甚切。人人都加幾句意見﹐但我覺得有一個好似幾岩。

就係鬥「搶」。

邊個搶到先﹐咪邊個的囉。香港從來就係一個咁樣鬥搶的地方。

即如百幾年前港島果間大學搶到「香港」呢兩個字﹐咪可以叫自己做「香港大學」囉。其他後來居上的﹐唔怨得人唔可以用「香港」的「大學」來做名稱。咁咪變成「中文」囉。再後來的﹐各有各原因。

咁中大搶先得到鐵路連接﹐然後叫做「大學站」。咁…..老實講﹐港大的同學們﹐你地唔怨得我地架喎…….

手快有手慢無嘛……

我的精神病

今期好鐘意玩 Facebook. 可能係因為以前無乜玩過 Friendster

所以突然間玩就覺得原來都幾好玩

今日新加左一個 application, 叫做 "My Personality" 顧名思義就係估我的人格係點

睇起上來好似好 pro 咁﹐尤其係果五個 term 我都好似係大學讀 Introduction to Psychology 的時候讀過。而且d 問題都好似熟口熟面咁。

得出的結果﹐大概就話我係一個又痴痴地線﹐又鐘意發白日夢﹐份人又無口齒﹐做野又無擔戴﹐又有社交恐懼症﹐又成日以為其他人做每件事都有動機....的人。

Well, 都幾準。


之後佢有一個 Personality Disorder 的判定﹐根據你的人格判定你最可能有無野 Personality Disorder. 唔使驚﹐其實我覺得人人都會有精神病﹐人人都會有 Peronality Disorder 的。就好似 Physical Health 一樣﹐Mental Health 我相信其實都會有少少不健康的狀態的。

我的 Personality Disorder 叫做 Borderline Personality Disorder. 咁即係乜野呢？我都無讀過心理學﹐完全唔知。翻查我偉大的老師 Wikipedia, 得到以下段落：

Borderline Personality Disorder (DSM-IV Personality Disorders 301.83[1]) (BPD) is defined as a personality disorder primarily characterized by emotional dysregulation, extreme "black and white" thinking, or "splitting", and chaotic relationships (Really???). The general profile of the disorder also typically includes a pervasive instability in mood, interpersonal relationships, self-image, identity, and behavior, as well as a disturbance in the individual's sense of self. In extreme cases, this disturbance in the sense of self can lead to periods of dissociation.[2] (諗諗下又好似真係有喎....死喇﹐我到底係邊個？....)

睇到呢度﹐都有少少「唔 L 係呀...」的感覺

The disturbances suffered by those with borderline personality disorder have a wide-ranging and pervasive negative impact on many or all of the psychosocial facets of life, including ability to hold down a job and relationships in work, home, and social settings. Comorbidity (呢個咩字？) is common; borderline personality disorder frequently occurring with substance use disorders and mood disorders. Attempted suicide and completed suicide are possible outcomes without proper care and effective therapy.

嘩！唔係卦？

Click 多幾 click, 原來有中文版喎﹐等我睇下自己的英文理解有無錯先....


根據最新版的《DSM-IV-TR》的定義，BPD可分為Axis I和Axis II。邊緣性人格障礙的主要徵狀如下[1]：
1. 瘋狂努力以避免真實或想像中的被放棄。
2. 不穩定且緊張的人際關係模式，特徵為變換在過度理想化及否定其價值兩極端之間。
3. 認同障礙：自體形象（self image )或自體感受（sense of self）持續明顯不穩定。
4. 至少兩方面可能導致自我傷害的衝動行為。
5. 一再自殺的行為、姿態、威脅，或自傷行為。
6. 由於心情過度易於反應，情感表現不穩定。
7. 長期感到空虛。
8. 不合宜且強烈的憤怒，或對憤怒難以控制。


任何病人若有以上九點的其中五點，就可以確診。



唔 - 係 - 卦~~~~!!!!!!

都係無聊

東寶小館

唔知點解﹐同阿 K 行行下﹐突然間話﹐不如今晚食東寶小館。

前往東寶的途上﹐遇到新光戲院門前的「十三座牛雜」。K 話好多人喎﹐我話你咪食囉﹐我怕食牛雜。佢排隊﹐買﹐食﹐然後笑。佢話好多年無食牛雜﹐因為呢幾年的牛雜越來越唔好食。今日終於食到好好食的牛雜。佢一路食的時候我一路係度睇店子貼閘框的剪報﹐當然全部都係介紹佢地的牛雜﹐重話自己係用新鮮牛雜﹐其他人因為鐘意用急凍牛雜﹐雖然方便好多但無咁好食。Anyway, 我食牛肉咁多年﹐唔知點解就係提唔起興趣食牛雜﹐總覺得過唔到自己心理果一關。

係佢仲想來多一串的時候﹐我就拉住佢走去東寶。

基本上成個渣華道熟食中心都係由東寶攪旺個場。平日夜晚七時許八時﹐東寶小館依然滿座。有去過東寶的朋友都應該知道﹐東寶的場有幾咁大。坐滿晒的時候﹐真係好有以前係中大年年都有得食的「千人宴」的感覺。當然﹐呢度的食物好過千人宴幾千幾萬倍。

好彩兩個人﹐易搵位。東寶生意多到唔憂做﹐要等位的話﹐唔係過半數就 OK,係要齊人！兩三個人要等齊人都唔難﹐八九個人要等齊人的話﹐真係等到蚊到訓。其他先到的人﹐等位等到打 PSP, NDS, 睇 Games Weekly, 忽周﹐東周﹐睇報紙﹐搽指甲油﹐補粉﹐畫 eye shadow, 煲電話粥﹐玩 PDA, 睇人玩 PDA, 玩電話﹐睇隔離位玩電話﹐睇公司的文件﹐睇隔離位的公司文件 (?!), 玩手指﹐睇隔離位玩手指﹐望天打卦﹐望地打卦….

我睇見佢地都辛苦。

食左一陣﹐我見到有個人的樣都幾搶鏡﹐睇真d….吳彥祖？！WOW! 吳彥祖都來呢d地方食野喎！

但咁都唔夠驚﹐你估下仲有邊個？係 Amanda S.! 不過佢真人都唔係幾得呀下….之間仲有好多個唔知乜野人一齊﹐應該都係陳志雲果種你唔識佢但其實佢隻手遮天的癲佬。

一路食﹐一路都見到一d 你會覺得佢似有名的人﹐但你又講唔出名的人﹐尤其係果d 闊太﹐你成日都係報紙見到佢地出入 Ball 場﹐但從來唔會留意佢地d 新聞的人。

之後﹐見到有個勁肥的背影行過﹐K 正想同我講﹐我話你唔使講﹐我睇見佢個背影咁肥﹐行路行得咁核突﹐就知一定係杜汶澤﹐right?
食多陣﹐見到張國強係前面行過來…唔高﹐好老。但個樣仲好英。

食多陣﹐見到王合喜從後面閃出來。好黑好 sporty﹐但完全唔明星。聽聞王合喜改左名想轉運。

食多陣﹐見到陳子聰。當時我諗﹐有吳彥祖有陳子聰﹐會唔會有埋連凱同尹子維呢？

今晚東寶小館做咩事….？開記者招待會嗎？

大批狗兒到泳池游水？

如果香港的泳池可以咁樣做的話﹐相信好多人會多多錢都願意俾囉。

http://www.intheory.tv/?p=72

出售寵物來源合法化

支持出售寵物來源合法化簽名運動

漁護署計劃修改「動物售賣商牌照附加條件」，確保所有持牌狗隻售賣商所售狗隻皆有合法來源，打擊內地走私犬、防止瘋狗症傳播。

我們非常贊成漁護署的建議，認為此計劃有助打擊本港日益嚴重的內地走私犬、無牌繁殖場等問題，對於維護香港的動物權益起非常正面的作用。 如果你也認同漁護署建議,請加入我們的簽名行動

http://www.petitiononline.com/legalpet/petition.html

----------------------

其實如果大家唔係好了解香港的寵物環境係點的呢﹐我可以一概都講講。

點解香港的寵物會係千幾二千﹐甚至有時候幾百蚊就可以買到一隻狗一隻貓的呢？其實好多時都係因為佢地係大陸的走私狗。當然唔會係真的純種狗﹐仲有的就係﹐環境極差﹐根本唔係一個正常的地方﹐你唔會係香港想像到大陸人為賺錢﹐將d 動物點樣對待。聽過太多 case, 佢地當狗媽媽係生育機器不停要佢生﹐生到自己營養不良﹐唔係瘦晒就算數果種營養不良﹐係骨都無骨質﹐眼都白內障﹐肌肉都痿縮﹐果一種。

然後﹐好多香港人百百痴痴咁 (對唔住﹐真係要用呢個字) 就話要買寵物﹐然後好快﹐就有一千幾百個 lame 到不能再 lame 的 excuse 來遺棄佢地﹐或者虐待佢地。

如果可以做到十萬蚊先買到一隻純種狗﹐我相信香港會少好多動物的問題。將心比心﹐你願意能夠做到的事﹐但唔做﹐任由個d 無來 sense 無來智慧的人 (例如十六歲扮發現棄嬰的) 來養寵物嗎？

我做唔到哩...真係。

兩隻可憐的狗

今日特意千山萬水的走到天水圍﹐接馬克王子出來打防疫針。千里迢迢的為打一支針﹐這種「想見佳人一面」的籍口未免有點那個。

於獸醫等待處﹐見到一隻極可憐的狗狗。最「注目」的應該是牠背上的血焦吧。那一大塊剃光了毛髮的皮膚之上﹐佈滿了又黑又紅的血焦﹐極是嚇人。看牠的樣子應該是金毛尋回犬﹐但此刻牠的模樣真的叫我完全想像不到牠如何「曾經」是一隻金毛。細心看她﹐肚子脹了﹐我以為是有身孕﹐但原來主人都不知道。

看她的樣子﹐毛囊炎的情況很嚴重﹐壞死的皮膚面積極大﹐差不多大半個背部都焦了。我相信如果早發現的話﹐應該不會擴散至如斯嚴重的地步﹐心裡打定輸數中間或多或少有「延醫」的成份在內﹐只是不知責在何方。

再看一下四腳的關節位﹐是金毛尋回犬此等大狗﹐因為趴下和站起的關係會經常磨蝕的位置﹐四肢的關節位都尚有毛髮未剃﹐但看得出來色澤又深又霉﹐必是長期受潮﹐沒有得到悉心打理而致。何能是有關節問題主人沒有理會﹐更差者可能是四肢關節長期浸於潮浸有菌的環境中。任何一個理由都似乎是疏忽照顧的強力証據﹐但我沒有作聲。

主人炫耀到這一隻狗狗已經生過五、六胎狗兒了﹐他談到每一胎如何如何的時候眉飛色舞﹐更讓我懷疑此人有存心以狗隻作生育機器﹐為謀一己私利之用。金毛犬雙眼極可憐的望著我們﹐一眾輪候看獸醫的主人都心酸了。

但最讓我懷疑那主人以狗兒作生育機器的理由是﹐旁人問完金毛犬曾生過幾多胎狗兒之後﹐都勸他夠了﹐不要再讓狗兒再懷孕生子的時候﹐那主人靜默了一會﹐然後才氣若懸絲的答道：「睇下點。」

就是被追問之後﹐他短短一刻的默然﹐就是他那一刻的猶豫﹐那一條根本不用再猶豫的問題。我幾乎就肯定﹐金毛犬那一雙可憐的眼情﹐曾看過甚麼樣恐怖的生活。旁人還在可憐金毛犬的時候﹐我已經忍不住用極憎惡的眼光望住那一個主人。

就在此時﹐有個女人帶著一隻史納莎走進獸醫診所看病。

史納莎全身都綑滿了繃帶﹐四肢和頭卻沒有﹐看起上來有點兒滑稽。後來才知原來故事很慘。

那一隻史納莎﹐性情極溫馴﹐兼且成為了狗醫生﹐更是平易近人的「信心保証」。但有一個毛病﹐就是不大願意多喝水﹐久而久之﹐就生了尿石。

女主人帶史納莎到大埔一所獸醫做尿石移除手術。麻醉過後﹐放史納莎於暖氈之上﹐保持體暖﹐然後開始手術。但不知道誰的錯﹐竟然將電暖氈的溫度調得過高﹐但當場竟然沒有人發覺。極度過熱的暖氈﹐就這樣慢慢的就將狗兒的毛皮﹐緩緩的﹐活生生的煎熟！狗兒又全身都麻醉了﹐不懂得叫痛﹐就這樣﹐背部的毛髮當然都燒焦了﹐皮膚也嚴重的燒傷。到診所發現的時候﹐似乎已經是太遲了。

手術後女主人來到診所﹐欲接走狗兒﹐但診所推說狗兒對麻醉藥敏感﹐所以未能接走。女主人見到狗兒背上包滿紗布﹐大惑不解﹐但診所一直推說是對麻醉藥敏感﹐不能接走要多觀察幾天。兩三天之後女主人越想越不妥﹐執意要接走狗兒﹐診所見快將事敗﹐對女主人抓破了臉﹐罵她不相信獸醫 (虧他們還說得出口)﹐罵她執意要接走狗兒是沒有禮貌之舉﹐女主人當然不理。

回到家﹐女主人為狗兒掀開紗布﹐發現整個背部都是焦毛爛肉﹐紅的流血﹐白的流膿﹐黑的焦肉﹐棕的焦毛﹐想當然極是恐怖的了。就急急的帶狗兒到我們這一間診所求診﹐獸醫一看﹐就知絕不是甚麼「麻醉藥敏感」云云﹐是燒傷了。燒傷的範圍很廣﹐廣得醫生想再狗狗身上找其他部位完好的皮膚作植皮手術﹐也不能﹐因為燒傷的範圍太廣了﹐狗兒全身的「完好皮膚」都不足以蓋過所有的傷處。

女主人並沒有對我說她當時的反應﹐但我可以想像得到。

她似乎是一個讀過不少書的人﹐說起話上來清清楚楚﹐雖說得細聲﹐但整個診所的人都靜下來﹐聽她將整件事娓娓道來。她聲細氣弱﹐將整件事輕描淡寫的說出來﹐但聽的人無一不感到毛骨悚然﹐有好幾人都像我一樣﹐空張著咀巴﹐卻說不出話來。一陣恐怖感﹐又換來一陣憐憫的眼神﹐後來卻又滿腔忿怒﹐紛紛出言大罵大埔那一位庸醫的不是。

我當然是其中的一個人。聽到了史納莎的故事﹐我久久都不能言語﹐心裡面猶像忽然多了一塊千斤巨石一樣﹐壓得我一顆心沉甸甸的。

過了好一回﹐我望望坐在我大腿上的馬克王子﹐牠又正巧發現我望著牠﹐向我回望﹐四目交投。那一刻﹐我感到很欣慰。馬克王子發現我眼神有異﹐定晴望著我多一兩秒﹐就轉頭望診所內其他的狗兒了。我雙手從牠兩脅底下抄過﹐輕輕的將牠抱緊﹐貼近我的懷中﹐嗅嗅牠身上那一陣「狗味」﹐溫柔的撫摸牠渾身黑白交雜的毛髮﹐深深的慶幸牠身體健健康康﹐沒有甚麼大病大痛。

這一刻﹐我感受著牠身軀的溫暖﹐覺得「身體健康」和「一切正常」都是一樣﹐是種福氣。

我﹐很幸福。

生日應該快樂

又一年了。又大一歲了。

同屋企人到 Cafe Marco 吃 Dinner Buffet, 又遲到。

用優惠券﹐所以要分開兩張檯﹐是在 Spice Market 慣用的技倆﹐但料不到檯子分得那麼開。

三百多元一位的自助餐﹐半價後才覺得價錢正常。

謝謝爸媽。

失業半年﹐反而一點兒也不緊張。

活了多年﹐反而覺得天大地大。

覺得天大地大﹐反而想掘個洞鑽進去。

我好迷糊。賦閒在家的這段日子﹐明明每天都有事做。但又似沒事做。

到底有事做﹐還是沒事忙? 我開始抓狂。

有時候一個人就很容易抓狂。

這些賦閒在家的日子﹐其實每天都會出門﹐不是真的「隱蔽青年」。但性事越來越躁狂。

有時候﹐連覺得熱所以掙扎要不要開冷氣﹐都會變得讓自己抓狂。要不要去那兒﹐要不要吃比較貴的食物﹐要不要花這個錢﹐也會讓自己抓狂。有時事情其實不涉金錢﹐但都抓狂。

對不起﹐我讓身邊人都快瘋了。

生日應該快樂

七大結界石？！

好多好多年之前﹐屋企部電腦裝左一個來歷不明的 program﹐係一個 Geographical Database 的 program. 裡面有晒所有國家的名稱﹐位置﹐地圖顯示﹐首都名稱﹐甚至可以播埋國歌出來聽添。應該係用來學地理的。當時我連最基本的 Sound Blaster 的 Sound Card 都無﹐於是佢只能用 Hardisk 來發聲播世界各國的國歌。你話幾詭異。

Anyway, 個重點係﹐當時我 search 香港﹐佢竟然話香港係有首都的﹐位置係中環﹐但名稱呢﹐就叫做 "Victoria"。 我大惑不解。我當時已經識睇地圖﹐好肯定呢個 "Victoria" 肯定唔係 "Victoria Park"。於是我諗﹐應該係呢個 program 好舊﹐可能香港 N 年前真係有個地方叫做 Victoria 係中環附近一 D 都唔奇。之後就再無理佢。

到近日上網 search 野發覺﹐原來香港曾經真係叫做「維多利亞城」"City of Victoria"。

詳見以下生果日報的報導。

http://www1.appledaily.atnext.com//template/apple/art_main.cfm?iss_id=20070819&sec_id=4104&subsec_id=11867&art_id=10044267

-----------------------------------------

百 年 古 物 　 網 上 掀 拯 救 行 動
專 題 報 道 ： 第 七 界 石 　 神 秘 消 失

一 塊 消 失 的 界 石 ， 掀 起 拯 救 「 維 多 利 亞 城 界 石 」 行 動 。 被 網 民 認 定 是 港 英 政 府 為 維 多 利 亞 城 （ the City of Victoria ） 豎 立 的 第 七 塊 界 石 （ city boundary marker ） ， 兩 個 月 前 在 港 島 馬 己 仙 峽 道 被 人 神 秘 移 走 ， 至 今 下 落 不 明 ， 引 起 外 界 關 注 其 餘 六 塊 界 石 的 下 落 。 本 報 追 尋 發 現 ， 該 六 塊 界 石 均 沒 有 得 到 政 府 的 適 當 保 護 ， 市 民 對 它 們 的 珍 貴 歷 史 也 感 陌 生 。
記 者 ： 黃 偉 駿 　 謝 明 明 　 蔡 元 貴

港 英 政 府 在 開 埠 初 期 ， 將 現 今 的 中 西 區 與 灣 仔 區 一 帶 發 展 為 維 多 利 亞 城 ， 並 於 1903 年 刊 憲 及 豎 立 了 六 塊 界 石 確 立 範 圍 。 該 六 塊 界 石 至 今 已 有 逾 百 年 歷 史 ， 至 於 被 大 部 份 網 民 認 定 的 第 七 塊 界 石 ， 據 悉 於 1920 年 代 中 期 豎 立 ， 位 於 馬 己 仙 峽 道 一 幅 護 土 牆 下 ， 但 古 物 古 蹟 辦 事 處 卻 一 直 不 肯 確 認 該 塊 界 石 的 身 份 。

斜 坡 施 工 時 　 疑 被 搬 走

直 至 今 年 6 月 中 ， 有 熱 心 的 網 民 突 然 發 現 該 塊 界 石 不 翼 而 飛 ， 懷 疑 是 維 修 斜 坡 的 工 人 施 工 時 將 界 石 搬 走 ， 不 少 網 民 先 後 向 地 政 總 署 及 古 物 古 蹟 辦 事 處 查 詢 ， 但 各 部 門 均 未 能 解 答 界 石 的 下 落 。

第 七 塊 界 石 可 能 遭 遇 「 不 測 」 ， 令 網 民 非 常 關 心 其 餘 六 塊 界 石 的 下 落 。 獲 官 方 確 認 身 份 的 六 塊 界 石 ， 分 別 位 於 堅 尼 地 城 、 薄 扶 林 道 、 克 頓 道 、 寶 雲 道 、 舊 山 頂 道 及 黃 泥 涌 道 ， 以 近 乎 一 條 直 線 貫 穿 中 西 區 與 灣 仔 區 。 界 石 呈 方 形 柱 體 ， 高 1.2 米 ， 頂 部 是 一 個 「 金 字 塔 」 ， 以 花 崗 岩 建 造 ， 石 身 刻 上 「 CITY BOUNDARY 1903 」 字 樣 。

現 時 政 府 沒 有 將 維 城 界 石 列 為 受 保 護 的 法 定 古 蹟 。 本 報 昨 日 追 查 各 界 石 的 下 落 及 最 新 情 況 ， 發 現 它 們 所 在 位 置 毫 不 起 眼 ， 埋 沒 於 公 園 、 護 土 牆 之 中 ， 除 了 未 有 得 到 適 當 保 護 ， 也 缺 乏 應 有 的 宣 傳 。 位 於 西 寧 街 堅 尼 地 城 臨 時 遊 樂 場 的 界 石 ， 處 於 花 槽 與 公 園 鐵 絲 網 之 間 ， 記 者 在 公 園 內 花 了 接 近 20 分 鐘 才 「 僥 倖 」 尋 獲 其 所 在 。 每 日 均 在 公 園 「 打 躉 」 的 梁 伯 伯 ， 在 區 內 住 了 超 過 30 年 ， 坦 言 從 不 知 道 有 一 塊 界 石 存 在 。

欠 宣 傳 介 紹 　 長 滿 青 苔

另 一 塊 豎 立 於 舊 山 頂 道 的 界 石 ， 有 近 三 分 一 石 身 已 被 埋 藏 護 土 牆 內 ， 石 身 頂 部 更 佈 有 一 層 薄 薄 的 青 苔 ， 顯 然 長 時 間 沒 有 人 清 潔 。 位 於 黃 泥 涌 道 、 聖 保 祿 天 主 小 學 對 面 的 界 石 ， 雖 然 身 處 馬 路 旁 邊 ， 但 大 部 份 車 輛 駛 過 並 沒 有 刻 意 減 慢 速 度 欣 賞 界 石 。 惟 有 豎 立 於 克 頓 道 的 界 石 ， 旁 邊 設 了 一 個 中 、 英 、 日 三 種 言 語 的 宣 傳 牌 ， 介 紹 它 的 來 歷 。 記 者 昨 日 一 心 尋 找 界 石 下 落 ， 但 也 多 次 跟 它 們 擦 身 而 過 沒 有 發 覺 ， 一 般 途 人 或 遊 客 若 果 對 界 石 毫 無 認 知 ， 相 信 更 難 會 發 現 它 們 的 存 在 。

蘋 果 資 訊
中 環 灣 仔 劃 界 變 維 城

本 港 開 埠 初 期 ， 一 切 商 業 、 軍 事 活 動 均 集 中 在 港 島 以 西 ， 港 英 政 府 最 先 在 中 環 與 上 環 進 行 開 發 ， 隨 後 將 發 展 伸 延 至 西 環 、 半 山 及 山 頂 一 帶 。 當 時 雅 賓 利 道 以 東 主 要 用 作 軍 事 用 途 ， 倉 庫 、 海 關 及 軍 營 均 設 在 中 環 海 旁 ， 民 居 多 數 聚 居 於 上 環 及 西 營 盤 。

紀 念 維 多 利 亞 女 皇

1843 年 ， 港 英 政 府 為 了 紀 念 1837 年 登 基 的 維 多 利 亞 女 皇 ， 於 是 將 中 環 及 灣 仔 一 帶 改 名 為 「 維 多 利 亞 城 」 ， 隨 後 城 內 範 圍 不 斷 擴 展 ， 由 1844 年 僅 約 100 幢 建 築 物 ， 到 1874 年 激 增 至 逾 1,800 幢 建 築 物 。

港 英 政 府 於 1903 年 正 式 刊 登 憲 報 ， 頒 令 界 定 維 多 利 亞 城 的 範 圍 ， 並 在 西 環 至 現 時 跑 馬 地 一 帶 ， 合 共 豎 立 了 六 塊 界 石 ， 以 標 明 維 多 利 亞 城 的 邊 界 範 圍 。 不 過 ， 香 港 隨 後 發 展 迅 速 ， 人 口 在 第 二 次 世 界 大 戰 後 不 斷 增 多 ， 中 環 多 年 來 更 進 行 多 次 大 規 模 填 海 工 程 ， 維 多 利 亞 城 隨 歲 月 流 逝 ， 變 得 名 存 實 亡 。

古 物 古 蹟 辦 事 處 表 示 ， 現 時 本 港 法 例 訂 明 城 市 範 圍 ， 故 此 該 六 塊 界 石 只 是 一 種 象 徵 標 記 ， 不 具 任 何 法 律 意 義 ， 現 時 僅 作 為 標 誌 過 去 城 市 邊 界 的 歷 史 遺 。

港 英 政 府 於 1903 年 豎 立 的 六 塊 界 石

1) 西 寧 街 堅 尼 地 城 臨 時 遊 樂 場 內 ◆ 隱 沒 於 花 槽 與 飲 水 機 之 間 ， 附 近 的 老 街 坊 均 不 知 道 其 來 歷
2) 薄 扶 林 道 遊 樂 場 附 近 的 行 人 隧 道 入 口 ◆ 位 處 行 人 隧 道 入 口 ， 平 日 甚 少 人 行 經
3) 克 頓 道 近 寶 珊 道 （ 往 龍 虎 山 方 向 ） ◆ 唯 一 有 官 方 介 紹 牌 的 界 石
4) 舊 山 頂 道 近 地 利 根 德 里 ◆ 部 份 埋 在 斜 坡 內 ， 滋 生 了 薄 薄 的 青 苔
5) 聖 保 祿 天 主 小 學 對 面 的 露 天 停 車 位 ◆ 不 甚 起 眼 ， 表 面 有 少 許 污
6) 寶 雲 道 步 行 徑 （ 御 峰 附 近 ） ◆ 位 於 步 行 徑 路 旁 ， 很 多 時 與 垃 圾 車 為 伍
7) 馬 己 仙 峽 道 15 號 民 間 認 為 消 失 了 的 第 七 塊 界 石

----------------

失落的城市﹐七塊界石定立城市邊界﹐最後一塊神秘失蹤﹐再加少少天馬行空﹐少少神秘力量﹐少少 crossover﹐少少史實與虛構的完美配合 (e.g. 鹿鼎記)﹐簡直就係日本最暢銷漫畫系列的劇情。

例如..............聖鬥士星矢之維多利亞城篇﹐要打贏晒城界石的守衛﹐先可以打城界石﹐打斷晒七條城界石﹐先可以解封維城﹐先可以打大佬﹐到最後封印於獅子山的神獸金毛獅子就會釋放出來﹐眾人大戰金獅子﹐然後先可以救出觀音娘娘 (香港版的雅典娜)........................咁依家第一塊擁有神秘力量的界石失守﹐相應代表著北斗七星中的「天璣」星已經殞落 (咁岩有七塊石﹐唔再用十二星座﹐用北斗七星)﹐魔界裂口更大開﹐嘩...........

欲知後事如何﹐請即到附近書報攤搶購「聖鬥士星矢」之「維城觀音篇」~~~~

Hairspray!

係倫敦旅行的時候﹐無論行街﹐定搭地鐵﹐定睇電視﹐都要經常見到 Musical 的宣傳。倫敦的 Musical 的確係好熱﹐排隊的人多到無倫。我好想睇架﹐但係我到最後都係選擇 meeting friends instead of 去睇音樂劇。

當時有套戲係英國做緊宣傳﹐叫做 Hairspray. 我見到個宣傳﹐勁想睇﹐好似好 70's 咁 (事實原來係 60s)。佢地做的 Banner 好有型﹐黑色一大條﹐上得 HAIRSPRAY 幾隻字﹐但隻隻字都唔同的彩色﹐而且有晒徐小鳯式的「波波」圖案﹐好正。可惜時間短促﹐要番香港。當時仲係度諗﹐呢d 戲應該香港都唔會上架喇﹐會上的話頂龍都係 Broadway 電影中心先會上。

點知全港都上﹐於是走去睇睇張 poster. 嘩﹐頂﹐邊個揀架？又老土又唔好睇。Retro 呢家野係好興﹐但都要識得攪好佢先得。拿掐得唔好的話﹐就會 Retro 變 「老土」。我望住張 poster, 感覺簡直係王晶的爛片系列﹐或者係肥姐的富貴逼人系列一樣﹐放係一個 2007 年的地鐵燈箱廣告﹐只得一個後果 - 完全無看此片的意慾。反宣傳成果 100% 收效。

可能香港呢張 poster 的 version 實在太差﹐所以我係 Google 搵極都搵唔到﹐唯有搵到呢張係英國都見到的 version 俾大家睇住先。

但係﹐我好相信自己雪亮的眼光 (謎之聲：又有人自吹自擂)﹐於是我決定搵人陪我睇。友人將信將疑：「呢套野成套王晶片咁的死樣....得唔得架大佬？」「你信我喇」其實都唔知佢係咪真係「得」。

睇完﹐兩個字：「好得！」「勁得！」

一開場的 Good Morning Baltimore 已經勁好聽﹐個肥妹仔又好可愛﹐d 歌又動聽﹐跳舞嘛, 始終係 60s 為背景, 創新時代﹐乜野都有﹐幾好睇。睇完套戲﹐勁有想買佢隻 Soundtrack 的衝動。

頭半場簡直係 10 out of 10 滿分。到中段有後勁不繼之感﹐但仍然屬高水準。直到最後的結尾曲﹐將所有元素混在一起﹐幾十人一齊載歌載舞﹐光影之間醉迷觀眾﹐忍不住跳出坐位一起跳舞﹐將整套戲都帶到最高峰結束﹐是高質素的開心的 Musical (Musical Comedy?) 不可或缺的一環。

誠意推介此片給各位朋友﹐開心快活的朋友自然要睇﹐死氣沉沉的朋友更加要睇！

我俾 10 out of 10! 後半段無咁好都算數啦

搜食‧海港城

最近經常出入海港城。有些好味的餐廳或食品推介給大家。





上面呢個叫做 Strawberry Cookie Cream Puff. 比起以賣 Cream Puff 而著名的 Bear Papa﹐呢一個 Cream Puff 做得更實在。佢裡面的 Cream, 比起 Beard Papa 打得更實﹐而且有好重的牛油香味﹐個人口味來講覺得呢個仲好味。而且仲有咁多 Strawberry 片﹐都只係賣 $12, 簡直係 fight 低晒所有 Beard Papa! 不過衰在我買的呢一件個皮已經淋晒﹐唔似得 Beard Papa 咁即叫即「泵」cream 入個 puff 入面。



係邊間舖頭咁巴之閉可以出到個 Puff 仲抵食過 Beard Papa? Panash 是也



海港城 Panash: 海運大廈近天星碼頭地面﹐從天星出來﹐往 Habitu 走進內﹐在和花亭對面﹐位於 KidX 的那一層。

上面呢兩隻係生蠔﹐部手機的相機 resolution 再低﹐都睇得出。呢度係太子酒店的自助餐, Spice Market @ Marco Polo Prince Hotel。由於阿媽係樓上番工﹐所以對呢度的「行情」瞭如指掌。亦因此﹐佢成日都係度食下午茶﹐食得多﹐就 join 埋佢地的 membership。於是我好耐之前就已經來食過。屋企講親話要食 buffet 都係來 Spice Market 因為有得平 (好多)。到最後﹐佢亦都幫我申請埋一張附屬卡﹐我就用呢張附屬卡來同一個 fd 食 buffet。兩個人一張檯的 discount 有幾多？ 50% off!

當晚由於係 Happy Friday 的 Friday night, 所以已經當係星期六日晚上咁的時段計﹐不過我地為左食宵夜時段﹐挨餓挨到 10pm 先食。但係正價都係 $148, 50%, 10% Service charge 只樣以 $148 為主來計算﹐即係除番開每個人都只係八十零九十蚊。咁就可以食到酒店自助餐﹐仲要係勁好食的自助餐。

最 surprise 的係﹐當晚係生蠔任食！平時酒店的自助餐都會有生蠔﹐但就唔係間間都有﹐而且通常都係供應有限。於是當晚生蠔一出的時候﹐各位香港人都一窩蜂咁走去搶。跟住經理又抬出一大盤生蠔﹐眾人又抓破臉皮的搶。然後經理又抬出一大盤生蠔﹐又搶光﹐又一盤﹐搶左一半﹐又一盤﹐搶左幾隻﹐又一盤....無人再搶。

我真係好 surprise﹐見到一個大酒店級的自助餐的生蠔﹐竟然多到無人要。係咪難食呢？絕對唔係。我不嬲都唔食生蠔的﹐但都吸引到我試一隻﹐竟然一d 腥味都無﹐仲有少少海水味﹐連我呢個唔鐘意食生蠔的都連食多三四隻﹐朋友直頭讚不絕口添。係咪太細隻呢？有圖為証﹐我一d 都唔覺得細囉。

其實我係見到每一檯都有人搶﹐到最後每一檯都有人食到一堆蠔殼﹐簡直係「蠔」氣干雲的一派景象！真係估唔到﹐九十蚊的自助餐 (對我來講) 都竟然可以有無限供應的上等生蠔﹐真係「對蠔當歌﹐人生幾何」！

除左生蠔之外﹐魚生﹐壽司﹐Chocolate Fountain, 沙律麵包﹐湯等等 standard 的野﹐統統都好好味。而且因為名字叫做 Spice Market, 所以有很多東南亞的食品。當中尤以泰式烤沙爹串和泰式冬蔭公湯特別好味。另外﹐就係有上圖的野。咩來呢？之咪就係生的蝦﹐生的魚片﹐生的假魚翅﹐生的蟹腳 (not in the photo)﹐等等囉。要來點食？就係夾好之後﹐交給專人為你整你自己選料的生~滾~粥~!

睇到上圖呢舊人唔似人﹐鬼唔似鬼的垃圾﹐一睇就知係 Waffle 啦﹐係咪？睇唔出？噢...你眼力差姐。其實佢係一舊 Waffle 來架。係我親手倒奶漿入去個烤 Waffle 機入面整出來架。之後再走到雪糕 stand 拿我最喜愛的 Haagan Dazs 雪糕於上面 (Vanilla 最 top, 下面是 Chocolate, 右下角那一 pat 是 Strawberry, 亦是 Haagan Dazs 的三大最正 flavour 之一) ﹐再灑一 D 朱古力碎入去﹐就變成上面 show 出來咁可愛的垃圾..... I mean, 甜品.......

Spice Market 香味屋: 海港城太子酒店三樓

Tel: 21136046

轉個口味﹐我地食中菜﹐一齊去「翡翠拉麵小籠包」。呢碗係紅油牛肉拉麵﹐今日下午同親愛的媽媽食的。起初見到佢個紅油紅到好似機油咁﹐以為會辣到飛起﹐點知原來係聲大大無貨賣﹐辣係辣﹐但絕對無麻辣米線咁辣 (都唔諗下兩樣野係完全唔同的﹐麵不同﹐風味不同﹐產地不同﹐用料不同﹐點可能拿佢來比較的呢)。麵身比起我心愛的金滿庭做出來的麵好得多。老實講﹐雖然我係金滿庭的 fans, 但係佢的麵﹐我真係食足咁多次都覺得要俾個 "mediocre" 呢個字佢。反觀呢間遠從獅城來的外援﹐做出來的拉麵真係好食多多聲。雖然有個無謂的 complaint, 就係麵身實在係太長﹐剪左都係嫌太長﹐我嫌麻煩。

至於小籠包﹐唔夠金滿庭好食。論價錢論份量論味道﹐都唔夠金滿庭好。「打遍天下無敵手」的不是「金面佛苗人鳳」﹐而係「金滿庭」。

最後呢位佳麗﹐係海港城 (甚至係香港) 的資歷係最短的。佢叫 "Freshness Burger"。你無睇錯﹐唔係 "Fresh Burger", 而係 "Freshness Burger"。聽聞佢係日本來的 Burger 店﹐係日本同已經進駐香港好一段日子的另一間來自東洋的 Burger 店 "MOS Burger" 都鬥得幾火紅火綠。 Freshness Burger 有幾食﹐我已經無心機再慢慢描述你聽﹐你自己試。但圖中的食物都會推介你一試。自左下 clockwise: 唔記得乜名 Burger A, 唔記得乜名 Burger B, 粟米湯﹐抺茶牛奶﹐炸薯格。當中以「唔記得乜名 Burger B」尤其好食。

同 Triple O's 來比嘛....當然無得比。但 Triple O's 的價錢亦都是「天下第一」的。同 MOS 來比呢﹐其實都算叮噹馬頭。

Freshness Burger: 海運大廈二樓 OT 242 舖。

Layman's term: Gigasports 知唔知係邊？Gigasports 後面有個籃球場﹐後面就係 Freshness Burger, 再後面就係「射精油輪」的登船 counters。如無記錯應該係 LCX 樓下。

西班牙遊記

已經唔再理英國果面的遊記﹐但係都打得勁慢

So far 已經打左九千字﹐但都係停留係第一天。

如果我開始 post 相的話﹐我相信我會打少好多好多字.....

但好多野係相講唔到的

同埋, Blogspot 以家有 post 相的 限制。攪到我唔係好敢炸相

Anyway, 以經 upload 左一小段架喇﹐有興趣的請睇睇

到我的 profile 就可以選另一個 blog 來睇

http://tommythetraveller.blogspot.com

MegaBox + Te + IMAX + Order of the Phoenix

MegaBox 開幕之前﹐我正在為旅行的各項大小事務作準備。MegaBox 開幕的時候﹐相信當時我應該人在英國。

後來我約了 Gladys 和阿瑪﹐但一來自己遲到了 (又遲到)﹐二來都沒有正式約她們到 MegaBox.

今晚終於有機會到 MegaBox﹐是因為很早之前訂了到 IMAX 看 Harry Potter and the Order of Phoenix 的戲票。

在德福轉接駁巴士到 MegaBox, 未進場之前看見五光十色的內部燈飾閃爍不停﹐火紅的外牆樓高數層﹐感覺有點兒像抵達某大頒獎禮的現場一樣﹐很夠氣派。

內部的設計有點兒像旺角的朗豪坊﹐可能因為大家都是垂直發展式的商場吧。因為有十數層的關係﹐很自然的就會有橫跨幾層的 express escalator﹐於是感覺更像朗豪坊。但與朗豪坊不同的是﹐MegaBox 的 express escalator 真的是 express, 速度甚高﹐能與那一條著名的「又一城接九龍塘地鐵站」相比。對比之下﹐朗豪坊那兩對「天梯」實在是慢如蝸牛。

至於食的方面﹐由於 MegaBox 實在是太多太多人﹐所有的食肆都滿座了。唯有選擇比較少人的 Te. 早見 Te 於海港城的 Citysuper food court. 當時見到 Te 所售的意粉﹐五十多六十元一碟﹐但材料奇少無比﹐狐疑著此等「不抵食」的餐廳可以能夠生存。

今次我選吃的﹐是試驗意粉的基本 - Spaghetti Carbonara (亦是我超喜歡的意粉)。 但基本還基本﹐我總以 Kubrick Cafe 的 Spaghetti Carbonara 來做比較﹐結果嘛﹐無論價錢和味道﹐一路以來都沒有對手。可喜﹐但又可惜。Te 的醬汁做得非常的香﹐意粉比較彈牙﹐我個人不太喜好﹐但平心而論口感是不錯的。可惜是整碟意粉只有三樣材料：意粉﹐醬汁﹐煙肉。Nothing else. 一絲香草都沒有﹐連略施香草作點綴的意識沒有﹐也沒有放入其他裝飾﹐賣相完全不吸引。若不是我親手付錢﹐然後親眼看見的話﹐還以為是二十元的港式茶餐廳所謂意粉的貨色。

還是 Kubrick 好。I love you.

至於 IMAX, 坐位很舒適﹐觀眾席斜度極大﹐有如置身海洋公園的海洋劇場﹐或是紅館﹐前面人高如姚明都不能全擋你的視線﹐是很久很久以前大劇院式的斜度﹐好得無話說。銀幕極闊﹐影畫質素亦很好。

至於 IMAX 的賣點 3D 電影方面...呃...可以不提。簡直有被騙的感覺。IMAX 的網頁上註明﹐只會在最後二十分鐘的魔法部大戰的時候才會有 3D 效果。但我想不到他們的 3D 幾乎等於沒有一樣﹐唯一一刻覺得有點兒 3D 的感覺﹐就是幾個小孩子騎著骷髏飛馬﹐飛越倫敦的場景。其餘的時候﹐幾乎不覺得有甚麼 3D。而且﹐所謂的「二十分鐘」﹐很快便過去了。極失望﹐完全不明白多付的四十多元的價值在何處。

至於 Harry Potter 方面...可能真的因為故事的結局已經在小說揭開了﹐很多人都因為知道了結局而對電影版不再有興趣吧﹐聽聞票房收入大大不如前幾集。不過平心而論﹐此集的確是做得比較不好﹐尤其是相對於上一集的「三巫鬥法大賽」。其實這一集的題材亦可以很好做﹐首先是 Dumbledore's Army﹐這一個學生當自強的組織其實可以做得更好﹐多給予更多的戲份﹐讓觀眾們真的感受到他們已經脫胎換骨﹐不再是流著鼻涕的小孩子了。但導演似乎未能達標。

另外﹐Dumbledore 終於出手跟魔王大戰的一段﹐其實亦可以做得更加好﹐因為我相信很多人跟我一様﹐對於這位校長總有份景仰﹐總希望能見到他「露兩手」一次﹐而此等高手當然要不嗚則已﹐一嗚驚人。但電影中﹐他們的對決之前﹐沒有甚麼大情節﹐沒有風暴前的平靜﹐沒有那一種關係已經拉到很緊的感覺﹐沒有前奏﹐沒有好好鋪排讓觀眾越來越期待。提起觀眾的期待﹐然後終於「交貨」﹐加一點出奇不意﹐加一點 "wow factor"﹐就能完全扭轉整個風格。而且對決的時候﹐電影中卻交代不出那一份當世兩大最高手對決的那一種「氣吞天下」的感覺﹐觀眾有幸一睹可一不可再的感覺。一閃而過﹐沒有氣氛的對決﹐跟 Harry 和幾個朋友柴娃娃地練習沒太大分別。

刻意安排恐怖片的感覺﹐但感覺極為土氣﹐簡直有看「攪乜鬼奪命習作」的感覺。哭笑不得。

場景方面﹐甚為不足﹐感覺上劇情不像是自然的推進著﹐似是被人逼著「跳格」似的。

電影音樂﹐最差。連我這個對電影和音樂都沒有認識的人﹐都認為電影音樂的部份做得 / 安排得極差﹐就真的很差的了。

希望只是電影版的問題﹐若然發現遲些的 DVD 足本版都是差不多的話﹐就真失望了。

期望第六部電影能換換導演。

鹿嗚春 Gathering

真的很久沒有跟大學同學一起 gathering 了。

今次的 gathering 選了鹿嗚春﹐我支持選擇鹿嗚春的其中一個原因是因為從來沒有試過﹐而且似乎鹿嗚春是頗為著名的食府。

食物的確不錯﹐但價錢實在是….明星級的價錢。

怎樣的價錢才叫做「明星級的價錢」？Well, 如果我告訴你我們見到周潤發和發嫂﹐跟其他朋友在鹿嗚春的大房中走出來﹐那夠不夠「明星級」？

發哥！你真人真係好型呀！仲高我半個頭呀！(可惜影唔到你)

我們聽到﹐發哥走到門口的時候﹐有十數個女子興奮尖叫的聲音﹐情況與幾十個無知少女見到一無是處的「年青派偶像」可比。果然是萬民景仰的影帝。

我終於都搵到喇！！

話說係西班牙一個月的時候﹐我成日都會聽收音機。Either 係宿舍 hea 的時候會聽住宿舍的收音機﹐或者係搭車的時候會收自己的手提電話 (仲未俾人偷左的時候) 的收音機﹐或者係 Disco / Bar / 餐廳的時候聽到依家西班牙最 hit 的流行歌。

咁聽過咁多隻之後﹐有一隻係久久都不能忘懷的。是一隻非常之 hit 的 Spanish Pop Song。當晚我係 Madrid 的 Kapital, 一個八層樓高的 Disco 的其中一層﹐專播當時得令的 Spanish Chart 的時候﹐就聽見呢隻歌。

當時我都已經唔係第一次聽﹐所以個 melody 都識得哼出來。但估唔到的係全場人都大聲唱。幾百人一齊大聲唱同一隻 pop song 再一齊彈下彈下咁跳舞﹐原來個感染力係可以咁大。綠色的激光效果﹐黑暗的環境﹐強勁的音樂﹐好凍的乾冰噴霧效果﹐再加上成百人一齊唱歌跳舞﹐呢一幕﹐好難忘。

番到香港﹐用左好多方法來搵﹐都搵唔到。試過 Key in 唯一一句記得的歌詞﹐聽落似係 "tengo para mi" 又似係 " tenga para ti" 又似係 "tenar par archi".....又唔知歌手名﹐又唔知歌名﹐連歌詞的其中一兩句都打錯。於是搵左成個月都搵唔到。

就係我失望之際﹐我見到 youtube 的 preview list 裡面﹐其中一幅畫面有激光 disco 的場景。呢個畫面我好似見過當時的 CD 店有大碟賣﹐係其中一隻有大宣傳做的大碟封面來的。姑且一試﹐click 入去睇睇。

真係呢隻！

半夜兩點半﹐一個癲佬在香港﹐開著強勁的 youtube (無錯﹐係「強勁的」 youtube)﹐又哼歌又 fing 頭咁﹐懷愐兩個月前的西班牙的半夜兩點半。

終於都俾我搵到你啦...原來你叫 Marta Sanchez, 你隻歌叫 Superstar...

要俾d 心機打快d 先得喇

雖然我記得我剛剛去完西班牙的朋友不多﹐但都有好幾位有心人問我在途上﹐可有寫遊記？

有是有的﹐而且都有不少的感想。畢竟一個人去﹐有很多感受都沒有人可以即時與我分享﹐於是就記了下來；說話的對象不多﹐於是思考的時間多了；要顧及的事情其實也不多﹐所以有很多思想的時間；行程亦不太緊張 (當然也有緊張的時候﹐例如臨到 Madrid 的前一日)﹐所以有時間可在記事簿上多寫幾隻字﹐回到香港的時候也能多回憶一些片段。

但我實在是太麻煩了﹐我覺得日上三竿的時候﹐我根本就沒有寫作的感覺。

到夜闌人靜﹐一切都靜下來的時候﹐才開始有想上網的感覺。然後上完網﹐就已經早上四時許﹐很有睡意。

那﹐幾時打遊記？

我去了二十八天西班牙。一日打完一篇遊記﹐都已經是另一個月後的事。更何況﹐我已經用了半個月的時候來打。你猜我用半個月的時間打的遊記﹐進度如何？

半天！

Yes, you are not hearing me wrong! 打了半個月﹐還是第一天的下午 ONLY....

OMG................................................

求你寬恕我們的罪過﹐如同我懶到不肯打遊記一樣﹐不要讓我們陷於誘惑﹐但救我們免於放 pea....

阿門~

GRM 大裝修

早幾日﹐趁自己有時間﹐同埋 Vincent 同基基仲係中大﹐就特意番左中大一趟。



一到中大﹐發覺原來係火車站落樓梯﹐已分岔成兩邊樓梯﹐新的一邊直接走到巴士站的方向﹐不必走到樓梯底的時候﹐來個 180 度轉身走去巴士站的方向。



另外﹐巴士站的工程已經完成。的確比之前實用得多。但依然不知道那一條通往火車軌但又不連接火車站的「斷橋」﹐到底想點。依然係無人知道果條野﹐起來係 Do What Spring 的。



一路走上 Dept., 見到沿路都有裝上鐵鏈﹐作為欄杆。但感覺好 separate。



番到 Dept, 發現所有地方都唔同晒﹐原來做大裝修。走廊係邊得幾靚﹐但係呢個落地大玻璃的樣﹐實在係太過「寒冷」。可能比較「透明」﹐但「透明」唔代表「開放」....Well, 我講緊乜野呢?

兩個 Master

走廊

General Office

生死一線之Die Hard 4.1

(http://news.bbc.co.uk/chinese/trad/hi/newsid_6950000/newsid_6956300/6956366.stm)

華航…點解你總係咁失禮的呢。

五月中﹐跟另外三位朋友一齊去台灣。其中小Jess擔心得不得了﹐因為知道我們將會乘華航。他說﹐華航的意外率非常的高﹐頻頻出事﹐次次嚴重。我們三個「麻甩」當然笑他太過杞人憂天。

而且﹐因為我的遲到﹐令到本來有機位的四人變成無機位﹐再變成早到的三人「被逼」upgrade 到 Business Class﹐獨我一個被他們恥笑遲到是「損己利人」﹐再變成臨上機一刻知道「陳先生你都可以跟你其餘三位朋友一齊 upgrade做 Business Class 喎」﹐嘩﹐四個very typically HK-ish的貪小便宜的大男人就立刻對華航另眼相看。

走到機上﹐Business Class 的坐位闊落得很就不用說的了﹐大家都好像「大鄉里出城」一樣事事新奇。可以獨立調較坐位上的每一樣 feature 亦是意料中事。回程的時候「回到平凡」的 Economy Class 的時候竟然都可以每人有一個獨立遙控 + Game Controller 就真的比較意外。回想一下其實三年前跟 GRM 的畢業同學組一起去台灣 Field Trip 的時候﹐就是坐華航的了﹐當時亦已經有這種超出 Economy Class的feature。不知道是華航仿傚別人﹐還是其他Airlines仿傚他們。

回到香港﹐小Jess 說他對華航的印象大為進步﹐列入「可以考慮」之類。

勢估唔到佢就整件咁L恐怖的事出來。劇情簡直係 Die Hard 4.1。從來未試睇新聞睇得咁有「電影感」。

卡樂 B 激辛味 薯片

見到佢個包裝靚成咁﹐就一於買來食下。因為好似「熱浪」之後﹐都無一隻辣的薯片係好食的。

好鐘意食辣的薯片﹐直頭覺得造物主創造薯片出來應該就係十個「熱浪」咁辣個種就係正宗﹐果隻。

但係要辣得來香﹐香得來好食﹐好食得來唔係一味死辣的﹐真係唔容易搵。見到佢個包裝咁靚﹐又咁夠膽叫自己做「激辛」﹐就等我領教一下。

....原來都係「熱浪」...一樣要食到就來食完晒﹐先覺得有少少辣。失望。

睇來都係要試下暴君薯片啦咁

買：吉之島超級市場 (康怡店啦當然)

HKD $8.9

潮州打冷‧憶中大食宵

其實我屋企附近係無得打冷的﹐我無記錯的話最近都要去到「香港大酒店」前面先會有一兩間。而且我屋企人通常都唔會選擇﹐因為阿媽的腸胃比較敏感﹐好容易肚瀉﹐所以都唔敢選擇「表面看起來」比較 dirty 的地方。

於是﹐我要到入到大學先比較多接觸潮洲打冷 / 大牌檔。

到今日﹐反而喜歡和朋友一起這樣吃飯。最實際的原因嘛﹐嘿﹐就是慳錢。三十五元一個小菜大大碟﹐十數元一支啤酒﹐五元一罐汽水﹐gathering 的「交際費」頓時變得很「鬆動」﹐想點甚麼菜就甚麼菜﹐不用想 budget 的問題。氣氛輕鬆﹐大吵大鬧﹐一樂也。

讀過中大的都知﹐我地係好鐘意去「食宵」的。同其他大學唔同﹐我地要食野一係就係大學入面食﹐若半夜三更食宵夜﹐就一定要有番咁上下「舟車勞頓」出到附近的 " satellite towns" 先有得食。咁於是我地通常都有兩大選擇：最近的火炭或者較遠的沙田。

沙田的「金沙角」我都喜歡﹐但是比較少去﹐反而火炭的「津津」我就去得多了。

一大班「出生入死」的同學﹐一起到「感覺粗豪」(instead of high class 的「感覺蘇豪」) 的大牌檔吃宵夜﹐每一碟都是熱氣得叫人喉嚨痛又勁爆暗瘡的小菜﹐但美味十足﹐再以一支又一支的啤酒送下﹐連女孩子都有豪氣干雲的感覺﹐大牌檔的一串串大燈泡﹐伴著露天餐桌上的月色﹐把洗過筷子的茶就這樣倒在地上﹐看著一條茶色的污水就這樣流到旁邊的小巴站﹐四周都是沒有人在工作的工廠大廈﹐想叫得多盡情就多盡情！旁邊的桌子也是中大人啊﹐跟他們打個招呼﹐也順便給那不認識的同學說聲「生日快樂！」。

一陣寒風吹來﹐就吃多一碗熱騰騰的蠔仔肉碎粥。還要多一點肉嗎？就來多一客沙拉骨或燒乳鴿。今晚就連蔬菜都不吃！讓不健康的一餐﹐不健康到底﹐吃壞人也是明天早上的事。你還記得的往事嗎﹐我叫破喉嚨的喊到餐檯對面的你﹐那管是那十數條椒鹽鮮魷已經令我喉嚨痛﹐但要叫就是要叫﹐就多喝一杯汽水﹐多喝一杯啤酒。來多一客炒蜆﹐誰的面前有一坐蜆殼堆出來的小山？來多一客煎蠔餅﹐鹹鹹的魚露配上鮮嫩的蠔肉﹐看來人人都要多一碗白飯才能好事成雙。

啊.........those were the days.....三年的大學﹐一眨眼就過了。三年﹐竟彷彿是上星期的事一樣。

對﹐我們該向前看。但往事多美好﹐如一切能重來一次﹐我怕我會暗暗感動得掉下淚來。

網上試卷笑話

轉貼 only.

======================

會 考 放 榜 ， 有 報 道 指 香 港 考 試 及 評 核 局 「 開 倉 送 大 禮 」 ， 令 英 文 科 及 格 率 從 去 年 的 百 分 之 五 十 三 點 八 ， 攀 升 至 今 年 的 百 分 之 七 十 。 有 十 優 狀 元 更 形 容 試 卷 只 屬 中 二 程 度 。

為 適 應 考 生 水 平 之 下 降 ， 調 低 試 卷 程 度 ， 似 不 是 香 港 獨 有 現 象 。 台 灣 友 人 傳 來 一 個 貼 文 ， 題 為 《 歷 史 老 師 你 也 放 水 放 得 太 兇 》 。 內 容 是 一 組 歷 史 考 題 ， 看 了 不 禁 令 人 噴 飯 。 茲 錄 如 下 ：

1. 為 了 救 愛 妾 而 引 清 兵 入 關 的 明 末 將 領 為 ： （ 1 ） 吳 一 桂 （ 2 ） 吳 二 桂 （ 3 ） 吳 三 桂 （ 4 ） 吳 四 桂

2. 承 上 題 ， 其 愛 妾 是 ： （ 1 ） 林 粉 圓 （ 2 ） 王 湯 圓 （ 3 ） 張 芋 圓 （ 4 ） 陳 圓 圓

3. 秦 二 世 時 ， 專 擅 朝 政 、 指 鹿 為 馬 的 是 ： （ 1 ） 趙 高 （ 2 ） 趙 低 （ 3 ） 陳 高 （ 4 ） 陳 紹

4. 著 有 道 德 經 ， 為 道 家 始 祖 的 是 ： （ 1 ） 李 耳 （ 2 ） 李 眼 （ 3 ） 李 鼻 （ 4 ） 李 口

5. 原 為 唐 高 宗 之 后 ， 後 登 基 為 帝 ， 為 中 國 第 一 個 女 皇 帝 的 是 ： （ 1 ） 文 則 天 （ 2 ） 武 則 天 （ 3 ） 文 則 地 （ 4 ） 武 則 地
(Tommy: 左則右﹐三則四﹐紅則藍...)

6. 東 漢 末 年 ， 劉 備 、 關 羽 與 何 人 結 盟 為 兄 弟 ： （ 1 ） 岳 飛 （ 2 ） 張 飛 （ 3 ） 鳳 飛 飛 （ 4 ） 王 菲
(Tommy: 「劉關張」呀嘛...仲唔係張敬軒？！)

7. 承 上 題 ， 史 稱 三 結 義 為 ： （ 1 ） 宜 蘭 三 結 義 （ 2 ） 桃 園 三 結 義 （ 3 ） 新 竹 三 結 義 （ 4 ） 苗 栗 三 結 義
(Tommy: 會唔會其實係 (5) 台北 101 友情無敵三結義演唱會 呢？)

8. 唐 朝 詩 人 ， 著 有 長 恨 歌 描 寫 楊 貴 妃 生 平 的 是 ： （ 1 ） 白 居 易 （ 2 ） 黑 居 易 （ 3 ） 黑 嘉 麗 （ 4 ） 白 冰 冰

9. 遠 古 時 代 ， 傳 說 黃 帝 於 何 地 打 敗 蚩 尤 ： （ 1 ） 涿 牛 （ 2 ） 涿 豬 （ 3 ） 涿 鹿 （ 4 ） 涿 馬

10. 國 共 戰 爭 期 間 ， 打 敗 國 民 黨 ， 建 立 中 共 政 權 的 中 共 領 導 人 為 ： （ 1 ） 毛 澤 東 （ 2 ） 毛 澤 西 （ 3 ） 毛 澤 南 （ 4 ） 毛 茸 茸

貼 文 最 後 一 句 ： 「 你 該 不 會 … … 答 錯 吧 ！ 」

================================

好明顯玩野啦。但玩得好好笑﹐尤其係林粉圓同王湯圓果題﹐實在係笑爆咀....

想當年﹐我都突然間開過一個咁的無聊 IQ 題。

話說我地幾個人一齊係籃球場外面睇波﹐有個妹妹仔唔記得出面打緊波的游泳健將叫做乜野名﹐問我﹐我話佢係我地社的 Sports Rep., 你都竟然唔記得。抵打。

其他人正想開口講﹐我就截住先﹐話：

拿﹐我似百萬富翁咁﹐俾四個選擇你﹐你諗清楚先好揀﹐OK?

OK.

(A) 馬A裕 (B) 馬B裕 (C) 馬C裕 (D) 馬D裕

...佢又想笑﹐但又唔識答。呆在當場。

(C)~!

最後答案?

係!

你肯定?

係!

...好﹐你答對了！

半年後的狗 BB

喂﹐當初我係公園發現佢個陣﹐明明係細細粒﹐好可愛﹐弱不禁風咁的可憐樣架喎。

因乜解救衣家變得咁~ 大隻....





「半年」的意思係佢的歲數。獸醫相信我地執佢番來的時候﹐「索子」已經有五個星期大。



但係一般中型至大型的狗 (索子係唐狗﹐估計屬中型犬)﹐唔會好似細種狗咁樣六個月就大定晒。例如香港人好喜愛的金毛尋回犬﹐就起碼要一年先叫做大定晒叫得做成犬(都仲只係「起碼」only)。



至於佢同馬克王子放埋一齊的時候...

Can you do this Maths?

勁有創意囉我想話....

你們都苦盡甘來了

今日會考放榜

媽媽為弟弟於試前四出奔走﹐為的﹐只是為取得考評局和教育署那一批被制度腐蝕透底的人﹐可以給我弟弟一個機會﹐給他讀寫障礙應有的支持。

弟弟﹐苦盡甘來。從他決心要做「整車」﹐到家人反對﹐到家人和解﹐到最後選擇「各安天命」。我們各都上了一課。

今天﹐成績公佈。賽前預計大約最多十四分﹐讓大家都跌眼鏡了。

I'm proud to tell, 我細佬考十六分！原校升讀！

勁呀！爆呀！

讀好個 A-level。就算香港已經沒有 Engineering 了﹐我相信弟弟都總會找到他所想的。

媽﹐苦盡甘來了。

Ratatouille

睇過 Trailer, 就有種直覺﹐覺得呢套片應該會係好睇的。

果然﹐成套片我都笑到爆﹐簡直有種「笑親我」的感覺。

繼承 Pixar 動畫的傳統﹐有小朋友識笑的簡單得來又真係好笑的笑料﹐亦都有講俾大人聽的人生道理。

「做得老鼠就係要偷食﹐就要與人類為敵﹐呢個就係我地做老鼠的宿命！」「唔係咁的﹐我地可以選擇唔行呢條路架！」

「我無晒屋企人﹐又唔知去到呢個乜野地方﹐我所有野都已經無晒。」「但唔嘗試走出呢個水渠﹐走上上面的大街﹐你又點知無轉機？繼續留戀過去﹐係唔會令你向前走的」

當小朋友可能會覺得呢d 「文戲」部份比較悶的時候﹐其實一個大人 (oh ya, 我過左十八歲喇) 好似我咁﹐會聽到眼泛淚光然後暗自點頭。

9.9 out of 10! 誠意推介。

Michael Bublé - Everything

I just LOVE this song.

搞笑廣告：The German Coast Guard

簡直令我回想起「深圳花」的英文...I sink I sink

【香港廣告經典系列】浪漫靈感鐵達時 ...周潤發、吳倩蓮 90's/90sec

我細細個睇的時候已經覺得好感動哩

林憶蓮 - 夜太黑

酒精把一切都燒成灰...

原來已經係九六年的歌

當年我一聽就勁鐘意

SATCO 考試

話說去旅行之前就報左一個做 SATCO 的工作。全名係 Student Air Traffic Control Officer, 即係航空管制員的初哥。咁佢晨咁早就叫定大家讀書。但係因為我人在西班牙所以無時間去讀書﹐唯一可以做的就係搭係香港的親人幫手搵書。

番到香港先有機會睇睇封信。佢話要考四份 paper, 連埋d 執卷呀﹐講 announcement 呀﹐做無聊野咁樣的時間﹐都差唔多要成四個鐘頭﹐但其實「實肉」都係得兩個鐘左右。

第一份考 Basic Air Traffic Control Problem Solving。嘩﹐咁快就來？
第二份考 Mathematics and Logic
第三份考 Logic
第四份考 Numerical Logic

唔記得佢詳細的用詞係乜野﹐但大意都係咁。

到今朝早﹐又遲左起身。飛的士番寶馬山無問題﹐話晒都係自己的地頭嘛。點知都唔記得左自己的地頭其實只係限於山腳﹐上到上面其實係點樣都無來 idea。諗住去「桂華山」應該都好容易喇掛﹐同個的士司機講就係呢度喇﹐我記得就係李潤田同協同上面之嘛。

係架的士裡面望出來睇睇﹐咦唔係喎﹐點解唔係桂華山的？點解會係北角官小架？咁桂華山去左邊度呀？死火

拿拿聲再上山﹐原來更高﹐係閩僑對面。喂﹐原來差好遠路喎。簡直有愧於自己竟然係寶馬山叫做小混混左七年咁大把﹐真羞家。

去到﹐見到 Yolan 喎！我初初都見到佢架喇﹐但係真係好耐都無見過佢﹐真係唔敢肯定呢個真係 Yolan…如果我仲有佢的電話號碼的話﹐我一定會打個電話俾佢來 confirm. 但係我自從 Madrid 一役之後就無晒佢地的電話號碼﹐所以都無晒乎。佢後來打番俾我﹐咁先知。

考試﹐主要就係考四份paper。係 letter of invitation 上面﹐佢寫明頭兩份paper 係 simultaneously 咁考的。下？前後兩份 paper 點樣可以 simultaneously 咁考呢請問。但係佢無寫到係點﹐我就無理到。

原來﹐係咁的。

第一份 paper 係考 Basic Air Traffic Control Problem Solving. 第二份 paper 係考 basic maths concept. 第一份係 MC, 第二份係填簡單的答案。第一份係睇的﹐第二份係聽的。

就咁﹐當你做緊第一份 MC 的時候﹐你會戴住一個無線的 headphone. 咁耐唔耐呢﹐就會係個 headphone 個度有個小姐同你講﹐依家我會俾一條數學題你﹐我只會講一次﹐你要 jot down 個數學題﹐計好佢﹐然後填係 Paper 2 的答題卷上面。答完之後﹐就要繼續做 Paper 1.

就係咁﹐成個 section 的考法﹐就係當你係度做 Paper 1 做到火紅火綠的時候﹐佢就會突然間係耳筒度同你講「喂~~~又要計數啦喂~~~」然後你就死命咁抄﹐再死命咁計。然後擰番轉頭去做 Paper 1 的計數 and problem solving。然後你望番過來呢張一分鐘前先做緊的 Paper 1, 你就不禁會問

…我頭先做到邊…？

但咁都唔難﹐其實好多問題都好淺﹐其實俾多少少時間我一定做得晒。只係﹐我太耐無考過試﹐唔記得做 MC 的基本功就係﹐唔夠時間的時候應該要撞。枉我自命係香港數一數二的人肉考試機器﹐都竟然唔記得咁基本的野﹐簡直係基本到好似 “EXS 1001 - Introduction to MC Exam Strategies” 的第一課基礎理論課一樣。

唯有賴佢係最後五分鐘的時候唔俾 announcement….所以個考試好似完得好 abrupt 咁。

一個 break 之後番來 Paper 3 and 4. Paper 3 係考 Logic. 有幾種﹐but 全部都係考句子的 logic。全部都係俾一段 passage 你睇﹐然後選答案。第一種係選 assumption, 即係睇完 passage 之後﹐你要 identify 以下邊個係上段 passage 有包含的 assumptions. 第二種係推論﹐大概同 assumption 差唔多。仲有一個就係argument 的重要性。就係從 passage 中﹐identify 以下邊幾個 argument 係夠 strong enough to support the statement。最慘係佢講明就算你覺得個 statement 對整體社會都有益的﹐但對個 statement 唔夠 strong (係唔夠 strong, 唔係錯﹐錯唔晒架佢d 句子…)﹐都會當係 weak arguments…總之就係超難。

Paper 4, 唔使多解釋﹐就係 Maths Logic. 難到喊。佢個 example 都睇到我呆左﹐大意就係問題你一個 series 的數字有乜野特別。全部數字之間都有個 3 字﹐應該同 3 字有關吧？睇唔出喎﹐睇答案先。

全部的數字除 4 之後﹐個 remainder 都係 1。

嘩﹐你 example 都玩到咁盡﹐咁真係「打到來」個d 唔使問阿貴啦咁。

實情就係d maths logic難到…問埋阿貴都神仙難救。

基本上我有一半係自己做的﹐另一半就係連題目都未睇過就白撞的。係「我自己做的」一半之中﹐有三份一都係撞的。淨低的三份二﹐有三份一係好有信心咁題﹐有五份九係無乜信心咁答﹐有八十三份之一百六十七係勁無信心咁答﹐有 九百七十六份之一萬零三係腦袋完全空白的時候寫低答案的…..

個個都問我個考試幾時出 results。咁的情況唔使佢講我聽都知咩 results。

我回來了

很久沒有上來自己的 Blog, Blog 界的事情也想必是十年人事幾番新了。

回看一下自己的紀錄﹐上一次寫的時候竟然是五月的時候了。哈﹐沒有從前 showhappy 那個每十四天就會提你一次的 function, 還真的會賴得很厲害。若你不知道 showhappy 的十四天限期的話﹐那就是要是你在十四天之內沒有再登訪﹐或是再寫新文章的話﹐就會自動 delete 你的 account 的了。

兩個月來﹐我做了一件對自己來說意義很重大的事。就是自己一個人完成了西班牙之旅。

六月一日到達英國。一家四口到了 Edinburgh, 開始 Scotland 之旅。Scotland 過後﹐就開始英國南部之旅。兩星期後﹐六月十五﹐就到了我的獨闖西班牙之旅。
一個月後﹐七月十三﹐就回到了倫敦﹐開始「倫敦親善之旅」。六天之後﹐七月十八日﹐就開始回香港。十九號就回來了。

休息一回。

我想﹐我應該開始準備自己的遊記了。但今次我的 drive 真的比之前的還要少。之前幾次旅行﹐我都想 keep 起一份完整版的遊記﹐一來是給其他朋友一起分享﹐二來就是當作一份比較正式的遊記 (做到那麼「正式」﹐report 麼?!) 給自己以後回讀。

但好幾次都因為自己實在是賴得不得再賴﹐所以每一次都是失敗收尾﹐或者﹐從來都沒有開始過。好令人慚愧的結局。

今次似乎又不是例外的了。

但我希望不是﹐因為我的西班牙之旅對我自己來說﹐一來算是有點故事﹐二來是我第一次一個人出國﹐還要是去那麼遠的地方﹐還要去那麼久啊。

希望交得出來。

若然成事的話﹐將會是放在另一個 blog 的了。因為想分拆開一個是放旅行的遊記(若有的話)﹐另一個就是這邊的個人感想了。

台北之旅完結

佛誕於週四﹐好多香港的打工仔只要請多一日假﹐就可以四五六日咁玩四日。於是﹐外遊又成為左眾多見識少又貪得意的香港人的活動。

包括我地幾個。

之前都見到好多人係問廿四號的台北團﹐都預左應該會有幾多香港人都會去台北。而且之後訂機票的時候又見到旅行社 agent 的電話前貼住的指示係咁：

「你好﹐傻仔旅行社﹐佛誕台北特惠圑 1799﹐我叫阿湯美﹐有咩可以幫到你」

咁多個地方﹐日子﹐價錢﹐選擇﹐都唔講﹐一開波連自己個叫都未講就話「佛誕台北」幾多錢﹐你可想而知有幾多人問﹐有幾多人想去。

點知﹐去到台北﹐真係 everywhere 都聽到有廣東話。

貴至台北 101, cheap 至夜市後巷﹐旺至台北市中心﹐僻至十分大瀑布....都聽到有香港人高談闊論的聲音。

一係就香港人講野特別大聲﹐if not, 呢幾日的台北真係真係俾香港人踩到陸沉。

去到九份仲驚﹐成條好似赤柱咁的街﹐個個阿嬋都對住我地講廣東話「好靚呀試下食啦」﹐「好平咋喎埋來試下啦」。

忽然間﹐既 shame to be a HKer, 又 proud to be a HKer. 好矛盾的心情。

詳情有機會再係另一邊的 blog 度打出來。刻下﹐小弟忙著為自己咁大個仔第一次自己出門而準備中。

湯美那一個獨闖 (衣家似乎係「hea 闖」多d...) 西班牙的~!

香港人真該醒一醒

又話人地俾填鴨教育你﹐教得你幾唔醒目。OK, fine, 咁幾個大學生寫多少少野出來俾大家講下﹐就立即舉晒腳咁指控佢地「傷風敗德」﹐幾咁不容社會接受。

原來香港人話自己係國際大都會﹐有容乃大。統統都係假的﹐講就容易﹐一有人講錯少少野﹐就立刻喊打喊殺。咁同塔理班要d 女人都戴晒黑面紗有幾大分別呢請問。拿﹐唔好咁口快答我話「差好遠」呀﹐你諗真d。

之後又笑人地其他地方的性思想唔夠開放﹐又笑人地印度呀中東呀咁﹐係電視上面見到有親吻鏡頭都要入稟法院告佢地﹐咁樣的思想好落後。香港人﹐你地又有幾 open 呢請問？

咩叫做沖擊？沖擊就係講一d 平時無人講過的野﹐講一d 大家平時 took it for granted 的野﹐講一 d 大家都唔敢講的野﹐講一d 大家都遺忘了的野。若然講來講去都係 within 我地己知的範疇之內﹐咁講來做咩？仲有咩進步？有咩意思？

沖擊之所謂沖擊﹐就係要開啟大家的思想之嘛。但完全受唔起丁點沖擊的社會﹐同以前歐洲教廷燒死所有唔認同神的人一樣。尤其係果d 思想突破的科學家。

你睇下﹐呢個就係香港的教育喇。呢個就係香港的社會喇。你唔想再同呢幾百萬人一樣「倒模」出來的思想方法咩？你唔想再好似呢種咁膚淺的方法去探討社會咩？

無問題﹐如果你過得到出面咁多個日日睇「便利」睇「忽周」的人的話。


一方面﹐把口講到幾咁想有新思維﹐另一方面﹐有所謂少少的沖擊 to the 舊思維的框框﹐就立即響起 Red Alert。政府話要定罪﹐代表幾百萬思想比中東人更守舊的香港人抹殺你們﹐大學要警告要劃清界綫﹐最好你地自己話唔關我地大學事係你地班學生自己個腦亂諗野﹐校長要放棄學生自保﹐最好你地認埋錯等我平平穩穩咁份靚的政績﹐管理層要同學生斷絕關係﹐差在未講到出口「就當我地中大無收過你呢d 學生」。

呢個係乜野世界來架？！呢個仲係唔係我最愛的香港來架？！

鑽石能量水的騙局

唐老鴨是納粹黨?!

驟眼一睇﹐覺得非常不可思議。大美國主義的「跌落來」點會畫咁樣的片通？

Youtube 上盛傳呢段片其實係 1941 年的時候畫來作為 War Propaganda 的其中一環。看來此言非虛。

p.s. 唐老鴨後來發夢時的片段﹐極盡迷幻之事﹐視覺上非常前衛﹐even 幾十年後睇番都覺得好前衛。

p.p.s. 其實我覺得唐老鴨係輸送帶工作個段﹐真係笑爆咀。可能我低B

大國崛起喇﹐問你怕未

莫生氣

人 生 就 像 一 場 戲 ， 因 為 有 緣 才 相 聚 。
相 扶 到 老 不 容 易 ， 是 否 更 該 去 珍 惜 。
為 了 小 事 發 脾 氣 ， 回 頭 想 想 又 何 必 。
別 人 生 氣 我 不 氣 ， 氣 出 病 來 無 人 替 。
我 若 氣 死 誰 如 意 ， 況 且 傷 神 又 費 力 。
鄰 居 親 朋 不 要 比 ， 兒 孫 瑣 事 由 他 去 。
吃 苦 享 樂 在 一 起 ， 神 仙 羨 慕 好 伴 侶 。

要有多大的智慧﹐才能從自己的一生之中﹐歸納出這一首「莫生氣」呢？

而﹐又要有多大的智慧﹐才能從短短幾句之中﹐真正的參透人生的大智慧呢？

到最後﹐有幾多人能真的從此心如止水？

「莫生氣」的最大特點﹐就是完全不難明白。沒有甚麼古文﹐沒有甚麼大道理。很平白很淺俗的跟讀者說一個小故事﹐猶如一個老伯伯在公園內跟你「吹水」的一段話一樣。

兒女聚會

今晚係好耐都無試過聚埋一齊的組仔女 gathering. 老實講﹐真係好耐。

但係見番佢地﹐原來都真係幾開心﹐起碼見到佢地俾到我的感覺係好開心﹐同埋好八卦。有時候八卦真係一種唔成熟的表現﹐但係透過呢種純天然的唔成熟﹐你可以大條道理咁變得幼稚。你可以暢快地發揮你當年最擅長的講爛 gag, 講廢話﹐講八卦野﹐尤其係八卦野正常化呢個過程﹐最為每一個年輕人津津樂道。

那一種大口大口地吞下你回味已久﹐但又久尋不到的味道﹐一下子都回來了。望住他們﹐你既品嚐現在的這一種味道﹐亦回味你自己年輕時的那一種味道。細細比較﹐自己的記憶再模糊也好﹐也是自己的。「自己的味道」﹐總能不經意地為你最美味的回憶加分﹐其他的總不及它的原汁原味。

我也曾經過﹐一班朋友在 café 中不停地說無聊話。

我也曾經過﹐幾個要好的朋友在深夜的碧秋 user area 和 FYT 奮戰下去

我也曾經過﹐在最失落的時候﹐還要做 FYT

我也曾經過﹐當我終於完成了我自己的FYT之後﹐我沒有立即回宿舍睡個三十多小時沒有睡的覺 – 因為我的朋友們還未可以。

我也曾經過﹐放鬆了之後﹐就是尋找工作的失落。

大伙兒的生命﹐都是那麼的不同﹐又﹐那麼的相似。嘿﹐畢竟都是同一個 dept 的人﹐你想有多麼的不同？

每個男人身後的女人

每一個男人﹐成唔成功﹐身前身後身側邊﹐都總有一個女人....

...阿媽。

好煞風景呀可？

Well...呢個世界就係咁奇怪

=====

曾幾何時聽過一個類似係笑話的道理﹐就係話每一個孩子 (尤其男孩子)﹐無論佢係五歲定係五十歲﹐當佢同阿媽講一樣(佢以為係)秘密時候﹐每一個阿媽的心裡面其實都會講句....





.....「仔﹐其實我一早就知啦」

=========

今晚同作為某大保險公司首席 (只有我認為係) 財務規劃師的媽媽﹐談論左一輪閒話家常之後﹐終於談到錢的問題。

我呢個阿媽有幾爆炸呢？你睇睇

condition 1: 佢唔知我未番工之前有幾多錢

condition 2: 佢亦唔知我每次出街使幾多錢

condition 3: 通常買貴左少少野﹐或買平左﹐佢都唔會知﹐尤其係打機用品 / 衣著 / 食左落肚。我從來都唔講。

condition 4: 佢唔知我有無秘撈

condition 5: 佢唔知我有無出 bonus, 出幾多

condition 6: 佢唔知我有無借錢俾人

起碼我諗到呢六個 condition 先。咁係呢六個 condition 底下﹐你要去估一個人仲有幾多錢身家﹐都好難估喇掛？

不過﹐作為懷胎十月痾你出來再養大你的阿媽﹐要睇穿你個衰仔實在係太易。加上﹐仲要係考好晒試拿晒牌的註冊 Financial planner, 你話我副身家﹐仲有幾多秘密可以守到？


佢隨口一 up, 講左個數﹐雖不中﹐亦不遠矣。我暗抹一額冷汗﹐仲要扮無野。佢出左我房之後﹐拿拿聲睇下 HSBC 個 token 仲係唔係度﹐有無俾人做過手腳﹐佢唔係睇過 bank account (s) 的話﹐點會知得咁準？

好驚....

My Last Day in Maersk Broker

最後一日番工

特別興奮

泳季開鑼

泳季開鑼！

不嬲都幾鐘意維園個池﹐因為係"downtown"﹐夠晒方便﹐行過個維園就係銅鑼灣﹐行過維園對面就係中央圖書館。柴灣泳池都好﹐而且夠晒大﹐但係就真係比較「隔涉」。

星期五晚想游水﹐於是就不理氣溫驟降﹐走左去游水。一出地鐵站的時候其實都覺得有d 唔妥﹐點解咁涼的？頭先係屋企都唔係咁架﹐仲好暖下架喎…死火﹐d 水會唔會好凍呢？

入到更衣室﹐仲凍﹐直頭有d 想著番件風衣的感覺﹐寒氣好像悄悄的從四面八方偷襲過來。

有一個好好的 indicator 就是人數﹐加菲貓都有話「天氣一暖 d 傻佬就出動」﹐泳池都係同一個道理﹐天氣涼少少咋﹐人數已經激減﹐回暖番少少﹐就成個泳池都係人。

星期五晚﹐supposed to be 一個幾適合大家來游水的夜晚﹐平時呢個時候的摩利臣山室內池都仲有十幾廿人。

但今晚﹐似乎係五個人都無……我數均全場﹐真係得三四個人。一陣風吹過來﹐我更加驚一驚。「死火﹐係d 人未知維池已經開番？定係真係凍到飛起呢？」

換好泳褲﹐沖個身…拿﹐呢一 part 呢我就自問真係好有公德心的﹐我一定會沖完身先落水﹐唔會換完泳衣泳褲就飛奔落水。我最頂唔順其他人係﹐大佬呀﹐成身都係汗﹐有時仲可能成身都係香水古龍水汗水﹐然後個頭﹐又有髮泥髮gel, 跟住塊面﹐又可能有咩 cream 咁。跟住就跳落來喇。天呀﹐諗起都唔想游。

沖好身﹐行出去﹐一路上都無見到其他人﹐好似成個更衣室都係得我一個人咁。

行到出去﹐一轉角﹐就見到幾個「食蕉」坐埋一齊係度傾偈。個心已經涼一涼﹐跟住見到幾個救生員聚埋一齊傾偈﹐個心再涼一涼﹐跟住睇一睇池面﹐波平如鏡﹐一d 漣漪都無﹐再睇睇其他救生員的「高塔」﹐一個人都無……

睇睇個五十米大池﹐原來係一個人都無。Oh Shit…

眾位救生員見到明明可以大家吹吹水等放工﹐點知突然間走左條「磨碌」入來﹐破壞左佢地的美好時光﹐大家都死死地氣咁散場﹐然後各自回到自己的「高塔」之中。

呢一刻我的感覺﹐覺得好大壓力﹐好似攪到人地無得休息咁﹐但係諗深一層﹐其實佢都係無得吹水者﹐而且就算我唔游﹐佢都未有得放工住架喇。唔……要學識唔使自責。其實俾左區區十九蚊就有得包起成個泳池﹐係我好彩添。

跟住連慢動作拉筋都費時﹐人人都啤實晒咁﹐好醜怪架嘛。好彩之前係屋企拉左。落水。腳趾碰到池水的一刻﹐已經心知不妙﹐但係事到如今﹐無得番轉頭﹐死就死啦。收回腳趾﹐一野跳落去五米深的那邊﹐深水炸彈來啦！

好~~~~~~~~~~~~L~~~~~~~~~~~凍~~~~~~~~~~~~呀~~~~~~~~~~~~

天呀！好凍呀好凍呀好凍呀…… (下省一萬個「好凍」) 想像唔到竟然可以係凍成咁….簡直係…天呀好凍…簡直係都唔知自己想講乜野﹐個腦都諗唔到野﹐手腳再唔快快脆郁的話﹐就會凍到唔識郁！

時不宜遲﹐我急急地游﹐一游﹐水就開始從身邊流動﹐輕輕抹過身體﹐帶走更多熱量。就這樣挨過頭二百米。

後二百米﹐已經開始冷僵﹐動作越來越遲緩﹐而且開始進入熱身後的疲累階段﹐但因為身體已經熱過身﹐還可以。

再後二百﹐很疲累﹐很冷﹐棄蛙轉自由﹐以提升了的速度把神智帶回來。

再後二百﹐極疲累﹐開始進入 hang 機狀態﹐拉車情況嚴重﹐身體開始習慣水溫和運動量﹐但已經很累了。拉車…再拉車…還是拉車…之前看過電視節目﹐說如果進入低溫狀態﹐人的動作和思想都會變得很遲緩…此刻﹐完全了解。

幸好來了兩個小孩子﹐一邊嚷著「好凍」一邊玩耍﹐不再是自己一個人包場。

最後二百﹐以極「管 pea 」的方法但求達標地「游埋佢」﹐最後再加多個一d 都唔放鬆的 swim down 一百﹐補番之前每一池都偷左的幾米去﹐叫做有個交代﹐然後就拿拿聲閃人﹐好似廣播所講的「從速上水更衣」。

終於都可以係花灑下沖熱水的感覺﹐真係好幸福﹐好有 “I survived it!” 的感覺。

簡直想好似全智賢的可樂廣告一樣﹐用唔咸唔淡的廣東話講一聲「爽呀」。

中文輸入法之小統計

係 office 遇到同事的一個小問題﹐之後有感而發﹐好想知道大家係用邊種中文輸入法的﹐同埋幾時學的。

係倉頡？速成？五筆？大易？廣東？九方？定係...手寫？(可能你地有錢﹐係用聽寫王添呢)

係學極都唔識？定係運指如飛？係隻隻都識用﹐定係一隻都攪唔掂？

我先講。

我係用倉頡的。讀中六的時候讀 Computer Application 學的。當時 ICQ 極度流行﹐造就了一個機會給我不斷地逼自己用中文與人對答﹐因而學成。

用倉頡之前﹐係用廣東 (粵語拼音) 輸入法。呢個輸入法對於我地香港人來講﹐唔識打中文輸入法的人﹐的確係一大恩物。JING 就係「正」, PUK 就係 「仆」﹐GAAI 就係「街」﹐如此類推。

留個言來俾我八卦下？

長假期結束

我回來了！

泰國之行回來後﹐一直都沒有上來 Blogspot 補回遊記。

第一天上班﹐雖然明知做得不長﹐但還是**超累**

平時這個時候已經食完早餐﹐在Victory Monument 的後街的冷氣 cafe (「冷氣」二字很重要啊) 呷著一口極香的泰式奶茶﹐開著那部56K 的電腦在 search 今天該去哪處。

現在嘛....還不過是追回放假多日後積累下來的工作。

但還是極度提不起勁。

今次泰國之行真的極度 hea....沒甚內容可言﹐應該可以終於終於都能 complete 一份遊記了吧....

那一個萬物唯我的

不要怕別人取笑你﹐因為那是不負責任的謊言而已。

「騎呢」﹐是因為有「正常」做映襯；「正常」﹐是因為大部份都是如此；所以如果你不 fit into 呢個「人人都是如此」的框框裡面﹐就會引起其他人的反感。

有次看 National Geographic 的節目﹐講 Taboo 的。其中一句﹐言簡意賅。”What is ‘Normal’ is actually socially constructed”.

---===---

反事要懂得一個平衡點。古人早己知道「中庸之道」。兩者結合就是「偏離同不脫離」。

有自信和自我是一件值得鼓勵的事﹐但過了火位就不會獲得肯定。

---===---

「活著我該做什麼？我生活的意義是什麼？」

「衝突及對抗，戰爭才有新生。」

「古時無知，創造神、雷電、火山、颱風，人們無法解釋，就用神解釋。術士、巫師、修士、教宗，有代神說話，統治階層成形。統治階層不能容忍人們對神的懷疑，這減低其合法性、認受性。

「人生的目的是什麼？」

聽起上來是很狂人的思想嗎？老實說﹐我讀了七年張記﹐更叫人咋舌的說話我都聽過。這幾句﹐何足道哉。

老實說﹐每一句說話分拆開來﹐都沒有甚麼大不了。思疑生命的意義嗎﹐誰沒想過？戰爭才有新生嗎﹐人人都知但不是人人都會這樣想。人生的目的不清晰嗎？哪一個香港人不是。

第三節﹐其實我看不出有甚麼端倪。我是一個對宗教很懷疑的人﹐第三節的「古時無知」說話﹐我 (& 很多人) 一早就想過 / 知道。沒啥特別。

---===---

其實我們每一個人﹐都有性格分裂。

---===---

近日奇怪的新聞接踵而來﹐有感而發。

孫燕姿 - 逆光

逆光
作詞：廖瑩如 作曲：李偉菘

也許我一直害怕有答案
也許愛僅僅在風裡打轉
離開釋懷
很短暫又重來
有時候自問自答

我不要困難把我們擠散
我責備自己那麼不勇敢
遺憾沒有到達
擁抱過還是害怕
用力推開你我依然留下

有一束光 那瞬間 是什麼痛得刺眼
你的視線 是諒解 為什麼捨不得熄滅
我逆著光 卻看見

那是淚光 那力量 我不想再去抵擋
面對希望 逆著光 感覺愛存在的地方
一直就在 我身旁

我以為 我能後退
反覆證明這份愛
有多不對
背對著你如此漆黑
忍住疲憊
睜開眼 打開窗
才發現你就是光芒

光芒 你是光芒

---===---===---===---===---

燕姿回來了

Give you a hint...Give you an answer now

I'm going to Bangkok + Ayutthaya + Pattaya!!!

p.s. 我覺得 Sagat 以前俾人譯做「泰王」真係好型

攪到年幼無知的 Tommy 以為個個泰國皇帝都係泰拳高手 (睇得太多日本漫畫)﹐仲要係深藏不露的﹐個刺客殺到最後一間房﹐見到泰王諗住食梗糊﹐一刀飛過去﹐點知﹐呼的一聲﹐泰王鬼影神手﹐輕輕用兩隻手指仔就夾住把刀仔﹐嘩﹐泰王一個轉身........(下省三千字粵語殘片式武俠片橋段)

被遺棄的馬克

側聞馬克王子的主人有兩天沒有回家﹐兩夫婦都沒有﹐於是 Mark 不單止獨個兒留在家裡兩天﹐還沒有人餵他吃飯兩天！空著肚子餓了兩天。

唉。為甚麼你們要如此對他呢？是不是有了你們的新生的兒子之後﹐就完全忘記了昔日你倆多麼疼錫的 Mark呢？ 可以忘記得連飯也沒有餵﹐我很懷疑水樽之內還有沒有水。

從前的 Mark﹐主人踢足球比賽又會帶他去﹐女主人去探親戚的時候又會帶他去﹐大家出街的時候都會帶他去﹐又會帶他去行山﹐替他拍照﹐跟他玩遊戲。

兒子出生之後﹐男主人對他失去興趣﹐只會打打罵罵﹐毫不了解。女主人照顧嬰兒﹐又要上班﹐沒有時間。其他老爺奶奶外父外母親戚一貫視 Mark 為 BB 的危險人物﹐說 Mark 滿身都是細菌會令 BB 生病﹐又說 Mark 不懂人性會弄傷 BB, 又說 Mark 只是一條狗會咬傷 BB﹐又說 Mark 的毛會令 BB 皮膚敏感氣管敏感﹐又說就算沒有事都是因為 BB 健康。

之後的日子﹐我想大家都能猜到一二。農曆新年穿上可愛新裝的﹐跟他們一家四出拜年的﹐不再是 Mark﹐而是兒子。Mark 呢﹐因為兒子不能跟狗共存﹐所以整個農曆新年都要困在家。兩夫婦有時間的時候﹐就張羅兒子的物品﹐替他拍照﹐買他新衣服﹐還有圖有字的為兒子造了一個 Blog。同時間每晚﹐就餵兩啖狗糧予 Mark﹐完事。

要是他在家中因發脾氣而在地上大便﹐主人回到家的時候﹐當然被打得慘叫﹐但這也可能是唯一一次他們會把注意力放在他身上的機會了。所以明知會被打﹐還是要賴。因為這就是他唯一一個可以得到他們最後一點注意和「關心」的籌碼。

BB 在家裡玩耍的時候﹐都有父母陪伴﹐有說有笑﹐有逗BB 笑﹐有跟他說話。而後面的背景﹐ BB 玩耍的地氈範圍之外﹐坐著一隻呆滯的 Mark。無人跟他玩﹐亦當然不可以跟 BB 一起玩耍﹐於是三個人樂也融融的玩耍﹐Mark 就呆站在一旁﹐要是 BB 走近來的話﹐就必然會被喝罵。因為他們的思想中﹐ BB 走過來的話﹐就是 Mark 的錯﹐就是 Mark 會傷害他﹐就是 Mark 該罵。

於是 Mark 只能急急的逃走。走到一個他們都不會到的角落﹐然後靜靜地舔自己的手掌。舔手掌的動作﹐可能性有幾個﹐可能是狗兒有皮膚病﹐覺得痕癢﹐亦可能是狗糧中的營養成份差﹐引起敏感﹐另一個可能﹐是狗兒出了心理問題。前兩著對 Mark 而言都不被成立了…所以嘛…

有些狗兒會在寂寞的時候﹐無聊的時候﹐或者是不開心的時候﹐會舔自己的手掌腳掌。專家說﹐這可能是因為之前他們因某原因而感到痕癢﹐可能是被蟲咬的時候﹐就會舔自己的手掌﹐舒緩痕癢。

因為他們領略到這一個動作能減輕身體上的負面感覺﹐也就將這一個動作的功用推至心理層面; 因為以前舔手掌的時候令自己舒服多了﹐所以現在感到不舒服的時候﹐不論是 physically or mentally, 都會舔手掌來讓自己好過一些。這一種行為說起上來像複雜﹐但其實人類都經常有這一種行為﹐有很多人心情有異的時候都會咬手指就是其中一例。

而於可憐的 Mark mark 的四隻手…都被他舔得毛色都變得深楬色了。每一次我抱著他﹐看見他那一雙小手﹐那一雙小腳﹐心中都不禁一痛。

有時出來的時候﹐很難怪他變得神經質。有很多我們很難理解的行為﹐其實有部份可能因為我們不太了解狗的語言﹐但我想像其他我可以理解的﹐有很多都是因為長期被幽禁和冷落的後果。

每一次有機會﹐我都會盡量帶他出來﹐讓他跑跑步﹐讓他用一用他過人的智慧﹐抱著他﹐跟他說些話﹐讓他知道還有人愛他; 跟他玩玩拋球拋毛巾﹐讓他知道我想跟他玩。

傍晚的海旁﹐抱著他軟軟的身軀﹐感受著他的心跳。

看著他傻傻地伸出舌頭喘著氣的樣子﹐他的臉上還未有歡樂的笑臉﹐但我從他的眼神看見﹐他今天已經很開心的了。

十指輕輕遊走在他背上﹐替他按摩的感覺﹐很幸福。

終於都做到之我辭職了

己經不是第一天的決定了。

很早的時候﹐當我做了這份工不久的時候﹐有很多親朋戚友﹐聽見我的工作性質之後﹐其實都說我應該離開。

因為真的太過沒有前途了。做起上來的事都不像是一個年輕有為的畢業生該做的 (噢﹐原來我那麼有價值的嗎)﹐還是不好浪費時間早點離開為妙了。

但我貪心﹐好食懶飛嘛。

雖然每個月的薪金只得 10K , 但其實對我來說﹐是「已經有 10K」哦。我已經很滿足的了。始終﹐以前都曾經嚐過貪心的滋味﹐很不好受的。於是﹐我沉醉於小小的10K 而又沒有工作的日子。

每天都是如此的番工等放工﹐放工鬆一鬆。

其實﹐工作最重要就是平衡﹐如果你可以選擇的話。極忙的生活﹐或者是極重複的生活﹐當然會令人感到很辛苦﹐但其實﹐若然是太無聊的話﹐工作其實也可以很辛苦的。我聽過不少朋友說到﹐忙的時候固然辛苦﹐但有一點點忙的時候其實感覺是頗充實的﹐相反﹐如果太無聊的話﹐就更辛苦。坐在自己狹少的位子裡面﹐不停地扮有工作做﹐扮勤力﹐扮忙﹐其實很難受。

所以我早早就決定了不委屈自己 – 不扮忙 – even though 大隻咪就正正坐在我身旁。

但如此瘋狂地打 Blog, 上網﹐上 discuss 的日子﹐就算只是呆坐就有人發薪水給你﹐終究會忍受不住。既然我的職責擴大到盡亦不過如此﹐我選擇離開我心愛的溫室﹐離開這個又暖又舒服的溫室。

我這樣做﹐不但止不是勇氣可嘉﹐簡直就是膽小如鼠﹐因為若然我有遠見的話﹐應該一早就知道我不該浪費青春於此。

遞上辭職信的一刻﹐大隻咪沒有驚訝﹐亦沒有特別的挽留我。嘿﹐我猜他其實已經等我自己出聲很久的了﹐所以連挽留都沒有特別的挽留我﹐只說說若有其他事要著我的話﹐可以多留我多一個星期。嘿﹐一個星期﹐看我多麼的重要。

想必是我以往多個月來瘋狂上網﹐上 forum, 上 MSN ICQ, 上 yahoo 睇新聞, 上 yahoo 知識 + 和上 Wikipedia 太多了﹐他也忍受不了。

那多好﹐happy goodbye.

走下公司的樓梯﹐沒有特別感覺。沒有失去金錢來源的恐懼﹐或者是未懂得恐懼吧。

BB 要進院吊鹽水了

今朝早 Kevin 就帶左 BB 去番活道睇獸醫﹐獸醫話 BB 佢好虛弱﹐有營養不良同脫水的情況。我好奇怪﹐點解明明有飲電解水同埋食處方狗糧﹐都會出現呢個情況？

Kevin 一問之下﹐先知原來陳田家無人可以係屋內長駐﹐照顧 BB。我大吃一驚。 BB 尚屬年幼﹐每日都要食三餐﹐而且她還在病中﹐急需大量補充營養﹐更是須要吃每天三至四餐。但係原來陳田家族唔能夠為佢提供呢個 environment。所以 BB 越病越不好。

醫生說她的情況須要留院「吊鹽水」五天﹐唉。

渣甸坊 - 拖鞋貓

渣甸坊裡面有條女人街﹐有一間我勁鐘意食的忠記。差唔多我番咁耐工就食足佢咁耐﹐當正佢飯堂一樣﹐尤其係狂熱地打 Monster Hunter Portable 1 果陣。

忠記門外﹐有一檔賣拖鞋的檔口﹐裡面有這一隻貓。平時不常見﹐但今次趁牠走出來曬太陽兼午睡﹐立即偷拍。

BB 情況惡化

收到消息﹐話 BB 本來都好地地的﹐點知突然間變得咁差。差到連行路都無乜力﹐成隻狗都好虛脫咁的樣。

陳田漏夜帶左佢睇獸醫﹐但係基本上都係得番旺角先有 24 小時獸醫睇﹐但又﹐基本上好多旺角的獸醫都係昆水的。陳田同 BB 今次睇的﹐似乎都無例外。

但係唔好還唔好﹐錢都係一樣要照收﹐盛惠 $1400。唔講得笑。

其實本來就已經講好左今日就應該要去灣仔複診﹐只是﹐陳田話佢地兩個都無時間帶佢去複診﹐本來打算星期五或六先帶佢去睇﹐點知即晚就出事喇。

唉。

車品品 @ 大角咀

因為都諗住唔做落去﹐所以今日索性偷懶 (謎之聲：好唔要得呀d 人)。

一於就試下傳說中的「車品品」！ (Background 要震撼的 sound effect)

認識車品品﹐當然就係來自於開飯網﹐若然唔係﹐係大角咀的一間餐廳﹐再出名都唔關我事喇。以前地鐵奧運站未開的時候﹐更加係唔關我事喇﹐我連大角咀係邊度都唔知。

開飯網中的車品品﹐係長期的冠軍。不論係計淨笑臉的數目﹐定係計 笑臉：喊臉 比例﹐佢都係長期高企﹐連佢地內部的食家都話咁樣係奇景。

後來﹐近海傍的店子要關門了﹐過百名 fans 前仆後繼地湧向大角咀作個 last respect。更有不少網上食友拍抵照片﹐照片中的人龍長得像九七年前新盤開售的人龍一樣。當時我錯失了機會﹐以為就此沒有了。

劇情瘋迴路轉﹐深得人喜愛的老闆娘宣佈﹐重出江湖！新店位置埃華街 (各位港島人如果你咁都知係邊度的話真係要俾個「叻」字你)﹐我上次星期一晚係大角咀行到 PK 都搵唔到。個幾鐘頭之後﹐我放棄﹐打去 1083, 再打去問老闆娘。

老闆娘的笑聲果然係好甜﹐聽到人個心都甜晒﹐想跟佢一齊笑。但係佢話：「嘻嘻﹐唔好意思呀﹐我地星期一唔開架﹐嘻嘻﹐對唔住呀要你白走一趟﹐嘻嘻…」唔開………………………………我 XYZ ABC 123 你呀

好﹐講番今次的野食。

基本上呢﹐我都試左佢幾味招牌食品。但係唔知係咪期望過高﹐所以唔覺得咁好食。

基本上最大的問題﹐係佢無落添加劑。好少油﹐好少鹽﹐無味精﹐少豉油。好健康啦, Right?!

但係我覺得咁樣真係…太清啦。老實講我食唔慣。佢有好多野食我都係食慣重味的例如碗仔翅。碗仔翅係好足料﹐但係無乜味。車仔大雜麵係好足料﹐但係無乜味。雪梨茶係好香好好飲﹐但係無乜味。

所以唔怪得蘿蔔會跑得出。

蘿蔔係車品品眾多獲好評的食品當中﹐其中一樣最多人讚的。我食過﹐唔識分點先為之好食呀﹐無渣呀等等﹐淨係知道 – 好好食。可以叫多一大碟淨蘿蔔都無問題。因為係呢個咁清的味道底下﹐食蘿蔔就真係 fit 晒。

都算係「終於都食到」架。不過就唔係好大的 desire 咁囉﹐尤其係衣家試過之後。Anyway, 有機會的話我一定會再試的！

---===---

車品品
地：大角咀埃華街 92 號
(OK! 咁即係點去呢？拿！我就係MTR 奧運站 B 出口﹐行過對面 HSBC Building, 左轉落樓梯﹐直行過所有小巴總站﹐到公廁門前過馬路﹐直行過晒工廠車房(角祥街)﹐到第三個街口就係﹐車品品斜對面係好大間馬會)

電：2180-9655
價：$15-50@
格：超乾淨企理有心機打理的車仔麵小食檔
推介：蘿蔔﹐蝦子(超正)﹐魯肉餃
特色：看得出是很有心機的小店

Mario Kart Arcade GP 2

Copied from Fight Club

前幾日上 Fight Club 睇到話 Mario Kart Arcade GP 2 已經登陸旺角﹐於是放工的時候就立即去世貿睇睇 – 話晒世貿都係 Bandai Namco Group 的旗艦店﹐點會唔放番自己集團出品的大作呢？點知﹐無喎﹐空歡喜一場﹐妖 (謎之聲: 嘩…無得打機就咁爛口的d人)

今日﹐去到見到終於都出左喇﹐非常之興奮﹐於是癲左咁洗左成五十蚊﹐全部放晒落去煲 MK2!

真係好玩！好玩過 MK1!

不過……我真係覺得佢地好似無乜誠意咁﹐好多賽道都無唔同﹐而且好多道具呀﹐遊戲呀﹐都一模一樣的﹐等待多個月來的感覺﹐好似被騙咁。玩多陣﹐就無晒熱情。

BB 的第一天 (Part 1)

This is a very long day.

昨晚連夜執拾家中雜物﹐希望可以挖空一角﹐放置 BB 用的籠子。於是今天睡到十二點都不想起床。

略作梳洗﹐找了個公司用的 A4 紙箱﹐下舖毛巾﹐再找一個超大型的「玩具反斗城」的膠袋裝起﹐袋身應該夠高可以掩飾得到吧﹐要是 BB 不會突然間站起來或者吠叫的話都應該不會被人發現的吧。出發。

約好了 Kevin 於 CWB MTR 等。他的表情﹐是興奮和擔憂的交織之間﹐難以逐一拆解和閱讀。他見我步履輕盈﹐狀甚愉快﹐一點兒都不像「天將降大任於斯人」的模樣。

他問我「你不擔憂嗎？」

我答「這一刻沒有。」

不知為甚麼今天的天那麼的灰﹐那麼的暗。我的心情不是如此啊﹐能夠接她回家是一件是很開心的事才是呀。

天空下著毛毛細雨﹐我提著一個大膠袋﹐內有一個紙箱﹐紙箱裡面﹐是 Mark Mark 用過的舊毛巾。

---===---

愛護動物協會 (SPCA) 灣仔總部﹐牆身都是灰白或是灰藍色的﹐地磚都是一式的淺灰色。整個映像都沒有一點給予人「愛護」的感覺。

我並非苛求他們懂得用色之道﹐但起碼﹐不應該整個總部都活像一個「大酒店」似的。老實說﹐他們內部用的顏色跟寶福山的真的差不多。要是我來營運的話﹐必定會用暖色﹐哪怕弄出來的後果可能會像幼稚園似的。

由於 BB 並非待領養的動物﹐只是屬於 “Pending”, 所以我們只須要在樓下略等。

不一會﹐工作人員抱了BB 出來了。

噢﹐才不過四天﹐她的樣子已經變了少許哩。

我急不及待把BB 抱到懷裡﹐太高興了﹐也忘記了她還是個嬰兒﹐應該盡快用毛巾包好她讓她保暖。

「你認得我嘛﹐BB?」

她的腹部似乎不合比例地腫脹﹐應該是大量寄生蟲於體內繁衍的後果。手腳看起上來沒有問題﹐只是真的太瘦了﹐皮包骨。最初還有擔心她會不會如愛協職員所講﹐病得甚嚴重﹐但現在看起上來﹐又不是呀﹐OK 呀。

放她進紙箱之後﹐還經常想要爬出來﹐又望望我﹐又望望紙箱之外﹐好不活潑﹐說她周身病痛都難相信。

今天早上 Kevin 已經早早起床﹐四處打電話問不同的獸醫：愛協和 NPV (非牟利獸醫服務協會) 都 Full booking 了。其他獸醫都很 full, 或者是稍作檢查都要昂貴的收費。

到最後﹐我們嘗試到一間 SAA (保護被遺棄動物協會) 推薦的獸醫。於是我倆就從海邊走到活道的獸醫處。此處是沒有 Booking 的﹐只有排隊﹐感覺上好像是「輪街症」似的。醫生要三點半才開診﹐我望望時鐘﹐還有四十五分鐘。於是就坐在漆黑的候診室呆等。一邊等﹐一邊「把玩」BB ﹐她其實也很反斗﹐一直都想咬我手指頭﹐我當然不容許她如此啦﹐今日她還是巴掌大的﹐當然沒有甚麼問題﹐但他日BB 長大到老虎似的時候﹐還怎能讓她張口來咬？

剛坐下來的時候﹐我還想：「現在才不過兩點九﹐呆坐於此九個字﹐未免太久吧﹐不如出外走走。」但 Kevin 說我們就該安坐於此等候。未幾﹐就有一對夫婦帶著一對白臉松鼠狗入來﹐之後不久﹐又有多一位女子帶同史納莎進來。之後﹐求診者魚貫而入。幸好我沒有真的走開了。

到 3:20 的時候﹐姑娘從診症室走出來做準備功夫﹐那時候的人﹐多得連十分鐘的準備時間都不足夠﹐有很多站在門外的人連點名或者替寵物磅重的機會都未有﹐要再等第一輪寵物診症後才可。見此診所受歡迎至此﹐我不單感到一絲僥倖﹐僥倖自己沒有走開了﹐失去頭位﹐更感到安心﹐因為這一個「支持者」數目﹐讓我更放心把BB 交託於他們。

腸炎的症狀是腹瀉和嘔肚﹐沒有食慾。幼犬尤其容易感染到腸炎的病毒﹐若然感染到的話﹐情況會惡化得很快﹐而且致命率都甚高﹐是狗瘟以外最高死亡率的幼犬疾病。

一直以來﹐都見到BB 有類似腹瀉的症狀﹐讓我們都很擔心她會不會是腸炎。於是就趁這一個機會叫獸醫做檢查 – 儘管只是做一做這一個檢查都起碼要幾百元的收費。

檢查用一個類似驗孕的膠盒﹐滴一滴腸壁抽取的組織﹐看膠盒上的綠色點到最後是一點還是兩點。

雖然檢查只是等十數分鐘﹐但這十分鐘之外﹐就已經令我很緊張。萬一她真的感染腸炎﹐一來她的小命會岌岌可危﹐二來我的荷包亦會因為獸醫費用而岌岌可危。

獸醫低頭﹐默默地看著檢驗膠盒﹐無言。

我們靜靜地看著他。上一分鐘﹐他還在急急地用他難以聽得懂的英文解釋BB 的皮膚病是如何。下一分鐘﹐他就雙手支檯﹐低頭無語﹐看著膠盒。

我只希望最壞的不會發生。

“Negative.”

「啊~~~~~」我們倆都立即鬆一口氣。我簡直幾乎哭了出來﹐好不容易才忍著那幾滴因太感動而流的淚水。

聽見那一句清晰而肯定的 “Negative”, 是「BB 事件」發生而來我最感動的一件事。原來「放下心頭大石」一詞﹐不單止是生動﹐簡直是「栩栩如生」﹐我聽見醫生的那一句 “Negative” 的時候﹐簡直就聽見腳下就有巨石擊地「轟」的一聲﹐然後「一身鬆晒」的感覺﹐天上的黑雲都散開了﹐太陽出來了﹐鳥兒歌唱了。

我紅著雙眼上前﹐撫摸著一臉無知的BB﹐既對她說﹐亦對自己說：「無事喇﹐BB﹐無事喇。」BB 以「你好煩呀」的眼神回望﹐哈。

之後﹐醫生要替BB 打兩針。第一針還好﹐第二針醫生先說明會比較痛。話畢﹐手起針落。

BB 的慘叫聲震撼整個診所。

我站在她「一條手臂」的距離﹐安撫著她﹐首當其衝。她叫了大約五秒之後﹐我簡直有頭暈﹐耳鳴的感覺。早於公園拾獲BB 的時候﹐已經領教過她的「音波功」﹐但料不到的是﹐狗別四日刮目相看﹐高音音波功的功力又上一層樓。她的肺﹐應該有甄妮咁勁。如果她是人的話﹐應該不到三歲就能唱西洋歌劇。

走出來的時候﹐整個候診室都以極好奇又極奇怪的眼光望著我﹐和我懷中的BB。「原來就係佢叫到咁大聲」「嘩咩事呀」「佢叫到我係出面泊緊車都聽到呀」「陰公囉﹐實係好痛頂啦」「打針呀？嘩…使唔使叫到咁大聲呀」一個令人又尷尬又自豪的時刻。

姑娘說：「係鬼咁痛呀﹐佢「蛇粿」之嘛。」果然係閱狗無數的姑娘﹐一眼就眼穿﹐一句就說中。

於外面候診期間﹐其餘「病人」得知BB 身世﹐都不約而同地應為醫生通常都會為流浪貓狗或者是被遺棄的貓狗﹐給予八折 discount。付費時發現「市價」應該是六百元的腸炎檢驗竟變成 $320﹐即原價都不過是 $400。難怪那麼多人求診﹐我離開的時候﹐等候的人多得已經不單站到門外﹐連街上都是輪候的人。

-----=======--------
BB’s First Day (Part 2)

走出獸醫處﹐提著一個走私著幼犬的紙箱﹐左顧右盼地想辦法回家。雖然都是在港島﹐但這一趟路程該怎樣走就真的難倒我。香港就是這麼一個完全地 dog-unfriendly 的地方。除了上等人和緊急人專用的的士以外﹐其實所有的公共運輸都不准許貓狗乘搭。要麼就是電召客貨車 (白牌 van)﹐要麼就是的士。

幸好﹐我們還有「百無禁忌」的紅色小巴。但日間的紅 van, 絕對不是「亡命小巴」﹐而是「呆等小巴」。But anyway, it's ok.

診金都過千元了﹐我實在不捨得再乘的士。始終﹐每一分每一毫都是我「死慳死抵」的。別人都花天酒地﹐穿金戴銀﹐衣著光鮮的時候﹐我都控制著自己要忍﹐要慳﹐要省。

我這種剛出來社會打工的低下階層﹐薪金已經不多。突然間付出了千多元﹐之後的日子還有很多個千多元﹐若我還能大義澟然地告訴你我完全不介意﹐肯定是騙你的。多個月來的紀錄和統計﹐讓我知道我自己一個月的 Shopping + Entertainment都沒有一千元。

提著紙箱﹐還有提心吊膽的怕別人發現我帶著一隻小狗小巴而趕我下車﹐把膠袋拉得畢直的站起來﹐以圖蓋過前後左右的視線﹐更安排 Kevin 坐尾二排因為車輪位置而比較高的一排椅﹐防止有人坐了而居高臨下看見前面有個人「走私」小狗。

有驚無險地回家﹐反而變得很平靜。

回到家﹐老豆的臉色是預料中的差。我裝作看不見﹐直接把 BB 放到浴缸之中。放下不久﹐BB 開始撒尿。我們就放下水給她喝﹐給她膠箱做的床﹐給她很多毛巾保暖。

二少第一次看見她的時候的眼神﹐不難看得出他眼中的憐愛之情。眼神有時就是最能騙人﹐但其實大部份時間都暪不了別人的。

之後﹐我跟包公一樣黑臉的老豆交代一聲﹐就穿上還暖的鞋﹐再走出去張羅 BB 的用品。走多一回﹐真的太累了﹐我選擇在老麥坐下來休息一會。一邊暗想著為何自己的體能如此的差﹐另一方面想為甚麼接一隻小狗回家會勞心勞力至此。

粗略地休息過後﹐就隨隨便便地買了幾樣東西回家。他們都已經出外吃晚飯。Kevin 清洗籠子﹐我用手餵她吃獸醫處方的狗糧予她。

小狗的腸胃是很容易估計的﹐通常飯後就會想去大便。BB 的腸胃未完全發達﹐中間的 lag time 更加短。吃完不過一兩分鐘﹐就有大便的衝動﹐我們立即雞手鴨腳的放她到來不及蓋上報紙的大盤之中。

嘩！好一舊屎！

那一團大便﹐軟軟的深楬色的﹐體積大得驚人﹐足足身體三份之一的體積那麼大 – 試想像你自己排出你身體三份之一那麼大的大便﹐便知道那一種視覺上的震撼是多麼的強烈﹐而且﹐是稀爛的大便﹐還有寄生蟲在內！wow……

清理完她的大便﹐抹乾淨之後﹐就開始準備她的「電解水」。電解粉其實甚似我們人類飲用的寶礦力沖劑﹐或是得力素葡萄糖沖劑。果然﹐BB 喝下了比清水多很多的電解水。然後就放她回床上讓她休息…其實是讓我們休息。

就在這個樣候﹐之前於網上討論區的 potential領養者陳田出現。

陳田致電﹐說他可以今晚到達吉之島「相狗」﹐合眼緣的話﹐就會領養的了。於是﹐我們三個就快快樂樂的替她打扮一下﹐就到吉之島跟陳田一家見面。

陳田一家對 BB 的情況樂觀﹐因為他們之前聽見 BB 的情況其實是想像得她甚嚴重。但初次見面發現原來並不嚴重﹐喜出望外。

是次見面非常順利﹐回家途中我跟 Kevin 討論他們何時會接她走。話尤未畢﹐電話又響起﹐原來他們已經找到能照料 BB 的家人﹐所以可以當天晚上就接走她了。還有一小時多的時候﹐我們可以準備一下。

其實這一個消息真的甚為突然。始終﹐我沒有想像過領養者會那麼快就決定要了 BB﹐而且﹐昨晚我才不停地幻想著以後的日子要如何如何。霎時間﹐劇情卻發展成為第一晚都不能和 BB 一起過﹐未免太過大起大落。但既然初次見面就已經覺得他們應該可以勝任﹐打鐵趁熱的思想之下﹐就決定了。

現在回想起來﹐其實應該讓我們照顧好﹐才送過去﹐可能會比較適合。但此乃後話。

抱著 BB 的二少

於是﹐我倆就歡天喜地的回家﹐替她收拾細軟。然後﹐我拿出相機﹐家中每人都急於和她拍幾張照片﹐和她拍幾段 video﹐把握機會和她共渡每一分鐘。雖然相處的時間極短﹐但其實我已經開始捨不得她了。

抱著她那細小而虛弱身體﹐剎那間﹐覺得時間停頓了。

她從肚子深處發出嗚嗚聲和咕咕聲﹐不知道是不是有話想說。

從領養她﹐到不足十二小時之內﹐又要送走她﹐我的心情﹐反而沒有預期中的大起大跌。是因為心理準備做得太過足嗎？還是感情未建立夠時間去建立？

走下去的途中﹐急急地打電話叫 Wilson 從老遠的西灣河過來看看她﹐二少就急急地打電話叫媽子來。後來嘛﹐陳田的家見我們親朋戚友統統來齊﹐一行五人比他們還要多人的時候﹐真有點兒「始料不及」的樣子。

目送了 BB 的離去﹐稍稍鬆了一口氣。我的心理準備真的比我想像中「全面」得很﹐連送走她的一刻都沒有離愁別緒。還是﹐我和她的關係真是太膚淺﹐膚淺得挑動不起我的感情線？

BB, 祝妳永遠都幸福快樂﹐溫飽健康。

What is right, and what is easy

寫得真的很長﹐但句句皆真心真言。希望大家不會介意。

----====----

今日﹐是 BB 放在愛協四天觀察期的最後一天。愛協說﹐四天觀察期過後﹐要是 BB 還是有病的話﹐就不會收留 BB 的了﹐因為收留了她就會把病菌都傳染給其他留在 SPCA的貓狗。而不能收留她﹐做法只有兩個﹐要麼就是將她送回給我們﹐要麼就是送她到漁農署。

我也明白愛協和漁農署的困境。畢竟每日都有無良或無知的人﹐把數以百計的動物遺棄於街頭。以有限的資源去照料無限的棄養﹐能撐多久？

送她去漁農署的狗房的話﹐後果很簡單﹐要是十四天之內沒有人領養的話﹐就必然要被人道毁滅。

但有幾多人會到漁農署的狗房去領養狗隻呢？SPCA, SAA, HKDR 等等機構﹐尚且有「狗滿之患」﹐漁農署的狗房﹐連宣傳都沒有﹐怎可能會有更大的領養機會？而且那些狗房的衛生情況﹐是「預計之中的」。

十四天之期必然會很快就過去。甚至漁農署會不會誠誠實實的等十四天﹐還是一個未知之數。

那就是說﹐過了今天﹐BB 的命運﹐很可能到了盡頭。

剩下來的選擇﹐就是把BB接回家。但是﹐當日拾獲她的Kevin和我都沒有地方可以收留她。Kevin 已經得到父母的「肯定」 - 「肯定」不會接受她。他的父母﹐三番四次提他﹐BB 是一隻病狗﹐是一隻沒有人要的唐狗而已 (為甚麼要加「而已」兩個字呢？難道唐狗的生命不是生命嗎？)。

他父母更言明﹐要是他夠膽「抗旨」﹐他們倆必定會把BB 扔到垃圾桶﹐甚至從十幾樓的家扔出窗外。

他聽見之後﹐急得要死。最緊張BB 健康生死的是他﹐但是偏偏最不能在BB 最有危險的時候接她回來的﹐亦是他。

最後的希望就落於我身上。

我不知道我的父母會否准許我暫養她﹐也不知道二少能否幫我照顧BB﹐畢竟全家人都要上班﹐而BB 又是一隻生病了的幼犬﹐須要有人在身邊全天候式照顧。但事到如今﹐收到 Kevin 的 Desperate call, 都要說服說服家人。

因為公司實在太靜﹐而且所須要提到的事情都頗敏感﹐而且估計須要交代的事都甚多﹐或者須要說服的理由都比較長﹐所以說話都必然的多﹐為免騷擾到其他同事﹐或者被太多同事聽到而節外生枝﹐還是選擇了走出門口往下走多一層才開始打電話。

二少基本上非常爽快﹐問過了幾句照顧BB 的基本功之後﹐就已經一口答應。最記得我還有所猶豫的時候﹐他很有台型地拍拍心口答我：「唔好理咁多住喇﹐救左佢番來先啦！」一幅關羽張飛義薄雲天的模樣。是不是讀男校的男孩子都是如此溝通的？

但得到二少的襄助﹐只是三步之中最容易的一步。其餘的兩步﹐才是最難的。

我回到 office 之內回覆多一個 e-mail, 又走了出來打電話。捨難取易﹐我先打給媽子。
媽子基本上也是很有慈悲之心的人 – 畢竟一個虔誠信佛和拜觀音的人﹐心腸總不致於太狠。但是她提出了很多我一早已經想過﹐但是沒有去面對的問題。

「你話你養住佢先﹐但係我地屋企唔俾養架喎。俾人發現到的話會釘我地契架喎。」

「如果遲d 有人肯收留佢就最好啦﹐但係如果日子一日一日咁過去﹐隻狗不停地長大﹐變到好大隻又有番咁上下年紀的時候﹐都無人要佢的話﹐咁你點算？養埋落去呀？」

「養佢我無問題﹐但係我無時間養佢﹐你有無咁多心機養好佢？」

「到後來佢已經 attached to you 的時候﹐你捨唔捨得將佢送俾人養？」

她說的問題﹐其實﹐真的﹐我都有想過了。眾多的問題之中﹐我最怕的﹐其實是「時日過去﹐依然沒有人肯領養她﹐怎麼辦？」

那一刻的我﹐瑟縮在公司門外的一角﹐拿著手機﹐側著頭。很苦惱﹐我很苦惱。

也算是得到了媽的認可﹐我就掛線了。緩緩地沿著樓梯上爬﹐每一步的腳步﹐皮鞋與地磚的相碰之聲﹐都清晰響亮﹐四面的牆壁都反覆地推動著回音的前進﹐每一踏步都是提醒著我孤身一個。

回到 office, 人已經走得七七八八﹐其他人都在收拾東西準備離開。我默然走過。安坐在「大隻咪」旁﹐我手指無意識地在 keyboard 上彈呀彈﹐打呀打﹐製造聲音出來令他以為我在工作。

再過多一回﹐似乎我已經準備好了﹐鼓起勇氣﹐打最後一個電話。給老豆。

一如所料﹐他是先表面應允﹐然後百般刁難。

「佢病架喎﹐你俾咁多錢佢醫佢﹐好可能聽日就即刻好唔番﹐死左架喇喎。」

「佢病狗來架﹐若然佢的病菌傳染到我地﹐你負責呀？」

「醫佢要好多錢﹐又要好多時間係屋企照顧佢﹐你有時間架喇？(細佬幫手) 咁佢都要讀書架﹐佢要會考架嘛」

「我地屋企唔養得狗﹐你有無諗過萬一佢真係俾人發現左的時候﹐你點先？(我開始沒好氣﹐我說我會搬出去住) 你係先好呀。」

「你話養佢一陣﹐咁有人領養佢就最好啦﹐但係無人要佢的時候你可以點？一直養落去呀？你不如睇下有無其他人肯要佢把啦」

「養唔係問題﹐不過我唔會理佢架。同埋佢係唐狗來架﹐大隻左會好大隻﹐我地屋企都唔夠地方俾佢走動。」

「遲d 養落左﹐你又鐘意佢﹐佢又鐘意你的時候﹐你捨得將佢俾左人架喇？佢又會捨得你架喇？」

「到時你地的感情 build up 左的話﹐咪仲難收場﹐我寧願你依家斬釘截鐵狠下心腸好過。」

「到時佢大大隻咁﹐個樣唔再可愛﹐就更加無人會要佢﹐咁你可以點呢？又送番佢去愛協咩？咪又係死路一條。咁你攪咁多野養大左佢又係要送佢死﹐我寧願你依家忍心放佢走算。」

「我唔係反對你接佢番來呀﹐不過呢d 問題你真係要諗清諗楚先好攪呀。如果你盲目地接左佢番來先算的話就費事啦。」

每多聽一句﹐我的心就更往無底的深淵下沉。無言﹐掛線。

不理得自己是一身西裝﹐頹然坐倒在電梯前的樓梯間﹐抱著頭 (但沒有退後)﹐苦思。

若浪費了金錢醫好她﹐不論她會否長大到成年也好﹐到最後她還是要死的話﹐我還沒有這麼害怕。雖然﹐要知道獸醫的收費可要比人的昂貴很多很多﹐看一次獸醫要過千收費實屬等閒之事﹐簡直有如入場費。為一隻萍水相逢的唐狗BB 付出我辛苦賺來的薪水﹐怎樣看也是說不過去。

要為一隻沒有純種狗血統的唐狗付出醫藥費﹐有很多比我更有錢數十萬倍的人﹐都必定會反對。

要為一隻沒有市場價值的病狗﹐還要是唐狗﹐勞心勞力的話﹐有很多人會選擇用個膠袋把她焗死﹐然後丟掉到垃圾場去﹐乾手淨腳﹐一了百了。

要為一隻從天而降的棄狗做那麼多的事﹐是很多人都會寧願別過頭去﹐當作看不見的事。

但﹐一想到她的樣子﹐我真的做不出。

--==--==--

呆在辦公室的門前﹐四周的氣氛都很沉重。中央冷氣發出低沉的隆隆聲﹐雖低調平凡但每一響都是振動我的耳膜﹐我的心跳。我倚在欄上﹐呆呆出神地望著電梯口﹐心裡面反反覆覆的就是模擬著一個又一個最壞的情況 (Worst Case Scenario)。電梯一開一關的﹐四方八面的辦公室的門都又開又關的﹐人們都進進出出﹐在 Happy Friday 的時候以輕快的腳步離開﹐有的拖男帶女﹐有的背著球拍準備打球﹐有的提著小皮包準備 Shopping, 有的三五成群準備 Happy Hour。

我靠在一旁﹐空洞的眼睛望著他們﹐心裡惦念著自己所閱過所有的故事。太多太多了﹐有的故事是主人勉強在不能養狗的家養狗﹐最後被發現了﹐要麼就是遺棄養了多年的狗兒﹐讓她落得晚年悲涼流落街頭; 要麼就是主人為愛犧牲﹐搬到村屋或是其他可以養狗的家。

我想像到﹐BB 長大了就會變成一隻很可愛的可人兒。她會很喜歡我﹐每一次見到我的時候都擺著尾巴﹐大大的眼睛骨碌碌地看著我﹐期待我伸出手來﹐摸摸她身上淺棕色的毛﹐抱抱她長大了但柔弱的身軀﹐她就會很快樂的了。

要帶她出街走走的話﹐就要找一個很大的寵物袋﹐訓練BB 走進去﹐就像 Mark 一樣﹐然後﹐不管她是不是五十或是七十磅的肥婆﹐都背著她﹐小人蛇一樣的偷運至安全的地方﹐讓她走走﹐呼吸一下戶外空氣 (沒有「新鮮」空氣的這回事的了)。

星期六日的時候﹐就 call 白牌 van﹐帶她到西貢﹐或是山頂公園﹐人狗同跑步﹐齊齊日光浴。

我唱歌﹐又可以找她做聽眾。我發牢騷﹐又可以找她做聽眾。我作了一篇好文﹐又可以讀給她聽。我扮野﹐又可以找她做個不會取笑我的觀眾。

我抱抱她﹐又用雙手摸摸她的頭﹐從她的頸﹐一直掃到她的背﹐她的肚皮。她也許會「傻笑著」來享受吧。

--==--==--

可能我真的要為她付出我將來的青春﹐也許我真的不能夠去旅行﹐或者我真的每晚都要準時回家做重複又重複的俗務﹐也許一切都可能因為她而沉澱﹐也許我會某一夜因為不開心而怨她﹐也許我會怨自己為甚麼要怨她。

若然被人趕了出來﹐也許我就要跟她離家﹐自己找個很小或很遠的地方跟她住﹐應該會是九龍甚至是新界吧﹐港島甚麼都很貴。

也許我會在 Blog 中加幾個 Adsense 吧。唔……不如教 BB 怎樣用mouse, 她每天在家無聊的時候就幫我不停地 click Adsense 的連結。嘻嘻。

那會很悲慘嗎？Maybe 啦。實話實說﹐好好一個大男人在家躲在家玩狗不出去爭錢﹐by HK standard 是會遭人鄙視的。By HK’s judgemental standard 啦﹐我的意思是。

最簡單的方法﹐其實就是當作沒事發生過。讓愛協把 BB 送到漁記﹐然後一針送她上天堂﹐"The End".

這個方法﹐真可謂「乾手淨腳」。狠下心腸﹐當甚麼事都沒有發生過。狠下心腸﹐告訴自己要「現實一點」。

但, 我做不出。

回到辦公室坐位中的我﹐呆呆出神。仍在某大公司「拼出個未來」的美國佬﹐在一力獨撐九人工作量的同時﹐發個 G-Chat 過來。

「為了一隻小狗﹐值得嗎？」

---===---===---

身邊﹐其實每一個人都不樂觀。問過的人﹐其實都認為我勉強要養 BB 的話﹐未來將會很不明朗﹐甚至可能很悲哀。弄到如斯田地﹐值得嗎？

當你身處於重重迷霧之中﹐困惑於未來的路﹐對自己沒有信心的時候﹐其實是很難受的。

其實我真的很容易受到其他人說話的影響﹐很沒主見的。有時是出於怕出主意的膽怯﹐有時是出於怕承擔出主意後的責任﹐有時是出於對自己的沒信心﹐怕出來的主意其實爛得很﹐有時是怕出的主意會顯得自己很無知﹐之餘此類。

尤其當自己很迷茫的時候﹐特別渴望別人的意見﹐經驗﹐希望可以作明燈給我指示也好﹐作為提示給我參考也好。完全無掌握的事﹐我其實很怕。


其實, 我真的很怕。


每一個人都告訴我：你不可能的了。

每一個人都告訴我：放棄吧﹐這可以不是你的事。

每一個人都警告我：你簡直就是「拿屎上身」。

每一個人都告訴我：根本就不值得你的時間和金錢。

每一個人都告訴我：她會令你的將來很難過。

每一個人都嫌棄地說：唔好傻啦你

---===------===---

但這一次﹐我不知道哪裡來的勇氣。

我自己都想像不到﹐在這個關鍵的時刻﹐是誰的說話令我有信心下決定的呢？我回想﹐應該是自己的媽媽和阿 Wing。

阿媽﹐就是有著那一種奇怪但堅定的性格。說得好聽是堅定﹐說得不好聽是固執。不顧千夫所指﹐做自己想做的事。

而阿 Wing, 用自己的行動証明了「要相信自己﹐做自己」的格言。我從她的眼神﹐可以見到有很多人都應該反對過她一意孤行要到 Costa Rica 做無收入的義工。但從她臉上﹐我找不出一絲後悔和猶豫。

最後﹐推進我自己走最前一步的﹐其實是深深打動我的一句格言。

類似是：若你對其他人的意見統統都言聽計從﹐你只會變得和他們一樣的平凡普通。

再加多一句不知道甚麼時候聽過的說話﹐這句說話﹐後來找到了﹐原來是 Dumbledore 對 Harry Potter 說的 (也就是 J.K. Rowling 說的啦)

“There are dark days ahead, Harry, days when we will be forced to choose between what is right and what is easy.”

就是那一句 What is right and what is easy。

好人﹐永遠都比壞人難做。

---===---

我深深吸了一口氣﹐在一片反對聲中﹐選擇了 What is right.

---===----

原來

比想像中心安理得。

---===---

再滿滿的吸了一大口氣﹐輕輕的呼出來。
我致電告訴了他。再稍作執拾﹐緩緩走到銅鑼灣的街上﹐準備物色各種寵物用品。

知識是黃金, 所以沒有黃金就沒有知識

看似歪理﹐實是大條道理。

浪費了接近兩年的時間﹐很想回頭讀書。為「屎忽痕」也好﹐為自己投資也好﹐為逃避現實也好。

但原來﹐知識很貴。

最近 HKU 又 send 來 MSc in Urban Planning 的 program. 不算很吸引。但經驗教訓我﹐第一眼看見就覺得太吸引的﹐反而是假象。

Full time master program, $42,100 x 2 years. 失去兩年工作經驗和經濟來源。每個月除開等於要交大約 $3,600 學費﹐無 planning 底都唔慌做得 tutor。唔知要做幾多份 part time 先幫補得到。之後﹐未知自己會否畢到業﹐亦未知自己會否留在 urban planning field...白白浪費兩年 + $90,000

Part-time master program, $60,000 x 3 years, 絕對好過去搶。有工作有收入仲有排你挨。依家份工(同埋生活)咁無聊﹐我每個月都儲唔到 $5,000 咁多。要之後每個月都慳出 $5,000 just for the tuition fee 我諗我會想死。

你俾到張靚到飛起的沙紙我﹐又如何。

知識﹐原來這樣貴。

祝你幸福快樂....

(BB 女已經有人領養﹐不再挨冷挨餓)

三月十一日星期日於傍晚六時發現於葵芳﹐被發現時身體狀況良好﹐但有著涼跡象

淺啡色﹐估計是唐狗﹐女孩子﹐估計只得兩至三個月左右。

BB 起初很怕人﹐但一抱上手就立刻乖晒﹐仲係我懷抱中訓著左。

回到家後食得, 訓得, 玩得, 走得。

先前留在朋友家中暫住﹐現時在愛護動物協會灣仔總部﹐獸醫正在觀察她的情況。

唐狗果然係非常懂事﹐懂人性。走入廚房幾次都被我們抱出來﹐說「唔入得去架」﹐之後就已經知道要「繞道而行」。

要帶佢由葵涌出灣仔﹐偷運佢搭小巴。同佢講要靜靜地唔好嘈﹐如果唔係就大檸樂。果然佢安安靜靜地訓足全程﹐聲都唔聲下。

BB 非常友善﹐見到咩人都搖晒尾﹐撩你玩。抱到上手就軟晒﹐成隻挨係我身上取暖﹐可愛到極。

兩三個月大的狗兒﹐係對外間世界最敏感的時期﹐呢個時候略給予適當的訓練同教導﹐將會係一隻極好的寵物伴侶。


請注意 BB 極可能是唐狗﹐which means 她長大了將會是中型犬。大約是比柴犬稍大﹐接近成年的牧羊犬的體型。所以希望領養者家中可以有足夠的空間給予 BB。但 so far BB 的年紀始終太小﹐而且她是有甚麼血統我們至此亦無從稽考﹐所以她長大後的體型始終難有一個肯定的答案。

另外﹐由於 BB 尚屬年幼﹐未適合進行絕育手術。如有心領養者﹐請為 BB 的健康和她的安全著想﹐稍後帶她到獸醫處進行絕育手術。

詳情可以在此 contact 我。本已認識我真人的朋友同學們可以直接打我手機。

如果你未能領養 BB﹐亦請求各讀者幫幫手﹐將此消息 forward 給你的朋友聽﹐尤其是你認識有養狗的朋友。希望盡快有領養者出現﹐我們可以安排見面。

眾生本平等。

Tonkichi 日本吉列專門店@CWB

再講「終於都食到之乜乜物物」的話﹐可能會講到口臭(謎之聲：本來就臭架喇)﹐但係今次應該都算係「終於都食到」系列之一。

好﹐拿﹐我講喇﹐「我終於都食到 Tonkichi 啦！」~~~~YEAH!

----====----====----

大約係一兩年前啦﹐係我去開的世貿機舖樓下﹐就發現開左一間新的日本餐廳。無中文名的﹐日文我又唔識讀。食的全部都係炸野﹐唔係炸豬就係炸蝦﹐典型的日本吉列餐。睇一睇個價錢﹐貴到飛起。幾舊仔的吉列炸物﹐一碗飯一碗Miso 湯最多俾埋一小碟漬物過你﹐盛惠兩舊水。

嘩﹐兩舊水食一塊手掌咁大吉列豬扒﹐你無野呀。

當時諗﹐佢呢間野只可能係兩個局。一係就係騙局 – 即係唔值呢個價錢﹐一係就係富豪飯局。

點知﹐兩個局都唔係﹐原來係「唔食唔舒服」。

OpenRice 的食評一面倒傾向讚佢好食。我好奇怪﹐開業頭一年﹐我都見佢無乜人排隊﹐無人幫襯﹐同隔離的 Tony Roma’s 差唔多 – 一樣無乜生意。

口碑呢家野﹐一係就無乜﹐一有就通常都 exponentially 咁上。尤其係 OpenRice 普及化之後﹐好快呢間野就開始有人排隊。而我都係因為咁而知道呢間野叫做 「井吉日本吉列專門店」。

一直都躍躍欲試﹐但係$200@ 真係好~~多錢。

後來麗池第一富豪「落街見」發起「富豪吉列飯局」﹐咁我當然捨命陪君子﹐趁機會去試試啦。

呢一餐﹐食得超開心。埋單每人 175, 我唔知抵唔抵﹐我唔知值唔值。但我會盲目地再去食﹐係講到明會「盲目地」唔理佢幾錢都照番去食多次。

吉列系列﹐係超好食﹐好食到唔識講。我最鐘意的﹐係佢樣樣野的水準都很高﹐尤其是醬汁系列。

第二盤吉列一來到, 大家就喪搶！

(有人見我掛住影無得搶, 示烕式地造 V 手勢; 圖右側的「落街見」直頭懶得理你, 講多無謂, 極速鬼影夾埋你果舊...)

吉列食左豬扒﹐豬柳﹐蠔﹐大蝦。統統都好食﹐最好食係大蝦。用來點炸物的醬﹐分別有他他醬﹐芥末醬﹐同埋一個自己磨的芝麻混醬。方法是自己用木樁將芝麻磨成茸﹐再混入特製的醬。很好吃﹐如果不是那麼稠的話﹐會更好吃。

呢個就係芝麻 & 小木棒

像生菜絲的椰菜絲﹐是任食任添的。侍應會不時捧著一大盆椰菜來問你「要加點椰菜絲嗎？」﹐然後毫不吝嗇放一大堆在你面前。

配椰菜絲的有兩種汁﹐是柚子和紫菜汁。兩種汁都好好味﹐用來配椰菜絲或配同樣是任添任食的日本米飯都是一流的。

我們坐的是半隱蔽式的房間﹐沒有門的﹐感覺非常之 good.

總之我會再試啦。

----====----====----====----

Tonkichi 日本吉列專門店
地：CWB 世貿中心 4/F (可於 Esprit 處右轉搭電梯直上 P4 免卻多重escalator)
電：2577-6617 (好似無得 book 位﹐唔肯定)
價：$170 – 200@
格：中上價格日本菜﹐有大格可坐 6-8 人
推介：所有吉列﹐尤其是蠔
特色：日本飯 & 椰菜絲任食任添
備註：坐得甚舒服的闗係﹐似乎整個樓面的 turnover rate 一點都不大。Peak Hour 可能會等得更久(甚多人)。

終於都食過晒之最後一站 MOS Burger @朗豪坊

己經被咬了一口的帶子天婦羅珍珠堡

終於都食到。傳說中的 MOS Burger。漢堡旅程的最後一站。

星期五晚九點幾﹐應該食飯的人都已經食左﹐其他人都要番屋企準備訓覺聽日番埋半日工的時候﹐我鬼鬼祟崇咁約埋d 豬朋出去旺角 hea 下。見到 MOS Burger 少人排隊﹐立即試試﹐even though 要坐係露天位置天寒地凍仲要落埋雨﹐但難得少人排隊唔試唔心死。

廿蚊(超碼)一個包﹐未計汽水傻條。加汽水傻條要另外再加 $15﹐加汽水沙律另外再加 $20。都唔平﹐但係比起 Triple O’s 同 Burger King, 無得比。

我叫的是乜乜鐵板燒牛肉 rice burger﹐情不自禁地跟老麥的「牛肉飯tastic」比較。的確是 MOS Burger 的比較好食。但一分錢一分貨。朋友叫左「帶子天婦羅 rice burger」(佢地的米堡叫做「珍珠堡」﹐為免混淆視聽﹐我叫番佢做 rice burger, 雖然聽起上來無咁浪漫)﹐係全店單賣價最貴的一個堡。的確係好好食﹐燒汁好味﹐天婦羅唔脆但都好香(不過有人會認為叫自己做「天婦羅」但竟然唔脆等於呃秤)。兩個包都收貨。雖然成個餐的份量都勁細﹐$20 一個包都好似幾唔抵咁。

個沙律﹐可以唔食都唔會再特登俾多 $20。個傻條﹐佢話係厚切傻條﹐都幾厚的﹐可惜係我食的時候已經淋 Q 晒﹐如果係新鮮熱辣脆的話﹐肯定好味好多。

我飲南瓜湯﹐難飲到飛起﹐但唔飲又好蝕底﹐唯有落晒包黑椒想像自己飲緊煲過龍的「胡椒豬肚湯」。朋友飲抹茶牛奶﹐過得去。

吃過 McDonald’s, MOS Burger, Triple O’s and Burger King, 四大大眾化漢堡包比拼至此結束。(Triple O’s 都算大眾化?)

就店內環境﹐分店數目﹐食物份量﹐價錢﹐味道﹐質素﹐食物款式等等各方面而言﹐得出一個總冠軍。

而呢個總冠軍…….

就係……..

即係……

無錯…..

拿…..

即係咁….

大家唔好打我…..

總冠軍…..

係麥當勞。(雞蛋蕃茄如雨下般空襲過來 「哎呀﹐唔好打我呀﹐我都唔想架﹐哎呀﹐唔好呀……」)

你再睇多一次我頭先講的七大 criteria, 就會明架喇 (哎呀﹐唔好再打﹐我求你地….)﹐我都唔想架……但香港地事實真係如此。出年呢個局面會唔會有所改變﹐就不得而知喇。

--==--==--==--====-----=====

MOS Burger 旺角朗豪坊店
地：MK 朗豪坊 4/F 大平台Starbucks 隔離
電：3514-4301
價：$20-50@
格：室外/ 內快餐店
推介：乜乜燒牛肉 rice burger
特色：有丁點兒日本風味 e.g. 勁細的份量

LOST - John Locke - Speed Painting

給

在學素描的

你

過冷河

今朝好早﹐阿媽就過來拍醒我。你估佢問我野？「喂﹐今朝好凍呀﹐你夠唔夠被？夠唔夠暖？」

...唔夠就一早凍醒左喇...使乜你拍先醒喎...

今朝十一度咋喎

你大我咩十一度﹐我都不知幾暖。伸隻手出去 feel 下﹐我說我估大約十五度左右之嘛。再趕她出去。

一小時後起身﹐當場凍僵左。立即來個「臘腸卷變身」 - 將所有仍殘留著我體溫的被子﹐統統卷在身上﹐成條臘腸卷咁行出廳。

回到床上﹐臘腸卷伸出一手拿住手機﹐熟練地以單手拔除充電線﹐解鎖﹐1878200, 其他選項﹐開啟揚聲器﹐1 字選廣東話﹐收回冷得快要掉出來的手臂。一條巨型臘腸卷在床上。靜聽。

「上午九時﹐天文台﹐錄得氣溫﹐十一度﹐濕度....」

真係十一度呀。向來鐘意「作大」的媽子今次無昆水。光然大吾。

望著那條幾乎透光的黑色西褲﹐懊惱著自己為何一條冬裝西褲 (東張西望?!) 都不捨得買。打開衣櫃﹐找到一件沒有人認領的 fleece 外套, Bossini﹐我自初中之後都沒有買 Bossini。但 XXL 的 size, 全屋又只有我這個肥佬「撐得起」。誰買的？問均全家﹐無人認領。老實不客氣﹐我領養。

再找﹐找到一條 Puma 運動褲﹐外是 polyester 內是魚網的那種。「趕」寒交逼﹐不得已﹐穿在裡面「打底」﹐頂住先。將褲腳位置的拉鏈都拉好﹐還是怕走起路來會在褲腳位置「露底」。Anyway, Puma 都是黑色的﹐露了也不顯眼。整裝待發。Ready Set Go

走到街上﹐果然很冷﹐但我是第一次﹐在這麼冷的天氣底下﹐一點都不覺得冷。如來一直以來的差別﹐就是在雙腿。一直以來都沒有重視雙腿的保暖﹐上身穿多少都於事無補。雙腿一暖﹐和上身的暖﹐連在一起﹐就真的與別不同。

午飯過後﹐經飽餐和四處走走﹐「底褲」似乎變得 over 了﹐回到 office 乾脆到 washroom 爽快的脫掉。

天文台說明天已經是 13-17 度。後天更是 17-19度。今天的冷﹐恰好就是廣府俗語說的「過一過冷河」而已。

一期一會一人一票一分鐘決定

昨晚朋友飯局聚會﹐幸得朋友「記者朱」點醒﹐林一峰將會有一個類似「梁祝」的大 production 今日開始發售門票﹐才能成功搶票。

Lunch 過後﹐將信將疑的走到通利琴行﹐視線在放滿表演節目的小冊子上面遊走﹐都不見「一期一會」的宣傳片子﹐原來在櫃面。

不必細問﹐貼出來的告示表明最便宜的 $180 已經全部售罄。Oh dear. 再看。$280 的﹐所有晚場都已經售罄。Oh Dear! 現在不過是公開發售後的數小時 Only! 問問售票員﹐即使 $280 的下午場﹐亦已經坐得離台很遠。$400 的...實在是太昂貴。

猶豫不決﹐心緒煩亂﹐更覺得身後排隊的人群﹐似是用著極不耐煩的目光瞪著我。用了一分鐘打給另一朋友問他可有興趣。然後﹐買了兩張下午場的 $280。

快達票不愁沒生意﹐於是錢賺得越多越瘋狂﹐居然想出親身到櫃面買票﹐無論甚麼票都要收每張 $5 的手續費。不是每次交易﹐是「很公平」的每張 extra $5 !

我 DKLM HGC, 佢已經獨市架喇﹐仲要收d 咁「榨乾人」的錢。想點呀佢﹐政府出下聲好喎。

人要醒覺應要有點化

唔知發生咩事﹐近來對打 Blog 的興趣減低了。當然我依然是一名八公﹐喜愛到各方的好 blog 「拈花惹草」﹐閱過有感而發的文章還會打破沉默跳出 CD-Rom 的框框外﹐塗鴉兩句﹐到此一遊﹐乘機污染他人之所。

以前﹐或許會因為怕得不到共嗚﹐怕找不到知音﹐於是藉著自己的文字﹐向自己推銷自己﹐向自己訴苦。然後﹐有了 Internet, 懂得 online diary, 就重新投入訴諸文字的生活。後來﹐還有了 blog。還有有興趣而未做的 podcast.

但渠道越多﹐越發覺得思想被「抽走」得更快。從前一人一紙一筆﹐就寫出心聲。當時還可以慢慢來﹐手寫一個字﹐腦中已想好整篇文章的骨架。反正年輕時空閒時間多的是。

後來筆桿子變了 keyboard﹐「出品」速度有增無減﹐我打字起上來可快可慢﹐快的時候﹐想都未想好就隨隨便便的以文字填塞意思 – 當然無甚意義。

因為見到其他博客都每篇新奇﹐日日有貨﹐自卑感下不禁潛意識中逼自己追上「交稿」死線進度﹐才驚覺原來靠筆桿子撈飯吃的工作是很辛苦很沒味的。日寫夜寫﹐要麼就是才華洋溢天下難得﹐要麼就是我這麼「為趕而趕夠晒行」。

反正這是我地頭﹐我要怎樣就怎樣。管他有沒有人看。最初的原稿紙﹐本來就不是寫給被人看的嘛。

Ole 退休遊香港

好 Q 眼訓﹐長話短說。

Ole 退休。之前他應該已經去過多個 office, 他跟我們說過﹐最喜歡的城市就是香港。他尤喜歡拿香港和日本來比較。他說﹐日本很多地方都沒有英文﹐人民又普遍不懂得英文﹐禮貌是極好的可是他們根本就不知他想要甚麼。香港四處都有人懂英文﹐而且比較便宜﹐又有很多郊遊徑供他們兩夫婦一起遠足 (你幾時聽過一對六十過外的丹麥夫婦要來香港行山的？行足幾日喎！)﹐而且人也較大陸文明。

今次他退休後到香港旅遊順便「義助」HKG Office 一些事務。Lunch 時大家一起到陶源酒家吃飯﹐很美味﹐也沒有多提到公事 (但畢竟多多少少總有)﹐這才是一餐飯裡面最「美味」的。一檯同事有老有嫩﹐有 Senior 有 Junior﹐有人有鬼﹐竟然可以不提公事﹐這一餐飯當真人間極品。

他去的地方﹐大概是真的很「遊客」﹐所以我們都覺得奇怪.....可能是因為我們自己根本都不會有興趣去的了。例如：

上環海味街 (他問我為何每一店門前都有很多很大的龜殼﹐我介紹他吃「龜O膏」﹐他當然不敢吃)﹐

在廟街大排檔飲酒 (但甚麼都不吃)﹐

黃大仙廟和志蓮淨苑﹐

行山入石澳 (無錯﹐他說行兩三小時 only, "it's so relaxed and easy")﹐

還有去南丫島「看」別人吃海鮮 ("I think it looks so expensive" "You can LOOK through it's expensive? You're da man, Ole! They really are!")﹐

然後到鯉魚門吃海鮮 ("I arrived and looked at the place and I said 'No way I'm not going to eat in this place!'...but the food turned out to be surprisingly good...though expensive, really" 你都算識食)

仲有讚西貢風光如畫。

都幾識搵地方呀佢。

Well, anyway, 他退休了﹐我想我可能最後一次見他。除非我去歐洲的時候刻意到丹麥探望他吧。

銅鑼灣 壽司亭

天文學家早前生日﹐今日先有空能齊集「七星」同佢慶祝。天文學家話鐘意食日本野﹐銀行家就為佢選銅記「壽司亭」。

朋友聚舊﹐食物反而為次﹐一班人又吃又喝又叫囂才最爽﹐杯盤狼藉之間﹐吃過甚麼反而不是重要了。不好吃的﹐大家可以繼續吹水; 很好吃的﹐錦上添花﹐大樂也。

難說甚麼好吃﹐看照片吧。

---===---===---==-=-=-=-=-=-=-==-------======

壽司亭
地：CWB渣甸坊京華中心 4/F (由屈臣氏內不停上 escalator 到頂)
電：2577-6020
格：中價式日本新派餐廳
價：$130-170@
推介：唔記得
特色：唔覺得有